اااااااااااااه

[مشكلتي]

السلام عليكم اخوتي

ااااه مالقيتش وين نروح كلش مسكر في وجهي مشكلتي اني اليوم جبت استدعاء الباكالوريا و لقيت نفوت في دايرة خارج مدينتي ببعد حوالي 20 كلم او اقل و خاوتي كيما قلتلهم عارضو و قالولي انساي الباك و هني روحك ماكانش روحة بكيت بزاف و تعذبت علاش يسرى معايا هكذا كل تعابي و حلمي راح واش من ذنب درتو ولا طلب العلم ولا حرام لوكان جيت هاديك الخفيفة نقول بالاك مي و الله ما درت حاجة تخوفهم منى و الناس كامل تشهدلي بتربيتي حقروني خطراش بابا ميت كل واحد لاتي بدارو وولادو انا حابيني نبقى نعاون نساهم و نربي ولادهم يما مسكينة ما تقدر ادير والو تخاف منهم تقولو هوما اللي ولدوها عمري 22 سنة و كرهت حياتي هم الدنيا كامل هزاتو فوق راسي فرطت في حقي كامل لا نخرج لا نقرى لا نخدم و قلت معليش مي كثرو عليا ما وليتش نستحمل مرضوني وين كان مرض حكمني من القلقة و اللي غايضني يما مسكينة مريضة و هي تبات تبكي معايا عذبتها معايا و هي قاتلي لوكان ما يخلوكش نروح من الدار و نخليهالهم و درك عييت نقرى نهار كامل نبكي و نخمم وليت نخمم في الموت باه نرتاح و نهنيهم مني جهنم ربي ولا جهنم تاعهم و الله عييييييييييييييييييييييييييييييييييييييييييت ما تقولوليش شوفي واحد كبير يهدر معاهم ما يقدرو حتى واحد اللي في راسهم يديروه و ماكان حتي واحد يجينا من لافامي و ما تقولوليش الزواج هما ملراحش يقبلو و انا ثاني حابة نقرى حابة نعيش صغري مانيش حابة مسؤولية كثر مني
ساعات نقول نهار الباك نروح نفوت و يديرو واش يحبو ندوروها قباحة مانيش حابة نريح حياتي مي خايفة بزاف
ربي يخليكم عاونوني و ادعيولي ربي يفرج عليا

[سلمى010]

السلام عليكم
أختي عليك بالدعاء لعل الله يفرج عليك همك و لي فيه الخير يجيبوا ربي
أما فيما يخص أخوك ابعثي له أحد كبار العائلة لي يقدرهم و يحشم منوا و يسمع كلامهم ربما يعاود يفكر في الامر
ربي يجيب للي فيه الخير
ربي يفرج عليك و يسهلك و ييسرلك امورك.......أميـــــــــــــــــــــــــــــــن
لا تتشاءمي و تفاءلي و ثقي بالله
تفاءلوا خيرا تجدوه

[/زهرة عصفور الجنة/]

ربي يهديهم أختي أختي حاولي مع إحدى زوجات أخوتك إقناعهم بأن يأخذوك إلى مركز الإمتحان ربي يفرج أختي أكثري من الإستغفار

[ترب الندى]

ان شاء الله يكون الخير و يوفقك يا رب
انتي لازم تبيني ليهم انك مصره على دراستك كلها اربع ايام مش تبكي لوحدك و هم راقدين على وذونهم هذا حقك و انتي مش لازم تفرطي فيه
و داعيين ليك بالخير يا اخيه والدتك ايضا لازم توقف معاك و خليها هاذ المره ما تخاف من ولاد هي جابتهم للدنيا حتى ما يضيع مستقبلك تحياتي ~

[السَّحابة البيضاءْ]

السلام عليكم


لمست من كلماتك أنك متمسكة بأحلامك وهذا شيئ جميل

لكن هناك من يعارض تجسيدها .......

