العاصمة

[ابراهيم تملغاغيت]

وردة زاهية في وسط بستــان


فاحت بروايح ومسك وعطـــور


ارجاها كل محب الحنــــــان


والجمال والسر والقلب المســـرور


مصباحها اضوى بالنور وعــلّى


وحدها واملاها وفاض ودّلــــى


واجنا منها كل واحد وجّلــــى


ناري يا ناري عالقصبة وبلكــور


حبي ليكم يا أهل العاصمــــة


من باب الواد لحسين داي الزعيمـة


والقبة والعلالي ودور الحرمــة


وسيدي امحمد وسلامي لأهل القبـور


سيدي عبد الرحمن براكته مرجـــوة


ومن الجامع الكبير صدقت الدعـوة


و أصلت شباب وعمت النـــــدوة


والسياسة ادات حقها وأدات الـدور


يا الجزاير يا البهجة البيضـــا


يا بلاد الحب والمنى والرضــا


يا أرض الزعامة وللحرية روضة


للصغير والكبير بنات وذكــور


الحرية فيك علات وبهـــات


شفافة تتحلى بأحسن صفــات


رحمة نالت منها كل الشرحــــات


بعد ما ارفض شعبك الضلم والجـور


شعتى وعرفوك البلدان الكبــــار


غرفوا فيك التضحية والحسن والأسـرار


وعلمتى وربيتي على حسن الجوار


ودم الشهدا حرك من العدو المغـرور


وسميتي وخلدتى أسامي شهــداك


في شوارع واحياء بيهم ما اغــلاك


نذكر زيروت وبن مهيدي زعمــــاك


وساحت الأمير اضوات عليهم بالنــور


وساحلك انعش كل النفــــوس


بالنسمة الحنينة والشوق المــغروس


وخرج بحارة من المنا المرصـوص


قصدوه بواخر من كل بر معمـور


نهديلك كل الحب ولاعتبــــارات


يا وردة لبلاد ليك جل التضحيـات


يا مقر العز للشبان ولبنـــات


يا ابلاد الحضارة ومقر الحــور



بقلم ابراهيم تملغاغيت