ارجوكم اريد عجينة بيتزا مجربة ارجوووووووكم

[~~ نَــدَى الــرَّيــحَ ـــــآن ~~]

السلام عليكم
كيما شفتو من العنوان
خطيبي راه حطني قداما لامر الواقع و الي غدوا ابعتيلي بيتزا
و انا منعرفش نديرها مليح ديما تجيني العجينة يابسة
ارجوكم مدولي طريقة تخلي العجينة طرية و لينة
ارجوكم
لللعلم انا معنديش كويزينيار عندي فور تاع تريسيتي فقط

[أم عبير]

اختي هذه البيتزا نتاعي المجربة و اللي تجي كثير هشيشة و خفيفة و يمكن ان اقول انها عالمية و هي الاحسن:

2 كيسان فرينة- ملعقة كبيرة خميرة فورية-ملعقة كبيرة سكر-ملعقة كبيرة حليب لحضة-3 ملاعق كبار زيت زيتون- ملح و ماء دافي. اعجنيها و اتركيها حوالي نصف ساعة و من بعد ورقيها رقيقة لانها سوف تطلع و ضعي عليها لاصوص اللي تحبي جربيها ستعجبك ان شاء الله.

[~~ نَــدَى الــرَّيــحَ ـــــآن ~~]

choukran okhti w baraka allaho fiki
rabi ya3tik matetmanay

[saida08]

العجينة البيتزا فطريقتي الخاصة هي
http://www.shy22.com/imfiles/q5004219.jpg

1 كلغ فرينة
ملعقة كبيرة سكر
ملعقة كبيرة خمارة خبز
ملعقة ملح
نص ملعقة محسن خبز
نص ملعقة بودرة ثوم تقدري تضيفي بصل غبرة ان توفر لديك.
ملعقة من خمارة الحلوة
نعجن جميع المقادير بالماء الدافئ بحيت تكون العجينة متماسكة
و بعدين نضيف نص كاس زيت الزيتون و نكمل العجن
نتركها ترتاح حتى تتخمر جيدا و نشكلها.
تطهى على نار قوية مدة 10د
لا يهم نوعية الفرن المهم ان تطهى على نار قوية
ادا طيبتيها على نار خفيفة تجي يابسة.
طرحيها رقيقة بالفرينة مبعد راح تطلع


اما الحشو فلكي الاختيار المهم نجاح العجينة

اي استفسار انا في الخدمة.

[~~ نَــدَى الــرَّيــحَ ـــــآن ~~]

اختي شوفي انا واش ندير
ندير رطل و زيادة فرينة مع مغرف كبيرة خمارة خبر مع ربعة غمارف لحظة و نص مغرف سكر و الملح
نخلط كلش و نخليها ترتاح

وين الديفو؟؟؟؟لانو هادي الطريقة تجيني يابسة و تدير القشرة
كي نطيبها نخلي العجينة تطيب شوية قبل و منبعد ندير لاصوص و نرجعها تكمل الطياب

[*ام رامي*]

اتفضلي اختي وان شاء الله تعجبك
انت لازم تدلكيها مليح وتخليها تخمر وباقي المراحل موضحة
http://www.djelfa.info/vb/showthread.php?t=916151

[سارة البوسعادية]

اختي شوفي انا واش ندير
ندير رطل و زيادة فرينة مع مغرف كبيرة خمارة خبر مع ربعة غمارف لحظة و نص مغرف سكر و الملح
نخلط كلش و نخليها ترتاح

وين الديفو؟؟؟؟لانو هادي الطريقة تجيني يابسة و تدير القشرة
كي نطيبها نخلي العجينة تطيب شوية قبل و منبعد ندير لاصوص و نرجعها تكمل الطياب

زوزو انا مجربة لفور يبسلي كلش حتى المطلوع كي نديرو في الفور يبس
سيبورسا نحب نطيب في كوزينيار
سر البيتزا يكمن في انك تدلكيها مليح وتخليها ترتاح

[nadiem]

ختي نتي مادرتتيلهاش الزيت عليها تيبس
انا ندير 2 كيسان ما دافي ونص كاس زيت وملعقة خميرة خبز وملعقة سكر والملح ونلم بالفرينة تكون طرية ومانعجن ماوالو نخليها نص ساعة تخمر وندير بيها كلش لبارح برك درتها وخدمت بيها بيتزا،سوفلي،وخبز همبرقر وحتتى كي ترقيها بزاااف والله ما تيبس جربيـهاعلىضمانتي ادعيلي بالذرية:d

[~~ نَــدَى الــرَّيــحَ ـــــآن ~~]

rabi ya3tikom matetmanaw hbabati
okhti nadiem rabi yourouz9ek deria sal7a in chaa allah
dork nabda nwajad rah imti7an demain

[~~ نَــدَى الــرَّيــحَ ـــــآن ~~]

wellah telfetli wina 6ari9a ndirha

[asma1s]

عندي وصفة هايلة وديما نجربها وتعجب قاع العايلة ومديتها لصديقاتي وعجبتهم, تقدري ديري بيها المملحات والحلو, انا جبتها من عند المصريات
ابحثي عن طريقة " عجينة العشر دقائق " في قوقل لخطرش تلقايها مشروحة بالتفصيل الممل اللي يساعدك باش تفهمي.. البيتزا يلزم تكتريلها من الفوق الفرماج مرحي باش جي مليحة انا نستعمل فرماج مودزريلا رخيص ومليح..
كي تقراي وصفة عجينة العشر دقايق واذا جربتيها ب 5 كيسان فرينة رايحة تقطعلك 4 خبزات بيتزا ..
طريقة الطهي: كي تحلي العجينة وتحطيها في السنيوة, ادهنيها بالصوص طماطم وضعي فوقها شرائح طرشي ودخليها للفرن, كي تبداي تشمي في الريحة / تقريبا بعد 6 دقايق او على الاكثر 10 دقائق/ افتحي عليها الفور وجربي دخلي الموس من تحت العجينة وشوفيها ادا حمارت من التحت خرجيها وادا ماحمارتش خليها تحمار التحميرة هادي تاخذ لون بني ماتخليهاش تتحرقلك’ اذا شفتيها خدات اللون البني خرجيها وضعي عليها الفرماج وعاودي دخليها للفرن لمدة 1دقيقة واحدة باش يدوب الفرماج برك وخرجيها, لازم ماتتحرقلكش

[أم عبير]

اعتقد انها تيبس لما العجينة تكون قاسحة لازم تكون طرية

[~~ نَــدَى الــرَّيــحَ ـــــآن ~~]

يعني ندير لاصوص فوق العجينة فري
مندخلهاش تنشف شوي و منبعد ندير لاصوص؟؟؟؟
و بالنسبة لطريقتي لي وضحتها راني ندير الزيت نسيت برك ما حطيتوش
موالفة ندير للمقادير لي شرحتها الفوق نزيدلهم مغرفين زيت عادي و مغرف زيت زيتون

[« أبْجَدِيَّاتْ »]

وعليكُم السَّلام ورحمة الله
أختي زَهرة ، أنا موالفة نشري العجينة واجدة من برّا و نخدم بيها عادي و تجيني طريّة ، نحضّر فقط الصّلصة ونحطّها عليها قبل ما نديرها في الفرن ، بعد ما تنضج نزيد عليها المايونيز . واذا حبّيتي تخدميها بيدّك لازم تكوني خْفيفة وتدلكي العجينة مليح باش تَتْحَل وتخلّيها مبعد تخمر وترتاَح .. جرّبي وصفة أمّ رامي ، ديما وصفاتها يخّرجولي هايلين ;) ، و ربيّ يوفقك