إلى الأخت kamilia85

[z.abdo]

المشكل نتاعك مع أهل زوجك حسبما قرأت في موضوعك مع ام الزوج و أخت الزوج

انا نعطيك تحليل حسب رأي ما سمعت منك

أنت اولا تشائمت من ام زوجك وطلبت بيت مستقل عن اهل الزوج

وبعد الزواج وقع ما كنت تخشيه لكن لا تنسي أن الزوج يشك ان تكذبي لانك سبق قلتي ان أمه لم ترتاحي لها وهو الحين يظن انك أنت تكطذبي أو تختلقي المشاكل فقط من أجل أن يسكنك في بيت لوحدك

كذالك أنت قلت أن زوجك يعمل في الصحراء وانت تعملي وفي نفس الوقت تريدي لأن تسكني وحدك بسبب المشاكل

لكن أريد أن أسألك أختي هل يعقل أن يترك رجل زوجته في سكن لوحدها غير معقول أختي لايمكن أي رجل أن يفعل هذا

كذالك أنت قلتي ان زوجك لم يسال عنك عليك ان تقنعيه بالهداوة دون أن تكرهيه في أهله أو أمه


ونعطيك حل لا أعرف ان كان يلائمك أو لا


أن تذهبي مع زوجك على الصحراء وتقنعيه أن يأخذك معاه إلى الصحراء حتى ولو تطلب أن تتوقفي عن عملك المهم أن تعيشي مع زوجك وترجيه أنه لا يعجبه الأمر لما يتركك عند أهلك أو اهله

وإن شاء الله يتحل المشكل

[ريمة89]

حرت علاه الاخ عبدوا كتب هد الموضوع دخلت نقرعج ههههههه
ختي راني حاسة بيك مايحس بالجمرة غير للي كواتوا بصح عمرك ماتشكي لراجل على يماه انا صرالي قولي كيما انت مي ماش هكدا بصح وحدوا خليتوا شاف بعينوا وتاكد وانا كنت نقولوا مايديرش عليا نهار سكت وقلت والله مانزيد نشكيلوا تامني ولا وحدوا دار الحل رحت لدارنا وجيت لقيتوا دارلي حل انت ماتخربيش دارك راهي يماه ظالمة ولا مظلومة واد قلتي تكرهني معنتها راكي انت تطلبي فالمحال خليها دير واش تحب كي ميكونش روحي لداركم ملتتكليش عليهم كامل كولي برا قولي ليماك تطيبلك ايفيتي تتعاملي معاهم كي يجي راجلك بالاكي تجبديلوا على المشاكل جوزي 20 جور عسل باه مام تقولوا مايامنش وهو يعرفك ويعرفهم وخليه يحكم بعينيه انا راجلي قالي جيبي مرا ماجوزتش المشاكل دوك نديرلك حل لازم تسوفري وامبعد تتحل ههههه
انت راكي فالحمل و تزيد حساسيتك بزاف مام انت ماديريش بزاف على المرحلة واعرة
والهناء يا اختي انت اللي ديريه راجلك موحال يديرلك دارك وحدك كيما قال خويا عبدوا
انا من رايي انوا اي راجل ماراحش يقول لمرتوا عندك الحق يما كدابة صح ولالالا
ان شاء الله تدخلي وتجاوبني ختي ربي يهدي سرك ويحفظ جنينك ويهنيك

[قَاسِمٌ.قَاسِم]

يا حلال المشاكل النسوية
أعانك الله في عملك أخي عبدو
واصل على المنوال

[z.abdo]

حرت علاه الاخ عبدوا كتب هد الموضوع دخلت نقرعج ههههههه
ختي راني حاسة بيك مايحس بالجمرة غير للي كواتوا بصح عمرك ماتشكي لراجل على يماه انا صرالي قولي كيما انت مي ماش هكدا بصح وحدوا خليتوا شاف بعينوا وتاكد وانا كنت نقولوا مايديرش عليا نهار سكت وقلت والله مانزيد نشكيلوا تامني ولا وحدوا دار الحل رحت لدارنا وجيت لقيتوا دارلي حل انت ماتخربيش دارك راهي يماه ظالمة ولا مظلومة واد قلتي تكرهني معنتها راكي انت تطلبي فالمحال خليها دير واش تحب كي ميكونش روحي لداركم ملتتكليش عليهم كامل كولي برا قولي ليماك تطيبلك ايفيتي تتعاملي معاهم كي يجي راجلك بالاكي تجبديلوا على المشاكل جوزي 20 جور عسل باه مام تقولوا مايامنش وهو يعرفك ويعرفهم وخليه يحكم بعينيه انا راجلي قالي جيبي مرا ماجوزتش المشاكل دوك نديرلك حل لازم تسوفري وامبعد تتحل ههههه
انت راكي فالحمل و تزيد حساسيتك بزاف مام انت ماديريش بزاف على المرحلة واعرة
والهناء يا اختي انت اللي ديريه راجلك موحال يديرلك دارك وحدك كيما قال خويا عبدوا
انا من رايي انوا اي راجل ماراحش يقول لمرتوا عندك الحق يما كدابة صح ولالالا
ان شاء الله تدخلي وتجاوبني ختي ربي يهدي سرك ويحفظ جنينك ويهنيك