مادام قلت أن البكالوريا رايحة تفوتيها في دائرة خارج ولايتك والمسافة ليست بالبعيدة 20 كلم حوسي على مجموعة بنات روحي معاهم ويكون معاكم راجل " أنا فهمت

أنو إخوتك مكاش إلي حاب يروح معاك "

أما إذا كانوا معارضين فكرة إجتياز الإمتحان من أساسه هنا نقدر نقلك بما أنك تفوتي في الباك " أحرار ولست نظامية " كثري من الدعاء وبينيلهم أنك مازلت تراجعي

ومتمسكة برأيك " مزال في يدك الوقت حتى 3 جوان "


وإلا ماقتنعوش من وجهة نظري ماتعنديش معاهم على خاطر قلت أن حتى والدتك مقدرتش تقنعهم وماكان حتى واحد من العائلة يجيكم يعني حتى وأن خاوتك طبعهم صعب إمالا ماتخسريش خاوتك وتحطي أمك في مواجهة معهم


إلا الباك مخلاوكش تفوتيه والجامعة كيفاش تروحيلها

ممكن تشوفي في كلامي أني نهبط في عزيمتك بصح مشكلتك خلاتني نقول هاك يعني متزيدهاش على والدتك على جال الباك وهو حاجة تتعوض راه في الجامعة نساء

تجاوزن الأربعين متزوجات ويزاولوا في دراستهم


متفهميش من كلامي أني قتلك تخلاي على قرايتك بصح ماتتهوريش وتخرجيها قباحة مع خاوتك " وهذا ماتملك في الدنيا بعد والدتك طبعا ربي يطول عمرها "

وأنت مش ضامنة حتى ردة فعلهم


حاولي تتفاهمي مع خاوتك بالتي هي أحسن وأهدري مع أحدهم " إلي تحسيه متفهم من بينهم " ممكن تقنعيه

وديري في بالك الباك مش هو كلش يعني الشهادة مليحة بصح الواقع يقول متوكلش خبزة - عندي صحاباتي نيفوا باك راهم خدامات ومترسمات-

[موج و صخر]

آه يا العزيزة كون غير جيت نعرفك و نسكن قريبة ليك
تجي عندي و تعقبي 3ايام الباك على الراس و العين
معززة مكرمة
و الله من قلبي .
---------------------
تمسكي بقرايتك حتى اخر نفس
خذي امك معاك نهار الامتحان

روحي معاها و ارجعي معاها
و خليهم يهدرو و لا يديرو واش حبوا


ما تضيعيش قرايتك
انا تزوجت وولدت و ما زال الباك يحرق في قلبي كي ما ديتوش مثل صحاباتي.
الله يعينك
لا تنسي تقومي الليل و تدعي
فإنّ الدعوة مستجابة ان شاء الله.

[aissam .3820]

ربي يفرج عليك يا اختي ...
..


بصح يظهرلي هذي مش مشكل ...
..

مادام عندك اخوة والباك فيه غير 4 ايام...

..

يوصلك واحد منهم الصباح ويجي ليك كي تكملي..
..

..

[عَتْمَـہとか]

ربي يفرج عليك أختي


حــــــــآآولي أن تجدي شخصا يحاول التكلم معهم واقناعهم

[عميروش الحر]

ولكن اختي حتى وان اجتزت البكالوريا ونجحت هل سيتركونك تكملين الدراسة في الجامعة ؟
والله لا أعلم...
ربي يسرلك زيدي شوفي معاهم والباك مجرد 3 او 4 أيام يدوك ويجيبوك وخلاصت وربي يوفقك

[سمراءجيجل18]

ربي يفرج عليك أختي

[tebci]

عندك حل مثالي :

- قولي لامك والا انتيا اذا راكي عندك علاقة مليحه مع زوجات خايك الي متعصب تفاهم معاه وكريها بهدرا مليحا والا حتى اذا تطلب الامر شوي بقشيش والا وعد بمساعدتها في شيء ما

