سؤال بخصوص البازلاء ؟؟؟؟؟؟

[نورسين.داية]

سؤالي هو كيف يتم حفظها في الثلاجة
العام الماضي حفظتها في أكياس عادية مخصصة للحفظ ....لكن عند عملية تحضيرها تبين ان دوقها غير جيد ...ليس سيئ لكن بها ...دوق غريب
و قيل لي انه يتم حفظها بقشورها يعني لا نفصل الحبة عن الغلاف .....فما رأيكم في الموضوع ....لدي كمية كبيرة و اود حفظها في المجمد .....
أنتظر إجاباتكم ......من فظلكم بارك الله فيكم إخواني ؟؟؟؟؟؟؟؟؟؟؟؟؟؟؟

[sofiane2075]

اختي نقي الجلبانة عادي و ضعيها في قارورة ماء سعيدة و ضعيها في الكونجيلاتور راهي تجيك ساهلة لما تحبي تطيبي حركي القرعة شوية و جرجي غير الكمية لي تحتاجيها و رجعي الباقي للكونجيلاتور قبل مايدوب لان ادا داب لازم ياكل في نفس اليوم

[نيفرتيتي.]

اختي نفس الطريقة اي تفصيها واغسليها وخليها تنشف يعني تقطر مليح وديريها في قرع وحطيها في الكونجيلاتير ووقت ماتحبي اجبدي القرعة وحركيها وحطي واش تحبي وبعد رجعيها للكونجيلاتير

[نورسين.داية]

شكرا اخواتي و بارك الله فيكم .........و جازاكم الله ألف خير على المساعدة و النصائح القيمة

[khouloud 27]

نفس طريقة الاخوات نقيها عادي وديريها في قرع تاع ماء سعيدة
وانا بصراحة نديرو فيها شط صغير تاع قصبر في كل قرعة
وادا على الريحة لي لقيتيها فيه ممكن داها من
كونجيلاتور لي حطيتيها فيه لازم القرعة تكون
مقفولة ملييييح باش مايدخلهاش اي ريحة

[جيجلية]

أنا شفت مرة السيدة رزقي اعطات نصائح للتجميد وانا دايما نتبعهوم
تغسلي الجلبانة وتغلي كمية من الماء وتحطي فيه الجلبانة لمدة دقيقةاو دقيقتين ثم تصفيها وتخليها تبرد وتخبيها

[قطيطوشة]

انا ننقيها ونغسلها ونفورها تفويرة خفيفة ونخبيها

[Basketteuse]

انا نغسلها و نحطها في ماء غالي لدقيقة ثم ننزعها مباشرة نحطها في ماء بارد ثم نحفظها في اكياس صدقيني تبقى كيما راهي انا مازالني أدرك نستعمل في مخزون العام لي فات خزنت حوالي 7 كيلو وانا عروسة جديدة وحصلت فيها مابغاتش تخلص ههههه

[aouatif96]

adoun ana lebnat jawbou melih

[عاشقة]

هاكي ناجحة 100 ب100



عند تنقيتها وغسلها

http://im27.gulfup.com/2012-04-22/1335101557131.jpg

نضع قدر فيه ماء حتي يغلي
http://im27.gulfup.com/2012-04-22/1335101557592.jpg


عندما يغلي نفرغ الجلبانه فيه
http://im27.gulfup.com/2012-04-22/133510155793.jpg


كي يعاود يغلي احسبيلو 5 د وانزعيه
وتكوني موجدة قدر اخر فيه ماء بارد جدا
http://im27.gulfup.com/2012-04-22/1335101558765.jpg

http://im27.gulfup.com/2012-04-22/1335101558954.jpg

ثم انزعيه وخليه يقطر
http://im27.gulfup.com/2012-04-22/133510155866.jpg


كي يبرد عمريه في اكياس بلاستيكية
http://im27.gulfup.com/2012-04-22/1335101558948.jpg


و ضعيه في glaciére

http://im27.gulfup.com/2012-04-22/133510155897.jpg


ملاحظة في كل كيس حطي مقدار معين كيما موالفه طيبي بيه
لأنو كي تجبدي وحدة من glaciére مالازمش تنحي منها النص وترجعي الأخر هذا غير جيد لصحة الإنسان لأنو اي شي مجمد يتجبد مايعاودش يترجع تركب فيها بيكتيريا

[miri_27]

اختي إشتري فاردو ماء سعيدة من الحجم الصغير ثم نقي البزلاء و عمري قارورات سعيدة و هي ناشفة و ذعيها على طول في المجمد و إذا حبيتي تجبدي إستعملي بالقارورة دون ان تضطري الى سحب الكمية كلها تحياتي

[سيرينا لبنينا]

أختي عندي 16 سنة وأنا نخبي الجلبانة جامي راحت ولا تبدل ذوقها

طريقتي كيما قاتلك الجيجلية .....من الماء الساخن مباشرة ماء بارد جدا

ونشفيها مليح وخبيها.

[رزان.]

أختي ضعي الجلبان في قارورات ماء سعيدة و عليك بغلقها جيدا ثم ضعيها في المجمد طريقة مجربة و ناجحة أكيد


أما بالنسبة لتغير المذاق ممكن بسبب تعطل الكهرباء يوما إن حدث ذلك طبعا أو عند تنظيف الثلاجة قد تركتيه مدة طويلة خارجها