تكاليف الزواج في ولايتك

[هشام 12]

ما هو متوسط تكاليف الزواج في ولايتكم

مهر + جهاز = ؟؟

[حلاوة_87]

في عائلتي""مستغانم""..اذا كان قاطع مقطوع يعني من نهار يدفع ميرجعش حتى يجي يديها 30 مليون.
واذا غير الذهب والجهاز 20 مليون +تكاليف ""الحنة ""=اكل ودراهم الحنة"".(الاغلبية يديرو هذا لانه غير مكلف مقارنة بالبقية).
واذا بالتفصيل...يجيب الذهب + اللبس+الاكل+هدايا+دراهم الحنة وهنا تستقام حتى 40 مليون.
لكن يوجد ما اقل ويوجد ما اكثر كل عائلة وتقاليدها.

[رجلٌ منهك]

المهر غير محدد + جهاز

حواي 100.000 + 500.000 = 600.000
و منه
600.000 + مصاريف العرس ( 300.000 ) = 900.000

تسعييييييييييييييييييييييييييين مليون على قلبك
موووووووووووووووت يا الزوالي موت يا الفقير يا البعير ههههه

[هشام 12]

شكرا على المرور
أين البقية؟؟؟؟؟؟؟؟؟؟؟؟

[ghada91]

كي نتزوج نخبرك شحال تستقاملي

[hilko]

ربي يستر
ما زال متزوجنا الله يرحم والديكم راكم فشلتوني

[ام ايمان16]

ربي يسر امور الجميع...

[dotZero]

بالظبط الله أعلم
لكن ناكدلك بزااااف
صاحبي خرج بالدين
و أن كنت ناوي تجهز الدار (البناء أو إنهاء البناء) تبدا تقرب من إطار المستحيل

[هشام 12]

شكرا على المرور

[أميال18]

السلام عليكم

في جيجل ليس غالي كثيرا يا ربي يلحقلوا وحد 42 مليون برك

[محمد...عبد النور]

السلام عليكم

في جيجل ليس غالي كثيرا يا ربي يلحقلوا وحد 42 مليون برك



السلام عليكم و رحمة الله و بركاته
ربي يبارك فيك أختي و الله ضحكتيني ربي يسعدك.......42 مليون فقط ..برك مش غالي
ربي يقدر الجميع على الزواج
ســــــــــــــــــــــــــــــــــــــــــــــــل ام

[z.abdo]

في الجلفة كاين 40 مليون كاين 50 مليون

طبعا تكاليف العرس إجمالي

[هشام 12]

مهر + جهاز = 42 مليون برك
الله أكبر

[أميال18]

السلام عليكم و رحمة الله و بركاته
ربي يبارك فيك أختي و الله ضحكتيني ربي يسعدك.......42 مليون فقط ..برك مش غالي
ربي يقدر الجميع على الزواج
ســــــــــــــــــــــــــــــــــــــــــــــــل ام



وعليكم السلام و رحمة الله تعالى و بركاته

و الله كنت فقط أمزح عندما قلت 42 مليون برك
أنا مؤمنة و أعرف أن أقلهن مهرا أكثرهن بركة و لو تجي ليا منشرطش خلاص المهم الستر و الصلاح

لكن للأسف عند بعض الناس يتجاوز حتى 50 مليون

تحيــــاتي

[أميال18]

مهر + جهاز = 42 مليون برك
الله أكبر



الله و أكبر و ربي يستر

[هشام 12]

آمين
شكرا على المرور المخيف

[alisaad]

المهر المتعارف عليه او مهر المثل هو 15 مليون تقريبا في ولاية البيض

و اذا زدت المصاريف الاخرى يايييييييييييييييييييياه يا صحبي دبر على من تسلف

تخرج في 40 حتى 50 عرس عادي

[هشام 12]

شكرا على المرور
بارك الله فيك

[sarah alger]

hna f belabbes ri 10000 w yatalbou lhna

[z.abdo]

راكي غالطة أختي بالعباس مش 10000
أكثر من ذالك

[نسائم الهدى]

ما هو متوسط تكاليف الزواج في ولايتكم

مهر + جهاز = ؟؟

لا أخفيك سرا يا أخي
نحن في ولايتي كل واحد يتزوج ويتكلّف على هواه
من 5 ملاين حتى لــ 500 مليون
حتى واحد ما لاهي بالآخر
بارك الله فيك أخي
وسلااااااااااااااااااااااااااااااااام

[هشام 12]

شكرا على مروركم
بارك الله فيكم جميعا

[دعاء الملائكة]

ايييييييييييييييييييييييييييييييييه في ولاية خنشلة تستقام حاشاكم وحاشا قدركم بقرة وبنتها

[ايمان نور الجزائر]

في ولايتي ولاية المدية
عندنا المهر 20 مليون من شوي حاجات للجهاز تجي واحد 3 ملاين مي قادر يزيد شوية وقادر ينقص حتى 15 مليون او 12 في حالة
كاانت حالة الزوج شوية شوية او كان يجهز في البيت وكاين عائلات كي تلقى شاب مليح تساعدو في المهر وتسههلو
الحاجات الاخرى هي تكاليف العرس للعريس والعروس ايضا
وربي يسهل ان شاء الله الحاجات لي فيها الخير

[هشام 12]

بقرة وبنتها = 20 مليون :)

[دعاء الملائكة]

بقرة وبنتها = 20 مليون :)

هههههههههههههه اه اسمحولي مالا كثر هدي غير كي يخطب وبدبر الفاتحة برك اما العرس الله اعلم ربي يكون في عون راجلي والله راني مقدرة الضروف حنا النساء نقولوا حنا لي نخسروا كثر بصح والله غير راجل هو لي يخسر اكثر

[هشام 12]

خنشلة شاوية راكم لاباس شوية

شكرا على المرور بارك الله فيكم

[HAKIM ELMALIZI]

fi sahra20 million barkq
wbedabet fi oued souf

[اريج16]

في بسكرة المهر من 10 الى 18 مليون هذا في اغلب الاحيان (لاكن كاين لي يمدو ب 8 او اقل على حساب الفتاة)
وممكن تكاليف العرس تكون في حدود 20 مليون ومنعرف
لكن المهر حنا في الاغلبية في عائلتنا من 13 الى 17

[Rima mimi25]

مانخلعكم بزااااف حنا في قسنطينة يشرطو حوالي من 10 ل 15 مليووون هي لي تشري كلش الباقي على العريس العرس برك أما إدا كان عايلة العروسة لاباس عليهم مايشرطوووش بزاااف 7 و 8 ملاين

[z.abdo]

مانخلعكم بزااااف حنا في قسنطينة يشرطو حوالي من 10 ل 15 مليووون هي لي تشري كلش الباقي على العريس العرس برك أما إدا كان عايلة العروسة لاباس عليهم مايشرطوووش بزاااف 7 و 8 ملاين

شكرا اختي لكن اما نعرف اكثر من ما قلتي المهر + حق الجرية + الذهب يعني تفوت 30 مليون

إذا تفضلتي ادخلي للموضوع هذا


http://www.djelfa.info/vb/showthread.php?t=926511

[Mahboub_222]

سلام ....عليكم..احنا في تلمسان....صديق لي تزوج مؤخرا...قال لي ان المهر.اي الذهب برك..35 مليون..و العرس ..بالنسبة لي اخي تزوج منذ سنتين فقط ...خرج ب 70 مليون غي العرس.. و مصاريفه...و يقولك..في تلمسان كان الزين يستاهل اكثر..قاع ميخدعوكمش..ماكان والوا...

