هل اخطات بتصرفي..اريد راي سديد..

[حلاوة_87]

تمت خطبتي خطبة تقليدية لشخص من العائلة""اي اخته زوجة اخي كيما نقولو متبادلين النساء"" والان مجرد خطبة يعني منيش عاقدة ولا مفتحة....المهم هذ الايام بعد تحاليل طبية الطبيب اكتشف بداية لمرض مبدئيا راني ناكل دواء وقالي بعد مدة رح نحدو الحالة المرضية...انا اخفيت مرضي ولم اخبر احدا سوى امي وابي وقلت انتظر ووش رح تكون حالتي من بعد ونخمم اذا نفسخ الخطبة ولا لا....لكن امي اخبرت اخي وهو بدوره اخبر زوجته هذه الاخيرة محكاتش معاي مباشرة اتصلت بخوها""خطيبي"" وحكاتله...اتصل بيا وقالي صح منحكوش مع بعضنا لكن حاجة كيما هذي انا اول من تخبريني...مرديتش عليه التزمت الصمت وخليته حتى قفل الخط لوحده ورحت لمرت خويا كيما نقولو بالدرجة""بهدلتها"" وقلت ليها الان راكي بنتنا واسرارنا متعاوديهمش حتى ليماك...وكان اخي حاضر سمعها كي قالتلي ممكن نهدم داري على جال سعادة دارنا...زعف عليها ووصلو لكلام اكبر....
الان حسيت روحي ظلمتها وممكن انا سبب في وش ره صاريلها قلت كون سكت او حكيت بيني وبينها...
الان راني نخمم نروح ليها ونطلب منها السماح او نحكي مع اخي او ندير اي شيء نحافظ على دار خويا............ساعدوني رجاءا باراءكم...

[حسنات21]

لا ينبغي ان تكوني سببا في هدم بيت , تحدثي معها و مع اخيك و حاولي تلطيف الاجواء بينهما و تاكدي ان هذه اشارة الى تبعة هذا الزواج المختلط الذي سيعود عليكم بالمشاكل لاني شخصيا لا افضل هذا النوع من الزواج بين الاقارب وتاكدي ان امك هي المخطئة الاولى لانها من اخبرت ابنها و هي تعلم ان الرجل ثرثار لا يخفي شيئا عن زوجته و لو ضد مصلحة اخته

[سارة البوسعادية]

مانلومش مرت خوك اكيد تحب مصلحة خوك لكن حددي مرضك وزيدي نورمالمو تخبري راجلك فهمتي؟

ربي يشفيك ويعافيك خلي ثقتك بربي كبيرة واصلحي بين اخوك وزوجتو الواحد يخمم في اخرتو ماشي في الدنيا برك

[حلاوة_87]

لا ينبغي ان تكوني سببا في هدم بيت , تحدثي معها و مع اخيك و حاولي تلطيف الاجواء بينهما و تاكدي ان هذه اشارة الى تبعة هذا الزواج المختلط الذي سيعود عليكم بالمشاكل لاني شخصيا لا افضل هذا النوع من الزواج بين الاقارب وتاكدي ان امك هي المخطئة الاولى لانها من اخبرت ابنها و هي تعلم ان الرجل ثرثار لا يخفي شيئا عن زوجته و لو ضد مصلحة اخته
معك حق اختي هذا وين حسيت مشاكل هذ النوع نتاع الزواج...بخصوص امي وش تحبي قالتلي محكمتش روحي قدامه
شكرا لنصحك اختي.

مانلومش مرت خوك اكيد تحب مصلحة خوك لكن حددي مرضك وزيدي نورمالمو تخبري راجلك فهمتي؟
يا اختي سارة مرهش راجلي ""منيش مفتحة ولا عاقدة"" بالنسبة للمرض متعلق بافرازات الدماغ يصنف ضمن الامراض العصبية""
ربي يشفيك ويعافيك خلي ثقتك بربي كبيرة واصلحي بين اخوك وزوجتو الواحد يخمم في اخرتو ماشي في الدنيا برك
سبحانه كل حاجة بربي والحمد لله على كل شيء..
بالنسبة لمرت اخي واخي هذاك وش راني نخمم درك شيء واحد يمنعني خايفة تكون مازالت غاضبة وتنفجر عليا قلت نستناها تهدا ونكلمها...

