هل هذه مواصفات مرأة جزائرية؟؟

[هشام 12]

[quote]السلام عليكم

السؤال الاول- اخي الكريم هل انت جزائري حقا
اذا كنت جزائري حذ حقيقة المراة الجزائرية
قبل زواجي كنت ادرس اخرج من البيت و ارجع مساءا و في بعض الاحيان تكلمني امي او احد من اخوتي و يقولون لي اذا كنتي في طريقكي للبيت احضري معكي كذا و كذا ( بعض الحضار او بعض المشتريات ) هل في هذا حرج اي انهم يطلبون مني التسوق اين يكمن العيب هنا؟؟؟؟ و لي يكن في علنك لديا ثلاثة اخوى كلهم يكبرونني سنا ووالدي اطال الله في عمره و الحمد لله ربوني احسن تربية ليس انا من يقول و لكن بشهادة الناس
المهم
لا اراه عيبا و لا عار ان تخرج المراة للتسوق او للحلاقة او حتى لي قاعة تشرب فيها الشاي مع صديقة لها هذا لا يعني انها تركت في البيت زوجها او اخوها او والدها يغسل الاواني هذا مفهوم خاطئ
او انك تفضل ان تخرج بالخفية و عوض ان تلتقي مع صديقة في صالة شاي تلتقي مع صديق
و بعد زواجي مكثت في البيت و زوجي عامل يخرج صباحا و يعود مساءا اي انني انا اخرج في فترة الصباح ادهب الى السوق اشتري بعض الخضر و مستلزمات البيت و ارجع الى بيتي اتظفه و اخضر لي زوجي اطباقه المفضلة
و عندما زوقني الله بالاولاد كالعادة زوجي يذهب الى عمله و انا اخذ اولادي بالسيارة الى الروضة .... و الخ اين هو العيب هنا
و اغلبية النساء الجزائريات لهن نفس المنهاج الذي اتخذه انا
ملاحطة بسيطة اخي الفاضل ( عندما تغلق على المراة الابواب و تحبسها بين جدران البيت لا تنتظر منها خير اي عندما ترى ثغرة مفتوها تخرج منها و تخيل انت الباقي )اي انها كانت محبوسة و خرجت ماذا تتوقع
هذه العقلية التي تتكلم عنها انت اليوم هي عقلية خاطئة مئة في المئة و نتيجة هذه العقلية ضهرت اليوم في الجامعات الجزائريا
لا اعمم فهناك الكثير الكثير من الشريفات الطاهرات و لكن يوجد بعض من الفتيات اللواتي كن من المدرية الى البيت على طول و ضغط الاهل و الاخوة عليهم لا تدهبي لا تتحركي لا تفعلي ....الخ هذا ضغط
و عندما دهبو الى الجامعات بعيدا عن الاهل و نتيجة الضغط منذ الصغر نرى البلاوي و العكس صحيح
اخي اعد حساباتك في نضرتك الى المراة الجزائرية الفحلة بغض النظر عن غسل الاواني زوجي ياتي منهك من العمل اغسل له قدماه و اقدم له ما لذى و طاب و اتركه يرتاح و يلعب مع اولاده و انا في المطبخ هذه هي المراة الجزائرية ] /quote]

الموضوع مقتبس من مشاركة إحدى العضوات الجديدات
هل هذه هي مواصفات المرأة الجزائرية؟

[فتـ حييةـاة]

هذه مواصفات المراة الجزائرية الطايوان مش الدوريجين

[~ام ~م~خ~أ~]

هذه ليست مواصفات المراة الجزائرية مئة بالمئة وأنا أفضل قول -المراة المسلمة-
الخروج للسوق لا بأس للحاجة،أخذ الأطفال للروضة مقبول لكن بالسيارة يعني هي السائق لاااااااااا،الصديقة مرحبا بها في بيتي(وانا نحضر لها الشاي من عينيا) أما في المقهى وإن كان في مكان عام مستحيييييييل،‏‎ ‎التحرر عندها حدود والكثير تجاوزا هذه الحدود،أما ما نراه يحدث في الجامعات وغيرها فيعود للتربية أولا ثم أصدقاء السوء،اما حجة الضغط فهي حجة أقبح من الذنب

[هشام 12]

أخت آمال راني معاك بالصح راه تغسل قدمي زوجها شكون اللي تعملها في وقتنا
راه مساعداتو لاخر الله يبارك

أخت فاطمة الأساس هو التربية والضغط -راني متفق معاها- يولد الانفجار لكن لازم التربية من الاول والصح وين والغالط وين
لأنو كما يقال كل ممنوع مرغوب لذلك التوعية لازمة

شكرا على المرور بارك الله فيكم

[فتـ حييةـاة]

بصراحة انا الكلام ماعجبنيش وفيه تناقض كبييييييير المهم مش هاذي المراة الجزائرية الفحلة وخلاص كيفاش هذا مرا عندها راجل حي طول وعرض وتروح للمرشي تخير الخضرة البعض يسمي هذا تقدم وانا نشوف بلي مافيها ولا ذرة تقدم و+ من وينتا قاعات الشاي يروحلها النسا اللي برجالتهم انا اللي نعرفو اذا بغات مرا تشرب شاي مع مرا تجيها لدارها ويديرو براد اتاي يجمعو عليه ساعتين اذا بغاو


تخيل تجي للدار ماتلقاش زوجتك تتصل بيها تقولك راني في قاعة الشاي الفلانية مع صاحبتي ؟؟؟؟غرييييييييييييييب

واذا جيت انا راجل نقوللها غير احكمي الدار رجليا نغسلهم روحي صحيتي

[هشام 12]

بالصح الرجل مشغول ومن الضو للضو تقعد هي نهار كامل وهي تستنى فيه
اما قاعة الشاي راني معاك فيها

بالصح مازلت حاير علاش ما عدناش عادة غسل الزوجة لقدمي زوجها؟؟
هل هذا عيب ولا راه طبيعة الجزائري انو ما يحبش الذل
واعتذر خرجت على الموضوع بالاك

[CéSaR_Dz]

بنت الفاميليا ماكانش ضرك وقليل وين تلقاها هنا

[~ام ~م~خ~أ~]

