الاسواق التي تبيع ارخص نوعا ما في الجزائر العاصمة أو البليدة [الأرشيف]

المساعد الشخصي الرقمي

مشاهدة النسخة كاملة : الاسواق التي تبيع ارخص نوعا ما في الجزائر العاصمة أو البليدة

Kuchiki Rukia

2012-04-28, 17:14

حابة نسقسيكم إذا تعرفوا كاش سوق للخضر أو سوبرماركت للمواد الغذائية اسعارهم مليحة شوية؟؟؟؟

نيفرتيتي.

2012-04-28, 17:27

نضم صوتي لصوتك اختي هاذا واش كنت نحوس عليه بصح ماجاتنيشاني نطرحه في المنتدى مجيباني نطرحه

نيفرتيتي.

2012-04-28, 17:29

نضم صوتي لصوتك اختي

Kuchiki Rukia

2012-04-28, 17:44

يعطيك الصحة أم دودة، صح الموضوع مهم، خاصة أننا أكثر المصاريف اللي تاكل الشهرية هي مصروف الخضر و المواد الغذائية المتكررة، و إذا قدرنا نوفروا شوية في هاذوا، راح نقدروا بحول الله نقصوا شوية في المصاريف
لذا نداء لباقي عضوات المنتدى ينضموا لينا و نتناقشوا في هذا الموضوع

nari21

2012-04-28, 18:13

hadi fakara maliha koti basah alah mandirohach kamal bach ta3am alfayada ya3avi ga3al alwilayat

Kuchiki Rukia

2012-04-28, 18:37

خلاص تفاهمنا كل وحدة تقول على ولايتها و منين تقضي هكذا كامل الاخوات يستفادوا

صفاء البحر

2012-04-29, 08:08

يا اختي في العاصمة كاين باش جراح و بو معطي و في الوسط كاين مرشي طناش انا نموت عليه . على ملاح كاين و كاين زيدي شويا ميسونيي تاني ممكن تصيبي اسعار في متناول الجميع ساحة الشهادء لارو دلالير تاني و لازمك تزوريهم كامل و يا ربي تصيبي واش تحبي بصح الوقت الي رانا فيه كلش غالي و ربي يكون في العون

Kuchiki Rukia

2012-04-30, 18:57

يعطيك الصحة اختي صفاء البحر
شوفي علي ملاح و ميسونيي و الله يا اختي اسعارهم عادية ماشي غالية بزاف بصح ماشي رخيصة على الاماكن الاخرى، و ساحة الشهدا صح شوية احسن
بصح باش جراح، بومعطي، و مارشي طناش عمري ما رحت ، دوك في الويك اند نروح و نشوف كاش ما ينوب ربي هههههههه

nina.16

2012-05-01, 04:27

اختي اذا تعرفي دويرة راه فيها مارشي ما شاء الله
البارح شفت الفول ب الفين فرنك و الشلاضة ب ربعة الاف كاين كلش رخيسس
واذا عندك سيارة يكون احسن

ميس منة

2012-05-04, 00:04

انا راني في رزدويبة خلاوها عليا فلسونا ربي يكون في عون العايلات لكبار

ميس منة

2012-05-04, 00:05

راني في رويبة والله لغلا بزاف

ايمان نور الجزائر

2012-05-04, 15:09

بالنسبة لولاية البليدة كاين في الاربعاء سوق بالاربعاء الخضر فيه اسعارها رخيصة ومليحة
وايضاا في بوقرة ولاية البليدة كاين مارشي نتاع خضر سبيسيال والاسعار جد جد مقبولة وهذا احسن من لي ذكرتو اولااا

ام انس5

2012-05-06, 01:19

انا من العاصمة كنت نقضي الخضرة من الشراقة لكن غالي مام في الحومة وين نسكن كلش غالي حتى اامواد الغدائية عندنا غالية بالمقارنة مع اماكن اخرى مثلا خطرة جزنا على سوبيرات في دواودة قضينا منها المواد الغدائية لقينا كلش ناقص على اليمونتاسيو جنرال اللييييييييبيييييي عندنا ب 30دج حتى الحليب بليديلي تاع وليدي في عمرو عام موالفة نشريهولو ب 37الف لقيتو فالسوبيرات تاع دواودة ب 34 الف اما بالنسبة للحم كاين مارشي في قليعة مليح والخضرة رانا نشروها دوكا من الدويرة باسعار معقوولة انا مثلا البطاطا شريتها لبارح ب 4 الاف للكيلو وشابة .واش ديري يا اختي راهم يسرقو فينا .انا شريت الطوماطيش من الحومة ب 15 الف للكغ تشهى وليدي البيتزا قلت نطيبهالو فالدار خير من ياكل تاع برا .