كرلاج

[مريم سلسبيل]

يريت الاعضاء يتكلمونا على الكرلاج المليح ويصوروه اناراني نبني في دار جديدة وحايرة في الكرلاج والفيونس كيفاه يكون لونهم شاركوني افكاركم ومعلوماتكم

[نورسان]

انا في رايي وعن تجربة الفايونس تاع تونس مليح

[مريم سلسبيل]

يالله مكانش واحدة خوها ماسون ولا يبيع في الكرلاج

ولا راجلها يخدم فيه ترجعلي الخبر
اختي نورسان فيونس تونس هدا يتباع في الجزائر ولا يجيبوه من تونس لتقدري تصوريه وتحطيه نشوفو

[ام انيس2]

حبيبتي انا درت الدال دو صول في البيوت تاع الجزائر والفايونس تاع الكوزينة درت تاع الاسبان والدال دو صول تاع الهول درتو كذلك تاع الاسبان

[hibanegh]

مكانش خير من قرنتو الجديد

[ام نسمة]

مرحبا انا تاني جهزت داري الجديدة والله دوخت مئة دوخة باش خيرت انا وراجلي الفايونس والدال دو صول وفي الاخير اشريت واش اعجبني كوزينتي خلاصت مازال غير الفو بلافو ابداوه لي اليوم المغاربة كي خلصو كامل انصورها ونحطلكم الصور انا ننصحك تشري قرانيتو من النوع الجيد انا شريت دال دو صول وندمت ودرك فات الحال مي لوكان غير شريت كرلاج احسن والكوزينة راني درت ميلونج تاع نوعين من الفايونس وربي ايسهلك ومبروك عليك دارك عقوبة للكرايين

[لمستغانمية]

ما نعرفش للفايونس ولا لقرانيتو حبيت برك نقولك مبروك عليك الدار جديدة

[ليلى اميرة]

مرحبا انا تاني جهزت داري الجديدة والله دوخت مئة دوخة باش خيرت انا وراجلي الفايونس والدال دو صول وفي الاخير اشريت واش اعجبني كوزينتي خلاصت مازال غير الفو بلافو ابداوه لي اليوم المغاربة كي خلصو كامل انصورها ونحطلكم الصور انا ننصحك تشري قرانيتو من النوع الجيد انا شريت دال دو صول وندمت ودرك فات الحال مي لوكان غير شريت كرلاج احسن والكوزينة راني درت ميلونج تاع نوعين من الفايونس وربي ايسهلك ومبروك عليك دارك عقوبة للكرايين
مبروك عليك دارك الجديدة ما تنسيش بعد ما تفرشيها صوريهالنا باه ناخذوا فكرة وشكرا مسبقا:)