الى العضوات الي طلبو وصفة القلب اللوز باسراره من محل الحلويات

[yarasmin.26]

القلب اللوز
مشكلة الجميع السر انتاعو هو يديك كل واحدة ويديها كاين الي يخرجلها وكاين بنفس المقادير ويخرش وكذالك السميد راه مخدوع
*****
المقادير"1 كغ سميد خشين+400 غ سكر عادي+1{ كوب سمن+2 صباعتين}+قرصة ملح+ماء الزهر حسب الا حتياج
الشاربات" هي السر انتاعو لازم اجهزيها 24 سا قبل "2 لتر ماء+1.200 غ سكر+لفاني كي تبدا تغلي اضيفي 1 كوب ماء الزهر+قليل من الشب او اسيد سيتريك يباع في محلات الحلويات
طريقة التحضير"
سميد+ سكر+قرصة ملح خلطيهم منبعد اضيفي سمن دافئ+شوية لفاني وخلطي اذا وجدتي سمن ناقص كمليه بالزيت بعدما تخلطي كل شيئ ابداي ترشي المزهر على الخليط وبقي تخلطي باطراف الاصابع حتى تشوفي الخليط مشمخ مشي جاري اتروكيه ايبات غدوة من ذاك اذا صبتيه اشرب زيديلو المزهر وضعيه في سنيوى مدهونة بالزبدة ذايبة وبداي تستفي الخليط على السنيوى بطريقة الفتيل وكل حفنة مشيها بصباعتيك فقط حتى اديري طبقة ثم طبقةمن القرفة اللوز كيما تحبي ثم زيدي طبقة الثانيةمن الخليط وباي تمسحي اعليها بالكراطة تاع 1/2 علبة تاع العسل او اي شيئ شمخي الكراطة ومسحي حتى تولي في مستوى واحد بدون ضغط اعلى العجين وضعي خطوط بدون تقسيم ودهنيه بالزبدة وضعيه في الفرن ايكون ساخن منبعد نقصيلو النار مدة الطهي 25الى30 د منبعد خرجيه وزيدي ادهنيه ورجعيه للفرن ايزيد يحمار شوية من الفوق منبعد خرجيه وحكمي سكين وشطريه وسقيه بشاربات تكون باردة واذا صبتي خاصو الشاربات زيديلو وخليه يرتاح حتى يطلق رحو
شهية طيبة بالتوفيق للجميع

[liliane24]

شكرررااااااااااااااااااااااااااااااااااااااااااااا اااااااا، شكرا جزيلا أختي ياسمين ، رايحة نجربه ونردلك الخبر
أختي الشاربات لازم الشب، مانقدرش نبدله بالقارص؟؟؟؟؟؟ ، وكم كميته يعني مغرفة صغيرة؟؟؟

شكرااااااااااااااا مرة ثانية، وربي يهنيك، و يوفقك و يعطيك ما تتمناي

[remadna]

يعطيك الصحة
اول وصفة لم تصلح لي جات يابسة لأنها بالدقيق الأملس : عاودت رحيتها مع الكاوكاو و درتها حشوة جات روووووووووعة
اما باقي التجارب بالسميد الخشن جات صالحة روعة

[habiba12]

يعطيك الصحة اختي على هاته الوصفة غادي نجربها ونردلك بالخبر[list=1]
[] :19:

[yarasmin.26]

شكرررااااااااااااااااااااااااااااااااااااااااااااا اااااااا، شكرا جزيلا أختي ياسمين ، رايحة نجربه ونردلك الخبر
أختي الشاربات لازم الشب، مانقدرش نبدله بالقارص؟؟؟؟؟؟ ، وكم كميته يعني مغرفة صغيرة؟؟؟

شكرااااااااااااااا مرة ثانية، وربي يهنيك، و يوفقك و يعطيك ما تتمناي
الشب قرصة صغيرة حولي التقيد بالمعلومات باه ماطيحيش في الخطأ

[sasafede]

شكرا اخاي على الوصفة اختي الماء ماتستعمليش و القلب اللوز انخلوه ايبات اقبل مانكلوه او عادي

[azade]

شكرااااااا أختى الله يخليك قوليلى و علاش جانى قلب اللوز حلو بزاف بزاف ونقدر نقص كمية السكر

[yarasmin.26]

شكرا اخاي على الوصفة اختي الماء ماتستعمليش و القلب اللوز انخلوه ايبات اقبل مانكلوه او عادي
لالالا متستعمليش الماء وخليه ايبات قبل ماتكليه حتى يشرب امليح

[yarasmin.26]

شكرااااااا أختى الله يخليك قوليلى و علاش جانى قلب اللوز حلو بزاف بزاف ونقدر نقص كمية السكر
ماتخليش عينك اتهفك جربي واذا صبتي احلو نقصي في السكر

[*ام رامي*]

يعطيك الصحة وبارك الله فيك
فعلا قلب اللوز يدين

[mounafam]

بار ك الله فيك كنت رايحة نطلبها منك أنا كنت خايفة من السميد يخدعني زدت خوفتيني من اليدين ..كيفاه نسلف يدين هههههه

[yarasmin.26]

بار ك الله فيك كنت رايحة نطلبها منك أنا كنت خايفة من السميد يخدعني زدت خوفتيني من اليدين ..كيفاه نسلف يدين هههههه
والله ضحكت من قلبي جربي وتبعي الطريقة كيد تنجحي وتروكيه 24 سا قبل ماتكليه اذا كان يدين بالوقت تداوى صدقيني وكي كون سميد خشين يخرج يخرج ماتخفيش

[zitoukar]

شكراااااااااااااااااااااااااااااااااااااا

[natacabell]

yatik esaha baraka lahou fik

[عروبة2003]

جزاك الله خيرا و ربي يعطيك ما تتمناي ان شاء الله نجربها جربت وصفة لامونة اللي حطيتيها و خرجت روعة كيما اللي تتباع برة يعطيك الصحة اختي.

