حبيت نرضي ربي لكن .....................؟ [الأرشيف] - منتديات الجلفة لكل الجزائريين و العرب

اميرة باحتشامي

2012-04-24, 22:25

السلام عليكم ورحمة الله وبركاته

كيف حالكن ؟

ضاقت بي الارض بما رحبت ومالقيتش كيفاش نحي ضيقة الخاطر
حبيت تشاركوني في موضوعي

انا استاذة على خلق ودين وجمال يشهخد به كل الناس يعني سمعتي الحمد لله عالية

خطبني واحد عندو شهرين ونص
خطبني ورجع لخدمتو بعدما تفاهمنا على كلش ومن ضمن شروطو اني نحبس خدمتي على طوال وقبلت قالي ساعديني معنديش ذركا رايح نبنيلك دار قولت معليش وقبلت نقصت في الشروط حتى ضحكو عليا الناس هذا كامل باش نرضي ربي سبحانه
المهم الخطبة كانت تقليدية شفتو في نظرة شرعية كنت متحجبة وقتها
رديت بالقبول بعد ما تفاهمنا
لغدوة بعثلي قالي حاب نحكي معاك في التليفون وهو مازال ما دارش خطبة رسمي يعني نظرة شرعية فقط قولت لاخته حتى الفاتحة ان شاء الله على اساس باش يزرب الفيلم المهم شرالي خاتم قالي الخاتم حتى نديروو فاتحة باش نجيبهولك خلاها في دارهم وما جابليش خاتم الشوفة ضحكو عليا الناس وقولت واش عليه ربي خير الفائدة في الهناء رجع لخدمتو وبعد شهر كي روح بطل
والكارثة العظمى دارهوم ما قالوليش حتى رجع بعد شهر ونص باش جاء بابه كي قالو عمي واش من سبة قالة الراجل يقول بلي ماهوش نتتاع زواج وقالو راني حشمان باش نقابل باباها الطفلة ما عندو ما خصها
يا خواتتي راني ما بكيت ما شكيت ليه باش يجي يخطبني هو واحدو بعثلي مع اخته وما نحكيلكومش على وابل المكالمات اللي جاوني باش نقبل برك ومبعد كلش ساهل وكي قبلت تخطبت لمدة شهر وبطل عليا
قوليلي واش رايكم في موقفي؟ انا قولت نرضي ربي بديتها بخطوة مليحة وبنظرة شرعية وكيعاد الخطوبة مجرد وعد بالزواج ماطاوعنيش قلبي نحكي معاه لاختار اجنبي وبلا ما نقولكم قبل ما يجي يخطبني طلب يشوفني برا ورفضت واليوم قالو مواليه بلي انا السبة كي ما هدرتش معاه كون جيت نحكي معاه كون بدل رايو

هل انا على صواب او خطا اخواتي ارشدنني لطريق الحق ؟

لميس 83

2012-04-24, 22:30

أختي الكريمة راكي على صواب مليون في المئة ويعطيك الصحة اللي راكي محافظة على دينك وأخلاقك في وقت كيما وقتنا...

وتأكدي بللي هاد الشخص لوكان جا من مكتوبك حاجة ما توقف بيناتكم وقولي قدر الله وما شاء فعل وربي يرزقك بزوج صالح يكون في مستوى تربيتك..

جسر الأمل

2012-04-24, 22:43

اختي شوفي ماتزعفي ماتقلقي رووحك انت خرجت معاه امراة ونص وجامي غادي يلقى وحدة كيفك، صح تزعفي مي مع الوقت تنسي هو ماقدرش الماسة اللي بين يديه وسبة الهدرة مكانش منها، وديري في بالك لوكان جا مكتوبك كنت رايحة تكملي معاه صوا حكيتي معاه في التلفون ولا ماحكيتيش، انت الهي بخدمتك ودوك تنسي وماديريش على العرب اللي عمرهم مارضاو ، احتسبي امرك لله، وانسيه واقطعي صلتك بعائلته.
سيبو انت سهلتيها عليه وهو راه يتبهلل، خلو هباله دوك يخرج عليه غايا
ربي يفرحك ويرزقك بولد الحلال اللي يعوضك ويفرحك ويسعدك ياااااااااااااااااااااااااااااااااارب

اميرة باحتشامي

2012-04-24, 22:43

الله يسلمك اختي
امين اجمعين

يا اخت لميس يقولو بلي راني رجعية وعقليتي ماشي مليحة كيعاد رفضت نحكي معاه وهذا اللي رايح يخليني عانس بالرغم اني في ريعان الشباب ؟

haloma02

2012-04-24, 22:44

ربي يكملك بعقلك اختي بلاك ربي شاف فيها الخير ليك بعدك عليه احمدي ربي و ان شاء الله يعوضك بلي احسن منو مليون مرة مهم تكون ثقتك في ربي كبيرة

جسر الأمل

2012-04-24, 22:48

الله يسلمك اختي
امين اجمعين

يا اخت لميس يقولي بلي راني رجعية وعقليتي ماشي مليحة كيعاد رفضت نحكي معاه وهذا اللي رايح يخليني عانس بالرغم اني في ريعان الشباب ؟

