فكيف تنصحوني ان اقنعها

[khelifa09]

السلام عليكم


انا وزجتي درنا العقد المدني منذ شهر. واتفقنا على ان يكون الزواج بعد عام بسسب دراستها.

لكني اريد تقديم الزواج الى سبتمبر لانني لا استطيع الصبر. وعندما اخبرتها بذلك قالت لي انت لست عند كلمتك .

فكيف تنصحوني ان اقنعها بتقديم العرس بحيث اني لا اشعرها اني ليس عند كلمتي.

كيف تكون علاقتنا في هده المدة قبل الدخول.

[أم لجيـن]

وعليكم السلام

وهي من وقتاه عدها كلمة حتان تقلك مشيك عد كلمتك


يتحدد العرس توافق وتسكت.....

ان شاء الله تلقى الي يفيدك ربي يتمملك بخير

[djamel123]

وعليكم السلام

وهي من وقتاه عدها كلمة حتان تقلك مشيك عد كلمتك


يتحدد العرس توافق وتسكت.....

ان شاء الله تلقى الي يفيدك ربي يتمملك بخير

هو قال أنه أتفق هو وأهلها على ان تكون الدخلة بعد انهاء الدراسة
والآن يريد أن يقدم الدخلة بعد أن تزوجها بعقد مدني
- الفتاة في رأيي هي المحقة لأنك لم تلتزم بكلمتك، كان المفروض تحسب حسابك من الأول.

[سارة البوسعادية]

حاول بطريقة سلمية لاني جزت على هدي المرحلة وين يقلك لازم ويسكر البورتابل ويتحول الى مشكل كبير
البنت راها تقرا يعني ادا انت صعيب هي اصعب توفق بين دراسة ومسؤولية زواج ومنزل
فمن الافضل انك تحكم كلمتك الاولى

[دعاء الملائكة]

شوف اخي انت من الاول راك تفاهمت معاها على الموعد ومنبعد بدلت رايك هي خططت لحياتها وبرمجت نفسها على هدا الاساس متنساش السبب راهي القراية وانت عندك اسبابك الخاصة ولازم تكون مقنعة 100/100 ماشي هكداك برك المهم لاعلينا انت فاهم وانا فاهمة مدام ماراكش قادر تصبر حاول كيفاش تفهمها بطريقة سليمة ومقنعة حنا النساء نحبوا اللسان الحلو اي الكلمة الطيبة ماشي معنتها راح توعدها ومنبعد تزيد دور في هدرتك حاول برك معاها وزيد حاول تساعدها في قرايتها وتهون عليها الامر وتسهلهولها هكدا متضرهاش هي ومتضرش نفسك وانت تاني حاول تصبر بالصلاة والاستغفار وتملا وقت فراغك باشياء مفيدة اكثر وزيد والله نصيحة من عندي نقص شوي الهدرة معاها علابلي راهي زوجتك وهدا لي زاد طين بلة كما يقولوا ههههههههههههه حاول متتكلموش في مواضع حميمية اكثر باش تقدر تصبر للامر ان شاء الله نكون فهمتك صحيح ومنيش قاعدة نخلط وحدي في الهدرة وربي يجيب لي فيه الصواب باين عليك تحبها وماراكش حاب تزعف منك ربي يدوم محبتكم ان شاء الله ويجيب الطيب بيناتكم

[فتـ حييةـاة]

اذا كتبت هذا الكلام عند الموثق كيما طلبت زوجتك خلاص راحت عليك ماتقدرش تحبسها من القراية وماتقدرش تبطلها من الخدمة واكيد راك فاهم واش نقصد ؟؟؟
انا مارديتش .......... علابالي اللي كنت رايحة نكتبو كان راح يكون قاسي عليك على هذا بطلت
======================================
يا اخي الزواج لازملو نية مليحة باش تجي فيه البركة صدقني اخي كي يبدا الزواج بالحسابا ت وتفسد النية خلاص ما............
مارانيش نحطملك فالمعنويات بصح هذا هو الصح اخي الزواج ماهوش بيع وشرا لازملو موثق لاااا الزواج لازملو نية صافية من اول يوم ربي يوفقك وصدقني هدرتنا حنا غير زيادة انت وحدك اللي تعرف واش يخرج عليك
ربي يسهللكم في زواجكم ياااارب

[حمراوي نت]

