عندي بلازما حبيت نعلقها

[نيفرتيتي.]

اخواتي الحبيبات شريت بلازما ومالقيتش معاها السيبور اللي تتعلق بيه هل هو يتباع وحده ولا اللي ماكانش معاها سيبور ماتتعلقش
مشكوو و ورين

[نيفرتيتي.]

12 مشاااااااااااهدة وماكاين حتى رد

[lola22]

واشنو البلازما مفهمتش واش تقصدي ؟؟؟؟؟؟؟؟؟؟؟؟؟؟؟؟

[السَّحابة البيضاءْ]

أختي نورمالمون السيبور يتباع حتى وإلا مكاش مع البلازما .....


إحنا شرينا " طابلة " سبيسيال للبلازما


عندي صورة ليها إلا تحبي نجيبهالك تشوفيها

[ام نسمة]

تقدري تشري طابلة سبيسيال تاع البلازما وتاني ادا حبيتي علقيها في الحيط والسيبور بلاك تقدري تشريه وحده سي سير يكون كاين وحدو باش اتعلقيه ونسيت انقولك بصحتك بالبلازما حتى انا في خاطري نشري واحد ونعلقه في الحيط ونحط تحتو طابلة باص يعني كما هاد الصولرة راح ايجي هايل http://up.arab-x.com/Mar12/ABU38738.jpg (http://up.arab-x.com/)

[ام مرية]

مبروك عليك لعقوبة ليا كاين يتباع عند المزابي تلقايه مي لوكان تشري طابلة خير تجي تحفة واذا امكانياتك ما تسمحش علقيها حتى يفرج ربي تحياتي حنونة

[نيفرتيتي.]

الله يسلمكم انا حبيت نعلقها على ولادي هي سونسيبل ولدي الصغير لقيتو يلعب بيها بالفرشيطة حبيت نبعدها برك

[نيفرتيتي.]

مبروك عليك لعقوبة ليا كاين يتباع عند المزابي تلقايه مي لوكان تشري طابلة خير تجي تحفة واذا امكانياتك ما تسمحش علقيها حتى يفرج ربي تحياتي حنونة
ام مريا انت بالذات لعقوبة ليك لانك تستاهلي كل خير بصح بhome cinemaانا شريتها العام اللي فات شراها راجلي 3ملاين ونص صغيرة انا ماكنتش حابتها لاني نلم باه نشري دار بصح معليش خلي يعيش الدنيا فيها موتنشالله كي نشري دار اول حاجة نشريها هي home cinema

[ام مرية]

وعلاش هوم سينما كامل حاجة صغيرة تحفونة تتفرجي انتي وولادك وعلاش التبذير كاين اولويات لا تنتهي مع الزمن والاولاد تكبر والمسؤولية تزيد ما تكلفيش على راجلك كي ديري دار راح تصيبي 1000 حاجة خاصاتك وراح تنساي كل الكماليات وكيما يقولو ناس زمان الدار غول ما يشبع

[نيفرتيتي.]

وعلاش هوم سينما كامل حاجة صغيرة تحفونة تتفرجي انتي وولادك وعلاش التبذير كاين اولويات لا تنتهي مع الزمن والاولاد تكبر والمسؤولية تزيد ما تكلفيش على راجلك كي ديري دار راح تصيبي 1000 حاجة خاصاتك وراح تنساي كل الكماليات وكيما يقولو ناس زمان الدار غول ما يشبع
انا متمنية هاوم سينيما مشني راح نشريها انا البلازما ومحبيتوش يشراها على خاطر معنديش الدار بصح كي ندير الدا ر مانكذبش عليك يا اختي

[ام مرية]

انا متمنية هاوم سينيما مشني راح نشريها انا البلازما ومحبيتوش يشراها على خاطر معنديش الدار بصح كي ندير الدا ر مانكذبش عليك يا اختي
كي ديري الدار المصاريف راح تاكلك تنساي الهوم وحتى البلازما صدقيني ههههه انا قبل ما ندير الدار كنت نقول غير ندير الدار نشري ونعمل ونسوي يعني كماليات مي كي درت دار والله غير وليت نخمم في الاساسيات ونسيت الاحلام هههه لقيت خاصني نبدل المابل خاصني نبدل الفراش ليزور لازم حاجة شابة ودرك نسيت هاد الصولح وراني غير يا ربي نسقم الدار حابة موت نخدم داري كيما نتاع المغرب بالفايونس الله الله والكوزينة تزهي الخاطر ربي يقدرني ونشكر نعمتو كاين الي دار ماراهش صايبها وغير مع الكرى مع كل احترامي لا اقصد الاهانة

[نيفرتيتي.]

