مشكلي مع والد من أريد خطبتها

[مشكلتي]

السلام عليكم اخوتي بدون اطالة انا شاب ف 28 من العمر مشكلتي تكمن في حبي لفتاة ليست من ولايتي ولما تقدمت لخطبتها رفض والدها استقبالي حز في قلبي تصرفه لكن لحبي الشديد لها توسطت بكبار عائلتها لمحاولة اقناعه لكن دون جدوي حجته الوحيدة اني براني ف الكل مدح في اخلاقي وتمنوني زوجا لبناتهم لكن اب من احببت رفضني بقوة ومع هدا تنازلت عن كرامتي وعملت جاهدا لمحاولة اقناعه لمقابلتي لكن كل مرة لا لال لالالالالالا دبرو عليا واش ندير ما تقولوليش انساها !!!! من سابع المستحيلات نقدر وصراحة قتاة بهده الاخلاق نعيش 100 سنة ولا اجد متلها .خايف علي نفسي من الحرام ومادبيا هي شريكة حياتي لكن المشكل طال وراني ف عداب والمغريات وراكم فاهميني .قولولي واش ندير ولا كيفاه نتلاقا مع باباها .والله تلفتلي واش ندير.منيش حاب ندي واحد من عايلتي علاجال نشقاو شحال من كم وميستقبلناش?والله لا زادو راحو معايا مادابيا نفريها معاه من بعد نبعت بابا .تعيشو دبرو علي طالب الحلال

[انتي بلون الورد]

ربي يكون ف عونك خويا هده هيالعقلية لي رانا نسوفريو منها بزاف

[z.abdo]

والله هذه الظاهرة كرهناها بزاف إما الأم أو الاب المهم وكأنه فيلم في التلفزيون يصعبو ويعيقو الزواج بدون سبب مقنع
والحل الذي أقترحه عليك مثل ما اقترحته لشخص حالته مثل حالتك أنه تأخذ إمام مسجد الذي يصلي فيه والد البنت ويتكلم معه لإقناعه بالدين والشرع

وبإذن الله راح يتحل المشكل أتمنى اخي أن تفعل بما نصحتك به و تبشرنا في قريب العاجل بالموافقة إن شاء الله


موفق اخي بإذن الله

[doniamel]

صل صلاة الاستخارة.. و أكثر من الدعاء و الصلاة. و إليك هذا الدعاء وجدته في المنتدى :
السلام عليكم ورحمة الله وبركاته...
كلنا نعرف سيدنا موسى - عليه الصلاة والسلام - وهو كليم الله فقد أتت إليه امرأة، وقالت له أدعو لي ربك أن يرزقني بالذرية، فكان سيدنا موسى -عليه الصلاة والسلام- يسأل الله بأن يرزقها الذرية وبما أن سيدنا موسى - عليه الصلاة والسلام - كليم الله، كان رب العزة - تبارك وتعالى- يقول له يا موسى إني كتبتها عقيم فحينما أتت إليه المرأة قال لها سيدنا موسى، لقد سألت الله لك، فقال ربي لي يا موسي إني كتبتها عقيم وبعد سنة أتت إليه المرأة تطلبه مرة أخرى أن يسأل الله أن يرزقها الذرية، فعاد سيدنا موسى وسأل الله لها الذرية مرة أخرى. فقال الله له كما قال في المرة الأولى يا موسى إني كتبتها عقيم فأخبرها سيدنا موسى بما قاله الله له في المرة الأولى وبعد فترة من الزمن أتت المرأة إلى سيدنا موسى وهي تحمل طفلا، فسألها سيدنا موسى طفل من هذا الذي معك، فقالت انه طفلي رزقني الله به فكلم سيدنا موسى ربه، وقال يا رب لقد كتبتها عقيم، فقال الله - عز وجل وعلا-: يا موسى كلما كتبتها عقيم، قالت يا رحيم كلما كتبتها عقيم، قالت يا رحيم فسبقت رحمتي قدرتي.. فانظر يا أخي وانظري يا أختي رحمة رب العالمين قدرته، وإليك الدعاء:

اللهم يا حي يا قيوم، يا ذا الجلال والإكرام، أسألك باسمك الأعظم الطيب المبارك، الأحب إليك الذي إذا دعيت به أجبت، وإذا استرحمت به رحمت، وإذا استفرجت به فرجت، أن تجعلنا في هذه الدنيا من المقبولين والى أعلى درجاتك سابقين، واغفر لي ذنوبي وخطاياي وجميع المسلمين.