شكرا على التقرعيج
هههههههههههههههه

[z.abdo]

يا حلال المشاكل النسوية
أعانك الله في عملك أخي عبدو
واصل على المنوال

بارك الله فيك خويا قاسم

والله لما نشوف مشكل سواء كان من طرف إمراة أو رجل لازم نساعده بالكلمة والله ما يخلني ظميري نفوت بدون أن أقترح أو أحاول بأي شيء

شكر لنرورك اخي قاسم لكنك انت لم تقترح أي شيء بما أنك دخلت لو تفضلت علينا بحل ننتظر مرورك اخي

[z.abdo]

[=kacem84;]يا حلال المشاكل النسوية
أعانك الله في عملك أخي عبدو واصل على المنوال


ما لقيتش ايقونة الشكر.....:)
هو على الاقل راه يساهم في حل المشاكل و نت؟؟؟
واصل على المنوال:)

بارك الله فيك على مرورك اختي

[حلاوة_87]

مشكور الاخ عبدو على نصحك..
بالنسبة للاخت اياك تهدري لزوجك عن والديه مثل ما قالت الاخت ريمة....ممكن هي عاشت الوضع وعندها خبرة اكثر لكن المتعارف عليه هذوك اهله ومن لحمه ودمه ومرحش يعطيك الحق ويتجاهل امه...خدمي عقلك وحاولي تكسبي زوجك ليك بلاما تكرهيه في اهله..

[soumiaKH]

علاه غير المشاكل.........................................

[z.abdo]

هذه هي الدنيا احتي لازم تكون مشاكل ولازم نعرف كيف نتساير معها

[ام نسمة]

مررت بالصدفة الى هنا وحقيقة ادخلني الفضول لم اطلع مسبقا بمشكلة الاخت لكن ما يسعني الا ان اقول لها كان الله في عونكما ان شاء الله فهو كدالك بشر واكيد كل هاد المشاكل راها تخلقله نوع من الاكتئاب حتى وان كان لايتكلم تاكدي انه ايضا متضرر من الوضع احسن حل في نظري لو تقنيعيه ان ياخدك معه وادعي ربي في كل صلاة ايفرج اعليك همك

[z.abdo]

شكرا لمرورك أختي زهور الفل
كذالك حبيت نسأل الأخت مباركة عن غيابها ان شاء الله يكون خير

[- بصمة خير -]

فتبين بهذا أن الصحيح كتابتها (إن شاء الله)، وأنه من الخطأ الفادح كتابتها كلمة واحدة (إنشاء الله) فليتنبه.

كتابة إن شاء الله أو إنشاء الله أيهما الصواب؟ (http://www.islamweb.net/fatwa/index.php?page=showfatwa&Option=FatwaId&Id=36567)

حكم كتابة إن شاء الله هكذا: إنشاء الله (http://islamqa.info/ar/ref/115116)


اللهم صل و سلم و بارك على سيدنا محمد

[sabrina el-chark]

ya3tikoum saha ki jawebtou ...ana nhir ghir f l oim li theb dir lmachakil l wladha ....asbri ...w rabi yfaraj

[z.abdo]

شكر لمروك أختي

[ريمة89]

ya3tikoum saha ki jawebtou ...ana nhir ghir f l oim li theb dir lmachakil l wladha ....asbri ...w rabi yfaraj