أخ هشام راني معاك انا ضد الضغط تماما ولذلك قلت انه مانراه سببه التربية وأصدقاء السوء (ديري هذي...وجربي هاذي..وانت ماراكيش عايشة....الخ)لكن حجة الضغط ليست جحة كافية بل هي حجة واهية......أما غلق الباب على الفتاة ومنعها من الخروج تماما فلا أضن أنه موجود في وقتنا أتعرف ما هو الضغط بالنسبة لبعض الفتيات أن تطلب منها لبس الحجاب وستر نفسها مثلا فهي تسمي هذا ضغط

[~ام ~م~خ~أ~]

بصراحة انا الكلام ماعجبنيش وفيه تناقض كبييييييير المهم مش هاذي المراة الجزائرية الفحلة وخلاص كيفاش هذا مرا عندها راجل حي طول وعرض وتروح للمرشي تخير الخضرة البعض يسمي هذا تقدم وانا نشوف بلي مافيها ولا ذرة تقدم و+ من وينتا قاعات الشاي يروحلها النسا اللي برجالتهم انا اللي نعرفو اذا بغات مرا تشرب شاي مع مرا تجيها لدارها ويديرو براد اتاي يجمعو عليه ساعتين اذا بغاو


تخيل تجي للدار ماتلقاش زوجتك تتصل بيها تقولك راني في قاعة الشاي الفلانية مع صاحبتي ؟؟؟؟غرييييييييييييييب

واذا جيت انا راجل نقوللها غير احكمي الدار رجليا نغسلهم روحي صحيتي

‎بارك الله فيك...والله غي عجبني كلامك خاصة النقطة الاخيرة...ألو وين راكي راني في قاعة الشاي....مليحة هاذي....بصح مانجمش نتخيلها!!!!!!‏‎

[هشام 12]

شكرا لك أخي على المرور
بنات الفاميليا كاينين بالصح قلال

أخت فاطمة هناك عائلات مازال يمارس فيه الضغط غير المدروس وإلا لما رأينا هذا الشيء الموجود في الجامعات
صحيح التربية هي الأساس لكن حتى الضغط يلعب دور وانظري ماذا يحصل في الجامعات والاقامات الجامعية
ربي يهدي ولا يدّي

[عُضو مُحترم]

ماشكيتش وحدة تخرج من داره

ا لقاعة شاي

باش تقصر مع صحبتها

مُحال

[ام نسمة]

موضوع مهم انا اعتقد انو ادا حرجت المرءة للتسوق مافيها حتى عيب ادا كان الزوج مشغول او ما يعرفش ايخير السلعة المليحة مثل المرا وزيد ادا اخدت اولادها للروضة بالسيارة وين المشكل مادام انها اتسوق غير في لافيل ادي انا اختي طبيبة ومشاء الله عليها متربية وجايبة روحها من جميع النواحي وعندها سيارة اتسوقها غير في المدينة ما تخطرش وحدها ابدا لكن ما انا ضده او بمعنى اصح هو ضد الفطرة ان تجلس المرءة في قاعات الشاي والمقاهي مند متى كانت هاته الاماكن للنساء صاحبتي على عيني وراسي اتجي عندي للدار وبين قوسين هدا رءي عام بالنسبة لي بعد الزواج ابدا مادخلتش امرءة غريبة لبيتي على اساس الصداقة واش من علقلة اتدخل حية لدارها انا مانحبش الصاحبات راجلي مانخليه ايشوف حتى وحدة اجنبية وفي دارو وزيد انا الي جايبتها جامي وعقلية غسل الرجلين للزوج مازال الخير موجود صراحة انا لن اعترض ابدا لو طلب مني زوجي هدا لكن هو مايحبش انا في دارنا مرت اخي تغسل لاخي رجليه وما فيها حتى مشكل كامل انحبوها لانها متواضعة وخادمة جيدة لزوجها حتى لا اطيل عامة افضل مبدء لاتكن لينا فتعصر ولا قاسيا فتكسر والسلام عليكم

[amina2688]

لا الله الا الله محمد رسول الله
تقبلوا مروري
شكرا

[هشام 12]

أحسن النية أخي عضو محترم أمزح فقط لكن هذه الأشياء قادمة لمجتمعنا وسنرى النساء في كل مقهى قريبا

الأخت زهور الفل الرجل يجب أن يجعل زوجته ملكة في بيتها لا أن تشتري له هي الخضر والفواكه وهو واش يعمل اذا كان مشغول يدير حسابو

شكرا لك اخت أمينة

شكرا لكم جميعا على المرور بارك الله فيكم

[fati1988]

و عليكم السلام ورحمة الله وبركاته
انا مع رأي صاحبة الرد ...و قرأت اغلب الردود و كانت ضد الفكرة .. يا اخي انا مقتنعة بحاجة وحدة "تربـــية البنت واخلاقها وقبل هاد الشي خوفها من ربي " الي يمنعها من عمل حاجات تغضب ربي سبحانه ... يعني علاااااش حنا الجزايرين نحسرو مفهوم البنت المتربية هي لي قاعدة فالدار و ما تخرجش وووو ... انا نحكي عن نفسي الحمدلله ثم الحمدلله ثم الحمدلله محافظة عن نفسي و على اخلاقي في بلدان الناس راني مغتربة ومستقلة عن اهلي وعايشة حياتي هنا مثل ما نحب و مسؤولة عن نفسي ولكــن عمري ما درت حاجة لي تغضب ربي او اهلي عارفة واش عليا وواش لا ... نعم انا راسلني اهلي باش نقرا ولكن نفس الوقت عايشة حياتي برضا ربي عليا اعطوني سببب مقنع انو حرااااااام او عيــب البنت تروح للكافي معا صحباتها للترفيه عن نفس او للداراسة ؟؟ وين الغلط في الموضوع اذا البنت تسوق سيارة ؟؟ وين الغلط البنت تتغرب حتى تقرا و وتاخد شهادات عليا حتى تفرح اهلها؟؟ ونرجع ناكدلك خويا هااااااد الشي كلو مترتب على تربية البنت واخلاقها و فرض شخصيتها في تعامل مع الناس ... راني في بلاد فيها الاجناس و الاديان مختلفة لكن والله ولا مرة من 5 سنين لي عشتهم هنا تعرضت لمضايقة او معاكسة من طرف اي حــد.. لاني من اول عام عرفت كيفاه نحدد معاملتي مع الناس ... ممكن وجهة نظري مختلفة لاني ما عشتش في جزاير و ما حتكيتش معا الناس بزاف ...بصح نظن في كل مكان كاين الخير والشر غير الواحد يعرف كيفاه يمشي حياته بما يرضي الله ... واسفة عن الاطالة

