هل تم تأنيث جميع القطاعات ؟

[Algeriano 113]

السلام عليكم
خاوتي لاحظت في المدة الأخيرة ان غالبية الناجحين من الاناث
هل فعلا تم تأنيث جميع القطاعات بعد قطاع التعليم و مؤخرا البرلمان
هل انا محق و الا راني غالط ؟؟؟؟؟؟؟

[abdelhamide adrar]

راك صحيح قولها وارفع راسك هذا واشبغاو من وراء المتوظيف على اساس الشهادة اومازال تزيد تشوف

[فرناس وهران]

اخي راح نقولك حاجة دار ثقافة كنت مترشح بها
كل العاملين بها ايناث من المديرة الى اخر موظف
ماعدا العساس مسكين
مسكين داروه غير مين جايين في سيدي الهواري لو كانوا في وهران الفوق يديروه بنت

[samoo]

السلام عليكم
خاوتي لاحظت في المدة الأخيرة ان غالبية الناجحين من الاناث
هل فعلا تم تأنيث جميع القطاعات بعد قطاع التعليم و مؤخرا البرلمان
هل انا محق و الا راني غالط ؟؟؟؟؟؟؟


السلام عليكم
يا أخي واش راك تقول كاين منها :19: وهذي سياسية مدروسة باش يقضو على كل احلام الشباب بعد مافقنالهم وعلابالهم بلي هذو الشباب راهم يشكلو خطر على مصالحهم كي يكتسبو مناصب حساسة يحاسبوهم :mad:
بصح هذي السياسية ماتروحش بعيد :cool:
ربي يهديهم ويهدينا كامل او يفتح علينا وعليكم أميـــــــــــــــــــــــــــــــــن

[امين83]

نسكت خير لي.........
لأني عندي بعض الأراء شوية ماشي في بلاصتها هههههه
قاع لي تقوله صــــــح لكن واش يدير الميت في يد غساله ...
حنا رانا حابين غير خديمة ....كيما قالك ..المرحوم بوبقرة ......ههههههه

[سعاذ]

سلام عليكم
لي ملحقش لعنب يقول عليه حامض
ماتستعجلش على رزقك
انا مثال قدامك عندي دوكتورا في ليكونكور و لوك مازال مانجحتش رغم انوا نستاهل ننجح في اغلبهم
ورغم هدى نقول ربي مافيه غير الخير
وكي يكتبلي ربي نخدم دوط نخدم
لان الارزاق بيد ربي سبحانوا
الانسان ماعليه غير يتسبب

[فرناس وهران]

يا اختي الكريمة ما قلناش انتي
لكن النتائج اللي رانا نشوفوها ه اللي راهي تقول
اذا انتي ما عندكش الزهر اكثر من امين هاذي حاجة اخرى ههههههههههه

[امين83]

سلام عليكم
لي ملحقش لعنب يقول عليه حامض
ماتستعجلش على رزقك
انا مثال قدامك عندي دوكتورا في ليكونكور و لوك مازال مانجحتش رغم انوا نستاهل ننجح في اغلبهم
ورغم هدى نقول ربي مافيه غير الخير
وكي يكتبلي ربي نخدم دوط نخدم
لان الارزاق بيد ربي سبحانوا
الانسان ماعليه غير يتسبب
بارك الله فيك ...الأرزاق بيد الله .سبحانه و تعالى
لا تنسي بأن الانسان بطبعه ضعيف و خاصة هذا الوقت بذات كل شيئ راهو غالي الاكل و شرب و الملبس ..و الزواج كارثة ....أنا راني قاطع لياس منه هههه الذهب راهو 6000 DA للغرام من تجيب باش تتزوج و نحن على أبواب الثلاتين ...يليق 10 سنوات الانسان يوجد في روحه و إلا.....
لهذا نحن الشباب و خصوص الذكور رانا حابين ..stabilisé situation ....نتاعنا باش نديرو حسابنا و كيما قال الأخ راهو صح .....ما راناش نقولو البنت ما تخدم و لا لا ......تخدم عندها الحق لكن أختي الكريمة أنظري الادارات و أنظري القوائم في 10 مناصب تلقاي 2 ذكور فقط أمر غير طبيعي .....
و الله يبوفقنا و كل واحد على حساب نيته ...