نقولك ياختي ماتحيري ماوالوا نا بالنسبة ليا عمرها الام ماراح تادي ولادها طفلة ولا طفل العكس الراجل معزتوا كتر عند يماه بصح انا عجوزتي قاتلي نهار صرا مشكل كبير بيني وبين بنتها قاتلي انت عروستي وهي بنتي انا لوكان نكثر معاها يعني مهع بنتها نخاف كشما دير ولا تروح ولا .......... علا هدي نحط اللوم فيك انت عروستي وكي نقولك امسحيها في وجهي تمسحيها بصح بنتي اممممممممم والله سكتت مالقيت مانقول غلبتني يعني انا مرت وليدها ونولي نولي علجال وليدها
وتاني الام تغيضها بنتها مجرد تتزوجي الطفلة العازبة او المزوجة كاين وكاين هههه اللي تكون فدار راح تغير الله غالب تشوف خوها طالع حابط رافد مرتوا فرحان بزواجوا هي تغيضها عمرها ولا تغير الله اعلم واش تحس انا نقول في روحي لواكان نكون فبلاصتها ندير كثر هههههه الام تفهم بنتها وتغيضها مالقري تو انت راكي مهنية ومزوجة وبنتها قاعدة بلا زواج احسن حل انك تدير روحك مهبولة تامني من قوة انا ندير روحي مانفهم والوا قالولي خسارة القراية اللي فيك وسمعت وسمعت بصح ادا حبيتي ديري الدار هدي هيا ماناش اللولين ولا اللخرين انا من الخلعة خويا فالخارج قتلوا غير دير دارك وخرجتك وحدك نتهناو وتتهنى
الوضع اللي رانا فيه الان لازم لاي راجل يستقل على دارهم الدين نصحنا بهكدا باه تبقى مليح مع باباك ويماك وخياتك ومرتك
والله انا نتفهم الام ولا العجوزة ونتفهم اللوسة ونتفهم العروسة والشيطان بسلامتوا راهو قايم بيها
واي عروسة لازم تجوز تسمع ودير روحها ماسمعتش تشوف وملتشوفش مع الوقت راح يعياو ويلتهاو بعروسة جديدة واحكمي كامل اللي قبلك وشوفي نفس القصة ودك راهم الحمد لله بديارهم والحمد لله

[chahrazed-m]

اختي ماتهدريلوش في امو
وغلطي كي قلتي مانحملهاش لانو الراجل عمرك ولا تهدريلو في اهلو خاصة يماه
وخليه يشوف هو وحدو وش راها دير
وربي يعينك

[قَاسِمٌ.قَاسِم]

[=kacem84;]يا حلال المشاكل النسوية
أعانك الله في عملك أخي عبدو واصل على المنوال


ما لقيتش ايقونة الشكر.....:)
هو على الاقل راه يساهم في حل المشاكل و نت؟؟؟
واصل على المنوال:)


السلام عليكم
أيقونة الشكر لا تستعمل إلا إذا كانت المشاركة تستحق ثم
إن أيقونات الشكر ليس متاحة دائما ففي بعضالأحيان لا تظهر كوني أستعملها كثيرا
سأواصل على منوال قول الحق رضيت تسنيم أم لم ترضَ فإرضاء الناس غاية لاتدرك
عذرا للأخ عبدو زاد

[z.abdo]

السلام عليكم
أيقونة الشكر لا تستعمل إلا إذا كانت المشاركة تستحق ثم
إن أيقونات الشكر ليس متاحة دائما ففي بعضالأحيان لا تظهر كوني أستعملها كثيرا
سأواصل على منوال قول الحق رضيت تسنيم أم لم ترضَ فإرضاء الناس غاية لاتدرك
عذرا للأخ عبدو زاد


أعذرك أخي لأن الغيرة تفعل الكثير

[z.abdo]

أخ تسنيم لا تنزعجي منه لأنه يقصدني انا ولست انت
كذالك لأنه سبق ان تكلم بهذه الطريقة لمن يشارك في مواضيعي
يعني بالعامية
ماديريش عليه

[faraday_dz]

السلام عليكم. بعد اطلاعي على المشكل الاصلي لي راي متواضع في الموضوع من وجهة نظري كرجل
1- الانسان بطبعه اناني لا يحب الخير الا لنفسه وهذا حالك وحل اهل زوجك