تسمى اللي تشد في دينها راها رجعية غايا والله لا غايا، هو قالك هاكا باسكو ماتقبلش فكرة رفضك للحديث معاه، بصح لوكان جات في اخته تشوفي شايدير هو تسمى هنا مشي رجعي، ياخي هبال ياخي
انسي هدرته انسي كمارته انسي دارهم انسي بلي خطبك انسي كل شي وابدي حياة جديدة، نزيدك حاجة مكتوب حد مايقلعه حد، وربي يهنيك ايا مديلنا هديك التبسيمة انتاعك كيما هاكا:d:d:d:d:19:

اميرة باحتشامي

2012-04-24, 22:52

اسعى لرضى الله

2012-04-24, 22:55

اميرة باحتشامي

2012-04-24, 22:58

ربي يكملك بعقلك اختي بلاك ربي شاف فيها الخير ليك بعدك عليه احمدي ربي و ان شاء الله يعوضك بلي احسن منو مليون مرة مهم تكون ثقتك في ربي كبيرة

[color="yellowgreen"]امين يا اختي

طبعا وهذا اللي مصبرني حتى وخطبة نتاع شهر مست سمعتي وخلاتني نمشي ونخمم واش نقول وكيفاش ندير قولت لبالبا اهدر مع الرجال قولهوم يبجيبلو السبب وان شاء الله يكون مقنع على الاقل نواجه به الناس لكن اموالين الراجل حتى هوما تشوكاو فيه وقالو ما فهمناش على واش تحوس وبلا ما نقوللكم على اخته اللي بعثتلي الهدرة
وقالتلي كون بغيتيه يبقةى معاك كون قبلتي تحكي معاه

faizarbh

2012-04-24, 22:58

اختي ما كيش غالطة بالاك ربي شافلك هاذا خير لكي بعدو عليك و ان شاء الله ربي يجازيك على نيتك الحسنة و يبعثلك رجل خلوق و مدين

اسعى لرضى الله

2012-04-24, 22:58

وثاني اللي راهم يقولو على انك راح تريحي عانس قوليلهم دبرو على رواحكم

الرزق في يد ربي مش في يد العباد ام كاينين بنات ميخرجوش من الدار ومش معروفيييين خلاص وزوجو

وزيدي ادعي ربي الدعاء يغير القدر ومتخليش العرب يلعبولك على عقليتك

ارضاء الناس غاية لا تدرك كون كنتي تحكي معاه يقولك مش متربية عليها خلاها شافها كثرت الهدرة ويخرجو دعايات خرين وكي يشوفوك متحكيش يقولك معقدة عليها خلاها واش يدير بيها اي اخطااااااااااااااك من هدرة الناس اللي تدي ماتجيب

اميرة باحتشامي

2012-04-24, 23:06

تسمى اللي تشد في دينها راها رجعية غايا والله لا غايا، هو قالك هاكا باسكو ماتقبلش فكرة رفضك للحديث معاه، بصح لوكان جات في اخته تشوفي شايدير هو تسمى هنا مشي رجعي
[size="5"]اكيد اختي هذا اللي راني ندير فيه ذركا
، نزيدك حاجة مكتوب حد مايقلعه حد، وربي يهنيك ايا مديلنا هديك التبسيمة انتاعك كيما هاكا:d:d:d:d:19:

امين

ههههههههههههههههه
:1::1::1:

شكرا وبارك الله فيك على المرور وابداء الراي السديد كنت حاسبة روحي معقدة وتافهة

اميرة باحتشامي

2012-04-24, 23:12

اختي نقولك حاجة برك متقلقي روحك ماوالو مادامكي رضيتي الله متخافيش اعرفي بلي واش صرا راه في صالحك صح غاضاتك وقاسك مي اعرفي بالاك كون زوجتيه اكي طلقتي في مدة قصيرة وبالاك عيشك في جهنم وبالاك وبالاك , يعني تعودي تقولي كون دريت هكا اني فسخت الخطوبة

وفي الاية يقولك عسى ان تكرهو شيئا وهو خير لكم
صحيح بارك الله فيك
واعرفي ربي سبحانو يعلم واش منعلموش حنا يعني احمدي ربي واشكريه
هذا اللي راني ندير فيه وجزاه الحمد والمنة مع الاحتساب وكلت ربي عليه

وهدا من الجاست تاعو باين مش راجل يعني وهو الخاسر ماشي انتي اكيد والله
حتى انا قولت هكذا وكذلك مواليا الرجال قالو بلي مش اهل للمسؤولية
وزيدي اختي متخليش الشيطان يلعب بيك ويقولك او رضيتي ربي وطار راجل من يدك كيعاد هدو هوما الفرص اللي يشتيهم الشيطان باش يزعزع ثقتك في ربي ويدخلك للحرام
صحيح بارك الله فيك
وكوني اكيدة انو راح يرزقك ربي ما خير منو عشرات الاف ان شاء الله