اذا كتبت هذا الكلام عند الموثق كيما طلبت زوجتك خلاص راحت عليك ماتقدرش تحبسها من القراية وماتقدرش تبطلها من الخدمة واكيد راك فاهم واش نقصد ؟؟؟
انا مارديتش .......... علابالي اللي كنت رايحة نكتبو كان راح يكون قاسي عليك على هذا بطلت
======================================
يا اخي الزواج لازملو نية مليحة باش تجي فيه البركة صدقني اخي كي يبدا الزواج بالحسابا ت وتفسد النية خلاص ما............
مارانيش نحطملك فالمعنويات بصح هذا هو الصح اخي الزواج ماهوش بيع وشرا لازملو موثق لاااا الزواج لازملو نية صافية من اول يوم ربي يوفقك وصدقني هدرتنا حنا غير زيادة انت وحدك اللي تعرف واش يخرج عليك
ربي يسهللكم في زواجكم ياااارب


كلام الاخت معقول جدا ، حاول مع زوجتك بالطرق المشروعة و بالحنانة ، فالنساء هكذا خلقهم ربي ، و الرفق و اللين محمود ، و ما دخل الرفق في شيء الا زانه و أنت في النهاية أدرى بأمورك و حياتك ، و الله أعلم

[ما وراء الطبيعة ؟؟؟؟]

أنت صبرت حياتك كامل

و3 أشهر أو أربعة مقدرتش...................

زيد أصبر هذا مكان ...............

[محمد جديدي التبسي]

قلها نتزوج في سبتمبر ولا نبطل ونجيبلك ضرة أمزح فقط

المرأة بطبيعتها حنينة وبالعقل وبالمعاملة الحسنة والدعاء يأتي كل خير
ربي يوفقك أخي

[narimane1991]

انا تاني راني في نفس المشكل مي هو قال لازم نقدموه وصراحة انا مانيش واجدة روحي نفسيا وماديا وادا حب يبطل غير يبطل ادا مكانش عند كلمتو في امور تافهمة متل هادي يتسما لحوايج لكبار واش يعمل ؟ وانا نقولوك غير اقعد راجل عند الكلمة واصبر في هاد الموضوع ماتنفع لا حنانة لا وعارة هي قضية حسابات ومبادئ

[لؤلؤة البلاد]

يا اخي انت الغالط انت لي عطيتها الكلمة و ممبعدا درت في رايك نصيحتي ليك قعد عند كلمتك باش تقعد راجل في عينين زوجتك و ربي يهنيكم

[ايمان نور الجزائر]

فعلا اخيي زوجتك رتبت حياتها على اساس ما اتفقتوا عليه
ولانك درت العقد راك حاب تتزوج بسرعة مي من الافضل تستناها تكمل وتصبر عليهاا

[biologie2001]

وعليكم السلام

وهي من وقتاه عدها كلمة حتان تقلك مشيك عد كلمتك


يتحدد العرس توافق وتسكت.....

ان شاء الله تلقى الي يفيدك ربي يتمملك بخير

ادا كنت انت بدون راي فهدا شانك انت.... تؤمرين و تنفدين و انت ساكتة .... الرسول الكريم كان يتناقش مع زوجاته و لم يجعلهن كالجواري تنفدن و فقط.

اخي الكريم حاول اقناعها بكل هدوء و استمع الى اسبابها التي تمنعها من تقديم العرس فلربما لن تجهز من هنا الى شهر سبتمبر... و لا تنس كدلك بانكم تفاهمتو باللي العرس بعد عام يعني ادا مقبلتش متلومهاش

[أم لجيـن]

ادا كنت انت بدون راي فهدا شانك انت.... تؤمرين و تنفدين و انت ساكتة ... الرسول الكريم كان يتناقش مع زوجاته و لم يجعلهن كالجواري تنفدن و فقط.


السلام عليكم
بارك الله فيك عن الشطر الاول من كلامك ...........
+ مش قضية نقاش وجواري ووو كيما تقولي
قضية قدر ....كي هو يحدد العرس هي معدها مدير لازم عليها توافق
+ تعذره هي عن السبب الي خلاه يعجّل بزّواج اكثر من عُذرها بقرايتها
ربي يسهل الحال ....

[younes16]

أخي العزير ليس هو بالشيء السهل أن تقنعها بتقديم العرس ..أريدك فقط أن تسألها ان كانت تثق بك .وتثق بعقد قرانك بها سوف تجد الاجابة التي تبحث عنها.

[فتـ حييةـاة]

.................................................. ..............................

