وليت ندور في اروقة المطاعم

[wildfire2068]

السلام عليكم بعدما اجتزت حوالي 12 مسابقة توظيف رتبة متصرف وصلني اتصال من مالك مطعم وانا الان اعمل عنده واليوم اتصلوا بي من فندق الشيراتون للعمل في مطعم بالرغم من المعريفة اللي قالي اندخلك في الادارة لكن الفندق بعيد والشهرية كيف كيف واقيلا راح تخلاص عليا في اروقة المطاعم

[amal07]

سلام أخي الخدمة مليحة واش ما كانت المهم دراهم حلال و الانسان ما يبقاش قاعد ... شد بيها يدك و ابقى فوت لي كونكور و راح يفرج عليك ربي و تنجح باذن الله ما تقلقش روحك

[wildfire2068]

سلام أخي الخدمة مليحة واش ما كانت المهم دراهم حلال و الانسان ما يبقاش قاعد ... شد بيها يدك و ابقى فوت لي كونكور و راح يفرج عليك ربي و تنجح باذن الله ما تقلقش روحك
صح بارك الله فيك 5 اشهر وانا مع لي كونكور والان وليت للمطاعم

[samarkand 2012]

صح ، شدالخدمة هدي و جوز المسابقات

[wildfire2068]

كلاتني المخدة

[amine09dz]

ربي يوفقك .. الشيراتون ما يخلصوش مليح وقيل لالا

[wildfire2068]

صح الشهرية قليلة بصح انا حبيت الدومان

[هواري مسوسي]

سلام كيراك خويا بوبكر

متقلق ما مالو الكاتبة تلحق الواحد يصبر ومايقطعش لياس

ربي يوفقك

[tino2008]

خدام الرجال سيدهم

[فرناس وهران]

و ليد العمل في المطاعم عندي شيئ جميل
ليس لانه جمسل بالمعنى انه جيد لكنه يفتح امامك الطريق للغوص في مجال الخدمات السياحية انت بدا في مطعم و حاول انك
تقتنص الفرصة للحصول على منصب عون استقبال و عدها مسير داخل منظومة فندقية
ليكن في علمك ان مسير داخل فندق بخبرة 3 سنوات حتى و ان لم يكن يملك شهادة في الخدمات السياحية
يستطيع ان يتقدم بطلب انشاء و كالة سياحية بحكم الخبرة المهنية من مسير فندق
اخي العمل جيد لكنني حاول ان تحصل على الافضل و لن يكون ذلك اا عن طريق بذل المزيد من الجهد و حتى و ان الراتب قليل فانه يهون مع الطموح للوصول الى المراد.

[ياقوتة وهران]

هذا هو الكلام فرناس. ربما هذا العمل البسيط يفتح لك wildfire2068 أبواب النجاح فقط علينا أن نتعلم أن نرى الجوانب الايجابية في الأمور التي تحدث لنا واستغلالها. ربما تفكر مستقبلا بفتح مطعم. أعلم أنه يلزمه رأس مال و لكن الامور تبدا كيما عندنا في وهران بالاكل الخفيف بالكرانتيكا و بعدها المحاجب ...........*الى أن تصل الى مطعم بغداء كامل.
تقبل وجهة نظري. الله يفتح عليك

[ياقوتة وهران]

و هذا أيضا لا يعني أن تتخلى عن مجال دراستك

[فرناس وهران]

معلومة ياقوت ربما تهمك و لا ادري اين تقيم اخي وليد
عدد الفنادق في ولاية وهران 163 فندق على مستوى تراب الولاية احصايات 2010
فنادق مدينة وهران 40 فندق فيها 23 فندق مصنف
في القطب السياحي العنصر عين الترك 52 فندق فيها 12 فندق مصنف
هناك فنادق اخي الكريم جميلة و جيدة لكن العمال داخلها تقول نجيب البنزين و نحرقهم
لا حسن استقبال لاتصرفات لائقة

[ياقوتة وهران]

شكرا أخي فرناس على المعلومة
ربي يهديهم. لازملهم غربال كبير أو مصلحة يعني balais كبير باش يترباو

[wildfire2068]

بارك الله فيكم وشكرا على النصائح والله غير كانت في المستوى واتمنى النجاح لكل اعضاء المنتدى الكرام

[djo761]

ربي ان شاء الله يفرج عليك و على كامل الاخوة و تكون من الناجحين ان شاء الله ...و صدقني و الله الذي رفع السماوات بغير عمد انو اذا كان ربي كاتبلك حاجة مايقدر ينزعهالك حتى واحد ...و ان الامر بيده عز و جل لان كل شيء عنده بمقدار و انما الصبر فالصبر مقدار ساعة ...تحياتي أخي ..

[wildfire2068]

شكرا لك الاخ جو

[أمينة 78]

إن شاء الله تجد عملا أحسن وتلقى راحة بالك
سلام

[بنت الشهداء ALG]

اسمع كلام اخيك فرناس فهو عين الصواب وربي يوفقك والصابر ينال