امر لايعقل [الأرشيف] - منتديات الجلفة لكل الجزائريين و العرب

رة بنت الاحرار

2012-04-20, 17:52

السلام عليكم يا اخوتي الكرام ارجو ان تسمحو لي بطرح هذا الموضوع :
كلكلم قراتم عبر الجرائد او شاهدتم قنوات التلفزيون الاحداث التي جرت في ملعب 13 افريل بسعيدة لكن الشيء الذي لاتتوقعون انه وقع وانا بصفتي مواطنة جزائرية اولا وسعيدية ثانيا ان يهان اولاد بلادي فالجرائد ترسم صور -عزكم الله- صور حيوانات واخرون يبهدلو فينا
انا اعرف ان الشئ الذي حصل غير مقبول لكن ان تصل الامور انه عندما تذهب عند الطبيب ولا تقبل الممرضة ان تدخلك لانك سعيدي فهنا الامر قد تخطى حدود المعقول وهذا الشيء وقع في ولاية جارة والامر حصل مع خالتي
وفي الاخير ارجو ان تسامحوني على انفعالي واحنا كامل اخوة

z.abdo

2012-04-20, 18:03

شكرا أختي

أولا انا زرت ولاية سعيدة من قبل ولم ارى من اهلهم إلا الخير

اما الذي حدث صح مؤسف لكن الدولة اعطت العقوبة لمن يستحق

وبالنسبة لقريبتك يمكن لها ان تقاضي من رفض ان يقوم بواجبه لأنه ليس سنعاقب من هو سعيدي

والعقاب له اهله هو القضاء الجزائري وأظنه قد قام باللازم فعله

تقبلو مروري

مريم الصابرة

2012-04-20, 18:25

السلام عليكم اختي اولا احييك انت جزائرية مثلي ومثل الجميع صحيح الاحداث مؤسفة لكن إن وصل الأامر لما تقولين فهذا لا يعقل ومن اجل ماذا؟ كرة قدم يا ختي والله راحين ناكلو بعضانا لو انا في مكان قريبتك نروح نشكي بيهم وهي واش دخلها فالموضوع ربي يهدي الناس وكيما قالت الأخت اللي دار خكذاك راح يتعاقب
اختي إحنا كامل جزائريين وهذو عندي تفاهات تقبلي إحترامي

فتـ حييةـاة

2012-04-20, 18:35

واش من صور؟؟............. وووين نشروهم ؟؟.اكيد فالجرائد ؟؟

في ميزك اختي لوكان جا الصح مكتوب فالجرائد نشروها ب 10 دنانيرفقط !!؟؟

gomplayer

2012-04-20, 18:42

هذا الطبيب جاهل و ليس له الشرف ان يمتهن هذه المهنة

الله يهدي ما خلق

حكيـ الجَزآئِرِي ــم

2012-04-20, 18:46

سبحااااااااااااااااان الله

z.abdo

2012-04-20, 18:50

هذا الطبيب جاهل و ليس له الشرف ان يمتهن هذه المهنة

الله يهدي ما خلق

للتوضيح فقط خي قالت الممرضة يعني ان الطبيب ليس هو الذي منعها

تقبلو مروري

gomplayer

2012-04-20, 18:56

للتوضيح فقط خي قالت الممرضة يعني ان الطبيب ليس هو الذي منعها

تقبلو مروري

الطبيب او الممرضة نفس الشيء، روح شوف المستشفيات واش راه صاري فيهم

لوكان متكونش عندك معريفة صحيحة تبقى نتا التالي

z.abdo

2012-04-20, 18:57

الطبيب او الممرضة نفس الشيء، روح شوف المستشفيات واش راه صاري فيهم

لوكان متكونش عندك معريفة صحيحة تبقى نتا التالي

هذه أكيد أخي عارفها

لكن انا حبيت نوضحلك فقط لكن بما أنك مصر على رايك فالرأي رأيك اخي

gomplayer

2012-04-20, 19:24

هذه أكيد أخي عارفها

لكن انا حبيت نوضحلك فقط لكن بما أنك مصر على رايك فالرأي رأيك اخي

نعم اخي فهمتك، في الموضوع قالت الممرضة و انا قلت الطبيب و انت صححتلي واش كتبت انا