[imad13]

a tlemcen .......... apartir de 60 million
c grave mabkawch rjal c pour ca lhag zwaj hata 60 million

[tarik13]

تلمسان الزواج غالي بزاااااااااااااف
وهدا يتغير حسب العائلات و مدينة

[هشام 12]

تلمسان ما نحكوش عليها زواج واحد بحق 20 زواج في غيرها

شكرا لكم على المرور
بارك الله فيكم

[لؤلؤة البلاد]

يا اخوتي كون نطلعو الحساب بين الدهب و المهر و السكنة و .....الخ ما غاديش يكملو المهم حوالي المليار يعني غير الملياردير لي يتزوج في هدا الوقت و الزوالي طفرت فييييه

[أم البراء السلفية]

السلام عليكم ورحمة الله وبركاته
اختى طفلة دارت عرس بسيط غير العائلة استقاملها 80مليون بالجهاز والماكلة وكللش (لكن بلا ذهب لانو دات ذهب امى كلو)
والمهر تاعها كان 5ملاين ومليون اعطاهلها شيخها يعنى 6
قد ماتطم دراهم عرسها وعرس راجلها يشرو دار

بقرة وبنتها

[faridos]

ليقالك الزواج عندوقيمة راهوا غالط ...نهار تروح تخطب او يبداو les faux frais تفيق بلي الزواج قمار ياترتاح يا تهبل ...على كل حال كل واحد او مكتوبو ...بالاك زواجك يجي ساهل انشاء الله

[حلاوة_87]

ليقالك الزواج عندوقيمة راهوا غالط ...نهار تروح تخطب او يبداو les faux frais تفيق بلي الزواج قمار ياترتاح يا تهبل ...على كل حال كل واحد او مكتوبو ...بالاك زواجك يجي ساهل انشاء الله
اخي الزواج ""مودة ورحمة"" وكامل اللي يخطبو فالبداية يحمهم التوتر والقلق واحيانا يحسوا بالندم...وحتى لبنات هكذا لكن الواحد يتكل على ربي وان شاء الله الخير.

[gana djamel]

أنا ما زلت في قفص العزوبية وأنتظر الدخول إلى القفص الذهبي لكن أرى أن مصاريف الزواج تبدو باهضة بغلاء سعر الذهب أرجو أن أجد بنت الحلال المرأة الصالحة تنسينا هذا الغلاء والتكاليف وكما يقولون الزواج ليلة وتدبيرتو عام لكن إذا كانت المرأة صالحة تنسيك تدبيرة العام وتعيش معها بقية الحياة حياة سعيدة

[Abdellah M]

في عين الدفلى المهر حوالي 12 الى 15 مليون اما التكاليف ككل حوالي 40مليون
ربي يستر

[همسة مشاعر]

غالي ياسر الحق المرى تشرط من 20حتى 30 مليونوالراجليخسر حتى 60 مليون الله لا يشوفك الحق راهي تكاليف تعجر والله هكا كثرةالعنوسة لي الجال والنساء

[هشام 12]

شكرا على المرور العطر
يسّر الله أموركم جميعا

[nadine lamara]

مانيش عارفة بالضبط


لكن صدقوني العريس ينهار


و ابن عمي سنوااااااااات و هو يبني و يخدم و يوجد و يلايم و كلشي راح في شهر

[حنيني24]

أرى ردودودكــــــــــــــــــــم وأفكـــــــــــــر
كــــــــــــل هذه التكــــــــــــــاليف
ثم بعدها ،،،،،تمـــــــــــــر أشهر
وتسمع أن هذا الزوج يطلق زوجتــــــــــــه
لسبب تــــــــــــــافه ،،،،
،،،،
أســـــــأل الله أن يرزقكـــــــــــــــــــم جميعا
وييســـــــــــــــر أموركم
اعلمــــــــــــــــــوا أنه من أراد العفة فالله يُيسر له ذلـــــــــــك

[هشام 12]

آمين يا رب العالمين

بارك الله فيكم مشكورين على المرور

[yasmine1989]

نعطيك مثال على حالة راجلي مسكين و من كلش شحال تستقام
الشرط"10ملاين"+ خاتم الشوفة"3ملاي"+الجهاز"9 او 10ملاين"+عندو وحد 4سهم"مهيبة" قول كل وحدة 2 ملاين "8ملاين"+الكباش 2" 6ملاين"+جهاز الدار من كلش "60مليون"+العرس "20مليون"+la bague de fiancailles et l'alliance "6ملاين"+شهر العسل لمصر "30مليون"



DONC WAHD 150 MILLIONS...................!!!!!!!!!!!!!!!!!

[abedalkader]

السلام عليكم
الزواج الناجح يحتاج سكنة ..........ايه اسمحلي
يمكن يسكنوا عند اماليهم
يا صاحب الموضوع راك انسيت السكنة
بصح ما عليهش راهي حاجة ساهلة ما هيش غالية
ثانيك تقدر تكري ...وما تسقامش ....
الله يكون في العون

[nacer555]

يا أخواني أنا راني متزوج والحمد الله بصح نهار لي نويت نتزوج الفراك معنديش وربي يسهل فيه.

[دعاء آية]

السلام عليكم

انا من منطقة سوف انا مزال متزوجتش بصح راني فالطريق لدخول القفص الذهبي المهر

انتاعي هو 10املاين بصح معاه الذهب مع شوس حوايج اخرين ... بصح المفيد مش شحال

جاب ولا شحال مد المفيد فالهناء وربي يستر كل بنات ويجبلهم مكتوب شباب ومتنسوش

قول الرسول صل الله عليه وسلم (اقلهن مهر اكثرهن بركة ) ...تقبلو تحياتى

[susette]

اخي انا من الجزائر العاصمة و نتا علابالك واشنو العاصمة الهدرة كامل من 100 مليون و طلع لكن انا من المؤمنات بلي الي اخفهن مهورا اكثرهن بركة مالا سهلت على روحي و علا زوجي
مهري 8 ملاين كلش و خاتم واحد لكلش و لغيت التصديرة لانها خسارة الدراهم بلافايدة و نقصت بزاف حاجات الي الناس يديروهم غير للزوخ و معلاباليشبالغاشي الي حب يهدر يهدر الصح الهناء و ربي ييسر للجمييييييييييييييييع
قولو امين

[aissa2008]

السلام عليكم

انا مازال ما تزوجتش مي سقسيت اصحابي تزوجوا سقاملهم كامل العرس بحوالي 40 مليون يعني من المهر لاخر حاجة في العرس

والحاجة المليحة ليلة العرس يتجمعوا لشباب يقصروا مع بعضاهم بعد ما يتعشاو ويمدوا الدراهم كل واحد وكفاه يمدلك يعني لي يمدلك 1000 دح ولي يمدلك 2 ملايين وراهي رايحة يعني اذا جاوك اصحابك بالزاف ممكن يلمولك 10 ملايين ولا 11 مليون في ليلة واحدة ـ بصح دير حسابك نهار عرس اصحابك باش تقوم بالواجب معاهم

ربي يوفقكم لي فيه الخير

[fifi belliri]

في ولاية ميلة وصل الشرط ل 20مليون +3 قناطر صوف والحنة توصل حتى ل40 مليون بلاما ننساو العرس واحد 40 مليون وزيد التحويسة في الترك ولا طليان هدا ماكان. عندنا الزواج باطل واحد 130 مليون برك

