أبــــــــــــــــــــونا

[مشكلتي]

السلام عليكم ورحمة الله وبركاته

شكرا لكم على هدا القسم الدي اتاح لنا فرصة ان نفتح قلوبنا لاخواننا عسى ان نرى منهم نصيحة ورايا سديدا وتطييب خاطر


سوف اروي قصتي

انا شاب في مقتبل العمر مشكلتي هي ابي

فهو يظلم الناس وحتى واحد ما سلم لا من لسانو ولا من غيبتو ويهدر غير الهدرة اللي متهدرش برا وفي الدار امي كبرت وحملت ياسر شافت منو غير الشر خانها بزاف بصح سمحتلو وصلت به دخل مرا للدار بصح هي سمحت مسكينة وصبرت ياسر على جالنا وباش الناس ميتكلموش فينا وخلي واش يضال يحكي في التليفون مع صغارات قد بناتو

ميحترم امي ولا حنا الدكور ولا خواتاتنا اللي خبرلهم حياتهم يختلق المشاكل غي باش يتشاجر مع امي وباش يسمعلها الكلام اللي ميتهدرش وامي كي تهدرلو في صلاحه ميحبش وميعجبهش الحال ماعلمنا لا صلاة ومهتمش بدراستنا كان المهم يخرج وخلاص ويروح غير في الليل ولا يسافر ويقصر في مصروف الدار وهو يصرف على كيف كيفو يشري واش يحب وواش يشتي وخلي واش يصرف على البنات براا سمعتو مشي مليحة خلاص الباقارات ديما في الدار وبرا ,’ حملنا حملنا بصح دك معدناش نصبرو وعدنا نوقفولو في وجهو ونعيطو عليه كل ما شفناه يظلم في امنا , لانو واش يدير في حرام خاصة انو ظالم وامي ماشاف منها غير الخير مسكينة
وصلت بيه يضربنا وحنا كبار ويحوس يحاوزنا ويعايرنا قدام الناس
وبغا يردنا عبيد
بصح خايف يكون هدا من العقوق بصح كيفاش يسكت الواحد على الظلم خاصة كي تكون الام اللي حملاتو وصبرت عليه هل نشوف ونخرج ميخلينيش قلبي صدقوني وهل نخليه يتمادى خاصة انو امي ماعادتش تحمل لانها مريضة وتعبت بغات تريح شويا

قلنالها لا مقدرتيش تصبري طلقي لانو حتى ربي او معاك وربي علابالو صبرتي


والله يا خاوتي خايف نكون من العاقين لوالديهم بصح صدقوني بزاف وواش حكيتلكم راه جزء برك صغير لانو صرى كثر من هكا

عينيا كاحكينا معاه بالعقلية محبش يفهم عيطنا محبش يفهم شانعملو ؟

وثاني معلومة انا امي نحترمها بزاف واي طلب نديرهولها وراضية عليا وتحبني

بصح ابي الله غالب هو اللي وصل روحو كيعاد كنا نحتارموه هو اللي طيح القدر بينا وظلمنا وطلم امنا وظلم الناس

[abdel02]

اتكلمو معاه باللين..اتكلموا مع ناس كبار يحشم منهم يهدروا معاه كالامام و غير ذلك.....ان تغير فبها ونعمة...وان اصر...اقلبوا عليه الطاولة...يدخل مايلقاش العشاء...يعاير يماك...عايروه...يسب...كبروها عليه...قاطعوه واهجروه...وكانه عايش وسط البكم...لازم يعرف...لانو مادامكم ساكتين وهو في طغيانه سائر...لذا اديروا له ظهوركم...

