الاستنجاد بعبد السلام مايدي

[عيون-المحبة]

في بلد مثل الجزائر كثرت فيه مهازل من يمثلنا في الاحزاب و الجمعيات و النقابات الني باعت مبادئ النضال مقابل مراتب و تصنيفات و ترقيات و ختموها بالخدمات...و تهنا نحن بين التصريحات و البيانات المتضاربة في المطالب و الامنيات من اجل تهدئة الاصوات العاليات وسط منخرطي و ضحايا النقابات.
اقترح على اهل سطيف الكرام ان يسعوا لادخال الاخ عبد السلام مايدي في وظيفة بقطاع التربية حتى نتمكن من انتخابه على راس نقابة unpef ليدافع عن مستخدمي القطاع لانه اصبح من الوجوه المعروفة على قناة النهار و صار له وزنا في المرافعة و الدفاع عن المحقورين و كلامه صادق و ليس صادق دزيري و مسموع و ليس مسعود عمراوي .

[هوني لخضر]

شكون هذا عبد السلام مايدي و الله عمري ما سمعت به
انا نعرف واحد يسموه مايدي كان يلعب الكرة بكري مع شبيبة تيارت

[عيون-المحبة]

شكون هذا عبد السلام مايدي و الله عمري ما سمعت به
انا نعرف واحد يسموه مايدي كان يلعب الكرة بكري مع شبيبة تيارت

يا خويا لخضر ماهوش عده مايدي العشرة انتاع تيارت.
هذا شرب المرار في الجزاير و عاش بالحرقة في سويسرا و هو كما قويدر الزدام يهدر و حرش و ما يخافش من المسائيل و يزدم في الحوانيت و يضرب ليكثر معاه الهدره و يدافع على الزوالية وين كانو. راهم يوروه في قناة النهار.

[branis2009]

اتصل به لعله ينفعك و يقضي مصالحك ، خاصة و أنه دائم الشكر لبوتفليقة ...أما نحن في سطيف فنعر ف
من هو مايدي و من يقف وراءه ليطلق تلك التصريحات النارية في حق كل المسؤولين على قناة النهار التي يديرها
شخص معروف بالـ..... لحاجة في نفس يعقوب قضاها.
الله نسأل أن يسدد خطانا.

[حميدي]

عبد السلام 12 سنة و ماقدرش يدي سكنة مع الوالي و شاف دايرة كيفاه مع بن بوزيد يقدر الجيب حق الآيلين للزوال أنا أقترح أن يحرقو معاه المرة الجاية

[هوني لخضر]

يا خويا لخضر ماهوش عده مايدي العشرة انتاع تيارت.
هذا شرب المرار في الجزاير و عاش بالحرقة في سويسرا و هو كما قويدر الزدام يهدر و حرش و ما يخافش من المسائيل و يزدم في الحوانيت و يضرب ليكثر معاه الهدره و يدافع على الزوالية وين كانو. راهم يوروه في قناة النهار.

ياو راني عرفتو هذاك السطايفي نتاع الحرقة في سويسرا الي يهدر على الكامورا و الطليان
و الله ما عرفتوا اذا كان انسان صحيح و لا مريض

[المتوكل على الله.]

انا الصراحة اتحفظ عن هذه العقليات لانها طريقتهم في بداية الطريق افلا تتذكر تصريحات دزيري ونضاله الظاهري!!!!!!!!!!!!!!!!!!!!!!!!!!!!

[menatech]

شكون هذا عبد السلام مايدي و الله عمري ما سمعت به
انا نعرف واحد يسموه مايدي كان يلعب الكرة بكري مع شبيبة تيارت

أنا كان علييا نديرو عمي لخضر على على راس هاد النقابة و تشوفو الحالة كي غادية تولي
آو حتى الدراري لي نقروهم و يعطيهم رابال

[هوني لخضر]

أنا كان علييا نديرو عمي لخضر على على راس هاد النقابة و تشوفو الحالة كي غادية تولي
آو حتى الدراري لي نقروهم و يعطيهم رابال

و الله لو يديروني على راس النقابة غير نمشيها على الشعرة
احنا نتاع الاساسي كامل نخرجهم للتقاعد و نطلعلهم في التصنبف

[هوني لخضر]

مهداة للخضر الهوني و كل أساتذة التعليم الأساسي الذين أعزهم الله و أرادت النقابة اذلالهم .
و معذرة على عدم نجاح الرابط الأول.
بارك الله فيك على هذه الهدية الجميلة
فرابح درياسة يبقى واحدا من اشهر المغنيين في الجزائر و اتذكر في صغري كنت اتابع جميع الاغاني التي كانت تذيعها الاذاعة الوطنية خاصة اغنية خذ المفتاح وافتح دارك يافلاح