الى مريومة

[ام مرية]

حبيبتي مريومة اعدلي عن قرارك لانه سيؤذي الكثيرات استفدنا معك كثيرا اكثر مما تتصورين انتي وفيفي من احسسنا ان لنا قيمة انا نستطيع ان نبدع وننتج ونستطيع ان نتغلب على الصعاب
انا سانسحب من دورة التطريز ان لم تعودي واختي دولي وسيدتي ام سفيان معي لبنات الي معايا تصوت بنعم
شعارنا
بدانا معا ننهي معا

[fifiarch]

صافي واش ام مرية انسحبت سندوسة
صرا سوء تفاهم
نحاولو نحلوه
ماتنساونيش انا
تنسحبو وتخلوني وحدي ماشي هدرة هاذي

[ام مرية]

لالا حنونة انا قلت اذا ما ولاتش لينا صايي نتفارقو وصايي ما جات نقعدو كل مرة وحدة ما عجبتهاش النقطة تنسحب وتنسحب موراها مشرفة انا قلت نعملو مجمع هنا كلنا الي مشاركين في الدورة باش نضغطو على مريومة وتةلي بالاك نغيضوها ههههه غير بيني وبينك ما تقوليش لمريومة

[fifiarch]

نقلك الصح ام مرية
انا راني داخلة في بعضايا
والله تشوكيت نتاع الصح
ماكنتش عارفة بللي راح يصرا كيما هكا
لانو كنت نمشي بهاذ السيستام في دورة السموكس وكانت تمشي على اتم وجه
ماعرفتش واش صرا هنا
عين وصابتنا ههههههه
انا الحق
بديت نتقللق لانو الصراحة الانسحاب ماشي حل
ولي تزيد تقول ننسحب نعطيها طريحة

[boubramek]

السلام عليكم
ووووووااااااااااااو
اختي فيفا راكي اتمدي الطرايح
ههههههههههههههههههههههههههههه
ان شاء الله ترجع المياه لمجاريها
يارب ان شاء الله متنقلوناش العدوة غير للتجمع نتاع السموكس
خلوني نتعلم
ههههههههههههههههههههههههههههههههههههه
ماعليش غير اعطوني طريحة ولكن علموني برك

[fifiarch]

هههههه
ايه نعطيهم طريحة طريحة باه يبطلو
اما عن السموكس
روحي للدورة فيها دروس الغرز كااامل
وروحي لنتاع التروسو فيها دروس الكوفرولي

[doli/M]

http://www13.0zz0.com/2012/04/16/18/644648414.jpg


سندس في جالك راح نولي كريمينال هههههههههههههههههههه

[ام مرية]

اواه كي ولات فيها طريحة .............................................. لازم نرجعو مريمة قبل ما تعطيهالها مسكينة عرسها قريب تروح مزرقة هههههه
فيفي عندي احساس بلي راح تنتهي المشكلة اليوم ان شاء الله تدخل سندوسة برك

[fifiarch]

ههههههههههههههه دولي عجبتني فكرتك

ايه ان شاء الله ام مرية يتحل الاشكال

[sofiane2075]

بصراحة انا مافهمت والو

حنا نتعلمو ولا درك نوليو ناكلو في بعضانا

ماشي هكدا يا لبنات

راهي في منتديات اخرى تلقاوهم سمن على عسل و يخدمو و دوراتهم طويلة جدا و تلقاوهم نشيطات كيما النحلات

و الاخت سندس راهي شاطرة الله يبارك و لوكان ماشي هي ما تكون حتى دورة

ياخي من قبل كانو يحاولو في اخت هنا في المنتدى و ماحبتش تنعتلهم و ضرك روحي يا معزة ما فيك حليب

سندس خلات اشغالها و قاسما روحها مع جهازها و الدورة و ماتبخل حتى وحدة هنا في قسم الاعمال الفنية

و ديجا راني شريت كلش دبري راسك يا سندووووووووووووووووووووووووووووووووووووسة ضرك ترجعى و نديرو التطبيق كيف كيف

و حاجة اخرى انا بنتي ثاني اسمها مريم و تحب تنافسك بصح بحب و اخوة باش تشوف وينا مريم تغلب