2- الزوجة اذا رات صلاح الزوج فلتحمد الله على ذلك اما اذا كان غير ذلك فلتتحمل مسؤولية اختيارها
3- اذا كانت الام سيئة لهذه الدرجة كيف ستكون نجحت في تربية زوجك ؟ اذا انت اخترتي اختيارا سيئا
4- اذا كان المسكين يعمل في الصحراء و حرها و لما ياتي تحرقينه بالمشاكل , اظنه خطا كبير و خاصة اذا كنت مبالغة و معروف المبالغة من طبع النساء
5- اظن هذه الامثلة السيئة من الحياة التي تعطي النظرة السيئة للمقبل على الزواج
6- سؤالي لصاحبة المشكل اذا كنت مقتنعة كما تقولين فلماذا لا تصبري والله يجازيك
7- لما قلتي مادار والو ماذا تريدين ان يعمل: ياخذ امه الى دار العجزة و اخته الى الشرطة؟ ام يضربهم؟اظنه تصرف بعقلانية؟
8- اظن نساء هذا الزمن لا يتعاونن مع ازواجهن و هذا لبعدنا عن شرع الله
9- اقتراحي ان تقلل المبالغة و الكلام في الموضوع و الحوار الهادىء مع الام و الاخت و الزوج فربما هي امور تافهة و الشيطان ضخمها
10- الله يفرج عليكم

[z.abdo]

شكرا على النصيحة

[meriama13]

يا اختي ما كرهتيش من المشاكل
انا في رايي ماكانش بشر ملاك زعما هوما كي يديرولك عفايس مش ملاح انت راكي تسكتي ؟؟؟؟
و حتى واحد ما يحب يهدروله في امه يا اختي على جال راجلك عاملي امه كيما امك و انت تروحي تقعدي شهر في داركم حبيتيهم ما يزعفوش!!!!!
يلا بغيتي راحة البال قابلي السيئة بالحسنة و مع مرور الوقت تلاحظيهم تبدلوا بزاف مع انت تخدمي ماراكيش تقعدي معاهم كامل النهار و ماشي كي تجي من الخدمة تدخلي لبيتك و تقعدي راني عارفة عفسات النساء تقربي منهم باش تربحيهم
و الله يهدينا

[faraday_dz]

يا اختي ما كرهتيش من المشاكل
انا في رايي ماكانش بشر ملاك زعما هوما كي يديرولك عفايس مش ملاح انت راكي تسكتي ؟؟؟؟
و حتى واحد ما يحب يهدروله في امه يا اختي على جال راجلك عاملي امه كيما امك و انت تروحي تقعدي شهر في داركم حبيتيهم ما يزعفوش!!!!!
يلا بغيتي راحة البال قابلي السيئة بالحسنة و مع مرور الوقت تلاحظيهم تبدلوا بزاف مع انت تخدمي ماراكيش تقعدي معاهم كامل النهار و ماشي كي تجي من الخدمة تدخلي لبيتك و تقعدي راني عارفة عفسات النساء تقربي منهم باش تربحيهم
و الله يهدينا

والله رايك سديد , الزوجة مهما بلغت من الصلاح ماتكون احن من ام لابنها و دين الام عظيم على ابنها كيفاه المرا تجي تحب يعايب يماه ويرضيها هي, الله يهدينا

[z.abdo]

بارك الله فيكم

[z.abdo]

merci ...w choukran li koul mn ihtama li mawdou3ii
mai kayen ba3d elikhwa rabi yahdihoum ..ana ktabt l mouchkil hata nalka nassiha men 3andkoum mouch bach thajmouni..choukran jazilan li z.abdo w ya3tik rabi matetmana li anek 3tit forssa lmawdou3i

لا شكر اعلى واجب اختي

انا اقدم المساعدة بما استطيع ما دمت حيا وكذالك الاخوة اعظاء المنتدى بارك الله فيهم على مشاكتهم ومن اساء اليك اكيد ليس عن قصد ربما اساء الفهم للقصة لأنه لم يقرأها لما انت كتبتيها بالفرنسية يعني بني افكار من نفسه فقط
واكيد كل واحد هنا شارك كانت النية نتاعو باش يساعدك فقط فلا تلوميهم

شكرا لكم جميعا ومزالنا في الخدمة

[meriama13]

merci 3la jawabek w hada rayek ....nhawel ndir bnassihtek.... W atamana b ma anaki maraa mayjich nhar w tethati makani.....w sa3atha tkoini nti li dalma rouhak mn a.....z
merci 3la radek

سمحيلي اختي
أنا صريحة جدا و لي في قلبي على لساني
و انشاء الله تتصلح أمورك

[kamilia85]

السلام عليكم. بعد اطلاعي على المشكل الاصلي لي راي متواضع في الموضوع من وجهة نظري كرجل
1- الانسان بطبعه اناني لا يحب الخير الا لنفسه وهذا حالك وحل اهل زوجك