[أبو عبد الرحمن الشريف الجزائري]

الله المستعان أصبح الزواج بمثابة كابوس وهذا كله من التقليد الأعمي للناس و الحسد
يقال هذا دار عرس ب كذا لازم ندير أكثر منو
هذا كله على كاهل الزوج المسكين الذي لا طاقة له
و قد نسي الناس الحديث الصحيح عن النبي صلى الله عليه و سلم و هو في مسند الامام احمد:حماد بن سلمة عن ابن سخبرة عن القاسم عن عائشة رضي الله عنها عن النبي صلى الله عليه وسلم قال : أَعظم النساء بركة أَيسرهن مؤنة ومن نفس الطريق في مسند الشهاب بلفظ أعظم النساء بركة أقلهن مؤنة وفيه عيسى بن ميمون بدل ابن سخبرة وهما واحدوهو نفسه ابن تليدان أو بليدان كل يسميه باسم
قال الحافظ العراقي اسناده جيد كما في تخريج الاحياء

[rofiiii]

كي نزوج نقلك شحال تسقام

[هشام 12]

بارك الله فيكم مشكورين على المرور

[أحبك ربّي]

.......................................

[rouge et noir]

moi jé abondoner l'idée du mariage et les 120 milions jé acheter une voiture avec

[أحبك ربّي]

عجيبة الزواج اليوم

[أبوعبد الرحمن39]

الله المستعان

[أحبك ربّي]

أرجو من الإخوة مشاركتنا في الأمور المادية للزواج اليوم

[كنزة دزيري]

حنا في باتنة تقريبا 70 مليون اجمالي وتحتلف طبعا من منطقة الى اخري

[أحبك ربّي]

حنا في باتنة تقريبا 70 مليون اجمالي وتحتلف طبعا من منطقة الى اخري

عرس مليح ولا نورمال برك ولا عرس بسيط ؟

[ريم الوداع]

شوف انا في ولايتي الي يقدر عليه راجل يحطوا معنها انا حسب ما نشوف يعني 10 هك وكاين الي يدفعوا اكتر

انا بابا ربي يكثر منوا لو ميدفعش ولله ما يهدر بابا قال لمهم لهناااا انا من 39

[aymenov]

هل هدا شراء ام زواج !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!????????????????????? ?

[amal30]

بالنسبة للمرأة
المهر من6 إلى 20مليون
أما لجهاز نتاعها غير متسقسيش
الي تحب تدير الحزام توصل حتى أكثر من 100 مليون
يعني وش نقلك
حليلو العريس و أب الطفلة

[panpouna]

يبدا من 7ملاين و ما يفوتش 20 مليون يعني على حساب مقدور الراجل والكبش طبعا مع شوية قضيان هادا ماكان انا من بواسماعيل تيبازة

[kamel76]

أقله على الإطلاق 30 مليون .للأسف

[أحبك ربّي]

تكفييييييييي

[ريم الوداع]

هل هدا شراء ام زواج !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!????????????????????? ?
خوا الله غالب واش راح تعمل ناس تخمم هك شوف راهم يحبوا يبانوا زعما درك لبنت لازم تزواخ وتفوخ بلمهر تاعها لازم يكون كبير باه تهدر بيه خويا ولله مغواكم يا معشر رجال هههه قالت واحد لعجوز ادا شرطة طفله قول ليها ابقاي في داركم ربي يخلف عليك ولله لو كان واحد يعملها درك تشوفوا مهور كفاه تكون يعني لاب يولي خايف تبور بنته وهي تاني تحط رجلها مي لازمه فحوله تعمل كوراج كي يجي يقدم مهر يحط 10 وادا قالول ميكفيش يقول خليها عندكم بنتكم تهلوا فيها ولله راح يجوا يحللوا لاني انا هادي هزتها من تجربه عندي عمي جاء باه يتزوج اعطها دراهم ومن باعده قتلوا زيدني بعث مع خوها قاله خالي اختك عندك واش ما تلقى غير يحللوا باه يرجع عن رايوا او درك متزوج بيها وحمد لله لازم شويه موقف برك ............ اقلهم مهر اكترهم بركه يا نساااااااااااء افهموا ربي يهديكم نتوما ولديكم برك:19:

[أحبك ربّي]

خوا الله غالب واش راح تعمل ناس تخمم هك شوف راهم يحبوا يبانوا زعما درك لبنت لازم تزواخ وتفوخ بلمهر تاعها لازم يكون كبير باه تهدر بيه خويا ولله مغواكم يا معشر رجال هههه قالت واحد لعجوز ادا شرطة طفله قول ليها ابقاي في داركم ربي يخلف عليك ولله لو كان واحد يعملها درك تشوفوا مهور كفاه تكون يعني لاب يولي خايف تبور بنته وهي تاني تحط رجلها مي لازمه فحوله تعمل كوراج كي يجي يقدم مهر يحط 10 وادا قالول ميكفيش يقول خليها عندكم بنتكم تهلوا فيها ولله راح يجوا يحللوا لاني انا هادي هزتها من تجربه عندي عمي جاء باه يتزوج اعطها دراهم ومن باعده قتلوا زيدني بعث مع خوها قاله خالي اختك عندك واش ما تلقى غير يحللوا باه يرجع عن رايوا او درك متزوج بيها وحمد لله لازم شويه موقف برك ............ اقلهم مهر اكترهم بركه يا نساااااااااااء افهموا ربي يهديكم نتوما ولديكم برك:19:

عطيك الصحححححححة

[ريم الوداع]

هههههه سلام خويا ولله بلبزاف 50 ربي يعينك انا عمري 19 مناش متزوجه ولا مخطوبه مزال مكتوبي مطرقش لباب هههههههه

[أحبك ربّي]

هههههه سلام خويا ولله بلبزاف 50 ربي يعينك انا عمري 19 مناش متزوجه ولا مخطوبه مزال مكتوبي مطرقش لباب هههههههه

بارك الله فيييييييييييييك

[ريم الوداع]

نجاوبك سير خويا مشكله مجتمع تاعنا يوالوا يشوفوا فيك بشوفه بشعه كي تكون في عمر 18 ولا 19 ولا 17 يبدوا يقولوا واش بيها مزال متخطبتش ولا تزوجة ولله تشف راح تبور هادي طفله مي انا على نفسي صح جاتني هادي فكره ومن باعده قلت نمشي بعقلي احسن ميهمناش مكتوب تاعي ادا ربي مكتبوا راح يجي اسكوا يطول ولا لا هاديك انتي ومكتوب تاعك يعني مكاش مشكله انا ثقتي في ربي اكبر من كلش وحمد لله على كل شيى ههههههه ونت ربي يعطيك بنت لحلال الي تتهنا معها وترحمك شويه هههههههه 50 ولله بلبزاف

[أحبك ربّي]

نجاوبك سير خويا مشكله مجتمع تاعنا يوالوا يشوفوا فيك بشوفه بشعه كي تكون في عمر 18 ولا 19 ولا 17 يبدوا يقولوا واش بيها مزال متخطبتش ولا تزوجة ولله تشف راح تبور هادي طفله مي انا على نفسي صح جاتني هادي فكره ومن باعده قلت نمشي بعقلي احسن ميهمناش مكتوب تاعي ادا ربي مكتبوا راح يجي اسكوا يطول ولا لا هاديك انتي ومكتوب تاعك يعني مكاش مشكله انا ثقتي في ربي اكبر من كلش وحمد لله على كل شيى ههههههه ونت ربي يعطيك بنت لحلال الي تتهنا معها وترحمك شويه هههههههه 50 ولله بلبزاف