امين اختي ما تنساونيش من صالح الدعاء
راني في كربة يعلم بها غير ربي درنا ولات قبر بالنسبة ليا كي ندخل نتحير سيرتو من والديا بابا في حالة وماما اكثر منو

اميرة باحتشامي

2012-04-24, 23:16

اختي ما كيش غالطة بالاك ربي شافلك هاذا خير لكي بعدو عليك و ان شاء الله ربي يجازيك على نيتك الحسنة و يبعثلك رجل خلوق و مدين

امين بارك الله فيك اختي

Amouna.DZ

2012-04-24, 23:19

أختي راني حاسة بيك مي حابة نقولك كلمتين تريحي روحك بيهم ربي يقول في كتابه العزيز

_من ترك شيئا لله عوضه الله خيرا منه_

_ومن يتقي الله يجعل له مخرجا ويرزقه من حيث لا يحتسب_

ربي يفرحك في القريب العاجل و ماتنسيش تفرحينا معاك

اميرة باحتشامي

2012-04-24, 23:22

وثاني اللي راهم يقولو على انك راح تريحي عانس قوليلهم دبرو على رواحكم

الرزق في يد ربي مش في يد العباد ام كاينين بنات ميخرجوش من الدار ومش معروفيييين خلاص وزوجو

وزيدي ادعي ربي الدعاء يغير القدر ومتخليش العرب يلعبولك على عقليتك

يعطيك الصحة اختي كلامك بلسم لجرحي

ارضاء الناس غاية لا تدرك كون كنتي تحكي معاه يقولك مش متربية عليها خلاها شافها كثرت الهدرة ويخرجو دعايات خرين وكي يشوفوك متحكيش يقولك معقدة عليها خلاها واش يدير بيها اي اخطااااااااااااااك من هدرة الناس اللي تدي ماتجيب

صح بارك الله فيك وربي يهنيك

djamila21000

2012-04-24, 23:40

و الله يا ختي عملتي مليح و هذا هو الصح ما يجوزلكش تهدري معاه مادام ما دارش العقد الشرعي لأنه أجنبي عليك، و احمدي ربي لأنك ما ديتيهش لأنو ما يستاهلكش.
ثاني حاجة ما تخمي ما والوا ارفعي راسك و امشي أنتي على حق و هو على باطل.
و ربي يرزقك بولد لحلال لي يعرف قيمتك تاع الصح.

faty05

2012-04-24, 23:40

فوتيه لانو ما يستهلكش
استمري في الحياه فالارض لن تتوقف عن الدوران من اجل اشخاص مثله
ربي يعوضك بواحد يخاف ربي و يعرف قيمتك و يعززك و يكرمك

mounia 85

2012-04-24, 23:41

هو لي خاسر وجه الشر...اصلا ماشي تاع وجهو يدي استاذة محترمة و مربية كيفك
نتي رضيتي ربي و ربي راح يكافئك و يجيبلك واحد سيد الرجال لي يستاهلك و يعرف قيمتك صح
وزيد هو قال عليك رجعية ....نتي قوليلو اتطور نتا بزاف و تاني لي عينو يعيش برجوازي يكحهم ماشي خاتم بخلك فيه... لا وشراه و مخبيه مشتااق هههههه ....ان شاء الله يجيبلو ربي وحدة متطورة كيفو تسنسرو و توريلو التطور كيفاش داير
اسمحيلي ختي على هدرتي بصح والله غير تنرفزت منو صح و عندك توليلو كون يحب يردك والله مايسعى فيه الخير

اميرة باحتشامي

2012-04-24, 23:49

أختي راني حاسة بيك مي حابة نقولك كلمتين تريحي روحك بيهم ربي يقول في كتابه العزيز

_من ترك شيئا لله عوضه الله خيرا منه_

_ومن يتقي الله يجعل له مخرجا ويرزقه من حيث لا يحتسب_

صح اختي جزاك الله خيرا على التذكير
ربي يفرحك في القريب العاجل و ماتنسيش تفرحينا معاك

امين يارب
ان شاء الله و ما تنساينيش من صالح الدعاء الاخت
ولك بالمثل وزيادة بحول الله

اميرة باحتشامي

2012-04-24, 23:54

و الله يا ختي عملتي مليح و هذا هو الصح ما يجوزلكش تهدري معاه مادام ما دارش العقد الشرعي لأنه أجنبي عليك، و احمدي ربي لأنك ما ديتيهش لأنو ما يستاهلكش

الحمد لله لي لفيت عباد يفهموني وينصحوني ربي يجازيكم جنة الخلد يارب .
ثاني حاجة ما تخمي ما والوا ارفعي راسك و امشي أنتي على حق و هو على باطل.
و ربي يرزقك بولد لحلال لي يعرف قيمتك تاع الصح.[/quote]