[Algeriano 113]

سلام عليكم
لي ملحقش لعنب يقول عليه حامض
ماتستعجلش على رزقك
انا مثال قدامك عندي دوكتورا في ليكونكور و لوك مازال مانجحتش رغم انوا نستاهل ننجح في اغلبهم
ورغم هدى نقول ربي مافيه غير الخير
وكي يكتبلي ربي نخدم دوط نخدم
لان الارزاق بيد ربي سبحانوا
الانسان ماعليه غير يتسبب

واش من عنب لوكان نهدر الحجر يتسكر امالا نقولك اللي تعرف ربي ما تحوسش على خدمة
لانها كلها اختلاط و ما في ذلك من موبقات
و زيد نسكت خير
تفقهي في دينك من بعد ارواحي احكي على العنب

[امين83]

يا اختي الكريمة ما قلناش انتي
لكن النتائج اللي رانا نشوفوها ه اللي راهي تقول
اذا انتي ما عندكش الزهر اكثر من امين هاذي حاجة اخرى ههههههههههه
هههههه
فكرتني يتلك الاغنية........ لتقول كون جاء الزهر ينباع نيبع كل شيئ و نشريه ....

[فرناس وهران]

با خي رانا ندخلوا للمسابقات و رانا نشوفوا اختي و اليك الاسباب التي جعلت من حظوظ الذكور في التوظيف متعثرة
1- النساء راهم في الجزائر 65% من مجموع سكان الجزائر في الاحصائيات الاخيرة
2- طبعا القانون الجزائري راه يعادل بين الرجل و المرأة مع ان المرأة .... ليس انا من اقول بل الشرع
3- الحصلة الوطنية اللي راهي كارثة في مستقبل السباب الجامعي.
4- و اخيرا و ليس اخيرا تكنلوجيا الاتصال اللي راهي ضد الذكور في الامتحانات
5- الله غالب بوتفليقة يبغيهم

[اسماح امة الله]

السلام عليكم اخواني انا امرة لكن راي ان اولوية العمل للرجل اكثر من المراة لكن في بعض الاحيان هناك طروف خاصة تخلي المراة تخرج وتبحث على عمل ..............بالاضافة الى ذالك كاين الرجال كي يحوس يتزوج يشترط المراة تكون خدامة..........

[Algeriano 113]

السلام عليكم اخواني انا امرة لكن راي ان اولوية العمل للرجل اكثر من المراة لكن في بعض الاحيان هناك طروف خاصة تخلي المراة تخرج وتبحث على عمل ..............بالاضافة الى ذالك كاين الرجال كي يحوس يتزوج يشترط المراة تكون خدامة..........

شكرا أختي الكريمة على اللباقة في الرد
انا مديت رأي و ربي يسهل على كل واحد لكن الأخت اللي قبلك استفزتنا
احتراماتي على اللباقة التي هي الاخرى غابت في كثير من نسائنا للاسف

[pitchi]

السلام عليكم
يا خاوتي الموضوع هذا راهو محيرنا النسا راهم أكثر مالرجال وين تروح تلقاهم يا حبيبي أنا الحاجة لي ما فهامتهاش واش دخل النسا فالكيران (مرا تسوق كار )ماشي عجب فهموني حبيت نفهم غير هادي

[فرناس وهران]

صاحبي انا شفت مرأة عساس تاع باب ماشي سائق
و شفت مرأة صلاحة تاع الطريق
نورمال اخي راك في الجزائر و نزيدك حاجة بلاك ما علابالكش بيها المرأة في الشرطة عندها 2000 زيادة على الخلصة تاع الراجل
علابالك تاعش؟؟

[pitchi]

هادي حاج باينا حبيبي مي هادا قع راجع للفساد لي راه غارق فيه الحكام ديالنا أو فاش أيزيدو ايهبلوني كي ايقولولي المرأة لها نفس الحقوق كيما الرجل او دوكا ولات كتر من الرجل أفهم نتايا

[safir2020]

نعود الى النظام الإسلامي

وتكون طبقة العلماء هي من تتخذ القرارات النهائية لأي شيء في الدولة

وهكذا حتى نضمن رضى جميع الأطراف

كل له حقه

بالنسبة ليا المراة يا طبيبة يا معلمة يا مكانش رايي الشخصي

[pitchi]

يا حبيبي في هادي عندك الحق مي بصح النسا راهم دخلو روحهم في كلش كاينا وحدا في حومتي تخدم تورنور ماشي حاجة نورمال انا عندي ماشي نورمال أنا مزال ما لقيتش غير مرا ماصوة

[امين83]

ههههههههههههههههههههههههههههههه
درك تهبلو ما تخمو بزاف:19: ....هي كيما هكذا ......ديرو كيفي دربها بطالون malgré راهي مرنكا الحالة ..

