ساعدوني على خاطر خلاص رايحة ننفجر [الأرشيف] - منتديات الجلفة لكل الجزائريين و العرب

مشاهدة النسخة كاملة : ساعدوني على خاطر خلاص رايحة ننفجر

قطرة ندى حنونة

2012-04-25, 12:39

السلام عليكم ورحمة الله وبركاته
نبدا نحكيلكم
انا بسمة 23 سنة كنت نقرا لاباس عليا حتى وين خطبني واحد يخدم في مجال الدرك كنت في هداك الوقت 20 سنة
المهم عملنا الفاتحة وكل شيء.... بدات معاناتي مع الاول كان يموت ويشوفني يسناني قدام المعهد يعيطلي بصفة مستمرة منكدبش عليكم حتى صحباتي قالولي شباب ويحبك والله يا الزهر
امبعد بعد عام ولا يغير بهمجية مرة يقولي معامن كنتي في البورطابل راني لقيتو مشغول
علاه طفتيه كنتي تهدري مع واحد اخر؟
ولا يلقاني برا علاش تمشي وحدك ؟ باينة راكي مواعداتو
كنت نقولو يا وليد الناس انعل بليس مرات حتى نكره ونولي نبكي قلت دارنا محبوش يفسخو بويسك سي بون
العرس تقرر وبلاك مور الباك عييت وقالي كي نتزوجو متخرجيش بلا بيا وبلا ما تشوريني هدي ماعليش
بصح باش يسجنني منقبلهاش والبروبلام تعلقت بيه وعييت اونمبلوس الغيرة نتاعو مرات يوصل حتى يشك فيا فدار ويقولي مراكيش فدار تكدبي عليا راكي برا ومرات يعيط للتيليفون ديال الدار ويشوف شكون يرد
ادا رد خويا ولا يعيطلي فلبورطابل ويقولي وين راكي

ساعدوني كيفاش نواسيلو عيت والله

houda4

2012-04-25, 12:54

يا اختي بلاك كانش ما هدرو فيك من وراك بعض الغيورين
لانوا كيما قلتي تبدل
بلاك عندو شك فيك اكيد كاين سبب او معندوش ثقة في روحوا ؟؟؟
انا نعرف وحدة هكذا يغير عليه بصح لانها خفيفة زاف
راجعي روحك بلاك هدرتي قدامو على حاجة خلاتوا يشك بلاك راكي خافة روحك بزاف
لازم تعرفي اساس المشكل باش تعالجيه لانو الا معرفتيش سبب تغيروا وغيرتوا اكيد رايحة تعيشي هكدا مام بعد الزواج
ربي يعينك اختي

قطرة ندى حنونة

2012-04-25, 13:00

يا حنونة انا مناذيش حتى نملة وحمد لله عاقلة
بصح رايحة نهبل وليت نعس روحي وانا نمشي
تتصوري؟
هو فلبداية كان يعسني قدام المعهد بطونوبيل قلت في بالي نورمال يحبني
بصح دوك خلاص زاد فيها
ربي يحفظك ختي على الرد وبلاك كيما قلتي كاش ما سمع مع اني نخاف من خيالي ههه

houda4

2012-04-25, 13:11

أنا نقتلكش بلي ماراكيش عاقلة والا اذيتي قلت لك بلي بلاك اشخاص هدرو في سمعتك يعني غيورين او واحدة قريبة ليكيغايرة منك وطامعة فيه عيطتلوا سرقت الرقم من عندك واتصلت بيه وقالتلوا بلي راكي تعملي في كذا وكذا يعني اكاذيب كلشي ممكن في زماننا هو ميعسكش خوف عليك ولا من راسوا اكيد وسواس
لازم يصارحك بالسبب

