اعطيوني حل لمشكلتي قريب نهبل

[برايجية83]

السلام عليكم انا سيدة عمري 29سنة عندى 3ذكور وزوجي هو اساس المشكل مع انو مثقف ويبلغ من العمر39سنة ويعمل استاذ في المتوسطة المهم مشكلتي هو انو زوجي معندوش شخصية ثابتة كل يوم مزاجو نوع نهار مليح معانا ونهار يكون كتوم ونهار يهاوشنا ويقول راني ندمان على حياتي ونهار يقول راني سعيد وكي منهدرش معاه زعمة ندير النافة يزيد الحال ويعود ميعرفش يتعامل مع حتى واحد صحابو مثلا يجيو يعيطولو ميخرش ليهم يصوني بورتابل ميرفدش المهم راح يهبلني علاه راه صاريلو هكذا ساعات نقول لعود راه مهبول ساعات مورال هابط لدرجة ماياكل ما يهدر وساعات يقلب اللوم عليا يقولي علاه زوجت بيك كون متزوجتش بيك كون راني لاباس وساعات يقولي انت حياتي وكون تخطيني منعرفش نمشي في هذي الحياة اي نوع هذا العبد انا عيت 11سنة وانا هازة هبالو كل عام نقول هذا العاو يسقم بصح والو اعطيوني حلول انصحوني كيفاه ندير معاه واشكركم واسمحولي

[فتـ حييةـاة]

....................
ربي يهنيك اختي

[محمد جديدي التبسي]

ربي يكون في عونك أختي الكريمة

أنصحك باللجوء إلى الله والإكثار من ذكره ودعائه وقراءة القرآن في البيت دائما
وخاصة الدعاء بصدق ويقين وإخلاص
وربي يريّح بالك أختنا الكريمة

[z.abdo]

ولا اختي لازم تعرفي سبب التغير متى بدأ التغير اكيد حدث شيء فقط رويدا رويدا تكتشفي السبب

وانت في موضعك تكلمتي على أنه اتهمك بالخيانة إذا كانت في الهاتف عليك ان تتخلصي من الهاتف إذاكانت في شيء آخر يجب تغلقي الباب الذي هو يشك منه

ويهدأ

كذالك كاين حاجة مهمة بزاف لازم تعرفيها وانا اطرح عليك السؤال وارجو الإجابة أختي

هل هو يعتقد أنك تخونيه حتى الحين أو أنه يعتقد أنك خنتيه من قبل لكنه مزال يتذمر


إذا كان أعتقد وفات لازم تثبتي انك لم تفعلي وانك تحبيه وحاوريه بالحسنى


إذا كان يعتقد أن الخيانة مزالت فعليك أن تجعلي الحد في الشيء الذي شك فيه مثل هاتفك أو اي شيء آخر

كذالك يجب ان تقفي بجنب زوجك إذا انت قلتي انك تعتقدين انه جن فماذا سيقول الناس لا اختي
عليك ان تقفي بجنبه
وهذا اظطراب نفسي يحدث للإنسان العاطفي وذو مشاعر حساسة عليك مراعات شعوره اختي ولا تسمحي في زوجك واعذريه

لأنه دخل الشك في عقله

وانت كوني بجنبه ولا تلوميه لأن اقرب الناس اليه هم من فعلو ذالك وانت قلتها

وهو الحين مظطرب من يصدق انت ام اهله

إذا بقي معك يعني اهله يضحكو عليه ويعني انه صدقك


وإذا صدق أهلك فيعني أنه سمح فيك وهو لا يريد ذالك


صدقيني أختي كوني بجنبه ولا تغظبي من افعاله

كذالك تنصحك بالرقية ممكن اصابتكم عين او سحر

وانا مازلت أتابع موضوعك اختي

[فتاة الدعوة]