كي ديري الدار المصاريف راح تاكلك تنساي الهوم وحتى البلازما صدقيني ههههه انا قبل ما ندير الدار كنت نقول غير ندير الدار نشري ونعمل ونسوي يعني كماليات مي كي درت دار والله غير وليت نخمم في الاساسيات ونسيت الاحلام هههه لقيت خاصني نبدل المابل خاصني نبدل الفراش ليزور لازم حاجة شابة ودرك نسيت هاد الصولح وراني غير يا ربي نسقم الدار حابة موت نخدم داري كيما نتاع المغرب بالفايونس الله الله والكوزينة تزهي الخاطر ربي يقدرني ونشكر نعمتو كاين الي دار ماراهش صايبها وغير مع الكرى مع كل احترامي لا اقصد الاهانة
تستاهلي كل خير كل واحد يعيش وقته امس انا كارية اليوم انا كارية الاخرى كارية هذه الدنيا العبد يكون بصحته الدنيا ومافاها لانه يجي نهار ونديرو واش نحبو

[hakim3148]

تستاهلو كل خير اخواتي ام دودة وام مارية عنا3تلفزيون واحد في شمبرتي وواحد فالصلة واحدة عند ولدي بصح تلفاز عادي شكل بلازما وعندكالحق الدار غولة كلمانشرو حاجة نصيبو 100حاجة تخص المرة الاخيرة شريت صالون ماروكانوشريت 2سلرفيس قهوة وجدتهم قبل مانولد بنتي راه عندها عام وهذه الايام راه داي عقلي سارفيس قهوة جددخرجو وقماش جديد خرج حبيت نعاود الصالون مع كاش ريدو يعني الدار دايما يخصا اما التجديد اونعمروحا من جديد مشكل والدراهم ماهم يقضوا والوا

[نيفرتيتي.]

تستاهلو كل خير اخواتي ام دودة وام مارية عنا3تلفزيون واحد في شمبرتي وواحد فالصلة واحدة عند ولدي بصح تلفاز عادي شكل بلازما وعندكالحق الدار غولة كلمانشرو حاجة نصيبو 100حاجة تخص المرة الاخيرة شريت صالون ماروكانوشريت 2سلرفيس قهوة وجدتهم قبل مانولد بنتي راه عندها عام وهذه الايام راه داي عقلي سارفيس قهوة جددخرجو وقماش جديد خرج حبيت نعاود الصالون مع كاش ريدو يعني الدار دايما يخصا اما التجديد اونعمروحا من جديد مشكل والدراهم ماهم يقضوا والوا
اختي الله يعيشك بصح حبين نعرف السرفيس اللي خرج جديد زيماه

[natacabell]

besah alik takhdi rayi alkih khire surtout ala jal drari beslamethoum yfezdou alors yaatbaa suport ydirer 350 taltamtya ou khamsine mara okhra besaha ou lahna

[نيفرتيتي.]

besah alik takhdi rayi alkih khire surtout ala jal drari beslamethoum yfezdou alors yaatbaa suport ydirer 350 taltamtya ou khamsine mara okhra besaha ou lahna
350 الف ولا 35الف

[نيفرتيتي.]

besah alik takhdi rayi alkih khire surtout ala jal drari beslamethoum yfezdou alors yaatbaa suport ydirer 350 taltamtya ou khamsine mara okhra besaha ou lahna
350الف ولا35الف

[natacabell]

lala hanouna 350alf........nti chriti chriti plazma bsahtek zidi kamli aliha b suport 350الف

[hakim3148]