[أم ياسين الزهراء]

يعطيك الصحة يشبه للطريقة انتاعي

بصح مرة بليتو وخليتو يبات غدوة منداك لقيتو ولالي عجين من ثم بطلت نبسسو الصباح وفي الليل نشمخو بما الزهر ونطيبو قبالى

[hamida2012]

شكرا جزيلا على الوصفة اختي كنت نستنى فيها بفارغ الصبر اكيد رايحة نجربها و ان شاء الله تصلحلي لاني جربت الكيك و البريوش المضفور و جاو روعة الله يجازيك كل خير عزيزتي و يعطيك قد نيتك

[بنت عين وسارة]

روعة ما شاء الله ربى يخليلك ذوك ليدين باينة فنانة

[nina_65]

شكرا جزيلا على الوصفة ما شاء الله وعدتينا و وفيت بوعدك ربي يجازيك

[*سماح 94*]

الله يبارك فيك ختي شكرا لمجهوداتك ومساعدتك لينا تعلمنا منك حوايج بزاف ربي يجعلها في ميزان حسناتك

[serine.fly]

اختي من فضلك اعطينا حجم الصنية ، لأني مرة جربت الوصفة جاني

مليح لكن كان سميك يعني عالي شوية،،،،

ربي يحفظك ويهنيك ويرزقك على قد قلبك

[بشرى2008]

جزاك الله ألف خير

[3imad22]

شكرا جزيلا أختي على هذه الوصفة راح نجربها في يوم العطلة الأسبوعية هدي شعال وأنا نحوس عليها يعطيك الصحة و لك الوصفات نتاعك تعجبني ربي يطول في عمرك

[rahil rahila]

شكرااااااااااااااا

[فوزي77]

قلب اللوز روعة وأنت أروع منه وأحلى من حلاوته

[وجدان الاسود]

شششششششششششششششششششكرا اختى

[OU SS AMA]

بارك الله فيك جربت تارت جنواز جات هايلة ربي يجازيك

[الريح الهوجاء]

يعطيك الصحة اختي على هاته الوصفة غادي نجربها ونردلك بالخبر[list=1]
[]

[oum salim]

]بار ك الله فيك كنت رايحة نطلبها منك أنا كنت خايفة من السميد يخدعني زدت خوفتيني من اليدين ..كيفاه نسلف يدين هههههه
السلام عليكم .عندي وصفة مجربة ومضمونة 100/100 .وهي طبعا من وصفات الغالية سليمة يعلى.ماتخافيش كامل من اليدين هههههه.
قلب اللوز
نبدا بتحضير الشاربات حتى يبرد .
الشربات .- 600غ سكر في كسرونة ماشي ثقيلة نضعها على نار هادئة حتى يذوب شوية من الاطراف (شوية برك منحرقوهش) نضيف له 1لتر ماء بعد الغليان نحسب 10دقائق نضيف كاس صغير ماء زهر يغلي غلية واحدة ونطفئ النار.
العجينة.- 1 كلغ دشيشة متوسطة + 500غ سكر + 1ملعقة فانيلا نمزج جيدا حتى يتداخل الكل .
كاس ماء +كاس زيت نمزججيدا في زجاجة (الماء +الزيت =نصف لتر) نرش به الدشيشة ونتفتل باطراف الصابع .
الحشو=كمشة من العجينة +كاس كاوكاو مرحي +1 ملعقة كبيرة كاكاو نرش بشوية ماء زهر ونفتل.
ندهن صنية الفرن بالماء ماشي بالزيت نفرغ فيها نصف كمية العجينة ثم طبقة الحشو ثم بقية العجينة نسويها بالسباتولا او الملعقة (ارتفاع قلب اللوز قبل ما يطيب لا يتجاوز 1سم) .ونشكل الحبات بظهر السكين ونرشق حبات اللوز .وندخله الفرن فورا لمدة 20-30د. 220-240درجة. نخرجه من الفرن يقطع فورا ويسقى بالغراف ماشي بالكسرونة .يسقى على ثلاث مرات .
وفي الاخير حظ سعيد وبالصحة والعافية للجميييييييييييع.

[دكتورة بإذن الله]

يعطيك الصحة اختي

[naiilia]

رايحة انجربوا والله الموفق شكرا اختي الكريمة

[fouzia alger]

شكرا جزيلا

[محبة الكتاب]

اختي الله يباركلك بالنسبة للشربات هل كيتغلي نزيدها ماء زهر ونطفى و والا نخليها وقت معين

[اميرة زندل]

يعطيك الصحة.......

[fati oran]

الف شكر ليك اختى على الطريقة المفصلة

[نور السلام 16]

شكرا لكي اختي باذن راح نجربها و ان شاءالله تصلحلي

[رملاك]

mrc bcp soeur .....................

[om mostapha]

اناقلب اللوز كع ميخرجلي نضن سرتني فالفور راني رايح نشري فور مليح و السميد مليح شكون تسلفني اليدين الملاح.

[موني السطايفية]

شكراااااااااا ياسمين نجربوا بادن الله

[wassila sali]

انا سيتو و خرجلي يابس لكن راح نتبع خطواتك و ان شاء الله ينجح

[سماح 26]

http://files.fatakat.com/signaturepics/sigpic301560_3.gif

[أم محمد وألاء]

بارك الله فيكي اختي يعطيك الصحة

[kamili1]

Merci atas ats