شكرااااااااااااااااااااااااااااااااااااااا

[ريم الوداع]

والله فيرومون صح ؟؟؟ يعني من 17 تبدا تخمم ؟ يا ربييييي هههههههه صافي من السيام ؟ كلام مليييييح بصح ديري حاجة في بالك أختي .. مكتوبك جاي جاي مزلتي صغيرة يعني مادام ما لحقتيش 25 علاه إذن كلام الناس عموما راني نشوف فيك مكيش متأثرة مره منهم هههههه وي كوغير نلقاها 25 ولا 30 هههههههه نقصر برك أصلا حسبتلو لقيتو 65 ! الذهب غالي
هههه هيه مناش متاثر لانو الي يعمر راسوا يتعب بلبزاف وكما قتلك مكتوبي مزال مطرقش لباب تاعي هههه

شوف مفهمتش 65 علاه ناوي تحضرها نت مرتك ياخي شويه عليك وشويه عليه يعني لازم تقدر لوضع ولله وش راح نقلك مغواكم برك
ربي يهنيك

[أحبك ربّي]

هههه هيه مناش متاثر لانو الي يعمر راسوا يتعب بلبزاف وكما قتلك مكتوبي مزال مطرقش لباب تاعي هههه

شوف مفهمتش 65 علاه ناوي تحضرها نت مرتك ياخي شويه عليك وشويه عليه يعني لازم تقدر لوضع ولله وش راح نقلك مغواكم برك
ربي يهنيك

نعممممممممممممممممممم

[ريم الوداع]

يسسسسسسس هاذي هي بيان هكذا كل واحد يستنا الطاقة نتاعو ههههههه نوو 65 ومنعرف وي صح شوي عليها وشوي عليا مي هكذا حسبتها لقيتها ههههههه عرس لاباس بيه وكشما نطمعو من الشيخ كشما يمدلنا ميرسي وربي يحفظك ثاني ويعطيك واش تحوسي
امين خويا ربي يحفظك نت تاني ويهنيك ويخليك اسعدني تواصل مثمر معك :)

[أحبك ربّي]

امين خويا ربي يحفظك نت تاني ويهنيك ويخليك اسعدني تواصل مثمر معك :)

شكراااااااااااااااااااااااااااااا

[aymenov]

هههههه سلام خويا ولله بلبزاف 50 ربي يعينك انا عمري 19 مناش متزوجه ولا مخطوبه مزال مكتوبي مطرقش لباب هههههههه


حتى انا 19 سنة لكنني نزعت فكرة هدا الزواج من راسي

[ريم الوداع]

والله سعدت بالحديث معك جدا ريم لي يديك يا سعدو اتهلاي في روحك سلاااام
ربي يخليك خويا مام نت تاني ربي يخليك وتهلى نت زاده في روحك بلبزاف

في امان الله

[bachir ghe]

السلام عليكم ** المشكل ليس في المهر بل في الزوجة الصالحة أما الدراهم يروحو ويجو أما الزوجة لا ربي يسهل وإ، شاء الله نطيحو في وحدة بنت حلال

[مراد الأمل]

[quote=أميال18;9634152]السلام عليكم

في جيجل ليس غالي كثيرا يا ربي يلحقلوا وحد 42 مليون برك
[/q
ايييييه راه الرخا يدهش عندكم؟؟؟؟؟؟؟؟؟؟؟؟؟
محسوب 42 مليون غير شوي...ضربة قد السخط.....لا إله إلا الله

[tateb]

خلى البير بغطاه ......

[أحبك ربّي]

[quote=أميال18;9634152]السلام عليكم

في جيجل ليس غالي كثيرا يا ربي يلحقلوا وحد 42 مليون برك
[/q
ايييييه راه الرخا يدهش عندكم؟؟؟؟؟؟؟؟؟؟؟؟؟
محسوب 42 مليون غير شوي...ضربة قد السخط.....لا إله إلا الله
42 مليون عرس كامل ؟ والله مليحة علاه دقول قد السخط أنا كون يجي زواجي 42 نكون ديما نشكر في ربي ونعاود

[zaza22]

من 10 ملايين الى 140 مليون على حساب الميزان

[YouCefo_dz]

شكراااااااااااا

[touerh]

الله يهديكم

[أمــل عاصم]

راني كنت نقرا في بعض الردود و الله نضحك لما نسمع و نشوف واحد يقول 20 مليون مليحة و 42 مليحة و و و ......

و الله اراها اضحوكة الزمن العجيب

فكرو شوية برك هذي اشياء بيدينا برك

قاعدين للعناد اللي مافيه فايدة و انسينا الاصل و الصح

للرجل اقول : حاجة بيدك انك تكتفي بوليمة بسيطة مش مشروط عليك تعملها في الصالات و تعزم نصف سكان الولاية ...

و مش شرط انك تجيب 50 سيارة ان لم يكن اكثر للكورتاج ,,, و مش شرط ان العرس يدوم 7 الى 10 ايام .. و و و و

هذا كله مغالاة و تباهي و تبذير على تبذير ,,, و راكم تعرفو المبذرين شكون خاوتهم .....

و للمرأة اقول : اقلهن مهرا اكثرهن بركة ,, فلا تبالغي في الطلبات اختاه ,, يعني لما تطلبي كل هذيك الملايين و كل هذاك

الذهب و و و ... واش رايحة تديري بيهم ؟؟ مارايحينش يكملو ؟ ولا يعني لما تدي معاك كل هذيك القناطير نتاع الالبسة

و المقروشات .. الدنيا رايحة تكمل ؟ ياخي رانا كل يوم نشوفو موديلات جديدة تنسيك في اللي اديتيها معاك ... ارحمي روحك

و ارحمي الناس اللي حواليك ....


شاركتكم النقاش اختكم - أمل - من تيارت

تحياتي

[djamelbio]

الله يلطــف بالشبــاب الجــزائري

لأن الامور زادت عن حدها الطبيعي صراحتا و أصبحت تخوف

و نتج عن كل هدا إنتشار العنوسة بشكل مخيف جدا من 10 نســاء ( 6 عــازبات ، 2 مطلقات ، 2 متزوجاة )

و كدلك إنتشار كل مظاهر الفساد و الفسق الزنا العلني و كثرة ما أصبح يسمى أمهات عازبات (زانيات)

ربي يلطف بنا و يرحمنا

و أنصحــك أختــي ادا جــاءك من ترضين دينه و خلقه قتزوجي ولا تعسري فإنك ستندمي والله ...سلام

[أحبك ربّي]

راني كنت نقرا في بعض الردود و الله نضحك لما نسمع و نشوف واحد يقول 20 مليون مليحة و 42 مليحة و و و ......

و الله اراها اضحوكة الزمن العجيب

فكرو شوية برك هذي اشياء بيدينا برك

قاعدين للعناد اللي مافيه فايدة و انسينا الاصل و الصح

للرجل اقول : حاجة بيدك انك تكتفي بوليمة بسيطة مش مشروط عليك تعملها في الصالات و تعزم نصف سكان الولاية ...

و مش شرط انك تجيب 50 سيارة ان لم يكن اكثر للكورتاج ,,, و مش شرط ان العرس يدوم 7 الى 10 ايام .. و و و و

هذا كله مغالاة و تباهي و تبذير على تبذير ,,, و راكم تعرفو المبذرين شكون خاوتهم .....