لا حول ولا قوة الا بالله يا اختي لجوء الى الله كثري استغفار وقيام الله وادعيله ربي ان شاء الله ترجع المياه الى مجاريها ربي يكون في عونك ويكبرلك القلب وهدا ابو اولادك غير بشويا سايسيه مسكين بلاك يكون عنده مشاكل في الشغل التدريس صعيب انا جاري نفس المشكل مع زوجته حتى يقوللها نطلقك ونجيب وحدة تخدم وعندها الدراهم لكن من يكون الجيب فارغ ماعندهش النقود ربي يجيب الخير اختي كثري من استغفار ونية

[looona]

ربي يكون معاك اختي

[ميرثا]

اختي نصحك 2 خطوات لوجه الله كأخت ليك تنصحك :شوفي
1- راجلك راهو كما يبانلي مضغوط والتعليم راهو صعييييييب بزاااااااف كثر متتخيلي بتجربة خففي عليه كسبيه رايحة تقوليلي صعيب فهدي الظروف
كسبي ثقتو انك متخدميش واش مراهوش يحب مع الوقت راهو يلاحظ ويبدا يطلع ويهبط بلي غلط ويرجع لعقلو
2-نصحك بالقران فبيتك والصلاة وعلمي لولادك ميفوتكمش فرد ومواضبة على الادكار واللله تغير جبااال
تاني تعلمي ترقي الماء لي راكم تشربوه بالقرأن ماتيسسر منه حاولي متشربي الما الا مرقي انت وزوجك واولادك لانو ادا بيه عين تنفك وادا سحر كيف كيف والدعاء مفتاح الفرج وقيام الليل
مسحي دارك بالما المرقي رشي لقوانات نتاع الدر
ووكلي ربي وان شاااء الله ترجعي كما هدا النهار فارجة عليك وتجي تبشرينا حنونة
الحمد الله قولي كلش يهون فهدي الدنيا وخلقي الف عدر لزوجك اكيييد الظروف رجعاتو هكدا
لانو الاستاد فوقتنا مرجعش كما بكري الظزروف مش لصالحو
موفقة دعواتي ليك
++++++++++++
هدا كان ردي فموضوعك السابق واكرره الحل هنا في طيات هده الكلمات السعادة فيدك يتعرفي طريقها يتهدمي بيتك

[nissaben]

اختي يجب عليك ان تحاولي ان توفر الجو الملائم في بيتك لزوجك و تجعليه يعيش معك و مع اولادك اجمل الاوقات اعلم اختي انه شيء غير سهل لكن حاولي قدر المستطاع مثلا عندما يكون في حالة جيدة اقتربي منه و تحدثي معه اجعليه يفضفض لك و يشعر بالطمانينة معك واخيرا اكثري من الصلاة و الدعاء له بان يهديه الله و يسخره لكي و لاولاده .

[hydraulique51]

ربي يكون في عونك
انصحك بكثرة الدعاء الى الله بأن يهديه

[dotZero]

الضغط خارج المنزل
خاصة في يخدم في متوسطة
مع هذا الجيل الأحمق المنحرف المنحط
لازم تخففي عليه
هذا هو الدور تاعك في حياتو
ربي سبحانه و تعالى خلق المرأة لتكون سكن للرجل
حاولي قدر المستطاع
تكوني حنينة معاه

[مباركة 1961]

سلام...
اختى لااضيف لك شيئا عن ما قالوه لك الدين اجابوك..........الضغط فى العمل وخاصة فى ميدان التعليم _راه موش ساهل _انا ساعات نروح للدار كون نصيب واحد مايهدر معايا ونعود كالزلاميط انسفى على نشعل ولولا تعاون الاسرة معى ومعرفتهم بظروف عملى لكنت ارتكبت جريمة...اعدريه اختى وما تقوليش عليه مهبول ليزيد يهبل انتاع الصح....

[faty05]

اصبري...................…

[ياسين مداني]

شكرا اختي الله خليك اختي ليخلق ميضيع