[fati1988]

ماشكيتش وحدة تخرج من داره

ا لقاعة شاي

باش تقصر مع صحبتها

مُحال



لا حول ولا قوة الا بالله ...... والله يا اخي راك غااااااالط بزاف مازال كاينة البنت المتربية ,, مازال كاين البنت لي تخاف من ربها قبل من العباد ,, مازال كاينة البنت العفيفة الي حابة الحلال من عند ربي ... لا يا اخي في البنات تحب تروح للكافي حتى تلتقي معا صحباتها او من اجل اجتماع للداراسة او استخدام الانترنت وهاد الشي عااااادي ما فيه حتى عيب او احراج للبنت ..

بالمناسبة انا نحكي بما اني مغتربة في بلد اجنبي ,, وحتى لا تقولو هادي بلد اجنبي وعادي عندهم ,,, انا عايشة في بلد عربي خليجي والحمدلله ماكانش هادي المشكلة ... في الجزائر الله اعلم بما اني ما عشتش هناك و مانيش عارفة مليح عقلية الناس ..

[امينة 1991]

لا يجوز للمرأة ان تذهب للسوق وتتزاحم مع الرجال ولا يجوز لها التدافع مع الرجال في الحافلة هذا ما اوصانا به سيد الخلق رسولنا الكريم عليه الف صلاة وسلام اصلا لايجوز للمرأة الخروج من البيت الا في الضرورة القصوى . هذه هي الحقيقة التي تزعجكم والتي لا تودون الاقتناع بها اذن شئتم ام ابيتم وانا امرأة اخرج يوميا لكي ادرس في الجامعة لكنني بداخلي رافضة خروجي من المنزل لانني اضطر يوميا ل...............................الخ عجز لساني عن التعبير

[ليان.]

لا يجوز للمرأة ان تذهب للسوق وتتزاحم مع الرجال ولا يجوز لها التدافع مع الرجال في الحافلة هذا ما اوصانا به سيد الخلق رسونا الكريم عليه الف صلاة وسلام اصلا لايجوز للمرأة الخروج من البيت الا في الضرورة القصوى . هذه هي الحقيقة التي تزعجكم والتي لا تودون الاقتناع بها اذن شئتم ام ابيتم وانا امرأة اخرج يوميا لكي ادرس في الجامعة لكنني بداخلي رافضة خروجي من المنزل لانني اضطر يوميا ل...............................الخ عجز لساني عن التعبير
فهمي روحك....قانعة ولا ماش قانعة....وكي عدتي ماش قانعة بطلي القراية وتهناي



بالنسبة للموضوع انا معاك يا اخي 100 بالمئة وين راهو المشكل في خروج المراة لقضاء امورها ولا هذا عيب وحرام....والله غير تقولولي يعني الزوج يخاف على مرتو اكتر من باباها و والديها....مانظنش... ويخي هاد البنت كانت تقرى وتخرج وتشري امورها الشخصية وحدها ومانظنش وحدة فيكم خاصة انتوما اللي راكم تقولو مالازمش تخرج..مانظنش وحدة فيكم ماخرجتش ولا ركبت الحافلة ولا راحت للسوق تقضي اشياءها ......بصح نقولكم وينهوا المشكل ......حنا ناس خاضعين لقوانين المجتمع
درك نفسر
سؤالي موجه ليكم خاصة انتم نساء ورجال واللي راكم تقولو باللي المراة مالازمش تخرج .....علاش؟؟...الدين يقول هاكدا؟؟ اوكي ....بصح نراهنكم لاكان فيكم واحد ماعندوش اخوة بنات قراو ويخرجو كل يوم ويركبو الحافلات ويروحو للسوق لقضاء حاجياتهم....ياترى تخافو على زوجاتكم اكتر من اخوتكم.؟.... ولاتخافو على زوجاتكم اكتر من ماكانو يخافو والديكم على اخوتكم ؟......اكيد مستحيل......حتى انت اللي راكي تقولي المراة مالازمش تخرج ياترى والوالد تاعك ماكانش يخاف عليك كي كان يخليك تخرجي للدراسة وتقراي وتركبي الحافلة؟؟؟
انا نقولكم المشكل وين ؟.....حنا الرجل تاعنا يهمو المجتمع وهدرة الناس اكتر من اي شيء ...يعني المهم مايقولوش الناس زوجة فلان تخرج ......لازم يقولو زوجة فلان مانشوفوهاش خلاص من الدار ماتخرجش...هادا مايهمو....... والدليل اختو ماعليش تخرج بصح زوجتو لااااا مستحيل ويقولك الدين اللي يقول هكا .....تسما الدين يقول هاد الشيء غير في مرتو.....وكاينة حاجة تاني ...انا متاكدة باللي بنتو غدوة كي تكبر رايح يخليها تخرج وتقرا وتركب الحافلات وتروح للسوق تقضي امورها....هادا شيء اكيد....
ياترى فهموني هاد الراجل اللي متخبي في غطاء الدين كيفاش يخمم.....ولا انتوما اللي راكم تقولو في هاد الشيء....... فهموني...