الراجل اذا عاند ...................... مرتو تكسرلو عنادو برك .--------------- لا تقوليلي ماماه لا والو..... خوذيها من عندي

واعملي صلاة استخارة اختي قبل كل هذا

[صُبح الأندلس]

كما نصحك من قبلي إن لم تقنعهم أمك فستقنعهم زوجاتهم تأكدي من ذلك فحاولي التودد لهن و سترين العجب

[معجزة الاكوان]

ديري بنصائح المقدمة .....من الدعاء اناء اوقات الاستجابة وروحيلهم غير بالسياسة
خويا حنوني..............اكسترا
معليش حتى وكان فوق القلب ا
واذا محبوش بعد كفاح طوييييييييييييييييل
روحي عقبي ويخبطو روسهم فالحيط
كملي ايامات الباك وولي للدار
اومبعد ان شاء الله اطيحي في ولد لحلال ويخليك تكملي فالجامعة
المهم انك فتاة محترمة وتعرف صلاحها بيهم ولا بلا بيهم

[asma2021]

ربي يفرج عليك يا اختي
يارب ينجحك و ما يخليكش ليهم ان شاء الله
ادعي ربي و انشاء الله تفرج

[بلسم غرام2018]

السلام عليكم
أختي عليك بالدعاء لعل الله يفرج عليك همك و لي فيه الخير يجيبوا ربي
أما فيما يخص أخوك ابعثي له أحد كبار العائلة لي يقدرهم و يحشم منوا و يسمع كلامهم ربما يعاود يفكر في الامر
ربي يجيب للي فيه الخير
ربي يفرج عليك و يسهلك و ييسرلك امورك.......أميـــــــــــــــــــــــــــــــن
لا تتشاءمي و تفاءلي و ثقي بالله
تفاءلوا خيرا تجدوه

[بيلسان91]

السلام عليكم اخوتي

ااااه مالقيتش وين نروح كلش مسكر في وجهي مشكلتي اني اليوم جبت استدعاء الباكالوريا و لقيت نفوت في دايرة خارج مدينتي ببعد حوالي 20 كلم او اقل و و و هني روحك ماكانش روحة بكيت بزاف و تعذبت علاش يسرى معايا هكذا كل تعابي و حلمي راح واش من ذنب درتو ولا طلب العلم ولا حرام لوكان جيت هاديك الخفيفة نقول بالاك مي و الله ما درت حاجة تخوفهم منى و الناس كامل تشهدلي بتربيتي حقروني خطراش بابا ميت كل واحد لاتي بدارو وولادو انا حابيني نبقى نعاون نساهم و نربي ولادهم يما مسكينة ما تقدر ادير والو تخاف منهم تقولو هوما اللي ولدوها عمري 22 سنة و كرهت حياتي هم الدنيا كامل هزاتو فوق راسي فرطت في حقي كامل لا نخرج لا نقرى لا نخدم و قلت معليش مي كثرو عليا ما وليتش نستحمل مرضوني وين كان مرض حكمني من القلقة و اللي غايضني يما مسكينة مريضة و هي تبات تبكي معايا عذبتها معايا و هي قاتلي لوكان ما يخلوكش نروح من الدار و نخليهالهم و درك عييت نقرى نهار كامل نبكي و نخمم وليت نخمم في الموت باه نرتاح و نهنيهم مني جهنم ربي ولا جهنم تاعهم و الله عييييييييييييييييييييييييييييييييييييييييييت ما تقولوليش شوفي واحد كبير يهدر معاهم ما يقدرو حتى واحد اللي في راسهم يديروه و ماكان حتي واحد يجينا من لافامي و ما تقولوليش الزواج هما ملراحش يقبلو و انا ثاني حابة نقرى حابة نعيش صغري مانيش حابة مسؤولية كثر مني
ساعات نقول نهار الباك نروح نفوت و يديرو واش يحبو ندوروها قباحة مانيش حابة نريح حياتي مي خايفة بزاف
ربي يخليكم عاونوني و ادعيولي ربي يفرج عليا
اسمحيلي كي راح نهدر هاد الكلام (خاوتي كيما قلتلهم عارضو
قالولي انساي الباك) رجال اخر زمان
خاوتك كون جاو رجال تع صح كون ام يقولوا اختي تعقب الباك نديوها نوصلوها ونجيبوها هدا كي عادو خايفين عليك ويشتيوك
جربي معاهم وقوليلهم وصلوني كي نعقب الباك