[سلمى010]

ربي يشفيك يا أختي و لكن حبيبتي لا يجب أن تعاملي الناس بنفس المعاملة أي قابلي السيئة بالحسنة و الان راكي عارفة بلي لازم تصلحي بين خوك و زوجته لان كل هذه المشاكل كلما طولت راح تزيد و تولي عائق في علاقتك معاها... و ادا خفتي تنفجر في وجهك اتصلي بيها فالبورتابل و قولي لها راني جاية نصلح بينك و بين خويا و ربما هي تان راح تدير نفس الخطوة و هكدا تعود المياه الى مجاريها
و ربي يسهللك و يفرج عليك و يشفيك....اللهم اميـــــــــــــــــــــــــــــــــــــــــــــــ ــــــــــــــــن

[z.abdo]

أولا شيء أقول لك ربي يشفيك أختي ممكن هذا إبتلاء

أما بالنسبة لزوجة أختك نعم اطلبي منها السماح وكذالك أطلبي من أخي أن لا يلومها على ما فعلت وانك لا تحقدي عليها لأن أخيك يحس أنها هي من تسببت لك في مشكل لك لهذا هو كانت ردة فعله عصبية

ربي يصلح الأحوال

[سارة البوسعادية]

ربي يشفيك اختي كلشئ له علاج وانا متاكدة رح تشفى وترجعي تقولينا هدا الشئ

[Rania-34]

هذه الامور تحدث دائما . المهم هي اخت خطيبك وبدون سابق انذار راح تقول لخوها ... انت المهم شوفي كيفاه تصلحي الامور بين اخوك وزوجته وتعاوني مع اهلك وحاولي تكلمي اخت خطيبك على جال مصلحتك ... واخبيريها انك كنت ستخبرين اخاها لاكن كنت تنتضرين بعض الوقت
وربي يعاونك ويشفيك ان شاء الله

[حلاوة_87]

شكرا لكا من مر في موضوعي ونصحني....بعثت ليها ميساج الصباح قلتلها نحتاج نحكي معاك...ردتلي وقالتلي راني خدامة من بعد ونحكيو...المساء جابت ولدها وجات صراحة هي فتحت الموضوع وقالت لي شوفي كي يكون عندك ولد تم تعرفي معنى المحافظة على العائلة...وطلبت مني ننسى وش صرا لانه في زوج غلطنا...
الحمد لله مبدئيا انا وهي تجاوزنا مشكلنا...بينها وبين اخي قالت لي نبقى بعيدة هي رح تحل المشكل بطريقتها...

[الورود المنسية]

ربي يشفيك يا أختي و لكن حبيبتي لا يجب أن تعاملي الناس بنفس المعاملة أي قابلي السيئة بالحسنة و الان راكي عارفة بلي لازم تصلحي بين خوك و زوجته لان كل هذه المشاكل كلما طولت راح تزيد و تولي عائق في علاقتك معاها... و ادا خفتي تنفجر في وجهك اتصلي بيها فالبورتابل و قولي لها راني جاية نصلح بينك و بين خويا و ربما هي تان راح تدير نفس الخطوة و هكدا تعود المياه الى مجاريها
و ربي يسهللك و يفرج عليك و يشفيك....اللهم اميـــــــــــــــــــــــــــــــــــــــــــــــ ــــــــــــــــن

[dotZero]

الحمد لله كي راها فرات
و عن إخبار خطيبك عن أحوال مرضك
يجب النظر إلى مستوى وعيه
فأن كان ممن "يعملون من الحبة قبة" أعتقد ان إخباره سيزيدك
كلاما و نقاشا لا طائل منه

[miri_27]

حبيبتي كان عليك ان تتأكدي من مرضك ثم تقول امك لأخاها و المشكل هنا في أخاك و زوجته مع بعض لانه سر مثل هذا لايجب ان يخرج من البيت هذا هو راي اما بالنسبة لزوجة اخيك احملها المسؤولية لانها لم تحفظ السر و هي التي تسببت في هذا المشكل الاسري فكان عليها ان تغلق فمها و تعاملك مثل اختها و سرها سرك ربي يهدينا اجمعين

[حلاوة_87]

حبيبتي كان عليك ان تتأكدي من مرضك ثم تقول امك لأخاها و المشكل هنا في أخاك و زوجته مع بعض لانه سر مثل هذا لايجب ان يخرج من البيت هذا هو راي اما بالنسبة لزوجة اخيك احملها المسؤولية لانها لم تحفظ السر و هي التي تسببت في هذا المشكل الاسري فكان عليها ان تغلق فمها و تعاملك مثل اختها و سرها سرك ربي يهدينا اجمعين
اختي ميري تفكيرك مثل تفكيري بالضبط...قلت مادامها عرفت كان يلزم تسكت ""الحفاظ على الاسرار""..
مشكورة لمرورك الحمد لله الان تجاوزت المشكل....