و للمرأة اقول : اقلهن مهرا اكثرهن بركة ,, فلا تبالغي في الطلبات اختاه ,, يعني لما تطلبي كل هذيك الملايين و كل هذاك

الذهب و و و ... واش رايحة تديري بيهم ؟؟ مارايحينش يكملو ؟ ولا يعني لما تدي معاك كل هذيك القناطير نتاع الالبسة

و المقروشات .. الدنيا رايحة تكمل ؟ ياخي رانا كل يوم نشوفو موديلات جديدة تنسيك في اللي اديتيها معاك ... ارحمي روحك

و ارحمي الناس اللي حواليك ....


شاركتكم النقاش اختكم - أمل - من تيارت

تحياتي

كي تكوني في بلاصة الرجل ويكون جايك الزواج من بعد أهدري
انتوما متلاحظوش مره وما تحسوش تحابو غير كي يجي الراجل ياديك وكفى

خموو بالي راه كل يوم يلابم دورو باه يزوج بيه ومن بعد جي وحدة كاتبة ذكر ودقولك طفلة جي دقولاك الزواج أضحوكة
ياخي حالة ياخي

[عثمان13]

تكاليف العرس في تلمسان هي :
المهر : من 12 إلى 35 مليون( حسب القرى والمدن )
الملاك أو الكمال مع مستلزمات الزوجة = من 6 إلى 15 مليون
الدفوع من 4 إلى 7 ملايين
chambre + فراش من 15 إلى 20 مليون
مصاريف العرس ( salle + العشاء +...) = حوالي 20 مليون
ـــــــــــــــــــــــــــــــــــــــ
total : ؟؟؟

[أحبك ربّي]

تكاليف العرس في تلمسان هي :
المهر : من 12 إلى 35 مليون( حسب القرى والمدن )
الملاك أو الكمال مع مستلزمات الزوجة = من 6 إلى 15 مليون
الدفوع من 4 إلى 7 ملايين
chambre + فراش من 15 إلى 20 مليون
مصاريف العرس ( salle + العشاء +...) = حوالي 20 مليون
ـــــــــــــــــــــــــــــــــــــــ
total : ؟؟؟

65 مليون هههههههههههه بصح في تلمسان كارثة الزواج عندكم

[hiba ahmed]

في الجلفة كاين مهر من 12مليو الي غاية 20مليون وخلاف جهاز الخطبة والخواتم والعرس يعني تلحق ال50مليون واكتر وحتي المراة كي يدفعولها 20 متجيبلها والو الذهب غلا وكل شي غلا ربي يستر وانا من راي لوكان يرخسو للشبيبة باش تتزوج يعني ميدفعش مهر ياسر وهي متشريش حوايج ياسر وميكبروش العرس حاجة خفيفة ضريفة ذركة عدنا نشوفو الباطل والتبذير في الاعراس علاه ربي ماقالش كيماهاك والنبي تاني ماقلش هاك ربي يهدي ويصلح الاحواااااااااااااااااااااال

[hiba ahmed]

كي تكوني في بلاصة الرجل ويكون جايك الزواج من بعد أهدري
انتوما متلاحظوش مره وما تحسوش تحابو غير كي يجي الراجل ياديك وكفى

خموو بالي راه كل يوم يلابم دورو باه يزوج بيه ومن بعد جي وحدة كاتبة ذكر ودقولك طفلة جي دقولاك الزواج أضحوكة
ياخي حالة ياخي

انا معك وربي يهدي

[ايمان 24]

حنا العادات نتاع عائلتنا فقط .... المهر 10 ملاين و خاتم و ممكن 200الف نتاع الشوفة و الحفافة نتاع العروسة و الكورتاج على العريس
اما عرس العروس فهو على باباها مسكين و 10 ملاين ميجيبو والو كل جهازها على باباها هههههههه

[ايمان 24]

حنا العادات نتاع عائلتنا فقط .... المهر 10 ملاين و خاتم و ممكن 200الف نتاع الشوفة و الحفافة نتاع العروسة و الكورتاج على العريس
اما عرس العروس فهو على باباها مسكين و 10 ملاين ميجيبو والو كل جهازها على باباها هههههههه

[moonlight19]

مهر من 8 ملاين الى 12 مليون
جهاز من 3 ملاين الى 6 ملاين
كباش حوالي 18 مليون
غرفة 10 ملاين
تكاليف يوم العرس (ماكولات.....) حوالي 10 ملاين
المجموع على الاكثر 56 مليون او 60 مليون
اخااااااااه ربي يسترنا و يعافينا

[sali-sali]

المهر يختلف من ولاية لاخرى و تاني من عائلة لاخرى

المهر حنا في تيارت من 12 مليون الى 15 مليون وممكن يكون اكتر على حساب العائلة

والتكاليف تاني كل واحد و القدرة نتاعه

[سجل أنا جزائري]

مهر من 8 ملاين الى 12 مليون
جهاز من 3 ملاين الى 6 ملاين
كباش حوالي 18 مليون
غرفة 10 ملاين
تكاليف يوم العرس (ماكولات.....) حوالي 10 ملاين
المجموع على الاكثر 56 مليون او 60 مليون
اخااااااااه ربي يسترنا و يعافينا

و الله راكم خلعتوني بالتكاليف هذو كنت مستهزي بأمر زواج هذا كنت داير في البرج ساهل شوي !

و انا كنت نخمم نزوج صيف هذا و أنا ما عنديش مامبى 20 مليون !!! ربي يستر برك

مزيا عندي خويا راح نتزوجو مع بعض ان شاء الله هكذا نتعاونو شوي في العرس

ربي يسهل ان شاء الله

[aymenov]

تكاليف العرس في تلمسان هي :
المهر : من 12 إلى 35 مليون( حسب القرى والمدن )
الملاك أو الكمال مع مستلزمات الزوجة = من 6 إلى 15 مليون
الدفوع من 4 إلى 7 ملايين
chambre + فراش من 15 إلى 20 مليون
مصاريف العرس ( salle + العشاء +...) = حوالي 20 مليون
ـــــــــــــــــــــــــــــــــــــــ
total : ؟؟؟


لو كان عندي كل هدا المال لا ارسلت والدي الى الحج ولن اصرفها على مهزلة ما يسمى بالزواج في عصرنا هدا

[رونق سلمي]

حقا الزواج اليوم غالي جدا

[Abdou83]

مقارنتا مع ما قيل نحن عندنا الزواج بثمن بسيط و رخيس

فليس بواجب عندنا أن يقدم المال ، بل يستطيع الإكتفاء بقليل من الذهب وخروف العرس

والباقي على أهل الزوجة

الأهم عندنا ، أخلاق الزوج وأن لا يكون عاطل عن العمل بطبيعة الحال

[milanebasta]

merciiiiiiiiiiiiiiiiiiiii

[kamel tlm]

عرس بسيط لموظف بسيط عادي ( الطبقة المتوسطة) 60 مليون سنتيم............................................. ..tlemcen

[meryem-87]

hna nessoknou f alger mais les origines m médéa: mah bin 12 w 15 w 3arss tofla jhaz kach 30 millions w rajel 3arss 3adi motawadi3 40 millions

[younes39]

40 malyon
.........................