[soso sirin]

صعيب بزاف واش راك تعيش كون جا انسان وخدخر كون قلنا بعد ليه وراك تهنيت مي المشكل راه باباك.هي باه دوموندو من ماماكم باه تطلق ذروك راح تجيها ثقيلة مي خويا اذا تقدرو انت و اخواتك اشرو دار و بعدو عليه بلاك كي يحس بلي راه روحو يرجع ليكم لانو يماكم صبرت كي كنتو صغار ضروك راكم كبرتو ماعندهاش علاه تصبر و زيد و اذا هي صبرت نتوما ماتقدروش تشوفو يماكم مظلومة و تصبرو و زيد كيما قلت انت راهي كبرت معنتها ماعادش عندها قدرة تحمل والله ربي يكون في العون لانو اب كيما هكا ماتلقى مادير ماه واذا رحتو و خليتوه ماضنيتش راح يكون عقوق الوالدين لانو هو الي وصل روحو لهذا الشي و خويا ماتنساوش ادعولو بلاك يتهدى ان شاء الله

[حضنية28]

اتكلمومعاه بالسياسة وحاولو تنهوه على هاد الحوايج لي راه يدير فيهم

[حلاوة_87]

خليك انت واخوتك وامك متكاتفين ومع بعض دايما وهو بعدو عليه قدر المستطاع الا اذا وصلكم حاولو توقفوه عند حده والله المستعان..
اكثرو من الدعاء باش ربي يهديه..

[نهال نهال]

اخي الكريم اب كيما هذا لاتحسد عليها ربي صبركم بالنسبة الى صلاة لاطاعة لامخلوق في معصية الخالق اهدروا معاه غير بعقلية و حاول دائما تفكرو بلي كاين اخرة واحد مرح يخلد في هذا الدنيا اليوم انا هنا غدا منعرفو وين علاه نحينا ربي من بالنا وقاعدين غير نجريوا وراء هذه الدنيا كون جات الدنيا مليحة ميقولش الله سبحانه وتعالى لاتساوي جناح بعوضة وفي الاخير ربي يهديه ويهدي جميع المسلمين انت لي عليك ديرو وباقي على الله سبحانه وتعالى

[nissaben]

الابوة شيء جميل يجب على الانسان ان يحمد الله على هده النعمة اللتي انعمنا الله بها ولكن كثير من الناس لايعرفون قيمتها الا المحرومين منها و هدا ما حدث لوالدك فهو لم يقدر نعمة الزوجة الصالحة اللتي تصبر على المحن و المتاعب اللتي انعمه الله بها ولكن الله قادر على ان يهديه ويصلح حاله وهدا بدعائكم له فاصبروا و ادعوا الله و حاولوا ان تحسنوا له رغم افعاله لان الله على نل شيء قدير .

[z.abdo]

بصراحة لا اراك عاق
كذالك حاول بالحسنى مع والدك قدر ما استطعت

[ريحان الجزائر]

السلام عليكم و رحمة الله و بركاته في كل الأحوال هذا والدك و تذكر قول الله سبحانه وتعالى :
(وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَاناً * إِمَّا يَبْلُغَنَّ عِنْدَكَ الْكِبَرَ
أَحَدُهُمَا أَوْ كِلاهُمَا فَلا (http://www.1bahrain.com/1b/t6995.html)تَقُلْ (http://www.1bahrain.com/1b/t6995.html)لَهُمَا (http://www.1bahrain.com/1b/t6995.html)أُفٍّ (http://www.1bahrain.com/1b/t6995.html)وَلا (http://www.1bahrain.com/1b/t6995.html)تَنْهَرْهُمَا (http://www.1bahrain.com/1b/t6995.html)وَقُلْ (http://www.1bahrain.com/1b/t6995.html)لَهُمَا (http://www.1bahrain.com/1b/t6995.html)قَوْلاً (http://www.1bahrain.com/1b/t6995.html)كَرِيماً (http://www.1bahrain.com/1b/t6995.html)*
وَاخْفِضْ لَهُمَا (http://www.1bahrain.com/1b/t6995.html)جَنَاحَ الذُّلِّ مِنَ الرَّحْمَةِ وَقُلْ (http://www.1bahrain.com/1b/t6995.html)رَبِّ ارْحَمْهُمَا كَمَا رَبَّيَانِي صَغِيراً)