[فرناس وهران]

يا حبيبي في هادي عندك الحق مي بصح النسا راهم دخلو روحهم في كلش كاينا وحدا في حومتي تخدم تورنور ماشي حاجة نورمال انا عندي ماشي نورمال أنا مزال ما لقيتش غير مرا ماصوة

هههههه رواح نقولك عندي جاري ماصو مرتوا الدير عليه مانفري بصح فس داره
شفت كيفاه باش يدير مانفري و يخلصو دخلت هي روحها و دارت مانفري

[احسن26]

واحد فيكم ما راه غالط . احنا لسنا ضد المرأة الخدامة . بصح المرأة المحترمة ما راهيش تنجح. خاصة في الإمتحان على أساس الشهادة.مع إحترامي لكل الأخوات في المنتدى. أما فيم يخص الجانب الديني فهناك هدرة كبيرة.

[artist0801]

والله فوت كونكور فيه 6 مناصب فاتو فيها 6 بنات وكاين كونكون اخر جهوي فيه 12 منصب قالولي فاتو فيها 12 بنت .............جزائر لالعزة والكرامة وامبعد يقلك فوطي

[SIDALI1308]

le problème se situe chez nous même, hene manakraouach, si non kona nejahna

[mimi.h]

السلام عليكم
مع كل احتراماتي لآرائكم لكن لا أوافقكم الرأي انا نشوف بلي التوظيف يجي من مكتوب ربي من جهة ومن جهة أخرى بالمعريفة . أنا امرأة ونراجع اه نروح نعقب الامسابقة لكن ........ لا حياة لمن تنادي ........ لا توظيف ولاهم يحزنون آخر مسابقة درتها كانت ملحق إدارة بمديرية الخدمات الجامعية الهضاب اللي نجح عيطولي واللي مانجحش في المسابقة بعثولو الملف مع كشف النقاط وأنا ما كلموني ما بعثولي وكأني المنسية فوق الأرض ...
بصح مازالني نامن باللي قدرة ربي فوق ل شيء ما نكذبش عليكم ساعة نقلق ساعة نديقوتي وساعة أخرى نفشل مره لكن الإيمان بالله يدفعني ديما إلى الأمام. أمنوني بالله في الولاية نتاعي اللي كملو من بعدي ترسمو وأنا وكل اللي ماعندوش المعريفة معريفتنا ربي آمنوني بالله المسألة ليست مسألة تأنيث ولكن...

[نسمة_10]

خلاص كلشي وضرك راكم تعسو في النسا
وبديتو تهدرو في الدين والشرع
وبديتو تهدرو الخدامة والمحترمة
ربي يهديكم
!!!!!!!

[pitchi]

السلام عليكم ما شي رانا نعسو فالنسا مي رانا نقولو واش رانا نشوفو أو واش رانا عايشينو في ميزك نتيا لي راكي تهدري جيك نورمال 6 مناصب علئ اساس الشهادة يديوهم 6 نسا ألا هادي جيك نورمال يمالا نتي ما كيش عايش معانا

[سعاذ]

يا اختي الكريمة ما قلناش انتي
لكن النتائج اللي رانا نشوفوها ه اللي راهي تقول
اذا انتي ما عندكش الزهر اكثر من امين هاذي حاجة اخرى ههههههههههه

سلام عليك
انا الحمد الله عندي زهر و مكثرة
انا نشاركم في الراي كي تقولوا بلي نسبة نجام اناث اكثر من الذكور
بصح روحوا تاني و شوفوا نسبة مشاركة اناث تلقاوها اضعاف مشاركة الذكور

[ياقوتة وهران]

المشكل يكمن في الفساد الأخلاقي الذي يشهده بلادنا ( حاشا لي ما يستاهلش) و فتح المجال للنساء للعمل في مناصب لا تليق و لا أراها مناسبة الا للرجال
شخصيا لا يمكن ان أقبل وظيفة في الشرطة أو في الجيش أو في الحماية المدنية أو................................حتى و لو عرض علي هذا العمل دون المرور بمسابقة
ولكن معشر الشباب لا تحزنوا و كيف تحزنون و الله ربكم
تقبلوا رأيي وشكرا

[سعاذ]