اللهم اغفر لي وعافني واعف عني واهدني إلى صراطك المستقيم وارحمني، يا أرحم الراحمين برحمتك أستعين. سبحان الله والحمد لله ولا إله إلا الله، والله أكبر ولله الحمد، واستغفر الله عدد خلقك ورضي نفسك وزنة عرشك ومداد كلماتك..

اللهم اغفر للمسلمين جميعا الأحياء منهم والأموات وأدخلهم جناتك، وأعزهم من عذابك، ولك الحمد، وصلى اللهم على أشرف الخلق سيد المرسلين محمد- صلى الله عليه وسلم - وعلى أهله وصحبه أجمعين..

هذا الموضوع منقول للاستفادة فقط..

[الواثق]

وانت حاب تديها بالقوة ؟؟؟؟؟.........يا خويا نصيحتي ليك صح كاين لي تعز علينا وممكن مانلقاوش مثلها لكن لا يكلف الله نفسا الا وسعها .................والخير فيما اختار الله

[خديجة13]

هذي العقلية نلقاوها عند الكثير من العائلات مايحبوش يمدو بنتهم لواحد براني ما يعرفو عليه حتى حاجة و مايحبوش بنتهم تتغرب عليهم انا اشاطرهم الراي
نعرف بنات من العائلة راحو لولايات بعيدة و ندمو

[z.abdo]

هذي العقلية نلقاوها عند الكثير من العائلات مايحبوش يمدو بنتهم لواحد براني ما يعرفو عليه حتى حاجة و مايحبوش بنتهم تتغرب عليهم انا اشاطرهم الراي
نعرف بنات من العائلة راحو لولايات بعيدة و ندمو

(يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ)

[مباركة 1961]

سلام....

والبنت واش هو رايها ...ادا كان على بالها بيك....الم تتخد اى خطوة ايجابية لمساعدتك ..على الاقل تقنع امها بدلك ...والام تبدل مجهودها..... والا نقولك روح اتكلم مع اخوالها او اعمامها واعطيهم كل المعلومات عليك ( سكن _اهل _مؤهلات علمية ومادية....و..) واطلب منهم يساعدوك ...اواتكلم مع خاوتها .....................المهم ابدل كل مجهودك ماتتنازلش على اختيارك...

[ناصرالدين الجزائري]

.... رفضني بقوة ومع هدا تنازلت عن كرامتي وعملت جاهدا لمحاولة اقناعه لمقابلتي لكن كل مرة لا لال لالالالالالا .....



لا تتنازل عن كرامتك ..
و ستجد الحل لمشكلتك ...

[loulou88]

اخي الكريم راك تشوف لمونتليتي تاع الوالدين ............مفهمتش واش يحبو
انا صراتلي كيفك لدرك مكانش نتيجة ....الصبر لله + حاول وحاول وصلي صلاة استخارة بزاف
وربي معاك ربي معاك ربي معاك سيرتو كي تكون حاجة الحلال واللي فيها الخير ربي يجيبوا
ندعيلك من كل قلبي

[meriama13]

اييييييييييييه فكتوني درتو الملح في الجرح تقريبا غالبية العائلات عندهم هاد العقلية إذا كانت في المكتوب راك تديها كيما قال الأخ عجبتني العفسة نتاع الإمام و الله تبارك الله عليك يا أخ z.abdo عندك حلول شابيين
أنا تاني عندي مشكل مع أمه بصح واش نديلها ؟؟؟؟ الإمام !!!!! راني نزعق برك الله يهدينا

[loulwa for ever]

السلام عليكم
بصراحة عندو الحق ايخاف تبعد عنو بنتو ومايشوفها غير مرات قليل بسبب بعد المسافة بين الولايات هذا هو راي
وشكرا

[Rima mimi25]

أنا مافهامتش الوالدين كيفاه يخمو عى خاطر براني ماقبلكش و بالاك انت خير من لافامي تاعهم ربي يفرجها عليك

[lilou f lilou a]

لا تتنازل عن كرامتك

[انا هو]

السلام عليكم
يا اخي واش راح نقول لك ربي يكون في عونك
انا تاني مريت على هاد التجربة لكن في الاخير قررت الانفصال مي انا ما رحتش لباباها هي حكات معاه ما حبش ما يقبلوش البراني عجبا في 2012مازالت هاد العقلية المتحجرة عادات الجاهلية هادي مازالت تتحكم في الناس في 2012 عجب الرسول صلى الله عليه وسلم قال ادا جاءكم من ترضون دينه فزوجوه و احنا راك تشوف واش يحكم فينا الله غالب