2- الزوجة اذا رات صلاح الزوج فلتحمد الله على ذلك اما اذا كان غير ذلك فلتتحمل مسؤولية اختيارها
3- اذا كانت الام سيئة لهذه الدرجة كيف ستكون نجحت في تربية زوجك ؟ اذا انت اخترتي اختيارا سيئا
4- اذا كان المسكين يعمل في الصحراء و حرها و لما ياتي تحرقينه بالمشاكل , اظنه خطا كبير و خاصة اذا كنت مبالغة و معروف المبالغة من طبع النساء
5- اظن هذه الامثلة السيئة من الحياة التي تعطي النظرة السيئة للمقبل على الزواج
6- سؤالي لصاحبة المشكل اذا كنت مقتنعة كما تقولين فلماذا لا تصبري والله يجازيك
7- لما قلتي مادار والو ماذا تريدين ان يعمل: ياخذ امه الى دار العجزة و اخته الى الشرطة؟ ام يضربهم؟اظنه تصرف بعقلانية؟
8- اظن نساء هذا الزمن لا يتعاونن مع ازواجهن و هذا لبعدنا عن شرع الله
9- اقتراحي ان تقلل المبالغة و الكلام في الموضوع و الحوار الهادىء مع الام و الاخت و الزوج فربما هي امور تافهة و الشيطان ضخمها
10- الله يفرج عليكم

non ya khouya mattkabah f yemah ma yedi d3awi char.....w hata okhtou lazem ygoulha bravo psk hata hiya dakhlou dkhlou ljahanam....ytalak martou w yrbeh rahtou w haka ykoun mhani w yartah mn lmachakil

[z.abdo]

non ya khouya mattkabah f yemah ma yedi d3awi char.....w hata okhtou lazem ygoulha bravo psk hata hiya dakhlou dkhlou ljahanam....ytalak martou w yrbeh rahtou w haka ykoun mhani w yartah mn lmachakil

لا اختي ما تقوليش هكا

بإذن الله تتحل المشاكل لأن كل عائلة فيها مشاكل لكن الصبر ثم الصبر اختي ونحن لاتقول انت اخطأتي لكن عليك بالصبر ولا تشكي لزوجك كثيرا

[kamilia85]

لا اختي ما تقوليش هكا

بإذن الله تتحل المشاكل لأن كل عائلة فيها مشاكل لكن الصبر ثم الصبر اختي ونحن لاتقول انت اخطأتي لكن عليك بالصبر ولا تشكي لزوجك كثيرا
ya3tik saha ya akhi ...ana lhamdoulilah tssalaht ma3a zawji walah l3adim moutet belfarha ..hamdoulah ya rabi ...kayan nass hna machkourine 3la nassaih ta3houm walah l3adim ndirha fi hssabi mai kayan chi nass rabi yahfadna ghir ylga mouchkil yahjim 3la sahbou.... ana ki hatit mouchkilti habit nalka mousa3ada w ida kount ghalta nafham mouch yji wahed ygouli yakbah f yemah 3la jalek ...w wahed nti za3ma maderti walou ...
elmouhim ya3tikoum saha ....w rabi yjazik ya akhi ....mn koul kalbi tahiyati

[z.abdo]

ya3tik saha ya akhi ...ana lhamdoulilah tssalaht ma3a zawji walah l3adim moutet belfarha ..hamdoulah ya rabi ...kayan nass hna machkourine 3la nassaih ta3houm walah l3adim ndirha fi hssabi mai kayan chi nass rabi yahfadna ghir ylga mouchkil yahjim 3la sahbou.... Ana ki hatit mouchkilti habit nalka mousa3ada w ida kount ghalta nafham mouch yji wahed ygouli yakbah f yemah 3la jalek ...w wahed nti za3ma maderti walou ...
Elmouhim ya3tikoum saha ....w rabi yjazik ya akhi ....mn koul kalbi tahiyati

لكن راكي قلتي خبر يفرح بزاف تصالحتي مع زوجك الحمد لله


فقط خوذي بالنصائح نتاع بعض الأخوة لأنها مفيدة صح

وأي مساعدة أخرى تجديننا بإذن الله

عندي منك طلب الدعاء اختي فأنا احتاج الدعاء كثيرا

[kamilia85]

ya rabi yfaraj 3lik ....ya rab .....

[فارس الجزائري]

http://www.google.com/url?sa=t&rct=j...Hw2oq-qMsGkeRw (http://www.google.com/url?sa=t&rct=j&q=clavier%20arabe&source=web&cd=1&ved=0CCwQFjAA&url=http%3A%2F%2Fwww.lexilogos.com%2Fclavier%2Fara by.htm&ei=D5lMT9PlHtOYhQe2_Nz5Dw&usg=AFQjCNEvgf6jafpcFTpPHw2oq-qMsGkeRw)