امين يارب

اميرة باحتشامي

2012-04-24, 23:55

اميرة باحتشامي

2012-04-24, 23:56

فوتيه لانو ما يستهلكش
استمري في الحياه فالارض لن تتوقف عن الدوران من اجل اشخاص مثله
ربي يعوضك بواحد يخاف ربي و يعرف قيمتك و يعززك و يكرمك

امين يعطيك الصحة وربي يرزقك من حيث لا تحتسبين

**د لا ل**

2012-04-25, 00:07

كوني واثقة اختي ان ربي سبحانو راح يعوضك بسيد سيدو باذن الله

خليكي على المبدا نتاعك ومتتنازليش عليه خلاص

وادعي ربي دايما وخليها عليه

عيشي حياتك وكملي شغلك عادي وباذن الله راح يعوضك ربي بالزوج الصالح الطيب

اميرة باحتشامي

2012-04-25, 00:27

هو لي خاسر وجه الشر...اصلا ماشي تاع وجهو يدي استاذة محترمة و مربية كيفك

هههههههههههه ضحكتيني وجه شر ولاخير راهو راح ضركا في حالو المهم اني نتي رضيتي ربي و ربي راح يكافئك و يجيبلك واحد سيد الرجال لي يستاهلك و يعرف قيمتك صح

[color="rgb(154, 205, 50)"]امين يارب يعطيك الصحة
وزيد هو قال عليك رجعية

. ماشي هو الناس اللي قالو ما نظلمش ولد الناس واخته لمحت قالت لو كان جاءت تهدر معاه كان ما خلهاش

..نتي قوليلو اتطور نتا بزاف و تاني لي عينو يعيش برجوازي يكحهم ماشي خاتم بخلك فيه.

.. لا وشراه و مخبيه مشتااق هههههه ....ان شاء الله يجيبلو ربي وحدة متطورة كيفو تسنسرو و توريلو التطور كيفاش داير
ايه تعرفي اخته بعثت تقول الذهب رايح يخبيه لمراة واحد اخرى ههههههههه يعني الضحية الجاية رايحة تقبل بالذهب

انتاع مراة سبقتها على اساس دوقي وذوق المراةالاخرى كيف كيف
اسمحيلي ختي على هدرتي بصح والله غير تنرفزت منو صح و عندك توليلو كون يحب يردك والله مايسعى فيه الخير

هذا الكاليتي ما نمنهومش قع

اميرة باحتشامي

2012-04-25, 00:34

كوني واثقة اختي ان ربي سبحانو راح يعوضك بسيد سيدو باذن الله

ان شاء الله

خليكي على المبدا نتاعك ومتتنازليش عليه خلاص

امين دعواتك لي بالثبات
وادعي ربي دايما وخليها عليه

ايه راني دائما نقول حسبي الله ونعم الوكيل
عيشي حياتك وكملي شغلك عادي وباذن الله راح يعوضك ربي بالزوج الصالح الطيب

امين جزاك الله خيرا

mantota

2012-04-25, 07:37

أختي كنتي باغية ترضي ربي الله يبارك وعلى هاد الشيئ والله أعلم شافلك حاجة فيها شر بعدك عليها ضروك خير من منبعد كي تتزوجي وتجيبي دراري
وكلام الناس ما ديريش عليه
ربي يبغيك إن شاء الله ويجيك واحد خير منو ألي يعرف قيمتك ربي يهنيييييييييييييييييييييك

سارة البوسعادية

2012-04-25, 08:25

اختي بارك الله فيك
اختي هدا الشئ مكاتيب وربي موش مكتبلك تكملي معاه فاحمدي ربي انك في هدي الفترة اخترتي اراضاء ربك
تخيلي لو قبلتي تحكي معاه وبعدها بطل
هدا مجرد ابتلاء يا اختي وربي يعوضك الي احسن منك
ومن ناحية التبطال باين المسكين ماعندوش ورغم دلك قالك حبسي الخدمة بلاك والله اعلم لقا روحو مايقدرش يوجد الدار
ولا عندو كاش مشكل في دارهم
ربي يعوضك باحسن منو

انغام المنى

2012-04-25, 09:27

خاطيك العيب يا اختي وانت على صواب واصبري وان شاء الله يجيك الي خير منو وبلاك تخلي خدمتك على جال الزواج والله هي سلاحك ومدامك استاذة يعني خدمتك مليحة وفرضا بعد ما تزوجتو بعيد الشر طلقك وانت بلاخدمة شكون الي يوقف معاك فكري مليح قبل ما تقبلي تتخطبي المرة الجاية

اميرة باحتشامي

2012-04-25, 10:09

أختي كنتي باغية ترضي ربي الله يبارك وعلى هاد الشيئ والله أعلم شافلك حاجة فيها شر
ممكن ربي وحدو اللي يعلم البواطن

بعدك عليها ضروك خير من منبعد كي تتزوجي وتجيبي دراري
وكلام الناس ما ديريش عليه
ربي يبغيك إن شاء الله ويجيك واحد خير منو ألي يعرف قيمتك ربي يهنيييييييييييييييييييييك

