تسجيل الدخول

مشاهدة النسخة كاملة : طلب مساعدة

fatima zohraa
2012-04-25, 00:10
السلام عليكم.
عندي اليكم طلب.
خويا كلا عند صاحبو لا بوري"La purée"بصح بلا صوص نتاع الحوت قالي احلى اكلة كليتها ادا وحدة منكم تعرفها رجاءا تفيدني و ساكون ممنونة وجعل الله مثواها الجنة:sdf::sdf::sdf:
حكيـ الجَزآئِرِي ــم
2012-04-25, 00:56
ديري لابيري او زيديلها لاصوص نتاع الحوت

ماشي صعيبة ههههههه
أم هنيدة
2012-04-25, 09:08
إن شاء الله الأخوات يفيدوك
نيفرتيتي.
2012-04-25, 09:28
انشاء الله يفيدوك الاخوات ونستفادو معاك احنا ثان
khouloud 27
2012-04-25, 10:26
شوفي يا حبيبتي اناكيفاش نديرها
لابوري تعرفي خطواتها مين ترحي البطاطا نزيد معاها شوية دهان واي نوع جبن انا موالفة ندير معاها لافاش كيري باش تجي بنينة ويا ريت ترحيها قبل التقديم ديراكت باش تقعد شخونة
اما بالنسبة لصوص انا موالفة نوجد مرقة مي نخليها تخثار حتى ترجع كي صوص
كاين تاع الحوت وتاع اللحم مطحون
نعطيك تاع الحوت ولي هي بالكلامار وتقدري تزيدي اي نوع حوت عندك يكون ابيض ومافيهم الشوكمثل الصولا مجمدة ولا الجمبري المجمد تجي روعة
المهم ديري حبة بصل كبيرة مقطعة صغير مع الكلامار لي عندك وشوية ملح وخليها تتقلا مليح حتى ينشف الما تاعها ومن بعد زيدي التوابل لي هوما الحرور والكمون والزعفران ونغرف طماطم مصبرة و ورقة تاع رند ومرقي وخليها طيب مين توصل نص طياب ديري الدرسة لي هي توم قصبر مقطع والكمون وخليها تكمل صيابها وقبل ما طفي ب5 دقايق زيدي الجمبري ولا على حسب الحوت لي يكون عندك شعال يشد طياب وخليها تنشف على حسب الرغبة وهادي تكون صوص الحوت مع لابوري والله مجربة وتجيك روعة ايه وانا قبل ما نطفي نزيدلها نار على اقصى حد مدة 2 دقايق ونطفي عليها
وتقدري ديريها غير بالكلامار
اسمحيلي طولت عليك مي بغيت نعطيهالك بالتفصيل وبالصحة عليكم
fatima zohraa
2012-04-25, 19:38
شوفي يا حبيبتي اناكيفاش نديرها
لابوري تعرفي خطواتها مين ترحي البطاطا نزيد معاها شوية دهان واي نوع جبن انا موالفة ندير معاها لافاش كيري باش تجي بنينة ويا ريت ترحيها قبل التقديم ديراكت باش تقعد شخونة
اما بالنسبة لصوص انا موالفة نوجد مرقة مي نخليها تخثار حتى ترجع كي صوص
كاين تاع الحوت وتاع اللحم مطحون
نعطيك تاع الحوت ولي هي بالكلامار وتقدري تزيدي اي نوع حوت عندك يكون ابيض ومافيهم الشوكمثل الصولا مجمدة ولا الجمبري المجمد تجي روعة
المهم ديري حبة بصل كبيرة مقطعة صغير مع الكلامار لي عندك وشوية ملح وخليها تتقلا مليح حتى ينشف الما تاعها ومن بعد زيدي التوابل لي هوما الحرور والكمون والزعفران ونغرف طماطم مصبرة و ورقة تاع رند ومرقي وخليها طيب مين توصل نص طياب ديري الدرسة لي هي توم قصبر مقطع والكمون وخليها تكمل صيابها وقبل ما طفي ب5 دقايق زيدي الجمبري ولا على حسب الحوت لي يكون عندك شعال يشد طياب وخليها تنشف على حسب الرغبة وهادي تكون صوص الحوت مع لابوري والله مجربة وتجيك روعة ايه وانا قبل ما نطفي نزيدلها نار على اقصى حد مدة 2 دقايق ونطفي عليها
وتقدري ديريها غير بالكلامار
اسمحيلي طولت عليك مي بغيت نعطيهالك بالتفصيل وبالصحة عليكم

بارك الله فيك و جزاك الجنة شكرا لاهتمامك:mh31::mh31::mh31: