عاجل ... أنصحوني

[مشكلتي]

بسم الله الرحمن الرحيم
السلام عليكم ورحمة الله تعالى وبركاته

مشكلتي هي أن ابن الجيران حابني نقريه على خاطر كون ماينجحش هاذ العام رايحين يحاوزوه على خاطر معاود 2 مرات فالمتوسطة وهو قدي يعني في نفس عمري.وبما أنني مانهدرش معاه على خاطر انا ماشي من النوعية اللي تخالط الذكورا ... خالتو هي اللي قالتلي .وانا الحق قبلت وقلتلها ايه نورمال...وماما تاني قبلت . وزيد مارايحينش نقعدو وحدنا ... معانا خالتو واختي وبالاك ماما ونقريه في لاطيراس تاعنا.مي بابا ماحبش وقالنا ماتقولولهمش بللي أنا اللي ماحبيتش .وانا مالقيت واش نقولها لخالتو وهي كي صاحبتي وضاخسين على بعضانا بزاف ... اليوم درت سبة وقلتلها الشتا راهي تصب وماعندي كيفاه نقريه ... هي قالتلي هبطي عندنا للدار ونقعدو معاكم يعني هي وختها وبالاك أمها يعني جداتو وانا ماحبيتش على خاطر مانحبش ندخل عند الناس.
قوقولي ضرك انا واش ندير؟وواش نقولها لخالتو؟والمصيبة لوكان تزيد تصب الشتاء غدوا وتقعد تضغط علي باه نهبط عندهم.
ماما قالت لي نورمال كي تعود صاحيا طلعي فهميه شوي وحد الساعة ولا نص ساعة وخلاص ... بصح أنا ماقدرتش نفهم.
إذا نعتلو نعتبر درت حاجة ماشي مليحة وممكن تأثر على السمعة انتاعي ولانورمال؟.
جاوبوني الله يعاونكم ضرك.

[z.abdo]

نعم أختي تأثر على السمعة نتاعك

اسمعي لنصيحة الوالد نتاعك عند الحق 100/100

كذالك أنت لمذا تشفقي عليه سواء نجح أو خسر اليس له اهل يجيبولو مردسة خصوصية بالدراهم

ننصحك تصتنعي أي عذر تتفادي هذا المشكل

كذالك ننصح المرة الجاية لا تفعلي شيء بدون مشورة الوالد لأنك الحين أنت وافقتي دون مشورة والدك والحين انت في موقف محرج

المهم خرجي نفسك بنفسك من هذا الموقف ولا تكرري هذا
سلام

[~~ أغيلاس ~~]

راكي في المتوسطة، يعني راكي كبيرة .

اعملي براي باباك و ما تقريهش حتى و لو تزعف خالتو، التلاميذ هذو في القسم ما ينتبهوش و يبقاو يلعبو و زعما يروح لعند بنت الجيران تفهمو،،،،،،،، يماه مسكينة تظن بأنك تفهميه، أما الولد فأعتقد أنه تجيه قسرة و لعب،،،،،،،،،،

ما تقريهش و لو يعاود السنة سبع مرات لست مسؤولة عنه، و زيد راه كبير عليك بعامين،،،،،،،،

ما تقريهش تربحي دينك، و تربحي سمعتك في الدنيا،،،،،،،،

و إذا كانو حابين وليدهم يقرى يدخلوه دروس خصوصية،،،،،،،

[dotZero]

الوالد معه حق
الشاب في هذا العمر (في هذا الزمان) لا يؤتمن على شيء
فمابالك بسمعة شابة في مثل عمره
قد يقول كلاما خارجة عن النص و هو يفاخر مع أصدقائه
*
*
و بما أنك على صواب
فإن إغضاب الخالة أحسن من إغضاب الوالد
أو الوقوع في مشاكل
*
*
كوني صريحة
"لا أثق في لسانه و ما قد يقوله لاقرانه"

[صُبح الأندلس]

في مثل سنه و يريدك أن تعلميه !!!يا أختي و هل انعدم المدرسون و الدروس الخصوصية و حتى المجانية !!
افعلي كما نصحك الوالد و لا تدرسيه اتقاء للشبهات فأنت فتاة و هو ولد و في مثل هذه السن تبنى القصور و تهدم

[حلاوة_87]

اختي لست مسؤولة عنه وانما اهله مسؤولون...
وزيد بما انكم في نفس السن فالمدرس اللي درسك انت درسه هو علاش انت فهمتي وهو مفهمش...باين باللي معندهش اهتمام..ولو عنده اهتمام كان اعتمد على نفسه يحل التمارين ويعطي للاساتذة يصحوله ويراجع ويبحث...
اختي ديري راي ابوك ولا اتهتمي لما يقال فراي الوالدين نعم الراي.