امين ربي يهنينا ويهنيك

اميرة باحتشامي

2012-04-25, 10:16

اختي بارك الله فيك

وفيك بارك الله

اختي هدا الشئ مكاتيب وربي موش مكتبلك تكملي معاه فاحمدي ربي انك في هدي الفترة اخترتي اراضاء ربك
تخيلي لو قبلتي تحكي معاه وبعدها بطل

ايه انا ثاني قلت الحمد لله كون هدرت معاه نولي ذليلة
هدا مجرد ابتلاء يا اختي وربي يعوضك الي احسن منك
طبعا والحمد لله
ان شاء الله
ومن ناحية التبطال باين المسكين ماعندوش
خدمتو مليحة وشهريتو الله يبارك
شرالي خاتم تسوا قريب 6 ملايين مالبستهاش حتى ثانية

ورغم دلك قالك حبسي الخدمة بلاك والله اعلم لقا روحو مايقدرش يوجد الدار

ايه وعلاه جاء خطب وديرونجاني انا ومواليا ومبعد قال انديرلك دار ونعمرها لازم تساعديني
ولا عندو كاش مشكل في دارهم

ايه قالولي خواتاتو يمشيو فيه كيما يحبو ومن قبل حذروني قالولي راهي بلاصة النساء يطيروك يطيروك وانا قولت لا المهم يكون هو راجل وعند كلمتو
ربي يعوضك باحسن منو[/color][/b][/QUOTE]

[COLOR="rgb(154, 205, 50)"][SIZE="5"]

امين

اميرة باحتشامي

2012-04-25, 10:18

خاطيك العيب يا اختي وانت على صواب واصبري وان شاء الله
هذا هو الرسمي كي ما نصبرش واش ندير رايحة نبدل زعمة في القدر مستحيل

يجيك الي خير منو وبلاك تخلي خدمتك على جال الزواج والله هي سلاحك ومدامك استاذة يعني خدمتك مليحة وفرضا بعد ما تزوجتو بعيد الشر طلقك وانت بلاخدمة شكون الي يوقف معاك فكري مليح قبل ما تقبلي تتخطبي المرة الجاية

ايه ان شاء الله ربي يهنيك اختي

- بصمة خير -

2012-04-25, 10:37

الغلطة اللي ديرتيها انك تنازلتي على جالوا و هو اصلا مش خطيبك أو زوجك

قالك بطلي الخدمة بطلتي
قالك ولي للخدمة وليتي ؟؟؟؟
و تاتي الخاتم

هذه مافهنتهاش كيفاه نرضي ربي ؟؟؟

النظرة الشرعية بالحجاب و ماهدرتيش معاه في tél هذه عحبتي فيها الله يبارك
هذه هنا ترضي ربي صح

اذا كانت نيتك ترضي ربي تأكدي ان الله يرزقك ما أحسن منو

و قوليلي صلتي الاستخارة عليه أو لالا ؟؟؟؟؟؟

في كل الاحوال اختي ماكملتش لان ماهوش هذا هو زوجك و ان شاء الله يحي ماكتوبك في أقرب وقت ييييييارب و جي تقولينا راني قريب نتزوج

و أكثري من الدعاء رب إني لما أنزلت إلي من خير فقير

+

الايمان الايمان الايمان الايمان الايمان بالله

اللهم صل و سلم و بارك على سيدنا محمد

اميرة باحتشامي

2012-04-25, 10:53

الغلطة اللي ديرتيها انك تنازلتي على جالوا و هو اصلا مش خطيبك أو زوجك

تنازلت على الخدمة برك على اساس راهو كافي روحو ولاباس عليه وهنا اقام علي الحجة ربي معاه والعبد معاه
هذا في النظرة الشرعية الاخت وفي نفس النهار رديت

قالك بطلي الخدمة بطلتي

لا ما بطلتش خدمتي كملت فيها باش نقدر نوجد روحي شكون بيا وشكون اللي يقدر يقومني ويكفيني قلت بعدما نتزوج نحبس
قالك ولي للخدمة وليتي ؟؟؟؟

مابطلتهاش كامل راهو في ظرف شهر دار في هدرتو وبطل وفسخ الخطبة
و تاتي الخاتم

الخاتم بعدما تم القبول عيطتلي اخته قالتلي تخرجي تخيري الخاتم ورحت خيرتها بعدما شراها قالولي ما نجيبوةهالكش نهار الخطبة الرسمية وجاو وما جبهاش بالفعل مواليا داخو فيه

هذه مافهنتهاش كيفاه نرضي ربي ؟؟؟

هو ما يعرفنيش بعثلي قالي نشوفك برا من بعيد لبعيد وانا نوقف .................................................. ............/size]

النظرة الشرعية بالحجاب و ماهدرتيش معاه في tél هذه عحبتي فيها الله يبارك
هذه هنا ترضي ربي صح

