مشكلتي مع الكرة

[مشكلتي]

السلام عليكم
مشكلتي كما قلت تبدأ مع كرة القدم.أنا لاعب أبلغ من العمر 20 سنة احب الكرة كثيرا.لعبت لصالح الفريق الخاص بمدينتي. و كنت لاعب وسط ميدان رائع.لكن بعد أن تحصلت على شهادة البكالوريا و أنتقلت الى الجامعة توقفت للعب لصالح الفريق كونها بعيدة عن مسكني...........................ومشكلتي تزداد لم ألعب في دورة لكرة القدم ينبهر الجميع لمهاراتي و يشكروني على الأداء الرائع)الناس تقولوا لي أنت لاعب مميز(..
مشكلتي الحقيقية أني أدرس في الجامعة و تفكري كله متجه نحو كرةالقدم,......و لم أرى ملعب الولاية المتواجد بها الجامعة لا سيمى لم أرى الاعبين من بعد (أصاب بالغيرة)


من لديه وجهة نظر بأن أقف الكرة و أتابع دراستي .....................لآأضنوا بمقدوري فعل ذلك.
شكــــــــــــــــــــــــــــــــــــــــــــــــ ـــــــــــــــــــــــــرا

[gauche]

خويا اذا شت روحك مليح في قرايتك
اهتم بهآ احسن
اضن ان الكورة ماتحققلكش المستقبل المليح ليراك تحوووس عليه
ديجا بلادنآ مع الاسف ماهيش تاع كورة
وهذا مجرد راي

[وصال الجنة]

أنا تاني من رأيي تهتم بقرايتك على خاطر هي الوحيدة اللي تقدر تحقق لك المستقبل انتاعك ... بصح البالو ماعندو مايدير وشحال من جوور كون تروح تهدر معاه وتقولو واشي هي أكبر حاجة ندمت عليها فحياتك يقولك ماكملتش قرايتي ... على هاذي قرا خير لك ... وزيد إذا كنت تحب تلعب البالو فالصيف كي تخلص لقرايا ولا كي تلقى الوقت العب كما تحب يعني اتخذها هواية ... ولوكان تفرط فقرايتك رايح تندم بزاف . وكما يقولك تمشي الرياح بمالاتشتهي السفن يعني انت ماتخممش على واش تحب خمم فالشي اللي فيه الفايدة ليك وينفعك ...وبطبيعة الحال لقرايا هي اللي رايحة تنفعك ...بصح البالو فيه لخساير بزاف .. مثلا كي تلعب وتضيع قرايتك ... ممكن فالأول تحقق نجاح كبير وتكون محط انظار إذا راك كما قلت ماهر وماتنساش بللي كرة القدم معمرة بالمخاطر في أي لحظة توقع إصابة يعني تجيك في صحتك وفالمستقبل انتاعك ... وإذا قدر الله ممكن تصرالك إصابة خطيرة ماتزيدش تقدر تلعب وأنت صغير ... هيا واش تدير؟ تكون خسرت صحتك وقرايتك ... مالا ربح قرايتك خير ... هذا رايي .

[dotZero]

بإمكانك الالتحاق بفريق الجمعة التي تدرس بها أو الحي الجامعي الذي تسكن به
كما بإمكانك الالتحاق بالفريق المحلي للمدينة و ذلك بأقرب دار شباب إلى الحي
و هذا لتفريغ هذه الشحنة
كما بإمكانك تجربة خوض اختبار الدخول إلى المعهد الوطني للرياضة بالجزائر العاصمة
لكنني أحذرك
التنافس على أشده، خاصة في كرة القدم فالتسجيل على المستوى الوطني
*
*
المحصلة: تحرك و لا تبقى بهذه الحسرة في قلبك
أدرس و مارس هوايتك في نفس الوقت
هذا ممكن

[hamzagolf6]