انا مع الدورة و مع سندس ظالمة او مظلومة

[batoul2000]

http://www13.0zz0.com/2012/04/16/18/644648414.jpg


سندس في جالك راح نولي كريمينال هههههههههههههههههههه
و انا اضم صوتي الى الاخواااااااااااااااااااااات

[فتاة مسلمة]

اضم صوتي اليكن يا حبيباتي
سندس رانا نستناو فيكانا تاني بدلت رايي وخرجت وشريت حاشية دوغي وحاشية اخرى خضرا

[fifiarch]

ربي يهدينا
وييسر امورنا
عمرها ما صرات قبل

[حلاوة_87]

اختي سندس انسحابك اثر على اللي يحبوك متخليش اللي زعفوك يشوفو ""ضعفك"" لا ابقاي رغما عنهن..اللي معجبهاش تنسحب هي علاش انت...
وديري كيما فيفي اللي معجبهاش تدي طريحة..خليك قوية على الامور التافهة اللي تحدث..

[sondse1]

ربي يخليكم خياتي
رايحة نرجع مي مارايحاش نمد اي تعليق ولا اي تقييم لحتى وحدا
حتى على الدروس اللي نحطها انا

و اسمحولي لاني حيرتكم معايا

[sondse1]

حبيبتي حلاوة
بالعكس هذا ماشي ضعف
انا قراري بالانسحاب ماشي لضعفي بالعكس حبيت اللي نسحبو على جالي يرجعو يتعلمو

[ام مرية]

شكرا لبنات انا هاد الشي الي حبيت نوصل ليه
سيدتي ام سفيان كلام درر ما شاء الله عليك والله مريمة انا نعرفها مليح حبوبة بزاف وتحب الخير والناس ربي يحفظها

فتاة مسلمة هاكا نبغيك ربي يبعد علينا العين
اختي حلاوة كلامك حلاوة ربي يصونك

[ام مرية]

ربي يخليكم خياتي
رايحة نرجع مي مارايحاش نمد اي تعليق ولا اي تقييم لحتى وحدا
حتى على الدروس اللي نحطها انا

و اسمحولي لاني حيرتكم معايا

يووووووويوووووويا الحمد لله كي عدلتي عن قرارك ربي يخليك لينا اما حكاية انك ماتقيميش هادي ماشي هدرة ومن بعد ونحكو فيها شكرا حبيبتي

[sondse1]

الله يخليك حبيبتي ام مرية و يخليلك مرية
راكي داخلة على الفايس؟

[حلاوة_87]

حبيبتي حلاوة
بالعكس هذا ماشي ضعف
انا قراري بالانسحاب ماشي لضعفي بالعكس حبيت اللي نسحبو على جالي يرجعو يتعلمو
اختي سندس اسفة ان كانت كلمة ضعف قاستك""لكن درتهالك في قوسين"" بانك لستي ضعيفة لكن بانسحابك تحسيهم انك ضعيفة...اختي ربي يشهد ما قلت هذ الكلام الا لاني عشته مرة في هذ المنتدى .لاجل رد فقط وضعته وهو الحمد لله على توبتي""قاللولي ""منافقة"" وقلت منرجعش لكن شفت بلي هذا يمكن يشوفوه ضعف فيا...
اخي اكرر اعتذاري ان كنت قستك..

شكرا لبنات انا هاد الشي الي حبيت نوصل ليه
سيدتي ام سفيان كلام درر ما شاء الله عليك والله مريمة انا نعرفها مليح حبوبة بزاف وتحب الخير والناس ربي يحفظها

فتاة مسلمة هاكا نبغيك ربي يبعد علينا العين
اختي حلاوة كلامك حلاوة ربي يصونك
ربي يحلي ايامك اختي...وربي يصونك ويصون عائلتك..
ان شاء الله كل بنت تحاول تصلح مش تبدي تذمرها واستياءها لاننا كلنا خواتات..