بارك الله فيك ...الأرزاق بيد الله .سبحانه و تعالى
لا تنسي بأن الانسان بطبعه ضعيف و خاصة هذا الوقت بذات كل شيئ راهو غالي الاكل و شرب و الملبس ..و الزواج كارثة ....أنا راني قاطع لياس منه هههه الذهب راهو 6000 da للغرام من تجيب باش تتزوج و نحن على أبواب الثلاتين ...يليق 10 سنوات الانسان يوجد في روحه و إلا.....
لهذا نحن الشباب و خصوص الذكور رانا حابين ..stabilisé situation ....نتاعنا باش نديرو حسابنا و كيما قال الأخ راهو صح .....ما راناش نقولو البنت ما تخدم و لا لا ......تخدم عندها الحق لكن أختي الكريمة أنظري الادارات و أنظري القوائم في 10 مناصب تلقاي 2 ذكور فقط أمر غير طبيعي .....
و الله يبوفقنا و كل واحد على حساب نيته ...


سلام عليكم
ربي يوفقك ويعطيك على حساب نيتك كيما قتها انتيا

[سعاذ]

واش من عنب لوكان نهدر الحجر يتسكر امالا نقولك اللي تعرف ربي ما تحوسش على خدمة
لانها كلها اختلاط و ما في ذلك من موبقات
و زيد نسكت خير
تفقهي في دينك من بعد ارواحي احكي على العنب
سلام عليكم
انا نحوس على خدمة خاطر بابا قراني و تعب علي
اقل حجا نقدر نديرها على جالوا اني نخدم به حتى معونتوش نقدر نعون روحي ونجهز روحي كيما قلك خونا الذهب رهو 6000 دج
اما بانسبة للموبقات و اختلاط والله انا ربوني ولديا و نعرف نميز بين الصح و الخطا
انا صح مرنيش متفقها في الدين وبصح مادمت انتا متفقه ايا قنعني بدليل

[ياقوتة وهران]

بارك الله فيك ...الأرزاق بيد الله .سبحانه و تعالى
لا تنسي بأن الانسان بطبعه ضعيف و خاصة هذا الوقت بذات كل شيئ راهو غالي الاكل و شرب و الملبس ..و الزواج كارثة ....أنا راني قاطع لياس منه هههه الذهب راهو 6000 da للغرام من تجيب باش تتزوج و نحن على أبواب الثلاتين ...يليق 10 سنوات الانسان يوجد في روحه و إلا.....
لهذا نحن الشباب و خصوص الذكور رانا حابين ..stabilisé situation ....نتاعنا باش نديرو حسابنا و كيما قال الأخ راهو صح .....ما راناش نقولو البنت ما تخدم و لا لا ......تخدم عندها الحق لكن أختي الكريمة أنظري الادارات و أنظري القوائم في 10 مناصب تلقاي 2 ذكور فقط أمر غير طبيعي .....
و الله يبوفقنا و كل واحد على حساب نيته ...


الله يفتح عليك أبواب الرزق ويرزقك المرأة المتفهمة هي و أهلها لما يعانيه شباب اليوم لاتمام نصف دينهم فلا تكون الا أقل مؤنة و أكثر بركة و لمن يريد ذلك بالمثل
امين يارب

[Algeriano 113]

الأخت سعاذ انا أبديت راي لا اكثر و لا أقل لكن انت استفزيتينا بمقولة العنب ليكن في علمك انا الحمد لله راني خدام متصرف لكن أبديت رأي و فيما يخص الشرع راهو واضح كاين خدمات بزاف ما لازمش تخدمهم و ين كاين اختلاط و الدليل بلا ما نعطيهلك عندك النت و شوفي على روحك مواقع المشايخ بن باز والا العثيمين و الا الألباني ان شاء الله برك ما تقوقوليش انا رجعي
بالتوفيق للجميع لما فيه خير و صلاح

[pitchi]

يا الاخت ياقوتة أنا علا بالي بلي كاين النسا لكتر من الرجال أو علابالي بلي النسا راهم أيشاركو كتر مالرجال مي بصح المشكل ما راهوش فالمسابقات راهو فالتوضيف علئ أساس الشهادة ولا لا ختي أوقوليلي واش رايك

[pitchi]

الاخت سعاد حنا ما قلناش العكس المرأة الفحلة تحضئ بتقدير الكثير الكثير من الرجال لأنو كاين نسا والله فحلات علئ شي رجال بل أشباه الرجال أو كاين حدث ولا حرج هاكدا باش ما تزعفش علينا الاخت سعاد

[ياقوتة وهران]

أخي هناك نقائص في كل أساليب التوظيف سواء على أساس الشهادة أو على أساس الاختبار المشكل كما قلت في المشاركة السابقة على المستوى الأخلاقي
حسبنا الله ونعم الوكيل اذا نجحنا و استبدلنا.

