بعد 11سنة اتهمني بلخيانة

[برايجية83]

السلم عليكم
انا سيدة عمري 29سنة متزوجة منذ 11سنة وعندي 3ذكور وكنت انا وزوجي عايشين عادي وفي الصيف الماضي سراو مشاكل بيني وبين اهل زوجي واهليحتى لحقنا للمحاكم ومنبعد كان حكم المحكمة لصالحي وتنازلت بدون ما يطلبو مني السماح وكي كنت في بيت اهلي راحو اهل زوجي الي بيتي وهاوشو زوجي واتهموني بلي راني خاينة ومنيش حاسباتو راجل وعايروه ومرض زوجي وهو وحدو في البيت وغدوة جاء لعند اهلي وهاوشني ودخلو فيها خاوتي رجالة وكانو رجالة معاه وتهمني بلخيانة وهدر في عرضهم في بيتهم وع ذالك مادارلو والو حلو لباب وقاللو اخرج بنتنا راهي عندنا وبعد 5ايام جاب جماعة وجاء يطلب السماح استقبلوه دارنا وتكلمو معاه وقاللو هذا شي عيب ابنك راجل وانت تقول هذا لكلام معليهش انا كنت رافضة باه نرجع ومع خاوتي قنعوني رجعت
بصح كي رجعت لقيتو خلاص هبل ومرض في راسو يضال يحكي واش قاللو اهلو واش عايروه وعاد ميخرش برا يقول الناس راهي تحكي عليا وميروحش قهوة وانا ميخلينيش نخرج حتى لطبيب او اهلي ويضال يحكي على المراة الشريفة وصحابو لي كانو يجيو يهزوه بطومابيل عاداهم يعيطو في البورتابل يكوبي عليهم يجيو لدار ميخرش يبعث وليدي يقولو راه راقد وانا نهدرلو على اي واحد يقولي علاه تسمي الراجل قدامي ويهاوشني وكان عندو صاحبو قريب بزاف منو وانا قريبة من زوجتو هو لي لازم منتكلموش عليه وكي يجي يعيط ينوض يكسر ويخبط مفهمتش هذي الحالة انا تعبت راه وحداني خفت تطور الامور معاه ويصبح مهبول انصحوني ارجوكم اهلو كلهم متهاوشين معاهم اهلي من هذيك التهمة عاد واحد ما يجي لدارو انا وحدي منقدرش نخرج ونصحتو قتلو شوف طبيب مبغاش قتلو شوف راقي مابغاش باه نتصل بصاحبو دار حراصة شديدة كي يعيطلو في البورتابل يسبريمه في هذيك الساعة واش ندير واش نعمل عيت وانا نخمم راني في تعاسة حقيقية والله يجازي لي كان السبب واسمحولي طولت راني اختصرت

[حلاوة_87]

والله يا اختي ربي يفرج عليك الراجل اذا شك صعيب حاله لكن انتي حاولي تهدئيه وتبينيله انك عمرك ما خنتيه وزيد اياك اختي تتصلي باحد اصدقائه باش يساعدك هو هكذاك وراه شاك وتزيدي انتي تتصلي وين توليو...
قلبي يتقطع من وضعيتك وخاصة حال ابناءك لاني مررت بتجربة مماثلة..
ربي يفرج عليك وان شاء الله الاخوة ينصحوك اكثر مني...

[maro3434]

ربي يكون معاك و ان شاء الله يزول عليكم هذا الهم، حاولي بكل الطرق أن ترقيه، وشيئ طبيعي أن يرفض الرقية، لذا عليك ان تحاولي رقيته ربما به شيئ من سحر أو عين، والله المستعان.

[برايجية83]

اشكرك اختي حلاوة87 مع انكي مريتي بنفس التجربة واش عملتي فيدني ارجوكي

[حلاوة_87]

اختي مررت بالتجربة لكن لست انا وانما امي مع ابي وكل مرة يقول لينا ممكن راها تخوني لسبب سوء فهم لكن امي ديما ساكتة وتقوله ربي شاهد ولكن هي تاني بينتله باللي مخانتهش..كانت ماكثة بالبيت متروحش لاي مكان الا معاه وكان احيانا يسمح ليها بالخروج مع اخي وترفض تقوله انت ولا منخرجش...وكانت تدير القران في غرفة نومها وبصوت مخفض وتقوله نلقى راحتي كي نسمع القران وهي فقط لاجل ان تبعد عنه الوساوس..والحمد لله حدة الشك نتاعه نقصت..للكن هذا اثر على نفسيتنا احنا الاولاد لذلك اختي كي زوجك يصرخ حاولي انو ولادك ميسمعوش...