قطرة ندى حنونة

2012-04-25, 13:15

يا حنونتي راني حاسة روحي راحة نتغبن مرات نقولو وشبيك ونزعف
يقولي نخاف عليك ومرات نحسو يهدر بتلقائية
تعيشي حنونتي بلاك صح كيما راك تقولي
ادعيلي تعيشي

houda4

2012-04-25, 13:30

ربي يعينك اميييييينننننننننن

ام جليل04

2012-04-25, 13:43

سلام أختي الصغيرة

انا نعرف وحدة كانت كيما انت يشك بزاف فيها يعيط في الدار لو كان ما يصيبهاش يدرلها حالة
وإذا طلت من النافذة وشافهة بالصدفة يقوللها علامن كنت طلي كيما دارت معاه حارت كانت شعرة وتبطل منه
بصاح بعد الزواج تهدن شوية وما ولاش يحاسبها على بزاف حوايج غير شوية وهي تاني ولات تعرفه
مليح وتيvيتي كامل واش يزعفو وراهم عندهم 3 أولاد ولاباس عليهم
انا نقولك بالاك مور الزواج ينقص شوية غيرتو روحيلو غير بلعقل واعرفي كيفاش جيبيهالو وما تخليهش يذلك لازم يحترمك ويحترم شخصيتك
هادا رايي والله أعلم

safa1997

2012-04-25, 13:44

نقلك حاجة ختي هدا كشما قالولو عليك كشما وحدة كانت تحبوا و هدرتلو عليك كلامميش مليح و لا وحدة من لافامي تاعك و لا صحباتك كل شي ممكن نتيا اهدري معاه و صارحيه باه ينحي هادي طبيعة
او الحل 2 انو ديري كيفو يعني كيما راه يديرلك و باه هكدا يحس بوش راه يدير و يحبس و ربي معاك

جسر الأمل

2012-04-25, 19:09

وي انا ثاني كلامي كيما لبنات باسكو كان يعاملك معاملة ومن بعد تبدل معناها فيها اللوش، انت احكميه كي يكون مليح وسقسيه هذا حقك اذا قالك نخاف عليك قوليله مشي هاكدا سبحان الله بالاك عنده كاش حاجة، وين عرفنا حنا، وزيدي ماتحكيش على علاقتك بيه قدام لبنات، الحل راه بين يديك زيريه مليح باش تعرفي السبب هاكا باش تتهناي،اذا عرف السبب بطل العجب وربي يوفقك

قطرة ندى حنونة

2012-04-25, 19:51

يعطيكم الصحة خاوتي عيطلي في الظهر وهدلرت معاه
وصارحتو بليك تصرفاتو عياتني
عصب عليا وقالي منحبكش تكوني كيما بنات اليوم متخلنيش نفقد ثيقتي فيك

راني ترهقت وعييت
بروبلام نموت عليه

عُضو مُحترم

2012-04-25, 20:01

دركي

يعني اصدقائه درك و جيش و شرطة

يحكون له قصصهم و مغامراتهم مع بنات الجامعة

تتحرك فيك الغيرة

يدخل ابليس يُضيف الشك إلى الغيرة

و يطبع كل ذلك الخوف من السؤال و الجواب عن السؤال

هل الفتاة التي خطبتُها مثل اللواتي يحكون عنهن؟؟؟

هل خطيبتي الآن تدرس ام انها في غابة مع احدهم ؟؟؟؟

هل خطيبتي الىن في بيتها ام مع صديق او عشيق؟؟؟

==================

يا نساء لا تلومونا على غيرتنا و احيانا تشددنا

فوالله ما نراه من بنات جنسكُن فضيع

الله يصلح الاحوال

يجب ان تتفهمي غيرته تلك

فلولا حُبه لك ماكان ليسألك وين كنتي و مع من؟؟؟؟

فهمتيني

يسقسي عليك بويسك يحبك و يعزك

قطرة ندى حنونة

2012-04-25, 20:40

ربي يخليك خويا خويا ويحفظك طمنتني ايه صح كيما قلت صدقني والله نحبو منحبش نعاسرو ولا نشد معاه الكلام بصح بزاف الشك والغيرة لازم ينقص منهم شويا

faty05

2012-04-25, 23:04

هذ الجدارمية موسوسين يا لطيف

faty05

2012-04-25, 23:05

كاين فرق بين الغيرة و,,,,,, التوسويس و الشك
ربي يسترنا

first first

2012-04-25, 23:34

والله يااختي انا من رايي من واش قاعدين نشوفو ونسمعو اصبح الشخص يشك في في كل شيء.