[هشام 12]

و عليكم السلام ورحمة الله وبركاته
انا مع رأي صاحبة الرد ...و قرأت اغلب الردود و كانت ضد الفكرة .. يا اخي انا مقتنعة بحاجة وحدة "تربـــية البنت واخلاقها وقبل هاد الشي خوفها من ربي " الي يمنعها من عمل حاجات تغضب ربي سبحانه ... يعني علاااااش حنا الجزايرين نحسرو مفهوم البنت المتربية هي لي قاعدة فالدار و ما تخرجش وووو ... انا نحكي عن نفسي الحمدلله ثم الحمدلله ثم الحمدلله محافظة عن نفسي و على اخلاقي في بلدان الناس راني مغتربة ومستقلة عن اهلي وعايشة حياتي هنا مثل ما نحب و مسؤولة عن نفسي ولكــن عمري ما درت حاجة لي تغضب ربي او اهلي عارفة واش عليا وواش لا ... نعم انا راسلني اهلي باش نقرا ولكن نفس الوقت عايشة حياتي برضا ربي عليا اعطوني سببب مقنع انو حرااااااام او عيــب البنت تروح للكافي معا صحباتها للترفيه عن نفس او للداراسة ؟؟ وين الغلط في الموضوع اذا البنت تسوق سيارة ؟؟ وين الغلط البنت تتغرب حتى تقرا و وتاخد شهادات عليا حتى تفرح اهلها؟؟ ونرجع ناكدلك خويا هااااااد الشي كلو مترتب على تربية البنت واخلاقها و فرض شخصيتها في تعامل مع الناس ... راني في بلاد فيها الاجناس و الاديان مختلفة لكن والله ولا مرة من 5 سنين لي عشتهم هنا تعرضت لمضايقة او معاكسة من طرف اي حــد.. لاني من اول عام عرفت كيفاه نحدد معاملتي مع الناس ... ممكن وجهة نظري مختلفة لاني ما عشتش في جزاير و ما حتكيتش معا الناس بزاف ...بصح نظن في كل مكان كاين الخير والشر غير الواحد يعرف كيفاه يمشي حياته بما يرضي الله ... واسفة عن الاطالة
أخت فاطمة سفر المرأة وقيادتها للسيارة فتاو فيها العلماء وراهي باينة في السفر لازم محرم وراك تعرفي أحوال الاقامات الجامعية
ما نعرف عندكم في الغربة كيفاه لكن راه تحرر كبير والأغلبية راهي راحت فيها وربي يهدينا لما فيه الخير
لا حول لله ...... والله يا اخي راك غااااااالط بزاف مازال كاينة البنت المتربية ,, مازال كاين البنت لي تخاف من ربها قبل من العباد ,, مازال كاينة البنت العفيفة الي حابة الحلال من عند ربي ... لا يا اخي في البنات تحب تروح للكافي حتى تلتقي معا صحباتها او من اجل اجتماع للداراسة او استخدام الانترنت وهاد الشي عااااادي ما فيه حتى عيب او احراج للبنت ..

بالمناسبة انا نحكي بما اني مغتربة في بلد اجنبي ,, وحتى لا تقولو هادي بلد اجنبي وعادي عندهم ,,, انا عايشة في بلد عربي خليجي والحمدلله ماكانش هادي المشكلة ... في الجزائر الله اعلم بما اني ما عشتش هناك و مانيش عارفة مليح عقلية الناس ..
أختي نقولو لا حول ولا قوة إلا بالله وقولك "لا حول لله" فيه نفي الحول عن الله وهذا لا يجوز
هذه الأشياء اللي رانا نحكو عليها منافية للإسلام والله أعلم لأنها تشبه بالغير ودعاوى للتحرر وكأن الاسلام قيّد المرأة
يعني لو نرجع بالزمن قليلا هل كان من الطبيعي أن تجلس امرأة في مقهى مع صديقتها؟؟ في وقتنا أصبحنا نستهين بأشياء وصار الحرام عاديا

بما أنك في بلد خليج كاش فيزا لخوك ههههه
ربي يوفقك أختي

[امينة 1991]

[QUOTE=ليان.;9789414]فهمي روحك....قانعة ولا ماش قانعة....وكي عدتي ماش قانعة بطلي القراية وتهناي








لا يهين المرأة الا المرأة انا لوكان بقات فيا نجيب الباك ونقعد في الدار لكن عندي سبب يخليني نروح ننذل في الجامعة راني نقرا علاجال بابا هذا ماكان اما انا مارانيش سايبة نتقابل مع الي يسوى والي ما يسواش فهمتي ولا نزيد نفهمك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:rolleyes::rolley es::rolleyes:

[امينة 1991]

وزيد اذا انتي راكي قابلة تنهاني وتتطابعي مع الرجال فانا ضد .وكل واحد حر في التعبير عن رايه ربي عطالنا حرية التعبير وبوتفليقة راه دايرها فالدستور من حق كل مواطن جزائري التعبير عن رايه بكل حرية

انا اتبع ديني وهو الاسلام , قولوا عني معقدة متشددة ....................الخ ذلك لا يهمني انا مسلم اذن انا موجود وقولوا عني ما تشاؤون احترم اراءكم ولكن لا تهمني ولا تهز فيا شعرة

[هشام 12]

لا يجوز للمرأة ان تذهب للسوق وتتزاحم مع الرجال ولا يجوز لها التدافع مع الرجال في الحافلة هذا ما اوصانا به سيد الخلق رسونا الكريم عليه الف صلاة وسلام اصلا لايجوز للمرأة الخروج من البيت الا في الضرورة القصوى . هذه هي الحقيقة التي تزعجكم والتي لا تودون الاقتناع بها اذن شئتم ام ابيتم وانا امرأة اخرج يوميا لكي ادرس في الجامعة لكنني بداخلي رافضة خروجي من المنزل لانني اضطر يوميا ل...............................الخ عجز لساني عن التعبير
أتفق معك في كثير مما قلت والفتاة المتمسكة بدينها تعاني كثيرا إذا ما خرجت من بيتها للدراسة في الجامعة وأحيانا تكون رافضة لذلك لكن ضغوط الأهل
وربما الخوف على مستقبلها ايضا
شكرا على المرور بارك الله فيك
فهمي روحك....قانعة ولا ماش قانعة....وكي عدتي ماش قانعة بطلي القراية وتهناي



