c urgent lah yahfadkoum

[wissamcamo]

khayatatna chatrine goulouli kifach ndir lourli fi ketane bizou bizou habletni lmachina ghi fi hada lketane tgata3li lkhayet min fadlkoum c urgent

[ام هالة شهرزاد]

ديري الجورنال او البلاستيك اختى باش تتحكمي فيه وكي تكملي قطعيه

[wissamcamo]

ديري الجورنال او البلاستيك اختى باش تتحكمي فيه وكي تكملي قطعيه
chokrane ya okhti rabi ya3tik ma tetmenaye dok nroh nseyi hata hsebt machinti khasra salaktini

[ام هالة شهرزاد]

امين يا ربي ما عليش اختي حتى انا القماش الاستيك تغبني لكن ندير هادو زوج حوايج

[ali rida]

ربي يوفقك...

[wissamcamo]

امين يا ربي ما عليش اختي حتى انا القماش الاستيك تغبني لكن ندير هادو زوج حوايج
walou mabghach tani lkhayt rah yetgata3

[زهرة الهضاب 19]

فعلا كيما قاتلك الأخت ....الجرائد (الجرنال) و لا البلاستيك من المفروض تمشيلك عادي ....

و كاين أقمسة لازم كي تكوني تخيطي تجبدي القماش ....

انت جربي و ان شاء الله ربي يسهل .....

سلام

[ام هالة شهرزاد]

ديري الجورنال من التحت ومن الفوق وخيطي

[ام تاقي]

اختى اعملي la vesline وخيطى او هناك لاصقة خاصة لعمل الكفة راح تكون سهلة عليك وما يكونش عندك مشكل

هى عبارة عن شريط يلصق بالحديد ثم تطوى الكفة نتاعك وتحدى مليح راح يلصق دون تعب واذابغيتى من بعد فوتى عليها بالماكينة

[زهرة الهضاب 19]

walou mabghach tani lkhayt rah yetgata3

بالاك راكي مزيرة بزاف الخيط .......ريقلي La tension du fil و شوفي ...ان شاء الله تمشيلك .....

[wissamcamo]

sahitou dok nzid m3aha w ngoulkoum

[wissamcamo]

اختى اعملي la vesline وخيطى او هناك لاصقة خاصة لعمل الكفة راح تكون سهلة عليك وما يكونش عندك مشكل

هى عبارة عن شريط يلصق بالحديد ثم تطوى الكفة نتاعك وتحدى مليح راح يلصق دون تعب واذابغيتى من بعد فوتى عليها بالماكينة
goulili okhti hadi leska tetba3 au metre wela kifach

[fatma1977]

أنا نقلك روحى جيبي كاغط الى نخدمو بيه البترون وقصيه شرائط عرض 3 سم ومن باعد ديري شريط من فوق والاخر من تحت وففليهم باليد باه تقدرى تتحكمى في الروبة ومن باعد وسعى في طول الغرزة أو النفدة وارخى خيط الشد من فوق الى يكون فوق الابرة بالضبط ويكون فيه النابض وسعى بالك ولازم تكونى تخيطى وانتى مرتاحة ومش مشغولة راهى الماشينة تقولى تحس عليك كي تكونى زعفانة تزيد بالزائد فى المشاكل ديالها.

[fatma1977]

صحيح الفزلين نتاع الرفية يتباع عند الى يبيعو حرج الخياطة بالصح لازم تحدديه مليح باه مايتحلش وكى تغسليها إستحفضى عليها فى النشير باه ما يخسرشي اللصة نتاعو وكى تشيح حدديها ترجع كيما كانت ولا ديريلها السرفلاج من تحت عند خياطين السوق حنا عندنا يخدمولك المتر ب30د ج

[فرح العمر]

بدلى الابرة لان رقم الابرة يلعب دور

[wissamcamo]

أنا نقلك روحى جيبي كاغط الى نخدمو بيه البترون وقصيه شرائط عرض 3 سم ومن باعد ديري شريط من فوق والاخر من تحت وففليهم باليد باه تقدرى تتحكمى في الروبة ومن باعد وسعى في طول الغرزة أو النفدة وارخى خيط الشد من فوق الى يكون فوق الابرة بالضبط ويكون فيه النابض وسعى بالك ولازم تكونى تخيطى وانتى مرتاحة ومش مشغولة راهى الماشينة تقولى تحس عليك كي تكونى زعفانة تزيد بالزائد فى المشاكل ديالها.
walah ghir sah habletni ya3atik saha 3la nassiha mai walou mamchatch

[ايناس10]

اختي ربما تكمن مشكلتك انك مزيرة لاتونسيو او الابرة غير موالمة تقدر تكون راسها مجروح او مددبب او مكسر ونتي مش متولهتلها
انا ماشينتي كانت متخيطش بيزو بيزو وبعض انواع القاطيفة وهبلتني حتى نصحوني نديها لليخدم لماشن والله من هذا الوقت ونا نحمد ربي وندعيلو الان تخيط كل حاجة ماشاء الله عقبال ماشينتك

[ام هالة شهرزاد]

واه اختي فريفي لاتونسيو ..بدلي لبرة ..شوفي البوبين نتاع الخيط اذا يدور اليز بدلي كانت ججربي وعاودي اختى ووسعي باااالك باش تتحل المشكلة وردي علينا

[basma bas]

اختي جربي جرنال غير من الفوق او غير من تحت جربي كل الطرق في طرف صغير وربي يوفقك

[safroucha]

السلام عليكم
أختي العزيزة ديري فوقه الفازيل الرقيق وحديه (fer à repasser) وخيطيه وقصي الزائد.أنا مجربة الطريقة هده.الله يوفقك.

[wissamcamo]

ya3tikoum saha khwatati mai hadi l machina à jeter mabghatch hata chrit hadik li telsak bel hdid w la machine hada nediha l kach wahed ya3raf w khlas w sahitou