همسة مشاعر

2012-04-26, 07:03

اهلا اختي الحق كي قريت قصتك تقلقت حسيت روحي في بلاصتك نقلك حاجة الحق حاجة تمرض وتجيب الغمة
لو كان جيت في بلاصتك قسما بالله نبطل منزيدش نهار في بلاصتو ربي يهديه نقلك حاجة الشك ماهوش مليح صراحة الراجل اذا شك راهوكاين حاجة في بالو
1 ممكن سمع حكاية ولا كاشمن قاعد يحرش فيه ممكن كي تتزوجي تتحسن الاحوال

aquicha

2012-04-26, 08:14

مع الايام رايحة تبرد نار الغيرة كان صريلى نفس المشكل وسوفريت بزاف حتى بعد الزواج لكن الحمد لله بدات بشوية تنقص الغيرة ..القاتلة اصبحت غيرة محمودة...مع الوقت كل شىء يتبدل ..انا والله مانلوم الرجال من اللى راه يشوفوا فيه والله غير العجب راه يصرا...اختى حاولى غير بالعقل تفهميه ..وتجنبى العفسات اللى مايحبهاش وخليك ثقيلة و واثقة فى نفسك ان شاء الله رايحيين تتجاوزو هذى المرحلة اصبرى عليه ..وحاولى تفهميه...انا رانى نعرفنساء يطلبو فى ربى باش يغيرو عليهم ارجلهم ويحاسبوهم وين كنتو ...وين رايحيين ..ومع من كنتو تتكلمو...حياتهم فيها برود فضيع.....

قطرة ندى حنونة

2012-04-26, 11:12

ربي يحفظكم خاوتي طمنتوني
نتمنى ينقص الغيرة والشك والله
ربي يستر وخلاص

غفران 2

2012-05-02, 14:34

لا يا اختي احمدي ربي بلاك كي عاد راكي بعيدة عليه فقط وصدقيني انا كنت كثر منك ولكن بعد الزواج يتنحى التوسويس

sarl02

2012-05-02, 21:14

azizo18

2012-05-02, 21:33

هدا الانسنان موسوس بزاااف الله يهديه

الامل في الله

2012-05-03, 22:19

كما قال الاخ عضو محترم ليس بالضرورة انه سمع هنك معلومات سيئة فواقع عمله يجعله يشك في نفسه فصراحة هناك بنات ربي يهديهم والا يديهم يتهنى منهم المجتمع هما الي وسوسوا الشباب و خلاوه يعزف عن الزواج و ادا تزوج يولي يشك في المرا

قطرة ندى حنونة

2012-05-04, 13:41

ربي يحفظكم خاوتي طمنتوني
والله وليت حتى انا موسوسة نمشي برا ونعس روحي ومرات حتى نولي ندور مورايا
ولاو لي يقراو معايا ينخلعو لي يجي ليا نهرب نخاف
نقول بلاكش راه يشوف فيا
ربي يستركم على الردود طمنتوني

amola 14

2012-05-04, 17:02

غالبية اللي يخدمو في مجال الامن يكون هذا طبعهم بحكم واش راهم يشوفو و يعايشو في جرائم و فساد........الخ
بعد الزواج بلاك يتبدل و اللا يخفف من الشك لما يشوفك اهل الثقة وشخصيتك قوية
تقبلي مروري

lili1988

2012-05-09, 22:26

أعانك الله و فرج كربك و يسرأمورك