اخي اذا عندك دراهم روح للخارج ثما تزيد تتعلم
وبلاك تلي كي ميسي
شكون قال
اتمنى لك التوفيق

[الورود المنسية]

أنا تاني من رأيي تهتم بقرايتك على خاطر هي الوحيدة اللي تقدر تحقق لك المستقبل انتاعك ... بصح البالو ماعندو مايدير وشحال من جوور كون تروح تهدر معاه وتقولو واشي هي أكبر حاجة ندمت عليها فحياتك يقولك ماكملتش قرايتي ... على هاذي قرا خير لك ... وزيد إذا كنت تحب تلعب البالو فالصيف كي تخلص لقرايا ولا كي تلقى الوقت العب كما تحب يعني اتخذها هواية ... ولوكان تفرط فقرايتك رايح تندم بزاف . وكما يقولك تمشي الرياح بمالاتشتهي السفن يعني انت ماتخممش على واش تحب خمم فالشي اللي فيه الفايدة ليك وينفعك ...وبطبيعة الحال لقرايا هي اللي رايحة تنفعك ...بصح البالو فيه لخساير بزاف .. مثلا كي تلعب وتضيع قرايتك ... ممكن فالأول تحقق نجاح كبير وتكون محط انظار إذا راك كما قلت ماهر وماتنساش بللي كرة القدم معمرة بالمخاطر في أي لحظة توقع إصابة يعني تجيك في صحتك وفالمستقبل انتاعك ... وإذا قدر الله ممكن تصرالك إصابة خطيرة ماتزيدش تقدر تلعب وأنت صغير ... هيا واش تدير؟ تكون خسرت صحتك وقرايتك ... مالا ربح قرايتك خير ... هذا رايي .

[faty05]

بامكانك الدراسة و لعب الكرة في وقت فراغك

[Rima mimi25]

و بالاك لوكان تلعب الكرة ترجع مشهووور كي بودبوز و قادير و مصباح ماتدري كل شيء ممكن شوف كيفاه تنظم الوقت

[lilou f lilou a]

شوف خويا اعزيز نصيحة لعبت مع عدة فرق طلعت لجامعة حبست البالون خطراخ مكانش مستقبل فيه
الت بقرايتك
والخدمة
وربي يوفقك

[الحوتي التلمساني]

السلام عليكم
أنت في الجامعة فلا تترك دراستك لأنها أفيد لك لأننا نرى الكثير من اللاعبين كاين لي نجح و كاين لي كملها سائق طاكسي أو حافلة .. و هناك من تعرض لإصابة و توقف عن اللعب و هناك من ذهب إلى سعيدة فطعنوه بخنجر طعنة بعمق 3 سم مع أنه كان لاعبا بالفريق الوطني ... كما قالك ناس بكري ما تبدل الحاضر الغايب آ ولدي ...

[ben aifa]

يا أخي أهتم بالدراسة هي المستقبل
نظم مبارة أومبارتين خلال الأسبوع مع الزملاء أو الصدقاء
في أوقات الفراغ

[wafa kabylie]

الدراسة ثم الدراسة كرة القدم تجي اومبعدا بالتوفيق

[نورسان]

لا إفراط ولا تفريط

[النيلية]

لم لا تشارك في فريق الجامعة ان كان هناك فريق ؟

يمكنك تنظيم وقتك بينهما

[m3mar47]

بامكانك الدراسة و لعب الكرة في وقت فراغك

[الفتآة]

السلام عليكم ورحمة الله وبركاته
أخي الكريم ،
الجامعة ثلاث سنوات فقط وبعدها تتحصل على شهادة تكون عونا لك في مستقبلك
والرياضة مفيدة لك أيضا
لا تترك تلك ولا تلك
إنشغل بدراستك ، وفي العطل المعوطلة إنشغل بالرياضة
وكما قال من قبلي ، إن كان للجامعة فريق فالتحق به
أما أن تتركك دراستك من أجل الرياضة فهذا غير صحيح أبدا