اذا كانت نيتك ترضي ربي تأكدي ان الله يرزقك ما أحسن منو

و قوليلي صلتي الاستخارة عليه أو لالا ؟؟؟؟؟؟

[size="5"]ايه زوج مرات والدعاء دائما ندعي ربي يقدر الخير

في كل الاحوال اختي ماكملتش لان ماهوش هذا هو زوجك و ان شاء الله يحي ماكتوبك في أقرب وقت ييييييارب و جي تقولينا راني قريب نتزوج

ان شاء الله

و أكثري من الدعاء رب إني لما أنزلت إلي من خير فقير

+

الايمان الايمان الايمان الايمان الايمان بالله

بارك الله فيك والله هدرتك دواء للجرح

اللهم صل و سلم و بارك على سيدنا محمد

صلوات الله وسلامه عليه

nadine lamara

2012-04-25, 11:29

يا اختي كل مواقفك و خطواتك كانت محسوبة و رسمية و معقولة

لا تلومي نفسك مطلقا

و لا تبكي على إنسان ما يستاهلش فيك حتى الشوفة اللي داها

واضح انك أرفع و اكثر تخلق فاعلمي ان الله لم يرد لك الا كل خير

z.abdo

2012-04-25, 11:36

اختي ما تلومي روحك ما والو تستاهلي أحسن منو وربي لا يخب ظن عبده به

تقبلي مروري

شمس 15

2012-04-25, 12:00

رهام87

2012-04-25, 13:49

السلام عليكم اختي الكريمة ...والله راكي دكرتيني بحكايتي انا تاني تقريبا نفس الموقف صرا معايا وخرجت محبطة من هديك التجربة وصلت لدجة احباط متتصوريهاش سيرتو كي كنت دايرة في بالي فكرة انو الراجل كي يلقا مرا كيما هكدا جامي يفرط فيها ...مي الحمد لله تجاوزت المرحلة وبديت نخمم في حياتي وخدمتي ومستقبلي وكنت نقول خلاص مكانش راجل يحب يدي وحدة عاقلة وجامي هدرت مع واحد وبقيت شهر ورا لي صرالي والحمد لله خطبني واحد خير منو مليووووووووووون مرة ودرك راني نقول دايما الحمد لله يارب علخاطرش في لحظة حزن منتفكروش بلي ربي قال وعسى ان تكرهو شيئا وهو خير لكم ...اختي نقولك صبري وتأكدي تأكدي بلي ربي راح يفرحك ويجيبلك راجل كيما تحبي انتي متقلقيش روحك برك وهداك لي بطل عليك اكيد راح يجي النهار وين يندم عليك وكلام الناس متخمميش فيه ربي هو لي يرزق مشي النااااااااااس ............
ديري ثقة في نفسك وكملي حياتك عاااااااااادي ومتحاوليش تبدلي عقليتك علجال الناس والرجال وتأكدي بلي هداك الراجل مكنتيش رايحة تعيشي معاه غاية لو كان تزوجتي بيه ...........ربي يهنيك اختي حبيتك والله

اميرة باحتشامي

2012-04-25, 13:54

يا اختي كل مواقفك و خطواتك كانت محسوبة و رسمية و معقولة
شكرا اختي لي حسستوني بلي راني في المقدمة على عكس الناس اللي قالو راكي ديمودي وعقليتك ما تنفعاش رجع اللي يخاف ربي ما يسواش

لا تلومي نفسك مطلقا

و لا تبكي على إنسان ما يستاهلش فيك حتى الشوفة اللي داها

هذا اللي حيرني وندمني يا اختي درت نظرة شرعية مع عبد ما يعرفش ربي هذا اقل ما يقال عنه ربي وكيلو

واضح انك أرفع و اكثر تخلق فاعلمي ان الله لم يرد لك الا كل خير

ان شاء الله اختي علابالي بلي كل شر عند العبد خير عند ربي سبحانه والحمد لله المؤمن مصاب

اميرة باحتشامي

2012-04-25, 13:57

اختي ما تلومي روحك ما والو تستاهلي أحسن منو وربي لا يخب ظن عبده به

تقبلي مروري

بارك الله فيك كلامك رفع معنوياتي

اميرة باحتشامي

2012-04-25, 14:00

كككل خير أختي ,خمي في حاجة وحدة أنك كنت فحلة و ما هدرتيش معاه قبل ما يفتح عليك لوكان اهدرتي معاه و بطل كيفاه رايحه ديري و زيدي أنك درتي حاجه تؤثمين عليها.كيما يقولو خيرو في غيرو,وربي يرزق إن شاء الله

[COLOR="YellowGreen"][SIZE="5"]ايه اختي كلامك صح 100/100

انا رضيت ربي قلت كي نرضي ربي يرضي علي عبدو لكن انقلبت الموازين

وعلى كل حال الحمد لله

امين ربي يهنيك [/

اميرة باحتشامي

2012-04-25, 14:04

السلام عليكم اختي الكريمة

وعليكم السلام ورحمة الله وبركاته

...والله راكي دكرتيني بحكايتي انا تاني تقريبا نفس الموقف صرا معايا وخرجت محبطة من هديك التجربة وصلت لدجة احباط متتصوريهاش سيرتو كي كنت دايرة في بالي فكرة انو الراجل كي يلقا مرا كيما هكدا جامي يفرط فيها