[RIMA95]

ربي يهدي هكا عيباد والله يكرهو لحياة ويعقدوها مي متخافيش اختي كاين ربي
وزيد صلي ودعي ربي يفرجها عليك
وان شاء الله تعقبي الباك وتديه مكرة فيهم
<اسمحولي مي منحبش الحقرة>
حسبي الله ونعم الوكيل

[امال7]

حاولي قدر المستطاع أن تجتازي الامتحان و خلى أمك تقول لهم لن أرضى عنكم اذا منعتوا ابنى من الباك .
راهم لما يكبروا بناتهم تتغير لهم كل الأفكار و يصبح التعليم شىء جميل . الاخوة كل شىء حلال لبناتهم و حرام على خواتتهم ا

[hilko]

من فضلك افعلي المستحيل حتى تجتازي الامتحان اضغطي على امك اضغطي عليهم حتى ولو منعوك اخرجي بدون اذنهم
ياربي فرج عنها وعن كل فتاة تعيش نفس مشكلتها

[اسماء 28]

ربي يفرج كربك اختي
احتسبي امرك لله سبحانه وان شاء الله يعوضك احسن
اضافة لذلك ما راكيش عارفة انت الخير وين ممكن الجامعة تضيعك
اكيد ربي ما راح يغلق باب حتى يفتح عشرة
المهم تهلاي في روحك وفي امك العزيزة ما تزيديش عليها
قادرة انك تنجحي الباك وما يخلوكش اخوتك تدرسي وهذا يؤلمك اكثر وبنفس الوقت قادرة تتزوجي بزوج طيب تكملي دراستك في دارو
ويعاونك ................
فتوكلي على الله ولا تقنطي من رحمة الله
موفقة

[sarah mila]

يا اختي امضي قدما ..وربي يوفقك ...................................انصحك بالدراسة.. والاجتهاد ويوم الباك روحي فوتي................................... ولكن قبل دلك انصحك بالدهاب الى اقاربك للتوسط لك ............................

[loubna2]

اختي ربي يعينك
انا نصيحتي راجعي مليح
وصلي وادعي ربي يهديهم ويخلوك تجوزي الباك
شوفي صلي وكثري الصلاة والدعاء خاصة يوم الجمعة قولي ياربي اهدي خاوتي يخلوني نجوز الباك اقول لكي خاصة يوم الجمعة متبطليش دعاء
حتى تلقاايهم وافقو
وكيما قالت لك الاخت منى حاولي تقنعي زوجات اخيك اكيد هما يأثرو عليهم ديري الملاحة واصبري اكيد يفرج ربي

[~~ أغيلاس ~~]

ضرك ما يخليوكش تروحي تجوزي الباك لأن المكان بعيد لكن لو كانت إحدى بنات إخوتك هي من ستُمتحن لأخذوها لإجراء الامتحان و لو كان بعيدا بـ 400 كلم .

إن كانوا خايفين عليك حقا و يحبون مصلحتك فعلى أحدهم أن يصطحبك لإجراء الامتحان، هكذا يطمئن بالهم،،،،،،،،،،،، بضعة أيام فقط .

صراحة تتعجب تجد إخوة يحرصون على دراسة أختهم و يوفرون لها ما تريده من دروس خصوصية و مصروف و غير ذلك و مع ذلك لا تدرس و في المقابل تجد من يجاهد ليدرس،،،،،،،،،،،،

يسر الله أمورك .