[sondse1]

اختي سندس اسفة ان كانت كلمة ضعف قاستك""لكن درتهالك في قوسين"" بانك لستي ضعيفة لكن بانسحابك تحسيهم انك ضعيفة...اختي ربي يشهد ما قلت هذ الكلام الا لاني عشته مرة في هذ المنتدى .لاجل رد فقط وضعته وهو الحمد لله على توبتي""قاللولي ""منافقة"" وقلت منرجعش لكن شفت بلي هذا يمكن يشوفوه ضعف فيا...
اخي اكرر اعتذاري ان كنت قستك..


ربي يحلي ايامك اختي...وربي يصونك ويصون عائلتك..
ان شاء الله كل بنت تحاول تصلح مش تبدي تذمرها واستياءها لاننا كلنا خواتات..

لالا حنونة ما قستينيش
مي حبيت نبينلك برك اني ماشي ضعف مني بالعكس انا الحمد لله متمكنة من هذا الفن و هوما مازالو في بدية المشوار
و حبيتهم يرجعو باه يتعلمو و انا ننسحب هذا ما كان
ربي يخليك و يعجل ايامك حلاوة

[لآلئ]

http://t3.gstatic.com/images?q=tbn:ANd9GcSvHH_i0aApYVaKTAoNbpmC7eo9uwO0M h_KIERnt45R_tOMxIGx3A
ان شاء الله ما يكون زعل بين الخواتات يا رب
دخلنا هنا نبحث عن الاخوة الصادقة ونتعلم من بعضنا
ولا تنسو ان الله رقيب على قلوبنا قبل افعالنا
بالتوفيق للكل

[هاجر المسلمة]

مساء الخير لبنات
كنت سجلت في الدورة لكن لان الوقت لا يكفي انسحبت لكن راني حملت كامل الدروس راح نطبقها ولا يهم النقاط المهم نتعلم اشغال حبيتهم
يعني لو انسحبت سندس وهكدا الدورة تتوقف واحنا مكانش الي يعلمنا وكذلك ندو طرايح على راي فيفي من الرجال لاني كل يوم نشري الدبلة ونخزن لالا سندس ما ترضاش اخواتها يدو على رسانهم صح سندس

[fifiarch]

الف مبروك علينا رجوع سندوسة

وان شاء الله القلوب تصفا ومايكون غير الخير

اااا يا ام مرية جبتيها
نستعرف بيك
ههههه

[ام مرية]

هاجر حنونتي طبقي الي قدرتي وريلنا واش فيها حنا نتعلمو من بعض
شفتي فيفي عطاتنا لامان ومن بعد شمرت على يديها وحبت تعطينا طرايح هههههه لوكان علبالي بلي فيها ضرب ما ندخلش ههههه بلعكس الي ما يديش قرصة اذن من المعلم ما راحش يتعلم

[ام مرية]

الله يخليك حبيبتي ام مرية و يخليلك مرية
راكي داخلة على الفايس؟

والله والو مين ندخل يقولولي جيبي رقم الهتف ويحاوزوني حتى ونمدو يقولولي استناي نبعثولك ميساج وكيما راكي تشوفي ما قيمونيش خلاص توحشتكم انتي وفيفي وحبيبة ونوقا حبيبتي وكامل صحباتي سلمي عليهم واحكيلهم على واش صرالي مع عمي الفايس

[sondse1]

حبيبتي ام مرية ارواحي للفايس

[ام مرية]

الف مبروك علينا رجوع سندوسة

وان شاء الله القلوب تصفا ومايكون غير الخير

اااا يا ام مرية جبتيها
نستعرف بيك
ههههه

شفتي درك واش كان قصدي ما كانش قصدي ننسحب ولكن نرجلانسحاب ههههه

[batoul2000]

[QUOTE=لآلئ;9628854]http://t3.gstatic.com/images?q=tbn:ANd9GcSvHH_i0aApYVaKTAoNbpmC7eo9uwO0M h_KIERnt45R_tOMxIGx3A
ان شاء الله ما يكون زعل بين الخواتات يا رب
دخلنا هنا نبحث عن الاخوة الصادقة ونتعلم من بعضنا
ولا تنسو ان الله رقيب على قلوبنا قبل افعالنا
بالتوفيق للكل[/QUOTE
عندك الحق اختي لالي........حنا هنا كلنا صديقات.بل اخواااااااااااات..........و الاخوات يختالفوا و منبعد صافية لبن