استشارة

[مشكلتي]

حبيت نستشيركم لاني اثق في ردودكم الطيبة..انا نحب شخص من بعيد لبعيد يعني منعرفش اذا كان يبادلني نفس الشعور و الالا بصح ياناس خزرتو و كلامو ) ماتفهموش معنى اخر لطافة حديثه و اهتمامه لا غير ) هما لدارو فيا هكا و طمعوني هذا الشخص كان عندوا محل تجاري وكنت نروح ليه كشما نشري حوايج عجبتني اخلاقو و روحوا الطيبة فيه صفات جذبتني ليه حتى صرت نتمنى يكون هو مكتوبي المهم هو الان غير المحل نتاعوا و عاد في جهة خرا و هاذي الجيهة خاطية طريقي و حشمت نزيد نروح ليه نخاف يفهم اني مهتمة بيه و حاباتو مع العلم اني كي كنت نطول مانروحش ليه يسالني علاش مش نجي كان يقولي نحب نشوفك بصح كي عاد يحب يشوفني علاش يخليني معلقة مع انو هو ناس ملاح و متدين يعني مش نتاع علاقات او ماشابه و حتى انا خاطيني هذا الشي ... كي نشوف فيه نقول راني عاجباتو حتى انو مرا سالني ان كنت مخطوبة و الا لا مانقولكمش قداش طمعني ههههههه الله يسامحوا ودركا راني معلقة بين عقلي و قلبي الي حاب يشوفوا.......... كي حكيت قصتي لصحبتي قالتلي اقفزي يالفحلة المكتوب وقفزة معاه ها قولولي واش رايكم ؟؟؟؟؟؟

[فارس الجزائري]

السلام عليكم
خيرا إن شاء الله
أختي الكريمة لا نستطيع أن نلومك على ما تشعرين به فهذا أمر طبيعي وكلنا معرض لذلك
ولكن
ستلومين نفسك أكثر وستمرضين نفسيا وجسديا إن لم يتم ما تفكرين به بالشكل الذي ترغبين به
لذا
عليك أن تبقي في منزلكم معززة مكرمة محافظة على شرفك وسمعتك أقول شرفك وسمعتك لأنهما رأس مالك وإن ضاعا ضاعت حياتك ومستقبلك يوم لا ينفع ندم
هذه الصفات التي ذكرتها عن هذا الشاب لا تكفي لوحدها حتى تقولين عن هذا الشاب أنه فعلا على خلق
ينقص أمر مهم وهو صفة الرجولة ولن تظهر هذه الصفة مالم يتقدم إليك بصفة رسمية وهو رافع رأسه يريد الحلال
حينها وحينها فقط نستطيع أن نقول أن هذا الشاب رجل بما تحمله هذه الكلمة من معنى وحينها فقط تستطعين أن تقولي أنه بالفعل يستحقك
لذا اسعي من أجل الحفاظ على نفسك قبل سعيك وراء رغبة قد تتحول الى وهم
لا تنزلي على عرشك الذي في بيت والدك إلا عندما تتأكدين أنك ستتحولين الى عرش آخر في بيت زوجك
بالتوفيق إن شاء الله