اختي فيفي انا حنان ساعديني [الأرشيف] - منتديات الجلفة لكل الجزائريين و العرب

مشاهدة النسخة كاملة : اختي فيفي انا حنان ساعديني

حنان العنابية

2012-04-22, 13:33

السلام عليكم وشراكي اختي فيف سامحيني عبالي قلقتك معايا عاونيني في حاجة تعيشي انا حابة نخيط فراش شوفي هاديك القياس الي نخليوهم على طرف قبل مانرسم الباترون تاعنا تدخل فيه حق الخياطة والا كفاه دركا السرير وفهمت قيسو حابة نعرف المخدة الكاري قداه القيس تاعها والمخدة المستطيلة قداه هي تاني وشوفي 2 مخاد كاري و السرير قداه القيس تاعهم باه نشري
و2 مخاد مستطيل والغطا تاع السرير قداه القيس واسمحيلي قلقتك معايا على خاطر وحدة قاتلي خيطيلي وكي نخيطلها بقداه تحسبي المخدة كاري والمستطيل والفلاف تاع السرير كل حاجة و وحدها من فضلك وربي يعطيك ماتتمناي وشكرا

حنان العنابية

2012-04-22, 13:34

والقيس كي تحبي تخيطي بساط بالغروة تاع الياسمينة مقلوبة قداه القيس من القماش

fifiarch

2012-04-22, 14:40

مساء النور اختي ماتتقلقيش ما فيها حتى مشكل راني هنا نساعدك

الصباح نكون نخدم والعشية نجي

راني قبيل برك وين روحت

المهم
بالنسبة لاي عمل بالسموكس ديري حسابك انو القماش ينكمش للنص
وخاصة في غرزة الياسمينة

طيب المخدة المربعة الواحدة يكون قيسها اربعون سنتيمتر على اربعون
يعني لعمل الجهة الامامية نتاعها بالسموكس لازمنا قطعة ساتان روايال ابعادها ثمانون على ثمانون
نخلو خمسة سنتيمتر على الحواشي
ونرسم الباترون ونخدمو غرزة الياسمينة
كي نكملو نلقاو القماش تكمش للنص
نجيبو قطعة اخرى ابعادها اربعون على اربعون ونلصقها فيها من خلف وهكا نكونو خدمنا المخدة
ولعمل زوج مخدات نحتاجو متر قماش يكفيك

المخدة المستطيلة ابعادها تكون ستون سنتيمتر في اربعون
اتبعي نفس الخطوات لي حكيتلك عليهم في المخدة المربعة
يعني استعملي القماش ضعف
مالا تحتاجي قطعة ابعادها متر وعشرون سنتيمتر في ثمانون سنتيمتر
واخدمي كيما قتلك
وباه تعملي زوج مخاد تحتاجي
زوج امتار قماش ساتان روايال

وهذا ما في المخاد ساهلين حبيبتي تفكري برك انو القيس لي حابة تتحصلي عليه تستعملي القماش دوبل
باه كي ينكمش يرجعلك بالقيس لي حاباتو انت

اما عن الكوفرولي راني شرحتو بالتفصيل في الصفحة الاولى من ورشة انجاز تروسو سموكس اقرايها مليح
وراني اخذت بعين الاعتبار الخياطة وكل شيء

اما عن الثمن نقولو تحسبي السلعة تضربيها في زوج وهذاك هو حق يديك بالنسبة لعمل الياسمينة
اما الضفيرة والغرز الاسهل تنقصي شوي في الثمن
بالتوفيق اختي الغالية

حنان العنابية

2012-04-22, 14:46

اختي كي يعود من عندها القماش وانا نخيط بقداه انتي تحسبي المخدة والله حابة نعرف باه منديش حق الناس وحق فراش كامل حنونة انتي شفتي الغرزة الي وريتهالك كفاه نخيط الكاشريدو تاعها من فضلك وما جاوبتنيش علة البساط بالغرزة تاع الياسمينة المقلوبة
http://www5.0zz0.com/2012/04/22/13/280755941.jpg (http://www.0zz0.com)
http://www5.0zz0.com/2012/04/22/13/458358468.jpg (http://www.0zz0.com)
هادي الي نسقسي فيك علاها هادي اول تجربة لي

حنان العنابية

2012-04-22, 15:04

وينك اختي فيفي

fifiarch

2012-04-22, 15:07

حبيبتي انا مانخدمش بالدراهم
ولكن اتفقت انا واخوات يخدمو بالدراهم انو تكون خدمة اليد هي ضعف قيمة السلعة
يعني احسبي كل متر قماش تخدميه باربعين الف
هذا بالنسبة لغرزة الياسمينة والياسمينة المقلوبة
اما الضفيرة وبقية الغرز احسبي بين عشرين وثلاثين الف

اما عن البساط
حبيبتي اي خدمة ديري في بالك راهو القماش ينكمش للنص
يعني شوفي شحال تحبي قيس البساط واخدمي بالقماش ضعف
ربي يوفقك

حنان العنابية

2012-04-22, 15:19

مرسي خنونة وربي خليلك والديك اختي نقدر نتعرف بيك اكثر تعيش ادا عندك هاتف او س كا يب او فيس بييييييييييييييييييييز

حنان العنابية

2012-04-22, 15:25

انا ب...........................................

حنان العنابية

2012-04-22, 15:26

وش دايرة فةطو

حنان العنابية

2012-04-23, 10:25

وينك حنونة

fifiarch

2012-04-23, 13:12

راني هنا حبيبتي
ودايرة نفس هاذ الفراشة صورة
نظن اضفتيني
صح

حنان العنابية

2012-04-23, 13:33

صح
اصبري نفتح الفيس تاعي

رجاء11

2012-07-02, 18:30

شكراااااااا

ام عبودة

2013-06-19, 21:23

بالتوفييييييييييييييييق