انقذوني من عذاب حلم لم يتحقق

[hayat17]

بسم الله الرحمان الرحيم انا فتاة متزوجة منذ ثلاث سنوات ولم ارزق بعد باالاطفال قدر الله وما شاء فعل وزجي متحصل على ليسانس ولكنه لم يجد وضيفة بعد حال كل الشباب وانا اسكن مع اهله شبه متافهمين لا توجد مشاكل بصوت عالي ولكن توجد مشاكل صامتة تحرق دمي و اعصابي وتذرف دموعى دوما بحرقة وكل ما اتمناه ان يكون لي سكن خاص بي انا وزوجى لاني لا البس كما اريد وحتى اهلي عندما اقرر انا وزوجي ان ازورهم غدا يجب ان اقول لحماتى قبل ان البس حجابي واهابها عندما اقولها لها احيانا تكشر واحيانا تبتسم لانى عندما ازور اهلي سوف تشتغل كل الشغل وحدها مع انها قادرة لكنها لا تعوني بشيئ حتى اذا كان عندنا ضياف ومثلا ما قدرتش وفي الايام العادية لازم نسالها عن الغداء والعشاء وهي تقرر انا نفذ فقط حتى الاكل ما نكلوش كى الناس زوجة حمرا كل يوم احيانا اشتهى اقلي حبة بيض لا يمكن الا بعد ان استاذنها وانا كرامتي لا تسمح لى اذا قولتولي طيبي وكولي نقولكم البض تحسبو وتروح حتى الضياف كي يجو دخل روحها وتقولي ديري كذا وكذا وتقولي نقصي من المصروف انتاع الضياف وهى اكثر وحدة بخيلة شفتها فى حياتي والان زوحي يعمل عند احد الخواص يملك سكن اقترحت عليه ان نستقر عنده وتكون حجة بسبب العمل لانه ممنوع ان يقول لهم اريد الاستقرار وحدي ولكن للاسف الرجل رفض مبدئيا لان مكان العمل متطرف عن البلاد وانا جيت عاقلة ما خليتلهمش فرصة باه يحدث شجار ونروح نغضب ونقول نحوس على دار اسفة انا جد مشوشة لان الهم كبير كي يجيب شيخى الفاكهة ديرها في دارها وما تعطيناش لا انا ولا بنها وكي قولتلها علاه ما تعطيناش تقولى هذة عقلتي مش قصدي وان دارها ندخلها نضفها فقط اما بناتها واولادها يدخلو ياكلو حتى كى نلبس حاجة جديدة تبدي غضبها وتقولي شحال وانانبدا نبرر شراتهالي ماما جابهالي خويا المهم كرهت وما خفي كان اعظم اخواني عرضت مقتطف من عذابي باه تنصحونى وتدعولي الرجل يحن علينا ويسمحلنا نسكن عندو لاني حابة نريح وفي نفس الوقت مش حابة نخرج من هذه الدار بمشكل ادعووووووووووووووووووووووووووووووووووووووووولي ارجوكم حسو بيا راني نكتب ودموعي تطيح على الميكرو

[صفية الاوراس]

ربي يكون بعونك اختي الغالية ماكانش قد الاستقرار في بيت مستقل لكن في المقابل دار الناس ما تدومش عليكم
اصبري وربي يفرج عليك عاجلا غير اجلا قولي اميييييييييييييييين

[اسيل الحلوة]

واش نقولك يا أختي الله يفرج عليك من الباب الواسع أنا والله على جال هذه المشاكل راني رافضة الزواج لأنو أنا جد حساسة وبنت واحدة عند والدي ونخاف الغبينة
الله يفرج حبيبتي اللي خلق ما يضيع

[حلاوة_87]

ربي يفرج عليك اختي....وربي يجازيك على حساب نيتك ""حبيتي تخرجي بالطيب"" وتمسحي كل شيء فيك باش تتفاداي المشاكل...والله الله يعطيني قلب واسع كي قلبك...
ان شاء الله ربي يفرج عليك وتنتقلي لبيت منفرد..

[abdel02]

بارك الله فيك وفي زوجك...على صبرك ارضاءا لربك وزوجك....اعلمي اختي الفاضلة انه لا نصر الا مع الصبر...ولا فرج الا بعد الكرب...وان مع العسر يسرا...عليك باغتنام اوقات الدعاء المستجابة وخاصة ثلث اللليل الاخير...اصبري لانك تحملين هما كبيرا...ربي يفرج على اختنا عاجلا غير اجل.