[نسمة_10]

السلام عليكم ما شي رانا نعسو فالنسا مي رانا نقولو واش رانا نشوفو أو واش رانا عايشينو في ميزك نتيا لي راكي تهدري جيك نورمال 6 مناصب علئ اساس الشهادة يديوهم 6 نسا ألا هادي جيك نورمال يمالا نتي ما كيش عايش معانا
راني بطالة كيفي كيفكم

[امين83]

سلام عليكم
ربي يوفقك ويعطيك على حساب نيتك كيما قتها انتيا

لينا إليك و كل الاعضاء :19:.....يارب ....امين و تخرج المغبونين من غبينتهم سواء كانو ذكور او إناث من بينهم نحن ههههه
انا راني حاب نخدم و نتوظف و صاي ...ههه

[امين83]

راني بطالة كيفي كيفكم

فأهلا و مرحبا بك في مجموعة الاعضاء البطالين ..:19: لكن للانخراط لازم شروط :
الملف
طلب خطي
جيبي معاك 02 صورتين
و شهادة للانخراط معانا .... ......ههههه
الله يوفقك و يوفقنا .اجمعين يارب

[pitchi]

علا بالي بلي كاين نسا راهم أيسوفريو مساكن مي واش راح نحكي واش نخلي علا بالي يدي تعيا مالكتيبة أو ما نكملش لحكاية
حنا نقولو انشاء الله لي راه يسعا على حاجة تاع خير ربي أيوفقو ليها أو ربي أنشاء الله يفتحلك بيبان اخير ليك أو لقاع المومنين

[امين83]

الله يفتح عليك أبواب الرزق ويرزقك المرأة المتفهمة هي و أهلها لما يعانيه شباب اليوم لاتمام نصف دينهم فلا تكون الا أقل مؤنة و أكثر بركة و لمن يريد ذلك بالمثل
امين يارب
ياقوتة قتلتيني با القدر ....ههههه
رايح نقولك حاجة و الله ما تأمني ....كنت حاب نكتب الله يوفقك حتى أذان أذان الظهر .......شفتي راكي موفقة إن شاء الله
الله يرضى عليك و يعطيك وليد مأصل و وليد فميلية و ما يغبنك و يكون معاك عائلة سعيدة ....
الله يوفق اعضاء المنتدى خاصة قسم التوظيف

[امين83]

علا بالي بلي كاين نسا راهم أيسوفريو مساكن مي واش راح نحكي واش نخلي علا بالي يدي تعيا مالكتيبة أو ما نكملش لحكاية
حنا نقولو انشاء الله لي راه يسعا على حاجة تاع خير ربي أيوفقو ليها أو ربي أنشاء الله يفتحلك بيبان اخير ليك أو لقاع المومنين
ههههههههههههههههههههههه
الله يصبرنا و صاي ...

[abdelhamide adrar]

الرزق على مولانا رزق بني آدم يجري عليه كيما يجري عليه عمره

[djamel0007]

يا اخوتي البطالين ننصحكم ديرو كيما انا ..بطال من زمان لكنني خطبت واحدة تخدم معلمة في الثانوية ..قالتلي عندي 165 مليون ...ايا مالا قلتلها والله نحبك وخطبتها ودرك عندي راس مال وزوجة صالحة وشهرية محترمة ..حتى انوب عليا ربي

[اسرار البحر]

والله غير كلامكم ومدخلاتكم في الصميم

ما عندي مانزيد نقول

ههههههه اللي عجبني راي سي جمال

[remyrene]

عيب و عيب و الف عيب على رجل يتزوج ب امرأة هي تخدم علية و تصرف عليه هذا نوع من الرجال هو اضر بقيمة الرجل ونضرة النساء لنا نحن الرجال و اريد انبه النساء ا الرجل الذي يتزوج امراة هي تملك المال و اكثر منه مستوي ههذا رجل طماع وانا افضل البقاء بدون زواج بدل استغلال بنت الناس لان الزوجة هي امانة في رقبة الزوج وهو الذي يوفر لها الامن و الاستقرار و ليس العكس

[alisaad]

كاين مشكلتين يعاني منها المجتمع الجزائري
مشكل البطالة ومشكل العنوسة
والحل موجود هو
المراة تبقى في الدار والشاب يخدم
تحل مشكل البطالة و مبعد هاد الشاب كي يخدم يتزوج تحل مشكل العنوسة

