استفسار حول طريقة حفظ بالقرنون

[لمستغانمية]

سلام عليكم كي راكم يا الفحلات...عندي استفسار و راني حشمانة يمكن تقولوا هادي جايحة و ما تعرفش بصح ما عليش نسقسي ..بصح بالاكو ترجعوني خايبة و ما تجاوبونيش
قولولي حباباتي ماهي الطريقة باه نحتفظوا بالقرناع ( القرنون )باه ما يتبدلش لونوا و يكحال
و كون نحتفظوا بيه في الكونجيلاتار يخسر ولا لا ..

[miri_27]

اهلا بك حبيبتي وين اتروحي تلقايني انا القرنون انقيه و انديرو في ماء به قطع الليمون و نغليه نص طياب ثم نوضعو في اكياس الحفظ راهي موجودة في المحلات ثم قبالة للكونجيلاتور

[لمستغانمية]

شكرا ميري وين ما نحتاجوك نلقاو ك ديما حاضرة الله يبارك ماشي غير طبيبة برك راكي شاطرة حتى في الطياب

[نائلة]

انا نقيه ونغسله ثم نعصر عليه شوية قارص باه ما يكحالش ثم نفوروه شوية ونحطه في أكياس
ونديروه في الكونجيلاتور

[zamilio]

السلام عليكم انا يا اختى ا انقيه ونحكو بالليمون ونديرو فى ساشيات ونغلق اعليه فى علبةونهار نسحقو نخرجومباشرةنغليه ونديروللطياب تاعى يبقى وكانو جديد ونشاء الله تستفادى

[ام مريم الجزائرية]

شعال تكون مدة الحفظ تاعو سمعت بلي مالازمش يقعد بزاف يتاكسد ويطلق مادة سامة

[natacabell]

bon ana nakh ou naasourlou lkaress bezyada nhatou f les sachet de congelation youkkad b la couleure dyalou ou ki thatih f les sachet tani lazem ykounou fihoum lkares maasour had la methode rani nakhdem fiha men hada chaal jarbiha bi tawfik

[وصال7]

اختى انا تانى سمعت انو يتاكسد ويطلق مادة سامة وليت منكوجليهيش

[zamilio]

انا عندى سنين وانا نكوجليه لخاطر انموت اعليه

[nadiem]

انا نحيلو الريش لكبير والصغير ونكونجليه في كيس وكي نسحقو نجبدو ونحطي فالما يطرا ثم نكمل نقيه عادي يعني نحي الشعر ونقطعو

[نور التفاؤل]

sma3t déconseiller

[الصوامعية]

البارح في حصة الطبخ من إذاعة عين الدفلى عطاتنا طريقة تبان مليحة
أولا نقي القرون كالمعتاد نحيلو الريش الموجود في الوسط نحكوه بالقارص ثم نديروه في قدرة فيها ماء و2 حبات قارص مقطعين ومغرف كبيرة فرينة خليهم يغلو 5 دقائق فقط ثم قطريهم دريهم في سنيوة بعديهم على بعضهم باه ميلسقوش كي يجمدو دري شعال تستحقي 4 ولا 6 في كيس ودخليهم للمجمد .