[z.abdo]

أختي برايجية لازم تثبتي لزوجك بحبك له وكذالك أن تعطيه قيمة له ولرجولته لأه أصبح الحين يشك في نفسه من كلام الناس و خصوصا من أهل هداهم الله

عليك أن تعامله بالحسنى وتقتربي منه وتثبتي انك لا زلتي تحبيه

كذاك اتقي الشبهات في الهاتف أو اي شيء آخر يشك فيك
من فضلك خبرينا بسن زوجك وعمله

انا انتظر ردك اختي

[برايجية83]

أختي برايجية لازم تثبتي لزوجك بحبك له وكذالك أن تعطيه قيمة له ولرجولته لأه أصبح الحين يشك في نفسه من كلام الناس و خصوصا من أهل هداهم الله

عليك أن تعامله بالحسنى وتقتربي منه وتثبتي انك لا زلتي تحبيه

كذاك اتقي الشبهات في الهاتف أو اي شيء آخر يشك فيك
من فضلك خبرينا بسن زوجك وعمله

انا انتظر ردك اختي

اشكرك اخي على اهتمام ولاكن كيف اتعامل معاه

زوجي سنو 39 ويعمل استاذ في المتوسطة

[ميرثا]

اختي نصحك 2 خطوات لوجه الله كأخت ليك تنصحك :شوفي
1- راجلك راهو كما يبانلي مضغوط والتعليم راهو صعييييييب بزاااااااف كثر متتخيلي بتجربة خففي عليه كسبيه رايحة تقوليلي صعيب فهدي الظروف
كسبي ثقتو انك متخدميش واش مراهوش يحب مع الوقت راهو يلاحظ ويبدا يطلع ويهبط بلي غلط ويرجع لعقلو
2-نصحك بالقران فبيتك والصلاة وعلمي لولادك ميفوتكمش فرد ومواضبة على الادكار واللله تغير جبااال
تاني تعلمي ترقي الماء لي راكم تشربوه بالقرأن ماتيسسر منه حاولي متشربي الما الا مرقي انت وزوجك واولادك لانو ادا بيه عين تنفك وادا سحر كيف كيف والدعاء مفتاح الفرج وقيام الليل
مسحي دارك بالما المرقي رشي لقوانات نتاع الدر
ووكلي ربي وان شاااء الله ترجعي كما هدا النهار فارجة عليك وتجي تبشرينا حنونة
الحمد الله قولي كلش يهون فهدي الدنيا وخلقي الف عدر لزوجك اكيييد الظروف رجعاتو هكدا
لانو الاستاد فوقتنا مرجعش كما بكري الظزروف مش لصالحو
موفقة دعواتي ليك

[z.abdo]

اشكرك اخي على اهتمام ولاكن كيف اتعامل معاه

زوجي سنو 39 ويعمل استاذ في المتوسطة

لقد قمت بالرد عليك في موضوعك الثاني
http://www.djelfa.info/vb/showthread.php?t=937167

[أم محمد و آيه]