اخي الكريم حاول اقناعها بكل هدوء و استمع الى اسبابها التي تمنعها من تقديم العرس فلربما لن تجهز من هنا الى شهر سبتمبر... و لا تنس كدلك بانكم تفاهمتو باللي العرس بعد عام يعني ادا مقبلتش متلومهاش



علاش و مافهمتش انو زوجها حابها تكون معاه ومش قادر يصبر عليها وباغيها فالحلال علاش ؟؟؟.........................علاش فهمت غير ماعندوش كلمة ؟؟؟
ولوكان هو ضرك يخونها مع وحدة شكون السبب ؟؟اكيد هي ولوكان السيد يخرج الطريق شكون السبب ؟؟اكيد هي
...............شكرا

[z.abdo]

السلام عليكم

لقد رايت الموضوع منذ البداية لكني لم ارد المشاركة لكن رأيت إختلاف كبير على امر واضح

اخي انت قلت تفاهمتو وحددتو العرس بعد عام يعني النبت كانت فكرتها انها راح تكمل الدراسة وبعد تتزوج لأن كثير من البنات أو أهلهم لا يقتنعو بهذه الفكرة يعني تتزوج وتكمل الدراسة

من المفروض انت تتدرس تاريخ العرس من كل الجوانب وليس بين عشية وضحاها تغير رأيك وهذه راح تكون شريكة حياتك على الأقل من البداية لاتبدا الإختلاف معها

كذالك أهلها كيف راح تكون ردة فعلهم من قرارك


ونعطيك نقة ممكن لم تكن في ذهن ممكن البنت تعتقد راح توقفها عن دراستها بعد الزواج يعني مش راح تخليها تكمل لهذا هي معارضة بشدة

يعني تقول هذا الفكرة من اجل ان تقوفها عند دراستها فقط الله اعلم الناس كيف تخمم مجرد رأي


والنقطة الأخيرة ليس من حقك ان تغير رأيك لأن تم التفاهم وانتهى إذا راجع نفسك

والله اعلم اخي هذا راي الخاص لان لو كنت مكانك ما كنت اغير كلامي وكل واحد يعرف واش يخرج عليه

[z.abdo]

لكن هل هي تدرس في الجامعه؟؟؟؟؟؟؟؟

[z.abdo]

فهمتك اخت
فقط كل عائلة لها ظروفها الخاصة يعني إذا بنت جهزوها بسرعة مثل عن قريبة الأخت أمال ليس بالظرورة عندهم نفس الظروف ونفس العقيلة

انا عندي أخي منذ شهر خطبنا له من ولاية تبسة بالظبط من الونزة يعني رغم العادات والتقاليد الخاصة بهم تقبلو عادتنا نحن الجلفاويين

حتى المهر سهلو بزاف يعني لم نكن نتصور ذالك

[z.abdo]

لأن كاين عائلات متمسكين بالعادا ت أكثر من الدين إذا قررو شيء لا أحد يمكن يغره


لهذا كل واحد وظروفه ومجتعه الله اعلم كيف يففكر يعني ممكن لو تدخل لعقو تحتار كيف راه عايش بهذه العقيلة ليومنا هذا

[z.abdo]

لكن اسمحيلي أختي
ممكن نغير تاريخ العرس بشهر أو شهرين 4 أشهر

لكن بسنة كاملة هما كا متفاهمين على كلمة يعني بعد إنهاء الدراسة

لمذا بعد ان اعطى الكلمة يغير رأيه مهما كانت الأسباب البنت عندها فرق بين الزواج بعد الدارسة أو قبل


صدقيني أكثر من نسبة 90 بالمائة تفضل البنت الزواج بعد إنهاء دراستها وليس قبلها


فمابلاك بأن هذان كانو متفاهمين أكيد تحدث لها صدمة وكذالك ردة فعل اهلها


فقط حطي نفسك في الصورة

[Abdellah M]

غير بالهداوة وا هدر معاها لان المراة حنونة
ربي يوفقك أخي

[first first]

وعليكم السلام

وهي من وقتاه عدها كلمة حتان تقلك مشيك عد كلمتك


يتحدد العرس توافق وتسكت.....

ان شاء الله تلقى الي يفيدك ربي يتمملك بخير

علاه هاذ التحجر ...........ممكن تكون عندها اسباب وظروف وهاذي راهي تفاهمو عليها من قبل باش يكون العرس بعد عام وان شاء الله يتفاهمو ويقدموه.
بصراحة لم يعجبني اي كلمة في ردك..............................غير الجملة الاخيرة.........وطبعا رد السلام........

[z.abdo]

علاه هاذ التحجر ...........ممكن تكون عندها اسباب وظروف وهاذي راهي تفاهمو عليها من قبل باش يكون العرس بعد عام وان شاء الله يتفاهمو ويقدموه.
بصراحة لم يعجبني اي كلمة في ردك..............................غير الجملة الاخيرة.........وطبعا رد السلام........

يا أختي من فضلك نحن نتناقش ولا لا للتجريح لكل رأيه

تقبلي مروري