انا ثاني كنت حاطة هذا الفكرة في بالي
...مي الحمد لله تجاوزت المرحلة وبديت نخمم في حياتي وخدمتي ومستقبلي وكنت نقول خلاص مكانش راجل يحب يدي وحدة عاقلة وجامي هدرت مع واحد وبقيت شهر ورا لي صرالي والحمد لله خطبني واحد خير منو مليووووووووووون مرة ودرك راني نقول دايما الحمد لله يارب علخاطرش في لحظة حزن منتفكروش بلي ربي قال وعسى ان تكرهو شيئا وهو خير لكم ...اختي نقولك صبري وتأكدي تأكدي بلي ربي راح يفرحك ويجيبلك راجل كيما تحبي انتي متقلقيش روحك برك وهداك لي بطل عليك اكيد راح يجي النهار وين يندم عليك وكلام الناس متخمميش فيه ربي هو لي يرزق مشي النااااااااااس ............
ديري ثقة في نفسك وكملي حياتك عاااااااااادي ومتحاوليش تبدلي عقليتك علجال الناس والرجال وتأكدي بلي هداك الراجل مكنتيش رايحة تعيشي معاه غاية لو كان تزوجتي بيه ...........ربي يهنيك اختي حبيتك والله

احبك الذي احببتني فيه اخية
كلامك فرحني وزاد رفع ثقتي في نفسي وفي ربي سبحانه
ربي يفرج وربي يبقي علينا الستر

اختي ربي يكملك ويهنيك

عُضو مُحترم

2012-04-25, 14:09

شوفي يا اختي

انااقتنعت بشيء اعرف بانه غلط

بكري كانو يقولو مول النية يربح

ولكن الآن

مول النية يخسر مع ربي و مع العباد

ربي يرزقك الزوج الصالح الذي تقر به عينثك

اميرة باحتشامي

2012-04-25, 15:09

شوفي يا اختي

انااقتنعت بشيء اعرف بانه غلط

بكري كانو يقولو مول النية يربح

ولكن الآن

مول النية يخسر مع ربي و مع العباد

استسمحك عذرا الاخ اللي يدير النية مع ربي ويمشي بالصفاء اكيد رايح يرضى عليه ربي ويجازية طولت ولا قصرت في الدنيا ولا الاخرة

اما لعباد فاقول ربي اني لمغلوبة فانتصر

ربي يرزقك الزوج الصالح الذي تقر به عينثك

امين بارك الله فيك على المرور

ويبقى الأمل

2012-04-25, 19:42

أختي راكي أميرة باحتشامك كيما اسمك ، كوني على يقين أن ما قمت به إرضاء لله سيعوضك الله بأحسن منه .
هذا الشخص وعلى حساب ما حكيتي يحوس على الخرجات والدخلات والحكايات فالهاتف ، لو كانت نيتو صافية راكي كبرتي في عينو من خلال تصرفك هذا بامتناعك الحديث معه وقليل من الفتيات ما يصنعن هذا الفعل .
ثقي في الله أختي ربي شافلك الخير مع غيرو ولا تهمك هدرة الناس .اللي يجيك خاطب احكيلو قصتك كيما صرات وهذا أكبر دليل على عفتك وطهارتك .
رزقك الله من حيث لا تحتسبين أختي.

first first

2012-04-25, 23:54

شوفي يا اختي

انااقتنعت بشيء اعرف بانه غلط

بكري كانو يقولو مول النية يربح

ولكن الآن

مول النية يخسر مع ربي و مع العباد

ربي يرزقك الزوج الصالح الذي تقر به عينثك

لا لا خويا مول النية ديما رابح ...............واذا على الربح تاع الدنيا غير حنا نشوفوه ربح .....يعني هاذ الراجل لي بطل عليها هو الربح...............ولا الزواج وتسهيل امور الدنيا هي الربح؟؟؟
والله عندي مبدا اعيش عليه حاليا وان شاء الله للممات ......"اامشي في الطريق الذي تراه مستقيم ولاتابه بالنتائج"

واعلم اخي ان الله لايضيع عنده شيء ............أعلم انك تعلم ولكن من باب التذكير فقط.

وبالنسبة للاخت لم ارى انك اخطاتي في شيء وقد كانت جميع خطواتك سليمة سلامة نيتك....وهاذيك هي النية لسلكتك

عفوا وحتى لااضلم ذاك الشخص فقد يكون انسان فيه خير عضيم وانت فيك خير عضيم .....والمشكل ان لا خير في اجتماعكما لذا لم يكتب الله لهذا الزواج التمام..............نورمال ماطاحتش السما على الارض.