[biologie2001]

يا اختي لم اجد ما أقول الا ربي يكون في عونك ... صعيبة لما تكوني عايشة في دار و المعاملة فيها تكون سيئة

[z.abdo]

أختي عليك أن تواصلي على صبرك وهكذا انت صح زوجة صالحة بالصبر على أذى أهل الزوج وراني فاهمك مليح مليح لأن اعرف كثير مثل حالتك واقد شكو ازواجهم لي نفس حالتك واعرفهم حق المعرفة


لكن انصحك ان لا تكثري على زوجك لأنه عامل مؤقت عند الخواص هو اصلا في ظغط نفسي لأنه غير مترسم مثل اصحابه لهذا يعني معرض للطرد من عند الخواص في اي لحظة تخيلي لو يستأجر سكن خاص بقرب من عمله بعد مدة يطرد راح انت ترجعي لحماتك ثم يجيك إحساس بالزضف اكثر اللي راكي فيه الحين

لهذا انصحك بالصبر حتى يعمل في القطاع العام ويترسم وبعدها تستطيعي ان تتكلمي على سكن خاص

كذالك ما تكرهيش زوجك بالشكاوي من اهلك

ولا تغظبي وتروحي عند دارك لأن راح تحطي زوجك في موقف محرج امامن اهلك إذا رجعك يقولو تحكم فيه مرتو إذا خلاك مش راح يقدر يسمح فيك

إذا تفادي هذا الموقف واصبري حتى ربي يفرج

[محمد...عبد النور]

السلام عليكم أختي الكريمة
أسأل الله الكريم أن يذهب عنك مما تجدين و أن يرزقك و زوجك سكنا تسكنون فيه ماديا و نفسيا
جملي نفسك بالصبر و استعيني بالله فوالله لست الوحيدة التي تعانين
فهناك الكثيرات و الكثيرون ممن تنغص حياتهم الاقامة مع الاسرة بحيث تنعدم بعض الحريات الشخصية
و كما يقال **البعد يجيب المحبة ** أي لما تستقلون عن العائلة حتى الحماة و ان لم تصرح بها صراحة فإنها تقولها : المهم يتفاهموا بيناتهم
و يصبح البعد مجلبة للحب و الود مع أهل الزوج
ربي ييسر لكم أموركم و يوفقكم الى الخير و يجملكم بالصبر
ســــــــــــــــــــــــــــــلام

[hayat17]

شكرا لكل من رد عليا ووسانى انا اكثر حاجة مصبرتني حبي لزوجى وحبه لى وامى التى ولا مرة قاتلي ارواحى او عامليهم با المثل انا احترم زوجى وعدم ابدائى غضبي من الضغط الذى اعيشه امامهم حيائى عندى اخت زوجى اكبر منى عاملة في المساء كى تجى المطبخ لا تراه الا الوقت لتجى تتعشى حتى الجمعة تنوض تلقا الغدا طايب وامها لا تكلمها ابدا وعندى سلفاتى ربعة كامل متهنين ديارهم وحدهم و مرات يشكو نقولهم واش نقول ان انتم تجو ضياف وما تتحملوش لكنهم يحبونى كامل يعتبرونى اخت يقولولي نجو على جالك برك اما عن شكوتى لزوجى لا استطيع ان اخبئ عنه اى شيئ لانى تعودت ان احكى له كل بشيئ بصدق حتى ارتاح اليوم كتبت هذا الموضوع قلت لا اقول له باه ما يزعفش ما قدرتش غير جاء قوتهالو انا لا احب المشاكل تخيلو الاسبوع الاول من زفافى قالى زوجى نروحو نحوسو قالت نروح انا تانى قالها بنها المرة الجاية اصرت وغضبت حشمت قوتلو خلاص حليها تروح ومن بعد كل صيف يقولي نروحو قتلو اخر مرة لان ذكريات هذيك المرة مزال ما تمحاتش اسمحولى كثرت عليكم

[first first]

اختي ماشي باش نهون المشكلة تاعك وانما لأهون عليك فقط..........................هذا مشكل البيض سمعت بيه من قبل بزاف صراتلهم هكذا............................انا من راي والله عيب .....يعني حبة بيض اقدس من الانسان!!!!!!!!!!!!!!!!!!
ولكن اختي عادي جدا وهونيها تهون....................وحطي في بالك انك لست الوحيدة التي تعيش هذا الظرف ولا الاولى ولا حتى الاخيرة!!!!!!!!!!!!!!وصبري نفسك انها فترة عابرة باذن الله وسوف يكون لك باذن الله بيت مستقل تعيشن فيه حياة مستقرة ويملؤه اولاد صالحون بعون الله
اما الحلول العملية ؟؟؟؟؟؟؟؟؟؟؟؟؟فرغم ان الله اكرمنا بعقول جبارة الا اننا اختي لم نجد الى حد الان حلا لمشكلة الحماة والكنة والعيش في بيت العايلة!!!!!!!!!!!!!!!!!!!!لانملك الا ان نقول لك على قد ماتقدري تصبري اصبري ...واحترمي البيت لي عايش فيه وتكيفي مع عائلتك الجديدة...وحماتك هذاك طبعها الله غالب...اصبري وربي راه يشوف ويجي نهار لي يفرج عليك.