بالنسبة للموضوع انا معاك يا اخي 100 بالمئة وين راهو المشكل في خروج المراة لقضاء امورها ولا هذا عيب وحرام....والله غير تقولولي يعني الزوج يخاف على مرتو اكتر من باباها و والديها....مانظنش... ويخي هاد البنت كانت تقرى وتخرج وتشري امورها الشخصية وحدها ومانظنش وحدة فيكم خاصة انتوما اللي راكم تقولو مالازمش تخرج..مانظنش وحدة فيكم ماخرجتش ولا ركبت الحافلة ولا راحت للسوق تقضي اشياءها ......بصح نقولكم وينهوا المشكل ......حنا ناس خاضعين لقوانين المجتمع
درك نفسر
سؤالي موجه ليكم خاصة انتم نساء ورجال واللي راكم تقولو باللي المراة مالازمش تخرج .....علاش؟؟...الدين يقول هاكدا؟؟ اوكي ....بصح نراهنكم لاكان فيكم واحد ماعندوش اخوة بنات قراو ويخرجو كل يوم ويركبو الحافلات ويروحو للسوق لقضاء حاجياتهم....ياترى تخافو على زوجاتكم اكتر من اخوتكم.؟.... ولاتخافو على زوجاتكم اكتر من ماكانو يخافو والديكم على اخوتكم ؟......اكيد مستحيل......حتى انت اللي راكي تقولي المراة مالازمش تخرج ياترى والوالد تاعك ماكانش يخاف عليك كي كان يخليك تخرجي للدراسة وتقراي وتركبي الحافلة؟؟؟
انا نقولكم المشكل وين ؟.....حنا الرجل تاعنا يهمو المجتمع وهدرة الناس اكتر من اي شيء ...يعني المهم مايقولوش الناس زوجة فلان تخرج ......لازم يقولو زوجة فلان مانشوفوهاش خلاص من الدار ماتخرجش...هادا مايهمو....... والدليل اختو ماعليش تخرج بصح زوجتو لااااا مستحيل ويقولك الدين اللي يقول هكا .....تسما الدين يقول هاد الشيء غير في مرتو.....وكاينة حاجة تاني ...انا متاكدة باللي بنتو غدوة كي تكبر رايح يخليها تخرج وتقرا وتركب الحافلات وتروح للسوق تقضي امورها....هادا شيء اكيد....
ياترى فهموني هاد الراجل اللي متخبي في غطاء الدين كيفاش يخمم.....ولا انتوما اللي راكم تقولو في هاد الشيء....... فهموني...
أختي الفساد موجود ولا أحد ينكره لكن ليس هو ما نقيس عليه
يعني أنا أختي متبرجة نقول للناس نحو الحجاب؟؟
كلامك غير منطقي بالمرة
الله يقول "وقرن في بيوتكن" وهذا على خير النساء نساء النبي صلى الله عليه وسلم فما بالك بنساء المسلمين
يعني في رأي المرأة تقعد في بيتها إذا اضطرت للخروج للشراء أو شيء من هذا القبيل تخرج بحجابها وحيائها مش مثلما نرى اليوم غزو منظم للأسواق وتكاد لا ترى رجلا في السوق

شكرا على المرور بارك الله فيك

[ليان.]

[quote=ليان.;9789414]فهمي روحك....قانعة ولا ماش قانعة....وكي عدتي ماش قانعة بطلي القراية وتهناي








لا يهين المرأة الا المرأة انا لوكان بقات فيا نجيب الباك ونقعد في الدار لكن عندي سبب يخليني نروح ننذل في الجامعة راني نقرا علاجال بابا هذا ماكان اما انا مارانيش سايبة نتقابل مع الي يسوى والي ما يسواش فهمتي ولا نزيد نفهمك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:rolleyes::rolley es::rolleyes:
يا سلاااااااام ......وعلاش اللي راكي تقابلي فيهم برا ما يسواوش؟؟؟؟؟؟؟؟؟؟؟؟؟؟ يا بنتي حتى هوما ولاد ناس وعائلات ...ولا غير انت الملاك اللي فالدنية والناس اكل شياطين.....شيء يحير .....مانعرف انت صح هاك ولا......المهم لا علينا .....نقولك ....كي تخرجي برا ديري قبة زجاج وامشي فيها ....بالاك هكا خير....

[هشام 12]

وزيد اذا انتي راكي قابلة تنهاني وتتطابعي مع الرجال فانا ضد .وكل واحد حر في التعبير عن رايه ربي عطالنا حرية التعبير وبوتفليقة راه دايرها فالدستور من حق كل مواطن جزائري التعبير عن رايه بكل حرية

انا اتبع ديني وهو الاسلام , قولوا عني معقدة متشددة ....................الخ ذلك لا يهمني انا مسلم اذن انا موجود وقولوا عني ما تشاؤون احترم اراءكم ولكن لا تهمني ولا تهز فيا شعرة

ربي يوفقك أختي وأدرك معاناتك ومعاناة كل فتاة متخلقة وسط هذا الفساد الموجود
راني معاك في كل كلامك
بارك الله فيك

[ليان.]

وزيد اذا انتي راكي قابلة تنهاني وتتطابعي مع الرجال فانا ضد .وكل واحد حر في التعبير عن رايه ربي عطالنا حرية التعبير وبوتفليقة راه دايرها فالدستور من حق كل مواطن جزائري التعبير عن رايه بكل حرية

انا اتبع ديني وهو الاسلام , قولوا عني معقدة متشددة ....................الخ ذلك لا يهمني انا مسلم اذن انا موجود وقولوا عني ما تشاؤون احترم اراءكم ولكن لا تهمني ولا تهز فيا شعرة
و وشكون قالك روحي تتطبعي مع الرجال

[fati1988]

أخت فاطمة سفر المرأة وقيادتها للسيارة فتاو فيها العلماء وراهي باينة في السفر لازم محرم وراك تعرفي أحوال الاقامات الجامعية
ما نعرف عندكم في الغربة كيفاه لكن راه تحرر كبير والأغلبية راهي راحت فيها وربي يهدينا لما فيه الخير

أختي نقولو لا حول ولا قوة إلا بالله وقولك "لا حول لله" فيه نفي الحول عن الله وهذا لا يجوز
هذه الأشياء اللي رانا نحكو عليها منافية للإسلام والله أعلم لأنها تشبه بالغير ودعاوى للتحرر وكأن الاسلام قيّد المرأة
يعني لو نرجع بالزمن قليلا هل كان من الطبيعي أن تجلس امرأة في مقهى مع صديقتها؟؟ في وقتنا أصبحنا نستهين بأشياء وصار الحرام عاديا