محمد...عبد النور

2012-05-03, 16:11

السلام عليكم أختي الكريمة
الله يبارك مادام يوجد أمثالك في هذه الدنيا ما زالت الدنيا بخير
الله يبارك خطواتك كلها سليمة ما شاء الله
ربما ربي صرفه عليك، قد ترين انك فقدت خاطبا لكن ربي صرف عنك شرا
فقط انصحك مرة أخرى و بإذن الله ربي يرزقك سيد من سادات الرجال لا تستعجلي في الاختيار ، اسألي عن الرجل - يعني اهلك يسألون عنه -و عن من يصاحب( أي أصدقاؤه و أخلاؤه فالمرئ على دين خليله ) لكي تتفادين طامة قد لا تحسبين لها حساب، فبعض النساء تقول المهم راجل لكن قد تتزوج و تطلق و تصبح هي الخاسرة في مجتمع تعرفين نظرته
ربي يبارك فيك و يرزقك الزوج الصالح عاجلا غير آجل و يثبتك
ســــــــــــــــــــــــــــــلام

اميرة باحتشامي

2012-05-03, 23:13

السلام عليكم أختي الكريمة[/
وعليكم السلام ورحمة الله وبركاته b]
[b]الله يبارك مادام يوجد أمثالك في هذه الدنيا ما زالت الدنيا بخير[/
الله يبارك فيك

b]
[b]الله يبارك خطواتك كلها سليمة ما شاء الله[/

ربي يبارك في عمركb]
[b]ربما ربي صرفه عليك، قد ترين انك فقدت خاطبا لكن ربي صرف عنك شرا
فقط انصحك مرة أخرى و بإذن الله ربي يرزقك سيد من سادات الرجال لا تستعجلي في الاختيار

هذا مربط الخيل اخي الفاضل فلم ولن اقبل الا بعد سؤال وبحث طويل وعميق كل من يعرفه يشهد له بحسن الخلق والدين
وهذا ما لمسته وشهدته في شخصه
صراحة هذا اللي زاد هز ثقتي في اختياري اذا كان صاحب خلق ودين يقوم ويفتعل موقف مشين من العدم فما بالك بالوضيع من الرجال اسال الله ان يجنبني واياكم هذا الصنف الدوني
، اسألي عن الرجل - يعني اهلك يسألون عنه -و عن من يصاحب( أي أصدقاؤه و أخلاؤه فالمرئ على دين خليله ) لكي تتفادين طامة قد لا تحسبين لها حساب، فبعض النساء تقول المهم راجل لكن قد تتزوج و تطلق و تصبح هي الخاسرة في مجتمع تعرفين نظرته[/

صحيح بارك الله فيك على الارشاد والتوجيه ماذا عساي ان اقول بعد ان تعاملت مع الموقف بصرامة وتاني كبيرين لم اتسرع بحجة المهم راجل الا الحمد لله حمدا كثيرا طيبا مباركا فيه
b]
[b]ربي يبارك فيك و يرزقك الزوج الصالح عاجلا غير آجل و يثبتك

وفيك بارك الله
امين ولك بالمثل وزيادة

ســــــــــــــــــــــــــــــلام

وعليكم السلام ورحمة الله وبركاته
بارك الله فيك على المرور

اميرة باحتشامي

2012-05-03, 23:19

لا لا خويا مول النية ديما رابح ...............واذا على الربح تاع الدنيا غير حنا نشوفوه ربح .....يعني هاذ الراجل لي بطل عليها هو الربح...............ولا الزواج وتسهيل امور الدنيا هي الربح؟؟؟
والله عندي مبدا اعيش عليه حاليا وان شاء الله للممات ......"اامشي في الطريق الذي تراه مستقيم ولاتابه بالنتائج"

واعلم اخي ان الله لايضيع عنده شيء ............أعلم انك تعلم ولكن من باب التذكير فقط.

وبالنسبة للاخت لم ارى انك اخطاتي في شيء وقد كانت جميع خطواتك سليمة سلامة نيتك....وهاذيك هي النية لسلكتك

عفوا وحتى لااضلم ذاك الشخص فقد يكون انسان فيه خير عضيم وانت فيك خير عضيم .....والمشكل ان لا خير في اجتماعكما لذا لم يكتب الله لهذا الزواج التمام..............نورمال ماطاحتش السما على الارض.

ايه صح السماء ما طاحتش والقيامة ما ناضتش لكن لا تنسى اننا في مجتمع جزائري يتخلله اكرمكم الله العفن لاسيما مايتعلق بالمراة
يترصدون الكبيرة والصغيرة

لكن ربي خير والحمد لله

محمد...عبد النور

2012-05-03, 23:54

وعليكم السلام ورحمة الله وبركاته
بارك الله فيك على المرور

شكرا أختي الفاضلة على دعائك لي
أسأل الله لك الحياة الطبية و أن يرزقك الله بالزوج التقي النقي الرضي المرضي الذي يكون سكنا لك و تكونين سكنا له و يعينك على أمر دينك و دنياك و يقر عينك به
و أسأل الله الكريم تيسيره لك في هذا الامر عاجلا غير آجل و أن يرزقك الرفعة في الدنيا و الآخرة
شكرا مرة أخرى في أمان الله
ســـــــــــــــــــــــــــلام