[hilko]

في الحقيقة انا تنرفزت من تصرف اخيك وزوجة اخيك
تصرف صبياني
كان يلزم الصمت حتى تظهر النتائج ويكون الموضوع داخلي بين الاسرة وبعدها ربي يسهل الى ما فيه خير

[سارة البوسعادية]

وخطيبك اختي وش موقفو دركي؟؟؟؟؟؟؟؟؟؟؟؟؟؟؟؟؟؟؟؟؟

[حلاوة_87]

في الحقيقة انا تنرفزت من تصرف اخيك وزوجة اخيك
تصرف صبياني
كان يلزم الصمت حتى تظهر النتائج ويكون الموضوع داخلي بين الاسرة وبعدها ربي يسهل الى ما فيه خير
احيانا اخي نضع علاقاتنا الاسرية فوق كل شيء ونتناسى ما يمكن ان تصل عليه...ممكن مع الغضب نتصرفو مثل""الصبيان"" لكن كي نفيقو مع رواحنا نتداركو الاخطاء...
شكرا على مرورك..
وخطيبك اختي وش موقفو دركي؟؟؟؟؟؟؟؟؟؟؟؟؟؟؟؟؟؟؟؟؟

والله يا اختي سارة ربي يحققلك وش تتمناي...نحسك قلبك كبير بزاف...بالنسبة للي راه خاطبني حكيت معاه مرة وحدة فقط وقالي ابعثيلي التحاليل ومن بعد نقولك وش ديري...قريب يجنني بكلامه كانه الامراض تستنى الاراء...بصح راني ناكل دواء الان وربي يفرج ان شاء الله.

[ضياء النور]

ربي يشفيك اختي .......ان شاء الله تريحي مع الدواء الي راكي تتناوليه.

معلش تقوليلي الاعراض الي نبهاتك وخلاتك تروحي للطبيب وتديري التحاليل يلا مكاش ازعاج

ربي يفرج عليك

[حلاوة_87]

اختي اذا مفيش ازعاج ليك ممكن نكلمك على الخاص...""ام اس ان..او شيء اخر"" واذا متقدريش اسمحيلي ونكتبلك الاعراض هنا..

[z.abdo]

أختي لم تخبرينا كيف تصرفتي مع زوجت أخيك ؟؟
هل حل المشكل ؟؟
اتمنى ذالك لأن المشكل لو طال راح يتعقد أكثر

[حلاوة_87]

أختي لم تخبرينا كيف تصرفتي مع زوجت أخيك ؟؟
هل حل المشكل ؟؟
اتمنى ذالك لأن المشكل لو طال راح يتعقد أكثر
اخي عبدو جواب سؤالك في الصفحة السابقة...انا وهي تجاوزنا المشكل لكن مع زوجها قالت هي تعرف وش دير وطلبت مني نبقى بعيدة...في نهاية الاسبوع رح اتاكد ان كانو تفاهمو او لا...
ربي يجيب الخير.....

[z.abdo]

الحمد لله وإن شاء الله ترجع المياه لمجاريها

[سارة البوسعادية]

شكرا اختي على دعوتك
والله انا فهمت من خطيبك انو متمسك بيك وحاب يعاونك كي قالك ابعتيلي التحاليل

[hayat17]

ربي يعاونك ويشافيك وتاكدي انه هذه المشاكل بلا مرض رايح تكون بسب القرابة رضيها لانك اخطاتى هى من المفروض تتكلم معاك انت الاول اما الان انت اخطاتى لانك ما عتبتيهاش بهدلتيها

[حلاوة_87]

ربي يعاونك ويشافيك وتاكدي انه هذه المشاكل بلا مرض رايح تكون بسب القرابة رضيها لانك اخطاتى هى من المفروض تتكلم معاك انت الاول اما الان انت اخطاتى لانك ما عتبتيهاش بهدلتيها

صح اختي يقولو زواج القرابة فيه مشاكل لكن ان شاء الله نقدر نتاقلم..بالنسبة ليا اللي يدير غلطة معايا منعرفش نعاتبه نعرف نبهدله الله غالب هذا طبعي..
مشكورة لمرورك وربي يعطيك وش تتمناي..