[arbkhay]

شوفي حنونة واش فيها كي تعاونيييييييييييييييييييييييييه مافيها والو واش هادي العقلية تاعكم تقول معلباليش واش ملعصر رانا فيييييييييييييها

عاونيه وبلاك ينجح وديري خير في حياتك وربي يجازيك

:mh31:

[ريان برهوم]

لاه وشفيها لكان عونتيه نورمال ديري بليزوالخير في حياتك لعود ينجح مسكين

[صرخة قلب]

ما دريش حاجة باباك مراضيش عليها

[nibou]

شوفي يا أختي أنا نقلك حاجة،أولا نتي قاعدة تقولي بلي ماماك و خالتو و ختها و أمها و........................ و الدنيا كامل رايحة تقعد معاكم كي تقريه،و هاد الشي يعني أنك أولا مش حتلقاي راحتك كي تقريه و ثانيا و لي هو أهم شي نتي مش قانعة بأنك تقريه خاطر راكي حاسة بلي هاد الشي عيب مثلا أو بالأحرى سيؤذي سمعتك و هنا راكي صحيحة في تخمامك،و من جهة أخرى الطفل غاضك و أنتي حابة تلبي الرغبة تاع خالتو.
مالا أنا نقولك قصي عليك هاد الحكاية من الأول و ماكالاه تروحي،و أصلا قلتي بلي ماكيش تحكي معاه يعني مش داخصين على بعضاكم إذا كيفاه حتقدري تقريه؟؟؟؟؟؟؟؟؟؟؟؟؟؟؟؟ و ماكالاه ديري حاجة باباك ماوافقش عليها خاطر حتمي مبعد و مع نتوما في فترة المراهقة ماكالاه تخلي الشيطان يوسوسلك و يبينهالك حاجة نورمال.
و أنا نقولك حاجة شوفي على حساب الحومة تعكم و دك نشرحلك كثر مثلا أنا كنت منحكيش مع الجيران اللي قدي خاطر دارنا ملتزمين بزاف و يشوفو بلي هذا عيب و كون نهدر بزاف قادرة تخرج عليا الهدرة و هنا أم عندهم حق 100 ب100 و لكن في نفس الوقت كانت صاحبتي تحكي معاهم نورمال خاطر خاوتها معندهمش مشكل في هاد الشي و ميحسبوش لبعيد يشوفو فيها صغيرة و حاجة عادي إذا كل واحد و كيفاه و أنتي شوفي روحك لاكان زيي و لا زيها.
و زيد كي تقري طفل كبير و خاصة قدك فالعمر متقدريش مثلا أنا نحب نقري الأطفال الصغار و لكن البالغين نرفضهم و حتى إذا كنت كثر عليهم خاطر كون نقعد معاهم وحدي ما يجوزليش وإذا كان قعد معانا واحد قادر هاداك الطفل يتلهى و زيد بزايد الإنسان باه يتجنب خطوات الشيطان و لما وصلت للجامعة وقعت في حرج أنو بزاف لي يقراو معايا كانوا يطلبوا مني باه نفهمهم خاطر نقرا مليح و أنا منقدرش نقعد مع واحد ونفهمو إذا نديروا طاولة مستديرة كبيرة وقدام قاع الغاشي و كشما واحد مفهمش حاجة يهدر عليها و هادا طبعا بعد مايراجع دروسوا مش يجي هكاك و هوما يتفهما هاد الشي إذا وأنت الآن تبحثين عن طريقة للإعتذار الأمر سهل قولي بأنك كشغولة بدراستك و لا تستطيعين تدريسه و مرة أخرى قولي بأنك نسيتي البرنامج الدراسي الخاص بهم و أخرى قولي بأنك مشغولة و هكذا و إذا تحتم الأمر و لم تفهم خالته فقولي لها الحقيقة أنني لا أستطيع تدريسه و ديري فحسابك حاجة الطفل كون مايعودش هو لي حاب يقرا أو مايقدرش ينجح يعني مش نتي لي حتنجحيه و لوكان متنعتيلوش مش بسابتك رايح يسقطok

[BAROUD]

خد راي كبيرك لا يصبح الهم تفكيرك

اسمعي راي باباك كبير

[عُضو مُحترم]

طيعي والدك هو الصح

[عميروش الحر]

وهذا ما عندوش صحابو يجو يقرو معاه ؟
ما تروحي ما يجيلك ما تروحو للسطح نتي راجعي وحدك وهو يراجع وحدو
والمغلوق طول عمرو يقعد مغلوق
كيفاش الاساتذة ما نفعوش معاه نتي زعما تنفعي ؟
اخخخخخخخخ من التفكير الخاطئ
اذا حبو ولدهم ينجح يديرولو دروس خصوصية راهم يقرو مليح
وديري على باباك

[النجمة القطبية]

انسى الموضوع
يعنى هو مش راح يفهم الا لو قريتيه
كاين الف طريقة وطريقة يقرا بيها لو عندو ارادة
ابسط شئ ممكن يستعين بزميل او جار او استاذ وما اكثر اهل الخير
جارك يعنى غريب عنك
عادى قولى منقدرش بكل بساطة وكونى صريحة والحق ميزعف حتى واحد

[fr95]

قوليلهم كاينة الدروس الخصوصية عند الاساتذة ساهلة خلاص