بما أنك في بلد خليج كاش فيزا لخوك ههههه

ربي يوفقك أختي


بارك الله فيك اخي على تنبيه ... لا الحمدلله مغتربة مع اخي و بالنسبة للاقامة الجامعية هنا مختلفة تماما عن الجزائر الحمدلله اللامان و سيكريتي في كل مكان حتى كاميرات المراقبة في كل بلوك من الاقامة ... وبالنسبة لي يسافروا و يتخلوا عن دينهم معاك حق فيها انا نسمع هنا عن العرب كيفاه يتبدلو بصح ماشي كل النااااااس نفس الشي افهموني في هادي نقطة هههههههه مش كل الناس تتاثر بيها ... كيما قتلك انا عايشة في بلد عربي والله عادي البنت تجلس مع امها واخواتها في كافي لتغير جو وكسر الروتين ... صدقني اذا قتلك انا اهلي متشددييييييين في امور معينة و وامور ثانية لا خاااااصة من ناحية طلب العلم ... وربي يهدينا جميعا ... و على موضوع الفيزا راهي غي هيا مرحبا بيك ههههههه

[ليان.]

أختي الفساد موجود ولا أحد ينكره لكن ليس هو ما نقيس عليه
يعني أنا أختي متبرجة نقول للناس نحو الحجاب؟؟
كلامك غير منطقي بالمرة
الله يقول "وقرن في بيوتكن" وهذا على خير النساء نساء النبي صلى الله عليه وسلم فما بالك بنساء المسلمين
يعني في رأي المرأة تقعد في بيتها إذا اضطرت للخروج للشراء أو شيء من هذا القبيل تخرج بحجابها وحيائها مش مثلما نرى اليوم غزو منظم للأسواق وتكاد لا ترى رجلا في السوق[/center]


شكرا على المرور بارك الله فيك

والله سؤالي ليك يا اخ هشام ونتمنى تجاوبني بكل صراحة.....
انت غدا كي تصبح عندك بنت و نشالله ربي يرزقك الدرية الصالحة وادا كانت عندك بنت ربي يعيشهالك ويكبرهالك في طاعتو....
انت غدوة كي تكبربنتك وتصبح في السن الدراسة ...يعني تصبح شابة وتقرى وتتنقل من اجل الدراسة او حتى اشياء اخرى .....
السؤال هو.....يا ترى تخليها تخرج ولا لا؟؟ ....يا ترى تخليها تركب الحافلات ولا لا؟؟؟؟ ولا تخليها فالبيت ومن الدار ماتخرجش؟؟؟؟؟
نتمنى تجاوبني بصراحة

[امينة 1991]

[quote=امينة 1991;9789691]
يا سلاااااااام ......وعلاش اللي راكي تقابلي فيهم برا ما يسواوش؟؟؟؟؟؟؟؟؟؟؟؟؟؟ يا بنتي حتى هوما ولاد ناس وعائلات ...ولا غير انت الملاك اللي فالدنية والناس اكل شياطين.....شيء يحير .....مانعرف انت صح هاك ولا......المهم لا علينا .....نقولك ....كي تخرجي برا ديري قبة زجاج وامشي فيها ....بالاك هكا خير....

عفوا ما فهمتينيش قلت الي يسوى والي ما يسواش يعني كاين ناس ملاح ماشاء الله وكاين ناس... والعياذ بالله و كان لازم تقوليلي كي تخرجي ديري جلباب يسترك ماشي زجاج الزجاج شفاف يعني لوكان تغطى بيه نبان وانا مارانيش ملك انا بشر عادي

[فتـ حييةـاة]

لا يجوز للمرأة ان تذهب للسوق وتتزاحم مع الرجال ولا يجوز لها التدافع مع الرجال في الحافلة هذا ما اوصانا به سيد الخلق رسولنا الكريم عليه الف صلاة وسلام اصلا لايجوز للمرأة الخروج من البيت الا في الضرورة القصوى . هذه هي الحقيقة التي تزعجكم والتي لا تودون الاقتناع بها اذن شئتم ام ابيتم وانا امرأة اخرج يوميا لكي ادرس في الجامعة لكنني بداخلي رافضة خروجي من المنزل لانني اضطر يوميا ل...............................الخ عجز لساني عن التعبير

كيما قالوا السوريين يسلم تمك والمصريين يسلم بأك والجزائرين يسلم ذاك الفم اللي قالها :19:

[هشام 12]

أخت ليان
انا بنتي تقرا لما يكون هناك احترام
التربية هي الأساس
لكا تكون الفتاة متربية وحدها تتوقف عن الدراسة وكم من بنات توقفن عن الدراسة بسبب موقف بسيط أو قناعة وصلن إليها
ابنتي إن شاء الله إذا لم تطلب أن تتوقف فسأتركها تكمل دراستها لكن أبدا لا أرضى لها أن تركب في هاته الحافلات أو تسافر إلى ولاية أخرى
ندير على جالها سيارة نوصلها مع إني ضد دراسة الفتاة في الجامعة لأنها ما بقاتش جامعة فسدت وراحت فيها ومنا لـ 2030 إذا كانت عندي بنت إن شاء الله يحلها ربي


شكرا لك أختي ...

[ليان.]

[quote=ليان.;9789928]

عفوا ما فهمتينيش قلت الي يسوى والي ما يسواش يعني كاين ناس ملاح ماشاء الله وكاين ناس... والعياذ بالله و كان لازم تقوليلي كي تخرجي ديري جلباب يسترك ماشي زجاج الزجاج شفاف يعني لوكان تغطى بيه نبان وانا مارانيش ملك انا بشر عادي
اها....ديري جلباب وفوقو قبة تاع زجاج.....حماية ...ماتدريش..............علاش انت ماكيش مدايرة جلباب؟؟؟؟؟؟؟؟؟؟؟؟؟؟؟؟؟؟

[امينة 1991]

و وشكون قالك روحي تتطبعي مع الرجال

اذا انتي عندك سيارة انا ما عنديش وانا نقرا في الجامعة يعني لازم نطبع في الكوس باه نروح نقرا لكن انا ما نطبعش نبقى انا التالية كي يخلاص التطباع نطلع واقفة ونجبد روحي:19:
اسفة اختي اذا ازعجتكي بحديثي ورأيي لكن هذه انا :o, واعلم ان لكي راي وانتي متمسكة به احترم رايكي والسلام عليكم ورحمة الله تعالى وبركاته.