[el3azima]

أنا المرة لاخرة رحت نخطب
مع العلم أنا من ولاية سوق أهراس و خطبت من عنابة ، الحمد لله رفقوا بيا و ريقلوني عطاوهالي قريب 20 مليون فيها كلش (دهب + شرط + صوف + عطية)
ربي يكون في العون الحاجة اللي تقلق و تخوف و تفشل الأعياد و المناسبات اللي يجيو في الوسط يطيحو ركايب
هههههههههههه
ما نفشلكمش توكلو على ربي برك حاجة تاع خير يسهل فيها المولى عزوجل
بالتوفيق للجميع

[أحبك ربّي]

أنا المرة لاخرة رحت نخطب
مع العلم أنا من ولاية سوق أهراس و خطبت من عنابة ، الحمد لله رفقوا بيا و ريقلوني عطاوهالي قريب 20 مليون فيها كلش (دهب + شرط + صوف + عطية)
ربي يكون في العون الحاجة اللي تقلق و تخوف و تفشل الأعياد و المناسبات اللي يجيو في الوسط يطيحو ركايب
هههههههههههه
ما نفشلكمش توكلو على ربي برك حاجة تاع خير يسهل فيها المولى عزوجل
بالتوفيق للجميع
أخي مبروك علييييك ولكن ممكن تشرحلي لو لم تكن أنت .. يعني تحسبلي قيمة الزواج لعرس جميل وأخي سؤال آخر الذهب و و تعطيهملها صوارد ؟ أم كيف ؟

[أمــل عاصم]

السلام عليكم ايها المحسن لله

اولا يجب ان تعرف انه ليس من اخلاقي القيام بهكذا تصرف و كان الاجدر بي ان اربي نفسي

قبل تربية التلاميذ ... و لا اصلي يسمح لي بفعل هذا إذ اني من عائلة محترمة و الحمد لله

لو تساءلت قليلا فقط : ماذا سأجني من وراء هذا ؟ لا شيء مهما كانت تصوراتك

و اسمحلي اذا قلت لك يبدو ان تفكيرك ضيق على قدك كما يقولو

و الدليل ان كل مشاركاتي بامضاء جنسي و اسمي الحقيقي - أمل -

اما سبب وجود اسم عاصم فلانه صاحب هذا الحساب و قد اعطاني الضوء الاخضر لاستعماله

يوم ان احتجت موضوعا هنا بالمنتدى ، و بكل بساطة لان عاصم يكون قريبي ....

كان عليك التبين قبل ان تتهم الناس ايها الاخ المحترم

سامحك الله على اتهامك لي و من وافقك - عوض ان يرشدك -

و ربي يهديني و يهدي جميع امة محمد ان شاء الله


الاخت - أمل - من تيارت

[om dina]

مايخلعوكش روح مركي في الزواج الجماعي راه باطل وتجيك الزوجة بخيراتها وخمايرها خير

[ulacc]

10 دج مهر
+
تكاليف العرس
كل واحد حسب مقدوره
عند القبائل

[لمياء كوكو]

انا مازلت مازوجتش بصح تكاليفنا ماش كبيرة بزاف 10 ملاين برك حنا مانشرطوش غير الهناء مايهموش السوارد

[لمياء كوكو]

حنا تكاليفنا ماش غاليين 10 ملاين برك حنا نشرطو الهناء برك مايهموناش السوارد

[يوسف الجزائر]

انا مازلت مازوجتش بصح تكاليفنا ماش كبيرة بزاف 10 ملاين برك حنا مانشرطوش غير الهناء مايهموش السوارد
معذرة على السؤال
لكن من أي ولاية أنت ؟

[هشام 12]

شكرا على المرور
ربي يكون في العون بارك الله فيكم

[ilovealgeria]

في تلمسان لنفرض ان لديك عملا ومكان لايواء زوجتك واردت ان تتزوج
الزواج وحده يكلفك ميزانية اولية واضافية بالاضافة الى ديون طويلة الاجل وقد تستمر في دفع تكاليف هذا الزواج طول حياتك

[meriama13]

في تلمسان لنفرض ان لديك عملا ومكان لايواء زوجتك واردت ان تتزوج
الزواج وحده يكلفك ميزانية اولية واضافية بالاضافة الى ديون طويلة الاجل وقد تستمر في دفع تكاليف هذا الزواج طول حياتك



عندك الحق أخي
تلمسان مشهورة بغلاء المهر
الله يهدي ما خلق

[khikho]

آخر الأخبار

اسهم الزواج في ارتفاع مستمر في بورصة بلادي نظرا لأسباب مجهولة
- مقتل شاب بصدمة قلبية بسبب مهر الخطوبة يتراوح ما بين الى 1000000000$ الى مالا نهاية
هذه هي الاخبار المتاحة حاليا انتظرنا في هذا القسم ليصلكم كل ماهو جديد !!!!!

صراحة راه غالي وصعاب الزواج بزاف ونضن هكذا راح بيقاو بزاف بلا زواج والله يستر
مجرد رأي تقبل مرووووووووووووري

[zima2012zima]

بارك الله فيكم

[رونق سلمي]

الله يبارك موضوع رائع
هادو هوما المواضيع لي يفيدونا ولي يرتاكز عليهم أمورنا
بارك الله فيك صاحب الموضوع

[روح مراد]

إخواني التسهيل من رب العالمين
علاش تخوفو في روحكم ؟ كل واحد يدعي ربي يسهل له و يعينو و ينوي الحلال و تأكدو أن الله بجانب كل فرد ينوي الحلال و ينوي يستر روحو
و من جانب آخر إن شاء الله المجتمع يتفهم الشباب و ينقصو في التكاليف الإضافية بلا هدف فقط للتباهي
كل واحد يخطب واحدة من نفس المستوى نتاعو هاكا يقدر للمصاريف نتاعها
ربي معاكم و يرزقكم بالزوجات الصالحات في أقرب وقت

[غزلانْ]

السلام عليك يا أخي
موضوع رائع

[○•ميسون•○]

و الله يا أخي حسب مفاهمتك مع عائلة البنت ليس هناك قدر معين فالتكاليف تختلف من عائلة لأخرى

كاين لي ما يشرطوش ياسر يقولو الفايدة في الهناء

و ما تراعيش كل عايلة و تخمامها يعني حسب عائلة الفتاة

[SAHHI]

السلام عليكم و رحمة الله و بركاته
اهلا برواد هذا القسم المميز
و بمناسبة الشهر الفضيل اتمنى لكم صيام مقبول و ان يهل الله علينا هذا الشهر بالامن و الايمان و السلامة و الاسلام
عودة للموضوع .....فحسب ما تم منذ أيام قلائل .....فالمهر مشتمل على كل شيئ حوالي 20 مليون سنتيم
يبقى مبلغ الحنة كما يقال ...يدفع في وقته و هو حوالي 6 ملايين ..اضافة لبعض الامور الاخرى
اضافة الى و ليمة العرس و التي تقتصر على عدد محدود من الاقارب و الاصدقاء
ههههههههههه
شكرا لكم

[عائشة 88]

اولا ربي يرزقكم ببنات الحلال حنا عدنا كل واحد ومقدورو لي عندو يدير ولي معندوش ميديرش انا اخي زوج العام لي فات سقامو كامل 20 مليون والحمد لله ربي رزقو ببنت الحلال ربي يكثر من امثالها مشرطت والو والان راها في نعمة كبيرة ربي يدومها هي من وهران مع انها جامعية قبلت متخدمش وتلبس الجلباب نصيحة للبنات متشرطوش سهلوها تسهل والنبي صلى الله عليه وسلم كي قال اقلكم مهرا اكثركم بركة اكيد من وراها حكمة كبيرة . انا عن نفسي اشرط الدين ولي يخاف ربي سبحانو فقط... عذرا على الاطالة فعلا والله تكاليف ربي يكون في عون الجميع

[أحبك ربّي]

شكرا موضوع مفيد .. نتمنى تفاعل الأعضاء خاصة المجربين منهم

[هشام 12]

شكرا على لمشاركات المفيدة ربي يقدرنا على الزواج

[nour0726]

وهران....