شكرا اخي و بارك الله فيك

أنا حبيت نوضحلك برك واش راه صاري لاني من عائلة طبية و راني عارف كلش

dotZero

2012-04-20, 21:48

رأيي الشخصي
سعيدة ما ظنيتش نزورها
*
*
يا أختي
مواطن يتعرض للقتل
و الآلاف يشجعون في القاتل
*
*
أن يكون هناك الالاف من المنحرفين في الجزائر العاصمة
هذا منطقي
مع خمسة ملايين نسمة
لكن
سعيدة
شحال فيها الناس باه يكونو عشرات الالاف من المنحرفين
و الساديين
بحيث يستمتعوا بجريمة قتل
*
*

http://www.youtube.com/watch?v=bFU9JsdPKJw&feature=related

رة بنت الاحرار

2012-04-21, 18:47

طيبة نفس

2012-04-21, 19:00

الله يهدي ما خلق هبال الكرة وين وصل و جهل المتعلمين لي كمل الله يسترنا

فتـ حييةـاة

2012-04-21, 19:57

يا اخي واش راك تقول بالطبع انك تعرف انو الدخلة للملعب كانت مفتوحة للجميع وصدقني ان اغلبية الشباب اللي موالف يمشو للملعب ويشجعو نادي سعيدة ماراحوش لان كان باين بلي رايح تكون حاجة ماشي مليحة
على العموم اللي جا لعندنا مرحبا بيه واللي ما جاش .......

==============

اختي اللاعب نضرب وريح واللي ضربوه نساو واش دارو وانتوما باقيين متناقشين عليهم ندعو ربي يهديهم وان شاء الله الحكاية ماتتكررش في ولاية اخرى وخلاص ولو انها تكررت في نفس الاسبوع
.
.
.
.
.
في امان الله

dotZero

2012-04-21, 20:07

اللي جا لعندنا مرحبا بيه واللي ما جاش .......

و لي ماجاش...؟
خفت تكملي جملة بكلام بذيء؟
عادي
يديرولك حظر لمدة أسبوع
هذا ماكان
*
*
على كل
أنا قصدت أني في أقصى الشرق
و شؤون تلك الولاية لا تهمني لا من قريب و لا من بعيد
لكن ردك أثبت أن ما حدث لم يكن عرضيا

محمد...عبد النور

2012-04-22, 12:56

السلام عليكم و رحمة الله و بركاته
ربي يهدي ما خلق ، و الله الامور وين ما نروحو ما تشكريش
بحال بانت غير في ناس سعيددة
الاستفزاز من طرف الضيف ممكن يدير أكثر من ذلك ، لكن الله ستر
الناس يشوفو محصلة الامر و ما يحوسوش على السبب
لكن الامر انتهى ، و طوي و عوقب من عوقب ، فلماذا تبقى الحساسيات و المناجات بالاثم و مسح السكين في كل من هو سعيدي او ممكن أي ولاية يمكن أن يحدث فيها مثل هذا
لكن ربي يعافينا و يصرف علينا كل هم
شكرا على الموضوع و بالنسبة للممرضة ممكن خالتك ما عرفتش تتصرف و تجيب حقها
كانت ممكن تطالب بحقها قانونيا و تنتازعه
ربي يجيب الخير و يهدينا الى حبه و رضاه
ســـــــــــــــــــــــــــــــــــــــــلام

