يا الهي ابني سرق

[rima racha]

ما دا افعل ابني سرق مال ابيه و هو في 12من عمره كيف اعاقبه او اتعامل معه و هو لا يعترف:confused::sdf:

[دموع تائبة]

السرقة حرام
مالازمش تسكنيله
اضربيه
لكن ضرب معقول
ماشي راح نتفلسف عليك ونقولك كلميه واعطيه مواعظ ودروس في الاخلاق
للاسف ولادنا مايجيوش غير بالضرب
ربي معاك اختي

[khawla-b]

لازم تعاقبيه اشد العقاب ولا يوالف على السرقة
ربي يكون في عونك ختي

[السيدة كرمين]

عليكي كأم معرفة لما سرق؟

بطريقتك الخاصة دون ضرب او عنف او سخرية ومبعد نلقاو الحل باذن الله

[سارة البوسعادية]

نقلك حاجة ماتضربيهش احرميه من حاجة يحبها بزاف وقليلو هدي مش لانك سرقت لانك كدبت عليا لاني متاكدة انك انت الي ديتها
وهكدا رح يعترفلك انو سرق وازعفي منو وقدميلو مواعظ على السرقه
لانو بهدي الطريقة تبينيلو انك عاقبتيه على الكدب وهو اقل من السرقه فهمتيني اختي

[ريمة89]

اختي قولي لباباه خليه يتصرف معاه باه مرة اخرى مايفكرش مام با يمس الدراهم لانوا الطفل راهو فسن حرجة عادي انوا يدي الدراهم ماشي حاجة بيزار لكن موقفك الان راح يحدد ادا كان يزيد يعاودها ولا لالا وتحبي الصح الطفل راسوا خشين تضربيه يزيد يعاودها وماعليش يقبل تضربيه فكري ماتهدريش معاه بيني بلي راكي زعفانة وقوليلوا انا نقول لباباك وانت دبر راسك معاه

[z.abdo]

السلام عليكم

علاش راطم تتكبرو الموضوع والله حاجة عادية علاش تهولو الموضوع عادي فهمي غبنك أن السرقة حرام وعقوبتها وعذابها عند الله ومثها مثل الخيانة


الم نسرق في صغرنا ؟؟؟؟؟؟؟؟؟؟؟؟؟؟ جميعنا سرقنا اشياء في الدار مبلغ صغير اكل من المطبخ

وإياك أن تخبري زوجك راح تكبري الموضوع على شيء لا ستهل ذالك مثلا لو وجدتي إبنك يدخن سيجارة ممكن تخبري الأب باش يجعل حد لهذا

لكن سرقة مبلغ صغير عالجي الأمر بينك وبينه فقط وصدقيني راح يتحل المشكل بالهداوة مش بالهراوة :1:

تقيبلو مروري

[مريم الصابرة]

السلام عليكم اختي ربي يكون في عونك
هو لازم تعاملي معاه بذكاء وفي نفس الوقت تعاقبيه لازم تحرميه وزيدي قولي لباباه هذي ما تسكتيش عليها على الأقل يولي يحاف من باباه وما يعاودهاش لأانو الذكور بالطبيعة ما يخافوش من الأم لكن كلمي زوجك ما يعاملوش بقسوة كبيرة قادر الطفل يولي يتمرد ويوالف ربي يكون معاك عادي اول مرة غلطة مي لازم تعاقبيه

[melissa lola]

السلام عليكم الاخت طفلك و اش دار امر عادي لمعظم الاطفال في سنه لانه ما يعرفش عواقب الفعل انتاعه مي لازم تعاقبيه بطريقة يحس فيها بخطورة ما اقدم عليه و ننصحك عمرك ماتخلي دراهم و لا الذهب على مراى الاطفال مهما كانوا عاقلين انا كان قريبي عانى نفس المشكل مع الابن انتاعه علا خاطر كان يخليه يقعد معاه في المحل انتاعه و يشوف باباه شحال يدخل دراهم . هي دراهم رايحين في السلعة مي المراهق عقلوا واش يقولو كان يسرق لباباه و يشري حلويات لاصحابه شوفي عقل الاطفال و انشاء ماتتعاودش شكرا

[hilko]

يجب ان تعاقبية لكن اعرفي كيف تعاقبيه بالحرمان من الاشياء التي يريدها وهدديه ان عاودها مرة ثانية قولي له انك سوف تخبري والده
ويجب مراقبته وقطع السبل التي تؤدي الى السرقة دون ان يعلم ومرة على مرة اختبريه بوضع مال صغير في الجيب في الخزانة فوق السرير
حتى تجتازي هذه المشكلة وانصحك ان لا تعتبري هذا شيء عادي