[حنان شلفية]

اخى كريم ان كان حبك حقيق لا تتخلى عنه وسوف ياتى يوم ويرضى فيك انا صرالي كيما هكدا وجى جا لخطبتى اول مرة وقبل برفض ولكن اصبرنا لمدة 5 شهور وارجع خطبنى والحمد لله تم القبول وفي هذه المدة انا كنت نعمل مستحيل مع دارنا باش يقبلو بيه وهو تانى عمل مستحيل وكل شي بلمكتوب
شوف فكرة اخ عبدو رائعة روح للجامع الي يلي فيه وصلي معاه وكي تكملو صلاة احكمو مع امام ولا مع اي واحد عاقل يحكى ويقلو حرام تنين حابين يجمعو في حلال تفرق بيناتهم وان شاء الله تنجح الفكرة
ولكن اذا كان اب فتاتة مايصليش احنا لازم نديرو كامل احتمالات احكى مع اخى ولا عم ولا خال قلو بنيتك في زواج من هذه الفتاة وانو معنكش مانع انو تستقبلهم في ولايتك لمدة باش يسقسو عليك انا خالي راح لبشار يسقسي على راجل بنتو وكي راح وشاف انو ولد فاميلا قبل
وفي اخير ربي يوفقك صلي وادعي والي فيها حلال ربي يقربها والا فيها شر ربي يبعدها

[قَاسِمٌ.قَاسِم]

هذه نوحة باك على طلل
ما بك يا أخي
لم تؤججون الأمور وتنفخون فيها حتى تصيرون النملة جملا والقملة بغلا
اتق الله ودعك من هذ الترهات
والله هذه نصيحتي تجاوز عواطفك وقوِّ مناعة عقلك وإيمانك الفتيات كثر وخير ممن ذكرت بملايين المرات
الرجاء تقبل قسوتي لأن اللين لا ينفع في هذه العاطف المزعزعة
بوركتم

[lisace2]

والله هذه الظاهرة كرهناها بزاف إما الأم أو الاب المهم وكأنه فيلم في التلفزيون يصعبو ويعيقو الزواج بدون سبب مقنع
والحل الذي أقترحه عليك مثل ما اقترحته لشخص حالته مثل حالتك أنه تأخذ إمام مسجد الذي يصلي فيه والد البنت ويتكلم معه لإقناعه بالدين والشرع

وبإذن الله راح يتحل المشكل أتمنى اخي أن تفعل بما نصحتك به و تبشرنا في قريب العاجل بالموافقة إن شاء الله


موفق اخي بإذن الله
انا مع هذا القرار ولكن اطلب من البنت ايظا ان تساعدك كأن مثلا تكلم امها و تخبرها بانها لن تتزوج احدا غيرك أو انها ستهرب معك في حال مواصلة الرفض ....................الخ
و بالتوفيق اخي الكريم

[ملك كوسوفي]

بالاك تسمح في حنونتك .هي اكيد تحبك ولا مخلاتكش اتحبها بهذه الطريقة.لانو اذا اتخليت اعليها بهذه السهولة معناها حبك كان مزيف اصبر واصبر ايجي انهار و ربي ايفرج عليكم

[KHAWLA STAR]

السلام عليكم
والله ياخويا هادا اللي راهو صاير درك الوالدين مايحبوش بنتهم تروح بعيدة عليهم ولا واحد براني ادا تقدر شوف كشما تلقى دار تما وين راهي ساكنة ادا عندك امكانيات وكيما قالك الاخ عبدو شوف كاش امام مسجد يقنعو مادامك ناوي لحلال وباغيها وان شاء الله تكون من نصيبك موفق اخي

[assia81]

السلام عليكم ورحمة الله وبركاته
يقول الله تعالى: "وعسى ان تحبوا شيئا وهو شر لكم وعسى ان تكرهوا شيئا وهو خير لكم"
اخي يجب ان تنسى الموضوع ولو لعدة ايام لا تقل انني لا استطيع بل تسطيع ابدل حب المخلوق بحب الخالق وذلك بالذكر والصلاة وان اضطررت بالصوم ستحس يعدها بالراحة ثم اذهب واطلب يدها مرة اخرى فان وافق ابوها فهي لك وان لم يوافق فلن تكون لك مهما فعلت فلا تخسر الدنيا والاخرة اما ان تكسبهم معا او تكسب الاخرة اما الدنيا فماهي الا متاع الغرور