[samsamo]

salam 3alykm frères et sœurs

bon je suis une fille et je suis d'accord avec vous les hommes pour ce qui concerne les concours sur titre,déjà c'est à 70 % ma3rifa

nechallah rebi yerze9kom b khedima mais pour ce qui concerne la femme qui travaille sachez que de nos jours si elle travaille c'est pour aider son père ou son mari vu la cherté de la vie, c'est devenue une nécessité ,même les hommes mnt cherchent tjr une femme qui travaille pour se marié avec,donc svp faut pas généralisé et dire que c'est une femme mal éduquée celle qui travaille
et surtt rebi yahdina w yahedi ga3 enass ,nechallah ces filles là qui sont recrutées sauront imposé leur respect parce que malheureusement la femme se traite tjr en tant que corps et pas être humain!
salammmmmmm

[سعاذ]

الأخت سعاذ انا أبديت راي لا اكثر و لا أقل لكن انت استفزيتينا بمقولة العنب ليكن في علمك انا الحمد لله راني خدام متصرف لكن أبديت رأي و فيما يخص الشرع راهو واضح كاين خدمات بزاف ما لازمش تخدمهم و ين كاين اختلاط و الدليل بلا ما نعطيهلك عندك النت و شوفي على روحك مواقع المشايخ بن باز والا العثيمين و الا الألباني ان شاء الله برك ما تقوقوليش انا رجعي
بالتوفيق للجميع لما فيه خير و صلاح
سلام عليكم
والله يا اخي انا نحترم رايك و راي اي واحد حنا رانا هنا نتناقشوا
انا رني معاك كي تقول كاين شي من خدمات متقدرش تخدمهم مراة ومالزمش تخدمهم
وانا تاني راني نخدم صح ماشي في بلاصتي ورني نخدم في بيروا كامل رجال
وربي يشهد بلي راني فرضى احترامي على لكبير قبل من صغير

[فرناس وهران]

فأهلا و مرحبا بك في مجموعة الاعضاء البطالين ..:19: لكن للانخراط لازم شروط :

الملف
طلب خطي
جيبي معاك 02 صورتين
و شهادة للانخراط معانا .... ......ههههه
الله يوفقك و يوفقنا .اجمعين يارب


+ شهادة العزوبة
+ تصريح شفي بعدم المشاركة في مسابقات توظيف بعد الزواج
لكي نبدأ ف القضاء على البطالة ان
الذكور الذين يتوظفون يتزوجوا و هكذا تنقص البطالة الى النصف

[سعاذ]

الاخت سعاد حنا ما قلناش العكس المرأة الفحلة تحضئ بتقدير الكثير الكثير من الرجال لأنو كاين نسا والله فحلات علئ شي رجال بل أشباه الرجال أو كاين حدث ولا حرج هاكدا باش ما تزعفش علينا الاخت سعاد
سلام عليكم
انا مغضنيش الحال ياك احنايا رانا نتناقشوا
بصح انا ضد فكرة لي راهي مسيطرة على الرجال ان المراة راهي تنجح في المسابقات خاطر هي امرة

[vontoum]

السلام عليكم
مع كل احتراماتي لآرائكم لكن لا أوافقكم الرأي انا نشوف بلي التوظيف يجي من مكتوب ربي من جهة ومن جهة أخرى بالمعريفة . أنا امرأة ونراجع اه نروح نعقب الامسابقة لكن ........ لا حياة لمن تنادي ........ لا توظيف ولاهم يحزنون آخر مسابقة درتها كانت ملحق إدارة بمديرية الخدمات الجامعية الهضاب اللي نجح عيطولي واللي مانجحش في المسابقة بعثولو الملف مع كشف النقاط وأنا ما كلموني ما بعثولي وكأني المنسية فوق الأرض ...
بصح مازالني نامن باللي قدرة ربي فوق ل شيء ما نكذبش عليكم ساعة نقلق ساعة نديقوتي وساعة أخرى نفشل مره لكن الإيمان بالله يدفعني ديما إلى الأمام. أمنوني بالله في الولاية نتاعي اللي كملو من بعدي ترسمو وأنا وكل اللي ماعندوش المعريفة معريفتنا ربي آمنوني بالله المسألة ليست مسألة تأنيث ولكن...