أقل شي 120 مليون...

من الخطبة للعرس....


ربي يفتح..و يفرج و يرزق و يعين...

[قيـــس]

وهران....


أقل شي 120 مليون...

من الخطبة للعرس....


ربي يفتح..و يفرج و يرزق و يعين...

مبلغ كبير جدا .

[هبة خير]

احنا في الغرب هبال غي الذهب اكتر من ربعين مليون وايامات العرس مانحكيش الماكلة اتنين دفعات والحنة والدراهم اللي يدفعهم الزوج للزوجة للجهاز توصل عشر ملاين بزاف الضياعة عرس خوي يقدر بخسارته يزوجو عشرة
ياربي نزل الرحمة من عندك وتمشي هاد الشبهات حنا عندنا في جهتنا حتي الموت بالزوخات الله يلطف

[كلنا راحلون]

ههههههههههههه سمحولي لا استهزء كاين مناطق فتاة تدفع مصاريف زواج ههههههههه الرجال اذكياء يتزوجون مجانا واقل مهرا

في مايخص تحضيرات مؤكولات في ظني عرضة خفيفة يعدون على اصابع ولي حب يهدر حاسة سمع معطلة هادا هو تيسير زواج لا تعسير

[كلنا راحلون]

يسرو في الزواج ولا تعسرو

[nour0726]

مبلغ كبير جدا .

نعم كبير بزاااف لانو قائم على المظاهر و كل واحد يبغي يدير كيما اللي دارو الناس....هادي هي وهرن....أو لنقل هذه هي المدينة....

احنا في الغرب هبال غي الذهب اكتر من ربعين مليون وايامات العرس مانحكيش الماكلة اتنين دفعات والحنة والدراهم اللي يدفعهم الزوج للزوجة للجهاز توصل عشر ملاين بزاف الضياعة عرس خوي يقدر بخسارته يزوجو عشرة
ياربي نزل الرحمة من عندك وتمشي هاد الشبهات حنا عندنا في جهتنا حتي الموت بالزوخات الله يلطف

نعم عندنا فالغرب راه بزاااف...كيما قلتي غي الذهب يلحق 40 مليون....و زيد كل الناس راهي تحب دير في الصالات الفاخرة...


و الله كاين بزاف حالات تاع زوجين يتافقوا يديرو حاجة بسيطة و على قدهم و بلا ديون...لكن إلا و يتدخلو الأهل ويضغطو و يفرضو عليهم عرس كبيــــــر....

كل طرف من الاهل إلا و يقول : هذا/ هاذي، وليدي/ بنتي، و باغي نفرح بيه....لكن ما تتطفر غير فالعرسان اللي يغرقوا بالديونات في أول حياتهم....



و عندنا ثاني حتى لعروسة راهي دير عرسها....بالصالة، بالتصديرة، بالفطور، بالحلوى....

و لوكان لعروسة ما ديرلهمش حنة تخسر فيها اللي يخسروه في عرس،،، يزعفوا أهل العريس و يقولو ما دارولنا شان ما كبروا بينا.....


الله يلطف بينا....

[قيـــس]

نحن في جهتنا برج بوعريريج, تقدر كل تكاليف الزواج من المهر الى غاية الوليمة بحوالي 40 مليون سنتيم.

[قيـــس]

و ينقص هذا الرقم كلما اتجهنا شمال الولاية نحو منطقة القبائل.

[salsila]

وناس الشلف بالشطية ياترى كيفاه المهر ديالهم واش يديرو لعروسة من الاول للاخير

[slimane111]

حنا قضيناها هههههههههههههه وانتم الله يحسن عونكم لي مازلتم

[yassino13]

aya kach wahda matachtrat walo rani hna

[علي لقواطي]

عندنا في الأغواط المهر(الدفوع) من 08 ملايين حتى 15 مليون + خاتم أو خامين على الأكثر+ مصاريف جانبية حوالي 02 ملايين. و نهار العرس كل واحد و مقدوروا يعني الفاتورة رايحة تكون حوالي 40 مليون.

[رميسا ريمي]

في هاد الوقت الزواج يكلف من 100مليون والفوق الله يجيب الخير وتزوج يالمسكين

[أم محمد علي]

في الجزائر المهر 10 ملايين إلى 15
مليون
والكثير يعمل عشاء بسيط فقط
كونوابسطاءوتلقى إنسانة بسيطة
والفائدة في الهناااااااااااااا

[nedjmeddin]

بارك الله فيك

[تومي لحسن]

عندنا في المسيلة المهر(الدفوع) من 08 ملايين حتى 15 مليون + خاتم أو خامين عحوالي. و نهار العرس كل واحد و مقدوروا يعني الفاتورة رايحة تكون حوالي30مليون.لى الأكثر+ مصاريف جانبية

[S-KISHK-B]

في فترة شبابي تجولت كثيرا بحثا عن هذا الأمر...لأن في وقتنا لم يكن الهاتف الخلوي ولا الأنترنيت....كان المهر غاليا في عنابة بشرطهم المهر الزائد على العادة في التاج واللباس القسنطيني.......وفي الوسط بلدية في غيليزان اسمها مازونة.....وفي الغرب تلمسان....المهر غالي تصل حمولته الى ملأ شاحنة 19 طن بالأفرشة والصالونات.........وكان المتعرف عليه والاقل مهرا ....هم بلاد القبائل.............
- أما في الوقت الحاضر...فهو أقل ثمن عند العارفين وغالي الثمن عن الجاهلين لقواعد اللعبة

[عبد القادر28]

السلام عليكم ياجماعة الخير لاتخلطو بين المهر وجهاز العروس
1 المهر او كما نقول عندنا فى مسيله صداق لان الصداق معلوم مصحف والف او 10الف دينار حسب العرف فى المدينه
2 الجهاز هو مايقدمه الزوج لزوجته لاشراء ملتزماتها
3 اما الذهب الشئ الذي يقدمه العريس للعروس وان لم يوجد خيرا خاتم فهو كفيه

[عبد القادر28]

في ولاية ميلة وصل الشرط ل 20مليون +3 قناطر صوف والحنة توصل حتى ل40 مليون بلاما ننساو العرس واحد 40 مليون وزيد التحويسة في الترك ولا طليان هدا ماكان. عندنا الزواج باطل واحد 130 مليون برك

يخويا الحمد لله مازال عندنا البراكه مابين مليون وزوج ويقدم زهاج لعروس حوالى 10 ملاين ويربح كما يحب يدير العرس ولالالا يهز مرتو ويربح

[عبد القادر28]

حتى انا 19 سنة لكنني نزعت فكرة هدا الزواج من راسي

ياولدي ماتنزع ما والوووو الزوج ياتي ببركته قول ربي يطيحني فى بنت لحلال وبيت رجال

[عبد القادر28]

