ادخلو نحكيلكم على أسوأ نهار

[piérre de lumiére]

البارح بالنسبة ليا كان اسوأ نهار في اليسي:mad::mad::mad::mad: لاه هاي جايتكم لحكاية هههه اسلوب تشويق:D:D:D

ندخل في الموضوع ديراكت بالاربعاء كنا نخرجو على 5 مي هاد الاربعاء خرجنا على 4 وكان عندنا بالخميس البارح فرض رياضات وتع الفيزياء قالتنا الفرض تيعي بالاحد ومنبعد نهار الاربعاء قالتنا راو بالخميس يعني مع الرياضيات حنا هبلنا كيفاه زوج مواد اساسية وفي نهار وهي تقولنا قبل بنهار :mad::mad::mad::mad: احنا تولهنا غير بالرياضيات يا ربي نراجعوها وقلنا منعقبوش فرض بالخميس تع فيزياء ونهربو ههههه:D:D:D:D اول مرة نوافق نهرب معاهم هيه جات 11 وجات استادتنا تع الفيزياء خخخخخخخ قالتنا يلا فرض ولينا نعيطو حلفت قالتنا الي ميديرش 0000000 وخرجت واحنا خارجين وراها باه نروحو للدار جابتلنا الطاقم الاداري كامل دارو فينا حالة :o:o:o:o:o:o:o

كلفنا طفل يهدر معاهم قالهم بلي مارجعناش فيزياء وكيفاه 2 مواد احنا رياضيات وبصعوبة الصراحة حقرونا وقالونا تعقبو درك ولي ماشي حاب يدي 00 ويروح لدارهم ماعلينا غير عقبنا وصحبتي لولة تع القسم تبكي كيفاه محليناش حتى الكراسات وكان فرض مشخشخ هههولازملو حوايج تع حفظ بقيت انا لخرة ومكملتش ودق الجرش بالرغم هي مدتلنا الاوراق على 11 وربع انا نقلها اني نكمل والتلاميد يقولولها خليها براحتها يمعنيو زعما راي طولت وخليتيلها الورقة ههه ونحتهالي ووليت نبكي هههههههه

[piérre de lumiére]

وهي تسكت فيا ههه وتمسحلي في دموعي وتشوكيت ومن وراه طول عندنا فرض مات وانا مازلت حاكمة فيا الفجعة تع المات ونسيت كلش ومع بداية الفرض تع المات زدت وليت نبكي راسي وجعني ونسيت كلش وخربطتنا هي وكلاسة كاملة خرباناها في المواد 2 اعطوني رايكم هههههه

[old young miss]

معليش اختي

هاذي هي الدنيا لوكان تشوفي لحقنا حتى نعقبو 4 فروض في نهار ومن بعد يقولونا ساهل


معليش





ربي وكيلهم

[sam 45]

نورمااااااااااااااااال حتى حنا دارو هلنا

قالونا لعشية عندككم فرض تع فرووووونسي

زاعما رووووحنا نشكووووو كيفاش ديرولنا فرض وعنا ماعلابالناش و زيد لعشية

ولا المدييييير يجرييييييي مورانا

مسيد تع لمهااااااابل
هههههههههه

[✿❀سًجّْـدًةْ خٌشٌـوُعٍـ ❀✿]

جينو تكحلوها عميتوها هههههههههه
معليش اختي تكبري وتنساي
حقيقة حقرة تاع الصح
حتى احنا قالولنا 4 فروض في النهار
انا راجعت 3 على 4 ههههه يعني فيزياء رياضيات و تا ج خليت الشريعة ما كفانيش الوقت
و على زهري الاستاذة تاع الشريعة غابت فررررررررررحت اكبببببببببببر فرررررررررررررررحة في حياتي
ان شاء الله تكوني خدمتي شوية

[بن زرام]

راها نورمال وزيد راهم قالولكم اكنا 4 فروض ومقلوناش

[djamel340]

هههههههههههههههههههههههه

[حكيـ الجَزآئِرِي ــم]

بصح ما كانتش نهاية العالم هه ؟؟؟

الكوراج والمشوار ما زال طويل

[achraf-2008]

بصح ما كانتش نهاية العالم هههه ؟
بالتوفيق :)

[piérre de lumiére]

ههه صح مي بصح تغيض الله غالب هكدا ولا اكتر مي غير الفجايع وهي تقولي دك نعاونكم ومنعرف

[سماح 2]

نووورمال تكبري وتنساي مدام القسم كامل ماخدمش معليهش جيبوها في الامتحان ان شااء الله