يعني حتى و لو ظلمكم و حتى و إن تطاول عليكم و حتى و إن أهانكم و ضربكم و شتمكم فاعلم أن هناك الخالق هو الذي سوف يحاسبه أنتم ما عليكم سوى الإحترام يعني حتى و لو كان شديد القساوة أنتم تعاملوا معه بالإحترام لأنه يبقى أبوكم و ادعوا له في صلاتكم بأن يهديه الله عاجل غير آجل و حاولوا أن تستعينوا برجال أتقياء كبار يتكلمون معه و ينصحونه لأنه على حسب كلامك كبر يعني واش بقالوا من هذه الدنيا حتى يزيد يسيء لعائلته و للناس أنت حاول أنك دير القرآن دائما في المنزل و يكون مسموع و حاول أن تحمل دروس عن الإحسان إلى الأهل و التعامل مع الزوجة و الأبناء و غض البصر و حفظ اللسان و سوف تجد ما شاء الله من دروس و مواعظ و لو وجدت سيديهات أو كاسيت حاول أن تضعها في سيارته بدون أن يراك و خليه لما يكون راح يشعل الراديو يجيه الدرس حاولوا يا أخي و لا تيأسوا و كله إن شاء الله في ميزان حسناتكم و أكثروا له من الدعاء لأنه لو ذهب و تكلم و عمل فإنه لن يجد مثل عائلته فكله من عمل الشيطان الذي لا يهدأ حتى يفرق بين المرء و زوجه و أقول إذا قدرت أحضر راقي للمنزل أنت قول بحجة أنه يرقي والدك لمرضها و خليه يرقي المنزل و أنتم كامل و إن شاء الله مع إسراركم و محاولاتكم راح تتوصلوا للنتيجة المطلوبة خاااااااااااصة الدعاء ربي يفرج عليكم و يهدي الوالد و يشفي الوالدة

[عَتْمَـہとか]

أعرف هذه الحآآلة جَيِدًآآ .. وأعرف انو ناس كيما هاذو مستحيييل الهدرة تنفع معآآهم


لا أدري كيف لوالد ان يريد بِر ابنه وهو في هذه الحآآلة .. صعيبة بزآآف باه يحترم واحد باباه وهو في هذي الحآآآلة


لا نملك سوى الدعآآء ..

لا تنسوى الدعآآء ان يهدي الله مثل هؤلاء الآباء {{{ ربي يهديهم للطريق الصحيح يـــــــــآآرب

[التوليب الجميلة]

ربي يهديه أن شاء الله خويا.

[omertà]

شفت حالة كيما هادي و قريبة ليا بزاف و راني حاس بيك و عارف بلي صعيبة تع الصح و نضن بلي الحل أنكم توقفولو أنت و خاوتك و متخلوهش يتعدا على أمكم حتى يفهم بلي هاذ المرأة عندها لي واقف في جنابها.....و إحتمال كبير أنك لا تملك أخوال و إما ما يعرفوش هد الحوايج ....ما كانش حاجة نكرهها في هاد الدنيا قد الراجل لي يحقر المرأة بالرغم من أنها مليحة معاه و تربيلو في ولادو.....
ربي يقدركم خويا

[zara2011]

تبع شاراني رايحا نقول مليح قيسوه فثقيل كي يجي ديرو رواحكم ماتعرفوهش بمعنى قاطعوه حاولو تبعدو يماكم عليه قدر المستطاع كي يجي يحوس على لعشا ولا لغدا قولولو كمل وهد بلاك تخمم بلي هو عقوق نتوما كنتو مقادرينو هو لي طيح لقدر ادا وصلت للاب يدير هكا صوالح خلاص هو شابقالو عمر حاولو تدوه عند راقي بلاك راه يديرها رغما عنه ولا مهوش فايق

[الراضية بقدرها]

السلام عليكم و رحمة الله و بركاته
مهما يكن لا تنس أنه والدكم....ادعوا له و حاولوا مساعدته بالتي هي أحسن........
تذكر دائما أن تتحمله كما تحملك و أنت صغير...
أرجو من الله أن يهدينا و إياكم...

[نورسان]

صلي و ادعيلو ربي يهديه