سارة البوسعادية

2012-04-22, 13:56

سؤال الرجاء الاجابة عليه
انتم راكم تفسرو وتحكو وتقولو ضرب ومانعرف وشني وسعيدة وغيرها
انا متاكدة لو ان المنتدى هدا ماكنش مكتوب يعني كان نادي واجتمعو الناس الي فيه كراكم كل يوم تجبدو واحد مقتول شوفو لطريقة الردود وتشوفو الهمجية
الشعب بصفة العموم صار همجي عنيف عصبي بسبب الضروف الاجتماعية ونقص الوازع الديني واهمال الاسرة لدروها
وعلاواش حكيتو راكم تحكو على ماتش لعبه
يعني في ميزكم شئ نهار سمعتو بندوة ثقافية ولاكاش دورة تكوينية صار فيها مشكل ولا ضرب
احنا الماتشات ارتبطت بلعنف لدرجة دركي كي يعود كاين ماتش في جهتنا واحد ما يخرج

فتاة التحدي

2012-04-23, 17:29

-قرات جميع الردود الله يهدي الجميع هذه الظاهرة تقريبا في جميع الملاعب حتى في الدول المتقدمة و الامثال كثيرة لاتتركوا الشيطان يزين انفسكم فالاخطاء تقع والحمد لله على سلامة اللاعبين كلنا جزائريين من الشرق الى الغرب ومن الشمال الى الجنوب و لايمكن لاحد ان ينزع ولاية سعيدة من خريطة الجزائر لفت انتباهي ان بعض الولايات يقللون من شان سكان سعيدة لا تتركوا الكرة او خطا افراد يفرق بين الولايات والجزائريين تحكموا في السنتكم وتصرفاتكم

رة بنت الاحرار

2012-04-23, 18:10

السلام عليكم يا اخي انت لم تفهم الموضوع ومعول على دبزة وما لقيتش مع من ؟
اولا ليس من اخلاقي ولا من تربيتي اني نقول كلام بذيء
ثانيا المثل يقول اللي جانا مرحبا بيه واللي ماجاناش يجيه الخير
اظن انك قاصد الشر قبل وقوعه

ghada91

2012-04-23, 18:16

ما سمعتش بالخبر

بصح واش صرا فالملعب ما فهمتش؟؟؟؟؟؟

الجواهر

2012-04-23, 18:28

نتاسف عن الاحداث لكن لا يمكننا الحكم عن سكان الولاية بالنظر لاعمال فئة من الشباب مهووسون بالكرة و ربما اسمحولي "مزطولين " العنف منتشر في ملاعبنا من الشرق الى الغرب و علينا جميعا محاربة الظاهرة
اما الممرضة فاكيد انها جاهلة و لا تنتمي لقطاع الصحة لان اغلب الممرضات في العيادات الخاصة لا يملكن مؤهلات و انما مهمتهن هي استقبال المرضى و تحديد موعد الزيارات

رة بنت الاحرار

2012-04-23, 18:31

بصح انا اللي غاضتني الكلام تاع السيد اللي من جيجل و رجعني انا ماشي مربيا :mad::mad::mad::mad::mad:

ghada91

2012-04-23, 18:35

آه الىن فهمت

حدث عنف في ملعب سكسكدة

بصح واش دخل الملعب في سكان الولاية

واش جاب لا جاب

الملاعب فالوقت الحالي ماراهمش كيما بكري

غير المهابيل اللي فارغين شغل اللي

يروحو للملاعب فالوقت الحالي

هههههههههههههههههههه

فكرتوني بوحد الموقف صرالي

العام اللي فات كنت نعاني انا و صحبتي

من الستريس تاع الامتحانات من جهة و مذكرة

التخرج من جهة اخرى

ايه مالا قالتلي صحبتي راني حابة نروح للصطاد

و نزقي و نصرخ

هههههههههههههههههههههههههههه

باش تديفولي

هههههههههههههههههههههههههههههههه

*ابو محمد الجزائري*

2012-04-23, 18:36

اذا ضعف الوازع الديني دبت في المجتمع العصبية الجاهلية هذا ما في الامر و تبقى الاسباب تعتبر كحادثة المروحة لا اكثر و لا اقل
فلا تدري هل السبب انه سعيدي او انه بدون معريفة او ان الممرضة تكذب؟؟؟