[امينة 1991]

[quote=امينة 1991;9790286]
اها....ديري جلباب وفوقو قبة تاع زجاج.....حماية ...ماتدريش..............علاش انت ماكيش مدايرة جلباب؟؟؟؟؟؟؟؟؟؟؟؟؟؟؟؟؟؟

ياك قتلك الزجاج شفاف مايقدرش يحميني , يحميني ربي فقط .لالا انا ماشي دايرة جلباب تطمني انا دايرة حجاب عادي لكن اتمنى ان تكون لديا شجاعة وجرأة لارتداءه بالفعل يشرفني ذلك .

[ليان.]

اذا انتي عندك سيارة انا ما عنديش وانا نقرا في الجامعة يعني لازم نطبع في الكوس باه نروح نقرا لكن انا ما نطبعش نبقى انا التالية كي يخلاص التطباع نطلع واقفة ونجبد روحي:19:
اسفة اختي اذا ازعجتكي بحديثي ورأيي لكن هذه انا :o, واعلم ان لكي راي وانتي متمسكة به احترم رايكي والسلام عليكم ورحمة الله تعالى وبركاته.
يابنتي ...نقدرو نركبو الحافلات بلا مانطبعو..... ونقدرو نروحو نقضيو امورنا بلا مانطبعو......علاش كلشي نفسروه من جهتو السلبية......
وعليكم السلام ورحمة الله وبركاته

[ليان.]

[quote=ليان.;9790413]

ياك قتلك الزجاج شفاف مايقدرش يحميني , يحميني ربي فقط .لالا انا ماشي دايرة جلباب تطمني انا دايرة حجاب عادي لكن اتمنى ان تكون لديا شجاعة وجرأة لارتداءه بالفعل يشرفني ذلك .
اللي يسمع هدرتك يقول ماش غير دايرة الجلباب........دخت في هاد المنتدى .....دخت

[هشام 12]

علاش غير اللي لابسة جلباب مسلمة
كاين حجاب واسع ومش شرط جلباب باه ندافعو عن قناعاتنا
وبارك الله فيك

[امينة 1991]

سلامة راسك الاخت ليان انا ما نطبعش بصح لوكان تروحي للجامعة وتشوفي التطباع تقولي راهم يتطابعوا باه يدخلوا للجنة يعني كي تتفتح باب الكوس تقولي باب الجنة انفتحت ويتطابعوا بنات مع ذكور واحيانا يتفاتنوا .........الخ المهم اعتذر منكي اذا سببت لكي ازعاج .والسلام عليكم ورحمة الله تعالى وبركاته

[امينة 1991]

كيما قالوا السوريين يسلم تمك والمصريين يسلم بأك والجزائرين يسلم ذاك الفم اللي قالها :19:

الله يسلمك الاخت امال وصلتني رسالتك وقريتها شكرااااااااااااااا لكي عزيزتي علاذاك قررت .............شكرا لكي نصيحتي كانت من جمل او بذهب :19:

[ليان.]

سلامة راسك الاخت ليان انا ما نطبعش بصح لوكان تروحي للجامعة وتشوفي التطباع تقولي راهم يتطابعوا باه يدخلوا للجنة يعني كي تتفتح باب الكوس تقولي باب الجنة انفتحت ويتطابعوا بنات مع ذكور واحيانا يتفاتنوا .........الخ المهم اعتذر منكي اذا سببت لكي ازعاج .والسلام عليكم ورحمة الله تعالى وبركاته
وشكون قالك ماشفتش التطباع تاع الجامعة رانا اكل قرينا فالجامعة و5 سنين وانا فيها وماش شرط عليا نطبع وخلصت والحمد لله هادي مدة .....انت المهم ادرسي ...انت رحت باش تدرسي.....ادرسي وفقط....يعني مالازمش نشوفو الاشياء من منظور ضيق.....والاشياء اللي راكي تحكي عليها ماراناش نشوفو فيها فالجامعة فقط راهي تقريبا في كل مكان بصح الانسان يقدر يحفظ كرامتو وقدرو بلا مايهرب من الامور ....يعني ادا انا شفت اشياء مش جيدة فالجامعة مش معناها اني نتوقف على الدراسة ونقعد فالدار .....يظهرلي العلم احسن......ببصاطة الانسان يقدر يحفظ كرامتو وماهيش حكاية تطباع على قولك

[امينة 1991]

علاش غير اللي لابسة جلباب مسلمة
كاين حجاب واسع ومش شرط جلباب باه ندافعو عن قناعاتنا
وبارك الله فيك

يعطيك الصحة اخي الكريم كلامك من ذهب بارك الله فيك

[اريج16]

لفة انتباهي شيء انت تتحدثين بصفة المراءة لكن في بياناتك الشخصية مكتوب ذكر !!!!!!؟؟؟؟

[اريج16]

نساقسيكم مامعنى التطباع ؟؟؟

[عُضو مُحترم]

نساقسيكم مامعنى التطباع ؟؟؟

التدافع اثناء ركوب الحافلة

حين يلتف الساق بالساق

و تلتصق الاجساد عمدًا من البعض

[غصون الاسلام]

السلام عليكم اخي

في بادئ الامر اود ان اشكرك على طرحك لهذا الموضوع و الذي يعد من المواضيع الهامة التي تعترضنا في الحياة اليومية

و بخصوص المرأة الجزائرية في هذا المنظور الذي طرحته يمكنني القول انه هناك زوجات و نساء جزائريات يفعلون ذلك......يمكن أن لا تكون فيها كل هذه المواصفات او تتوفر فيها ذلك

و هذا راجع لعدة اسباب..............يطول شرحها

و فيه ايضا نساء جزائريات متزوجات و رجال يرون في هذا نوع من اللاانضباط و اللانظامية عن العادات و التقاليد المتعارف عليها هنا في الجزائر

لا الدين و لا الشرع حرم المرأة من الخروج بل قال من الافضل لها أن تقعد في بيتها

و لم يمنعها من العمل

و لم يحرم عليها الخروج

..............................................
و لفت انتباهي امر و هو أن هل يقصد هنا بقاعات الشاي بـ salon de thé اللي راهم بعضهم الآن محرمين على العائلات الجزائرية أو قاعات الشاي اللي العائلات و الناس العاديين يروحولها


الناس هنا هي اللي راهي تحرم و هي اللي راهي تحلل............