زقك الله الذرية الصالحة ...وادام الله المودة والرحمة بينك وبين زوجك...
(وربي يهذيك ويهذي حماتك...باش تعيشو لباس )

[z.abdo]

إلى صاحبة الموضوع إذا راكي حابة تحذفي موضوعك عليك إرسال رسالة خاصة بالمشرفة

لأنك وضعت نفس الموضوع في قسم مشكلتي يعني مش حابة تبان عضويتك

ربيي يسهلك أختي

[hayat17]

اسفة لاني كررت الموضوع صدقوني كانت عيناي مملوؤتان با الدموع لا اعرف كيف حصل هذا

[z.abdo]

ربي يفرج عليك أختي ولا انسى انصحك بالصبر ثم الصبر

[madgirl]

ربي يفرج عليك والله مالقيت مانقول

[جسور المحبة]

ربي يكون في عونك ويفرج عليك
ماشاء الله ربي يعوضك دنيا واخرة

[دكتورة بإذن الله]

ربي يفرج عليك أختي الكريمة

و لا استطيع قول اي شيء سوى ربي يهدي اهل زوجك

ان مع العسر يسرا ،و الصبر مفتاح الفرج , و مع اشتداد الضلمة ياتي النور

و نسأل الله لك ان يرزقك بالذرية الصالحة و ان يفتح الله عليكم بسكن منفرد كي ترتاحي من هاته المأسات

فلا تيأسي و تحلي بالصبر و الدعاء

و بالله التوفيق

[شمس 15]

السلام عليكم ,اختي ربي يفتح عليك في أقرب وقت بالذريه الصالحة و البيت المستقل,شوفي ختي اصبري كل حاجه تفوت علابالي مش ساهل كي تكوني عايشه الوضع, ما تجاوبيهاش اقتليها غير بالقدر و ديري في بالك راكي ديريها لربي باش تردي السيئه بالحسنه و تربحي رضا زوجك.

[أم محمد و آيه]

نقولك غير اصبري وخلاص ......معندك ماديري وخاصة رتكي عروسة جديدة وماعندكش ولاد....


ربي يفرج عليك اختي ان شاء الله.

[بسمة محبة]

ربي يكون في عونك و يصبرك و يخفف عليك ان شاء الله

[موج و صخر]

يا ختي واش نقول لك
غير اصبري ......
على بالي بلي الضغط كبير ......
لكن اصبري حتى يلقى راجلك
خدمة و يترسم ان شاء الله .
من بعد تقدري تخرجي بدارك ان شاء الله
و تتهناي

[mouradalawal]

ربي يفرج عليك لست الوحيدة التي تعاني من هذا الامر

[hayat17]

الف الف شكر لكل من اهتم بى وتقبل الله دعواتكم لى ان شاء الله اللهم اهديني و صبرنى وفرج همى اممممممممممممممممممين

[بنت الباهية]

ربي يفرج عليك ختي والله صدقيني كي كنت نقرا في قصتك فكرتيني في وحد ليامات واش نقولك ...قلبتي علي المواجع و الآن الحمد لله فرج علي ربي
مادام زوجك لا يعمل بصفة مستقرة لا أنصحك بمغادرة بيت العائلة في الوقت الحالي عليك بالصبر هو سلاحك. ربي يوسعها عليك

[مريم الصابرة]

السلام عليكم اختي احييك ألف مرة فانت نعم الزوجة وفية وبنت فاميليا ومتربية ربي يبارك فيك اختي إصبري راني عارفة وضعك صعيب مي معليش ربي خير حماتك ربي يسامحها مي واش ديري مرا كبيرة فالسن وتبقى أم زوجك إنت حبا لزوجك وإحترامك له إصبري وربي راه معاك وماراحش يضيعك وأكيد راه زوجك بلاحظ صبرك ويزيد جبو ليك إصبري على جالو وربي يوفقكم وإن شاء الله تسكنو وحدكم وتتهناي في حياتك وربي يعمر بيتك بالاولاد إن شاء الله ربي يعطيلك على حساب نيتك إصبري ولما تنضري قولي يا رب فقك اكرر إحترامي الكبير لك شكرا