السلم عليكم
انا سيدة عمري 29سنة متزوجة منذ 11سنة وعندي 3ذكور وكنت انا وزوجي عايشين عادي وفي الصيف الماضي سراو مشاكل بيني وبين اهل زوجي واهليحتى لحقنا للمحاكم ومنبعد كان حكم المحكمة لصالحي وتنازلت بدون ما يطلبو مني السماح وكي كنت في بيت اهلي راحو اهل زوجي الي بيتي وهاوشو زوجي واتهموني بلي راني خاينة ومنيش حاسباتو راجل وعايروه ومرض زوجي وهو وحدو في البيت وغدوة جاء لعند اهلي وهاوشني ودخلو فيها خاوتي رجالة وكانو رجالة معاه وتهمني بلخيانة وهدر في عرضهم في بيتهم وع ذالك مادارلو والو حلو لباب وقاللو اخرج بنتنا راهي عندنا وبعد 5ايام جاب جماعة وجاء يطلب السماح استقبلوه دارنا وتكلمو معاه وقاللو هذا شي عيب ابنك راجل وانت تقول هذا لكلام معليهش انا كنت رافضة باه نرجع ومع خاوتي قنعوني رجعت
بصح كي رجعت لقيتو خلاص هبل ومرض في راسو يضال يحكي واش قاللو اهلو واش عايروه وعاد ميخرش برا يقول الناس راهي تحكي عليا وميروحش قهوة وانا ميخلينيش نخرج حتى لطبيب او اهلي ويضال يحكي على المراة الشريفة وصحابو لي كانو يجيو يهزوه بطومابيل عاداهم يعيطو في البورتابل يكوبي عليهم يجيو لدار ميخرش يبعث وليدي يقولو راه راقد وانا نهدرلو على اي واحد يقولي علاه تسمي الراجل قدامي ويهاوشني وكان عندو صاحبو قريب بزاف منو وانا قريبة من زوجتو هو لي لازم منتكلموش عليه وكي يجي يعيط ينوض يكسر ويخبط مفهمتش هذي الحالة انا تعبت راه وحداني خفت تطور الامور معاه ويصبح مهبول انصحوني ارجوكم اهلو كلهم متهاوشين معاهم اهلي من هذيك التهمة عاد واحد ما يجي لدارو انا وحدي منقدرش نخرج ونصحتو قتلو شوف طبيب مبغاش قتلو شوف راقي مابغاش باه نتصل بصاحبو دار حراصة شديدة كي يعيطلو في البورتابل يسبريمه في هذيك الساعة واش ندير واش نعمل عيت وانا نخمم راني في تعاسة حقيقية والله يجازي لي كان السبب واسمحولي طولت راني اختصرت


السلام عليكم


شوفي اختي لازم تجيبيلو واحد كبير يقنعو باش يروح عند طبيب نفساني

باسكو راجلك راه في مرحلة الأولية للمرض النفسي واذا طال عليه الحال راه يدخل في وسواس قهري

والشك بصورة كبيرة ......



وهاد الشي الكل من جراء صدمة نفسية اللي صراتلو من قبل بينك وين اهلو واهلك


ياريت عن قريب العاجل تديه لأخصائي نفساني ....وان شاء ادا اردت المساعدة راني هنا.

ربي يكون معاك اختي

[ghalia123]

لا حول ولا قوة الا بالله ربي يصلح الحال اختي

[dotZero]

الواحد يكون صريح
زوجك على الحافة
*
*
مسكين هو أكبر ضحية في هذا الأمر كامل
*
*
أقضي كليا على الاتصال تاعك بأي حاجة خارج المنزل
و واش حكاية تعيطي لصديق؟
خطأ فادح فتجنبيه
ضعي القران في المنزل
و قوليلو يصلي بيك في الدار
و قومو الليل كيف كيف
و ربي يفرج عليكم
*
*
و الأهل تاعو كي يخطوكم خير

[faty05]

الله يصلح بينك و بين زوجك

[مناد بوفلجة]

الله يفرج عليكم

عليكم بالصبر

[موج و صخر]

أختي و الله أني تأثرت كثيرا بحالتك
و الله أني في الصيف الماضي صرالي مشكل بسيط مع زوجي لكن
الشيطان لعنة الله عليه وصلها للطلاق غير ربي ما كتبش....

أنا نقول لك اختي ارجعي إلى الله
صلي الفجر في وقته حاولي انّك ما تفوتيهش
و قومي الليل و لو ركعتين و اكثري الدعاء في سجودك
و شغلي سورة البقرة كلّ يوم
و كسري شريحة الهاتف قدامه
و ما تخرجيش وحدك...
بلا ما تنسي او تتماطلي في اخذه لاخصائي نفسي لانه فقد الثقة حتى في نفسه
الدكتور يساعده على استرجاع الثقة في نفسه و من بعد فيك
اختي الحبيبة ان شاء الله ربي يصلح الامور بينكم و يهنيكم

[yasmina31]

ربي يفرج عليك أختي و يهدي الاحوال انشاءالله و كيما قالوا الاخوة قبلي تقربي من الله أكثر بالدعاء و العبادات و ادعيه يفرج عليك و يشفي زوجك