عندك الحق يالاخت المكتوب ههههههههه عارفين المكتوب مايتكلمش ومايدافعش على روحو مثل المنتخب الجزائري عندما ينهزم يقول ارضية الميدان لانه يعلم ان الارضية لاتتكلم ولاتقول انا خاطية .. ربي يهديكم .
انا الحقيقة اقتنعت بكلام الاخ في أن تطور وسائل الاتصال اللاسلكية والسلكية والذي يساعد الاناث اكثر بحكم طبيعة المرأة الغير قابلة للتفتيش وكذا لباسها اعني الحجاب الذي يستر تلك الوسائل كل هذه الامور جعلت معدلات النجاح في الجامعة كبيرة وطبعا المسابقة على اساس الشهادة وصاحب المعدل الكبير هو الذي ينجح . وحتى لو كانت على اساس الامتحان فستكون تلك الوسائل حاضرة بقوة لدى الاناث . وعلى العموم نجاح لااناث في المسابقة يحرم الرجل من النجاح وبالتالي تقل حظوظه في الزواج وتقل حظوظ المرأة ايضا في الزواج لانه لايعقل ان تتزوج لامراة بمراة والرجل الله غالب بطال وحلوها انتم

[djamel0007]

عيب و عيب و الف عيب على رجل يتزوج ب امرأة هي تخدم علية و تصرف عليه هذا نوع من الرجال هو اضر بقيمة الرجل ونضرة النساء لنا نحن الرجال و اريد انبه النساء ا الرجل الذي يتزوج امراة هي تملك المال و اكثر منه مستوي ههذا رجل طماع وانا افضل البقاء بدون زواج بدل استغلال بنت الناس لان الزوجة هي امانة في رقبة الزوج وهو الذي يوفر لها الامن و الاستقرار و ليس العكس
من لا يلحق عنقود العنب يقول عليه حامض ....اين المشكل يا اخي في ان يتزوج رجل بامراة اكثر منه في المال ....تنكح المراة لمالها وجمالها...وووو...اجري على عمرك ...الحيات قصيرة ولا تكن معقد ومخالف للدين ..وشكرا على الصراحة

[فرناس وهران]

السلام عليكم
اخي الكريم قال عليه الصلاة و السلام:...لمالها ...
و ليس لاجرتها و تصرف عليك

[jirardo]

بلاد نساء
هدا واش بغاو
يحبوا نساء كي يخدموا معاهم
وعليها مكاه رجال في هده البلاد

[mouh 05]

يالسلام عليكم
اولا موضوع عقيم لانو ماناش راح نخرجو بفايدة راي الدين واضح من ناحية مكان المراة
و هو البيت و الولاد بصح مع الزمن هذا لي الراجل عاد كمايقدرش يلحق باه يصرف على الدارو الاولاد
ابسبب عدة عوامل ضرك الرجال يقلك النساء دار بلاصتنا و ماعلاباليش واش وجواب النساء انو ماقريتش باه نقعد في الدار
يا خاوتي الرزق على ربي سبحانو الزق مقسوم و الاجل محسوم فلا تقلقو على رزقكم
اما بخصوص تأنيث القطاعات خصوصا مع المسابقات اصبحت علىاساس الشهادة
اظن انولازم نكونو واقعيين النساء اكثر حظ من الرجال لانو البنات يقراو في الجامعة ليس كالرجال لانو يأخذ بعين الاعتبار معدل السنة الرابعة من الدراسة بشكل كبير
المهم ربي يسهل و يرزقنا ربي و ياكم بعمل محترم

[hichem0240]

انا مع المراة في العمل ولكن لازم تعقب السرفيس في جبال البويرة و كي تكمل السارفيس تروح تخدم تنحي البطاطة تماك نقولوا باي رانا فب المسوات اما دورك حنا الرجال لازمنا منظمة عالمية ادفاع عن حقوق الرجال برعاية الامم المتحدة ياوا فيقوا منا ل 2030 نولوا حنا الرجال فرضين علينا الخمار و الحجاب باش نخرجوا ويدونا غي لطبيبة ولا للحمام

[mimi.h]

الأخ vontoum

عندك الحق يالاخت المكتوب ههههههههه عارفين المكتوب مايتكلمش ومايدافعش على روحو
قال الله تعالى في سورة التوبة: "قل لن يصيبنا إلا ما كتب الله لنا هو مولانا وعلى الله فليتوكل المؤمنون" التوبة 51 .

انا الحقيقة اقتنعت بكلام الاخ في أن تطور وسائل الاتصال اللاسلكية والسلكية والذي يساعد الاناث اكثر بحكم طبيعة المرأة الغير قابلة للتفتيش وكذا لباسها اعني الحجاب الذي يستر تلك الوسائل كل هذه الامور جعلت معدلات النجاح في الجامعة كبيرة وطبعا المسابقة على اساس الشهادة وصاحب المعدل الكبير هو الذي ينجح .