.................................................. .................................................. .........

و في الاخير نقول المرأة الجزائرية معيارها الوحيد هي أنها جزائرية حتى و لو خرجت و قرات و عملت أو قعدت في الدار أو ساعدت زوجها على تحمل اعباء البيت أو لم تساعده

و الله اعلم


بالتوفييييييييييييييييييق

[~ام ~م~خ~أ~]

‎أخ هشام اضن أن العائلات لي راك تقول مازال يمارسوا الضغط على بناتهم ومايحلوهمش يخرجوا ما نضنش يسمحولهم يروحو للجامعة لأنه الكل يعرف واش راه صاير في الجامعات روح لدوار و قول الجامعة الكل يقولك يا لطيف....يعني لبنات تاع الجامعة حاجة من اثنين يا إما أهلها دايرين فيها ثقة والعيب فيها هي يا إما أهلها من جماعة التحرر والمساواة و...........يعني بنته تخرج قداماه كاسية عارية عنده عادي وهو لي يشريلها ويعرف واش راهي دايرة وراضي لأنه هذا هو التحرر بالنسبة لهم صدقني لي راه صاير في الجامعات ماعنده حتى علاقة بالضغط هاذ شيئ راجع للتربية أولا ثم أصدقاء الجامعة هناك فتيات تذهبن الى الجامعة ما شاء الله حجاب وحشمة و...و...ولكن لما تكون صدقات ترجع حاجة أخرى.....صديقات الجامعة يلعبوا دور كبير في قلب عقلية الفتاة وأنا صراحة ضد الإقامات الجامعية تماما أنا ما لحقت للجامعة وأختي أصغر مني طلبت من والدي يحبسوها عند الباك والحمد لله جاها ولد الحلال و تزوجت كيما يقولوا ناس زمان ((ما تشوف عين ما يوجع قلب)) ‏‎

[اريج16]

التدافع اثناء ركوب الحافلة

حين يلتف الساق بالساق

و تلتصق الاجساد عمدًا من البعض
شكرا على المعلومة
لكن ارى انا هذه الامر تحدث كثيرا خاصة في حافلات الجامعة نحن نتعرض لهذا كثيرا وكاننا داخل علبة سردين لكن بالنسبة لي احاول دائما تفادي هذا

[ghada91]

السلام عليكم:o

عجبني الموضوع بزاف:rolleyes:

و عجبني حواركم:rolleyes:

كل واحد عندو راي:rolleyes:

و بالطبع نحتارمو آراءكم:rolleyes:

المهم::cool:

المرأة الجزائرية:)

تقرا و لا ما تقراش:19:

قاعدة فالدار و لا تخدم:19:

المهم تكون اولا متربية:19:

ثانيا ساترة روحها:19:

ثالثا تكون نيتها شريفة:19:

و من بعد دير واش حبت:mh31:

تخرج تشري... راهي تشري لدارها و ولادها:34:

تخرج تحوس... تحوس مع راجلها و ولادها:34:

تخرج للكافيتيرا كيما قلتو....نورمال... تخرج مع راجلها و ولادها اذا حبت تغير شوية الجو:cool:

المهم..... يكون الهنا و الاطمئنان:):)

و ربي يدومها عليكم بالصحة و العافية
:1::1::1::1::1:

[هشام 12]

لفة انتباهي شيء انت تتحدثين بصفة المراءة لكن في بياناتك الشخصية مكتوب ذكر !!!!!!؟؟؟؟

الكلام مقتبس من مشاركة عضوة أما أنا فاسمي واضح بيّن
شكرا على المرور

[اريج16]

:1::1: شكرا على التوضيح كان يعني من المستحسن دير الكود نتاع الاقتباس










الكلام مقتبس من مشاركة عضوة أما أنا فاسمي واضح بيّن
شكرا على المرور

[mouradalawal]

نحن في الجزائر ولسنا في اوروبا

[sabrine12]

ki walat la fac ya latif w lycée tani w cem tani fih ikhtilat sama wahad mayrouh ya9ra ga3 na9a3do f dar w nkhalo li mayaswawch 3la hssabkoum yado les diplomes w yahkmo lablad w hna na9a3do matkhabyin f dar nas tal3o la9mar w hna mazal koul wahad yji yhalal w yharam 3la hssabo w yahssab roho 1 ange ana habit n9ol bark haja lamra ki tkoun matrabya ta3raf t9adar roha wahad mayadana liha hmd na9ra f luniversité de médecine w kayan le respect entre les étudients

[امينة 1991]

ki walat la fac ya latif w lycée tani w cem tani fih ikhtilat sama wahad mayrouh ya9ra ga3 na9a3do f dar w nkhalo li mayaswawch 3la hssabkoum yado les diplomes w yahkmo lablad w hna na9a3do matkhabyin f dar nas tal3o la9mar w hna mazal koul wahad yji yhalal w yharam 3la hssabo w yahssab roho 1 ange ana habit n9ol bark haja lamra ki tkoun matrabya ta3raf t9adar roha wahad mayadana liha hmd na9ra f luniversité de médecine w kayan le respect entre les étudients

صح الاحترام متبادل بين الزملاء في الدراسة لكن المشكل خارج الجامعة فمثلا انا عندما اخرج من الجامعة اتعرض لمضايقات من طرف ........ (لا اعرف كيف اوصفهم) رغم ان لباسي محترم وانا راسي غير في الارض فاتضايق جدا جدا جداااااااااااااااا وتولي عندي عقدة واعرفي هذاك النهار كامل يفوت عليا كالغمامة السوداء .

[ghada91]

و الله كلامك جواهر

هاذو هوما بنات الفاميليا

[sabrine12]

okht amina win raho lhaL fi rayek?????????????? rohi manakharjouch na9raw w manakharjouch m dar mé yji nhar w in maykoun hta wahad f dar w takhorji tachri machi hada howa lhal maranach 3aychin f la planéte rana 3aychin f la société la solution hiya tarbiyaa