في الجلفة كاين مهر من 12مليو الي غاية 20مليون وخلاف جهاز الخطبة والخواتم والعرس يعني تلحق ال50مليون واكتر وحتي المراة كي يدفعولها 20 متجيبلها والو الذهب غلا وكل شي غلا ربي يستر وانا من راي لوكان يرخسو للشبيبة باش تتزوج يعني ميدفعش مهر ياسر وهي متشريش حوايج ياسر وميكبروش العرس حاجة خفيفة ضريفة ذركة عدنا نشوفو الباطل والتبذير في الاعراس علاه ربي ماقالش كيماهاك والنبي تاني ماقلش هاك ربي يهدي ويصلح الاحواااااااااااااااااااااال

يااخي من مسيله بوسعاده لجلفه شئ واحد 2ملاين صداق 10او 12 زهاج ولي يحب يدير طعام يجيب كبش انتاعو وتربح لاذهب ولا هم يحزنون خاتم فقط

[نواار]

ما هو متوسط تكاليف الزواج في ولايتكم

مهر + جهاز = ؟؟

قام الزواج بكل مصاريفه ب 98 مليون


ربي يكون فالعون المهم الهنا

[صفيان 11]

في العاصمة انت و الرصيد تاعك كل ميكون معمر كل متزيد التكلفة غير ولا كنت بلعاطي تدي الطفلة بي لاطاي

[الوحش مراد]

لاحول ولاقوة إلا بالله تقول راكم تساومو في الغنم حاشى خلق ربي الامرأة التى تحب دير الدار متشرط غير لهنا والصفا انا دفعت 14 مليون كلشي مبقالي غير نجيبها من دارهم

[اميرة باخلاقي 00]

لاحول ولاقوة إلا بالله تقول راكم تساومو في الغنم حاشى خلق ربي الامرأة التى تحب دير الدار متشرط غير لهنا والصفا انا دفعت 14 مليون كلشي مبقالي غير نجيبها من دارهم


انا اشاطرك الراي المراة التي تحب تبني الدار تشرط غير لهنا هو الصح

الله يهدي كل اخواتنا وييسروا في تكاليف بالاخص الاولياء

[nadyashawky]

شكرا جزيلا لك وجزاك الله خيرا

[الأكادمي]

تحيا العزوبية و الزواج بالأجنبية المسلمة

[Meriem-21]

قادر 50 مليون تتزوج عادي

[kala11]

قادر 50 مليون تتزوج عادي

[نجلاءواحمد]

كل قدير و قدرو
و الملاحظ ان الشاب ايضا يحب يعيش الرفاهية يحب الزوجة تجيب و تجيب و تجيب.....على بيها لازم يدفع ؟

[سفير الأيام]

الدهب راه غالي

سلسلة فقط ب 26 مليون وما فوق وما بالك ببقية المهر والمصاريف


الزواج للزوالي على الاقل 100 مليون

[ramzi-messi]

في بعض المناطق في الصححراء يقيمون زواج جماعي

تدفع زوج ملاين و نص فققققطط

2.500.000

[HB_Mhamed]

في جيجل عندنا اكثر تقدير 60 مليون او اكثر

[جنى الجنتين]

الدهب راه غالي

سلسلة فقط ب 26 مليون وما فوق وما بالك ببقية المهر والمصاريف


الزواج للزوالي على الاقل 100 مليون





كل واحد ومقدورو لازم تمشي على حساب الميزانية تاعك لا يكلف الله نفسا الا وسعها مشروط تاع 26 :confused: كاين تاع 10 حتى 15 و شابين :19:

انا وحدة من ناس قليلة بنت قليل شريت وحدة ب 9.5 الحمد الله مقتنعة بيها لا احب التباهي من اجل المجتمع المعقد الذي فرض علينا شروطا تعجيزية

تحيا الاعراس تاع الغرب لا ضرر و لا ضرار :19: و نتمنى ان شاء الله ندير عرسي كيفهم :1:

[محب لله]

عندنا في ورقلة
مهر +جهاز=18 مليون

[dr-7ooda]

20 الف دولار :)

[faci samia]

في عنابة حوالي 60 مليون.

[ابراهيم حسام]

انا راح نزوج على قدي .... كان طار طار 60 بالخطبة و بالعرس و بالمهر.

[مشغل الاشعة]

المهر من 15 الى 20* و خاتم خطوبه ب 3 ملاين* و* العرس (اكل و مسلزمات) 15 مليون* * يعني في حدود 40 مليون
هذا* من* غير* (الشمبره + الاثاث المنزلي... tv* ...friguo ....الخ)* * واذا تحسب كل شيء* يطيحلك* *من 60 الى 70**
(ولاية المديه )

[مختار45]

من 15 إلى 20 مع +تكاليف العرس من أكل إلى غير ذلك*

[nadjib_unreal]

انا راح نزوج على قدي .... كان طار طار 60 بالخطبة و بالعرس و بالمهر.

انا غير الخطوبة و ذهب و الشرط و الفاليزات 58 مليون.....
بقالي العرس...
العرس و الله محتاج المجرب ، عشاء سامبل شوية حباب شحال راح يستقام ؟:eek:

[NASSIMGSM]

50 مليون تيبازة

[~ قدس ~]

اذا كان 10 معاه شوية ذهب ..
اذا كان 15 نفس الشيء
اذا كان 20 نفس الشيء
واكثر حد وصل 25 وحدها ولي عندهم يزيدو الذهب ..

[اميمة شروف]

حنا في باتنة 10 ملاين فقط باطل الطفلة في باتنة هههههههههههههههههه

[اميمة شروف]

بصح لازم خاتم زين مثلا يكون ب 7 ملاين وشوي ذهب ميسقامش العرف في باتنة تكري اصال ب 6 ملاين القاطو والحوايج قاع يسقامو 10 ملاين كلش كلش الي حاب يزوج لازم يدبر 50 مليون فقط واللي عندو يحب يشريلها حتا حقيبة نتاع ذهب المهم تسقاملك هكاك 50

[بـــيِسَة]

الا ادا صوالح هكاك ب 10 ملايين على الاكثر
يزيد المهر برك 10 و لا اكثر بقليل
+
و الا مداش صوالح 'لبسة و خاتم خطبة "
يمد هكاك كلش مع المهر 20 مليون

[اميمة شروف]

الطفلة يسقاملها 30 مليون ههههههههههه

[hadjer misk]

تكاليف الزواج في ىالجزائر بلاااااش وكيما نعرفو حاجة بلاااش متحلاش

[ريتال2]

سلام

حنا في ولاية غليزان

اذا مراءة خدامة يدفعو من 25 حتى 30 حتى وصلت 35 لكن فيها كلشي

ومراءة غير خدامة او كاين لبنات خدمات ويطلبو قليل كاين وكاين كلشي 20 وفيها كلشي معناها يجيبو صالح حنة وخاتم حاجة تع تبراز

واذا صوالح من عندهم 3 ملايين حتى 5 ملايين
وكاين عائلات يبغو مهم يزوجو بناتهم برك والله مهر كايت حتى 18 مليون

تكاليف عرس كاملمهر مراءة ومع حاجة خفيفة لان في بلدية تاعنا نتفاهمو صحاب راجل يجيبو ويعاونو كل واحد يجيب شيء واحد خزانة واحد مكيف كل واحد يجيب شيء واحد يجيب خبز واحد وقازوز هكذا تع دار يشرو لحم فقط وكاين يشري حتى لحم عمومو يشرو خضرا هكذا معنها هو يخسر شوية برك ماكسيمو 5 ملايينوصحابو لي يبقاو يعطولو 5000 او 2000 كل واحد ونسا يديرو قاطو نسا خوالو وعمومو