ايه سرفيسات شابين تاع قهوة كاين تاع النحاس والفضة يدروا500الف كمبلي ولكن اللي خرجوا السنة تارموا تجي طويلة بيضاء والبلاء اي الغطاء يجي اسود منقوش والفناجيل يجوا مصنوعين من الفوق مثل الالف10دج يعني مشي مدور يجي مثل سداسي بية بالزرف اوسوطاس ومعاها صكرية وتا السرابت واللي نحطوا فيها المغارف كاين يجي اسود وابيض وكاين ابيض واسود والنقوش الزخرفية تكون فضية بريسونطابل اضن يتباع عندنا 500الف زيدي معاه نابخو شابة وقهوة بنينة من يدك يسكنو عندك الضياف اه هذا الشكل تا الفناجيل خرجو كيسان تاع الشاي على شكل الف سداسي

[نيفرتيتي.]

lala hanouna 350alf........nti chriti chriti plazma bsahtek zidi kamli aliha b suport 350الف
اختي راني راحلة وراح نكري دار في دزاير ونكري كاميو للقش وجايني رمضان والعيد راني غير مع المحتم يا ححنونتي انشارالله كي ننستالي نتوله بيه نديرلو شقاقة هههههههههههههههههههههه

[سنوم 33]

بصحتك ام دودة البلازما

[hakim3148]

بصحتك اختي ام دودة انشاء الله تملكي بيت رزقك وتعمير بكل مالذة وطاب انا الحمد لله نسكن في حوش 9بيوت ولكن ملك شيخي قتلك هو برزقه هو وعجوزتي يسكنو في واحد كبير على حوشي ب3مرات وحمايا اعطاه جيه وراهيبنيلو الحمد لله هذه الحاجة المليحة اللي دارها في حياتوا كل واحدة سكنه وحدوا

[natacabell]

mala takhdi rayii kamli bel lamhatma ou takri ou tastali bien rabi yaamal etawil rabi ykamel nchalah

[نيفرتيتي.]

اختي الله يخليك على الاهتمام

[BAROUD]

مبروك عليك الحطة الجديدة حبين انقول حتئ انا عندي بلازما لكن لما تقراوا الكتب هذاك تلقاوا فيه لاااااااااااازم الهواء يدور من كل الجوايه ولا يسخن يحبس كاااااااامل و ديري ف بالك اصلاح البلازما ف الدزاير كامل ناقص بزاف بزاف و نزيدك معلومة مهمة تقريبا مدة صلاحية البلازما و ال سي دي راهي محدودة جدا بالاك ما يفوتش 5سنين و يتوقف نهائيا لانها تقنية مزال جديدة

الحل خلئ البلازما كما انا ف الطابل خير باش يتهوئ و نظفيه بسائل خاص يتباع عند اللي يبيعوا الصوالح تاع الكمبيوتر

[نيفرتيتي.]

مبروك عليك الحطة الجديدة حبين انقول حتئ انا عندي بلازما لكن لما تقراوا الكتب هذاك تلقاوا فيه لاااااااااااازم الهواء يدور من كل الجوايه ولا يسخن يحبس كاااااااامل و ديري ف بالك اصلاح البلازما ف الدزاير كامل ناقص بزاف بزاف و نزيدك معلومة مهمة تقريبا مدة صلاحية البلازما و ال سي دي راهي محدودة جدا بالاك ما يفوتش 5سنين و يتوقف نهائيا لانها تقنية مزال جديدة

الحل خلئ البلازما كما انا ف الطابل خير باش يتهوئ و نظفيه بسائل خاص يتباع عند اللي يبيعوا الصوالح تاع الكمبيوتر
مشكورة اختي هذه معلومة جديدة مالا تتعلق خير ديجا انا ولدي جرحها بالفرشيطه مزية ماتبانش بصح لنا نشوفها والبرودوي تاعها شريتو وراني نستعمل فيه ليها وللميكرو

[المتألقة]

بصحتك البلازما

حنا اللي شريناها معاها السيبور نتاعها

حوسي عند الكانكايري ممكن تلقايهم

لما تعلقيها تبعديها على الأولاد باش ما تأذيلهمش عينيهم

[نيفرتيتي.]

بصحتك البلازما

حنا اللي شريناها معاها السيبور نتاعها

حوسي عند الكانكايري ممكن تلقايهم

لما تعلقيها تبعديها على الأولاد باش ما تأذيلهمش عينيهم
الله يسلمك اختي انا حبيت نعلقها باش لا تاذيهم لا ياذوها