وحتى لو كانت على اساس الامتحان فستكون تلك الوسائل حاضرة بقوة لدى الاناث .

يا أخي مع كل احتراماتي لرأيك لكن المراقبين في الامتحانات كاين الرجال وكاين النساء ما يدفع المرأة المتحجبة قابلة للتفتيش ، هذا من ناحية من ناحية أخرى ياأخي المحترم بدل مانحوسوا على وسائل الغش وعلاه ما نعتامدوش على أنفسنا ونراجعوا قبل الامتحانات والمسابقات وأليست هذه الطريقة أسهل وأضمن...........؟؟؟؟

وعلى العموم نجاح لااناث في المسابقة يحرم الرجل من النجاح وبالتالي تقل حظوظه في الزواج وتقل حظوظ المرأة ايضا في الزواج لانه لايعقل ان تتزوج لامراة بمراة والرجل الله غالب بطال وحلوها انتم[/quote]

ياأخي المسألة ليست بالتأنيث وإنما بمكاتيب الله أولا ومعريفتك ثانيا وربي يعاونك ويفتاحها عليك وعليا ان شاء الله قول آمين
svp ne sois pa trop pésémisste..

[larbi50]

للاسف الراجل انثوه ثاني ربي يستر

[زهيرة27]

السلام عليكم
اخي الكريم قال عليه الصلاة و السلام:...لمالها ...
و ليس لاجرتها و تصرف عليك

هههههههههههههههههه هههههههههههاي ........................قريت كاااااااااااااافة الردود ههههههههههههههههه عييييييييييييييييييت ههههههههههه :19:

[فرناس وهران]

هههههههههه سايي راهي مرقت

[كرثيو.ميلود]

السلام عليكم

[!?زين الدين?!]

انا في اعتقادي الشخصي ان هناك توظيف للنساء على حساب الرجال يعني تمنح الاولوية للنساء على حساب الرجال ليس بنسبة 30 بالمئة وانما بنسبة 100\100
وترقبو بعد سنة او سنتين ظهور جمعيات رجالية تطالب بمساواة الرجال بالنساء الامر ليس ببيعد

[الدكتور سام]

مع احترامي لكل الاخوات.بالطبع المشكل مش في المتسابقات و انما لدى المسؤولين عن التوظيف.فانا مثلا شاركت في خمس مسابقات و في كل مسابقة فيها 10 مناصب فوالله ان جل المسابقات نجد 8 او 9 فائزات اناث و فائز فقط رجل.فهل يا ترى الاناث بحاجة الى عمل اكثر من الرجل.فتخيلو مثلا رجل قارب سن الثلاثين و لم يجد عمل و امراة في سن العشرينات تجد عمل.انا في رايي ان الرجل اولى بالعمل من المراة.لان مرور الوقت بدون عمل عند الرجل ليس في صالحه اما المراة فهي قادرة ان تتزوج تم تبحث عن عمل بكل راحة
و يبقى السؤال مطروح

[!?زين الدين?!]

مع احترامي لكل الاخوات.بالطبع المشكل مش في المتسابقات و انما لدى المسؤولين عن التوظيف.فانا مثلا شاركت في خمس مسابقات و في كل مسابقة فيها 10 مناصب فوالله ان جل المسابقات نجد 8 او 9 فائزات اناث و فائز فقط رجل.فهل يا ترى الاناث بحاجة الى عمل اكثر من الرجل.فتخيلو مثلا رجل قارب سن الثلاثين و لم يجد عمل و امراة في سن العشرينات تجد عمل.انا في رايي ان الرجل اولى بالعمل من المراة.لان مرور الوقت بدون عمل عند الرجل ليس في صالحه اما المراة فهي قادرة ان تتزوج تم تبحث عن عمل بكل راحة
و يبقى السؤال مطروح

نعم اخي هناك ظلم كبير للكثير من الشباب
اقتراحي انه يجب ان تطبق نسبة 30 % في كل المناصب المعلنة بمعنى ادا اعلن عن 10 مناصب تمنح 3 للنساء و 7 للرجال لانه لا يعقل ان نجد في مسابقة 10 مناصب معلنة كلها تمنح للنساء بنسبة 100 %
و اعتقد ان الكثير من اخواتنا سيقبلن بهذا الاقتراح