لماذا يهرب الرجل من الحب حتى وان كان صادقا

[المبتغية لمرضاة الله]

السلام عليكم ورحمة الله تعالى وبركاته

اثناء تصفحي في الانترنيت وجدت موضوعا لفت انتباهي وددت ان اشاركه معكم الا وهو هروب الرجل من الحب
واخص بالذكر هنا الرجل الصادق في مشاعره لا المتلاعب فهي ظاهرة صراحة باتت متفشية فكيف يمكن لانسان
امتلئ قلبه بحب محبوبته وفعل المستحيل من اجل ان توافق عليه وبعد تاكده من وقوعها في شراكه يلوذ بالفرار
من حبها لماذا تكبد كل هذا العناء وكسر جميع الحواجز وفي الاخير نهرب من الواقع في نظركم لما يرجع هذا التصرف
وما نصيحتكم لمثل هذا النوع من الرجال؟ وكيف تنصحون البنت التي وقعت ضحية لمثل هذا التصرف؟

[فقير و باغي نطير]

انا نخاف من الحب و الله

واحد الخطرة ملي كنت صغير ناضت فيا حبة خسرت عليها مليون باش بريت منها

ربي يسترنا من الحب خاصة حب الشباب نتاع الوجه

[زهرة البيلسان البرية]

نقولك حاجة حنونة ما كاش حاجة واسمها الحب قبل الزواج ،، و اللي يحبك ما يحاولش يطيحك في شراكه و يلوذ بالفرار كيما قلتي اللي يحبك يجيك لباب الدار :)

[المبتغية لمرضاة الله]

الظاهر انك لم تفهم المغزى من الموضوع

[المبتغية لمرضاة الله]

نقولك حاجة حنونة ما كاش حاجة واسمها الحب قبل الزواج ،، و اللي يحبك ما يحاولش يطيحك في شراكه و يلوذ بالفرار كيما قلتي اللي يحبك يجيك لباب الدار :)

صح لسانك الموضوع عام ولا يتعلق بي لان مثلك لا اؤمن بالحب قبل الزواج

[ريمة89]

بالنسبة لي الرجل متعته فالمطاردة فقط هو محال يقبل لنفسو انوا مرا ترفضوا يدير الموحال باه تقبل وكي تقبل تسماطلوا
لكن ماشي كامل الرجال هكدا كاين اللي يطيح فالفخة

[عُضو مُحترم]

شخصيا جرّبتُ الحُب مرة

و اعطيتُ ما لم يُعط رجُلٌ لامراة

ولكن في الاخير

فشل

و دفعتُ الثمن غاليا

و لن اُجازف مرة اخرى

[عربية الهوية]

لا اعرف ما هو لكن بعد كل ما رايته لا اريد ان اعرفه
وليس الرجال فقط من يتهربون منه حتى البنات اختي خصوصا الحب في علاقة غير شرعية يجيب غي الهم و تكسار الراس نصيحتي للبنت لا تكوني غبية مرة اخرى خدمي عقلك شوي

[soso sirin]

والله صح كاين منها نهار تقوليلو لالا و ماكانش منها و هاذي انوغمال و هاذي طريق ماشي باينة علاه واحد يدخل روحو فيها هو يقعد غير يهدر غير يهدر و يكرهلك حياتك نهار انتي تقوليلو ايه و خلاص بديتي تبغيه و يحس بلي راكي بين يديه يولي يتسبب حتى تحسي روحك انتي الي جريتي موراه ماشي هو سبحان الله واحد مرات مايفهم والو فيهم هي الصح ماشي غير الرجال حتى النسا مي حاجة قليلة

[عميروش الحر]

حبيت نشارك بصح مخي ما حبش يعصر فكرة مليحة نكتبها
المهم الله يهدينا ويزوجنا زواج صالح
الزواج ماشي غير حب على خاطر الحب يبقى يتمتع بيه الزوجين على اكثر تقدير عام ولا عامين وكي يوالفو بعضاهم ولا نقول كي تخلاص بطارية الحب خصوصا مع مسؤولية الاولاد تولي العلاقة بيناتهم عادي وكل همهم يكبرو هادوك الاولاد ويوفرولهم كل الحاجيات...لهذا واحد قبل ما يتزوج بقلبو يتزوج بعقلو ويشوف المرا لي تساعدو وتصبر معاه كي تخلاص بطارية (الحب)
هاني عصرت مخي ههههههههههه

[z.abdo]

حسب رأي

أول حاجة اللي يدير هكذا لا يخاف الله
أتتلاعب ببنات الناس على الأقل بعدما رايت أنكما توافقتما عليك بباب الدار على سنه الله ورسوله مش تتمسخر ببنات الناس
كما تدين تدان
فيك أنت أو في بناتكم

[fatehdz]

شخصيا لا ولن ابوح بحبي لفتاة حتى أتأكد منه فالحب عندنا إلتزام بالزواج بعكس المجتمعات الغربية والتي تبيح ما يحضره ديننا ويحرمه
عموما، لابد من التريث قليلا

[المبتغية لمرضاة الله]

بالنسبة لي الرجل متعته فالمطاردة فقط هو محال يقبل لنفسو انوا مرا ترفضوا يدير الموحال باه تقبل وكي تقبل تسماطلوا
لكن ماشي كامل الرجال هكدا كاين اللي يطيح فالفخة

مشكورة على مرورك

[المبتغية لمرضاة الله]

شخصيا جرّبتُ الحُب مرة

و اعطيتُ ما لم يُعط رجُلٌ لامراة

ولكن في الاخير

فشل

و دفعتُ الثمن غاليا

و لن اُجازف مرة اخرى

الله يرزقك ببنت لحلال لي تقدر مشاعرك

[المبتغية لمرضاة الله]

لا اعرف ما هو لكن بعد كل ما رايته لا اريد ان اعرفه
وليس الرجال فقط من يتهربون منه حتى البنات اختي خصوصا الحب في علاقة غير شرعية يجيب غي الهم و تكسار الراس نصيحتي للبنت لا تكوني غبية مرة اخرى خدمي عقلك شوي

صحيح كلامك كاين لي تهرب من الحب بعد ما توقع فيه وحسب تجارب لي حكاوهملي قالو انو لي يحب يغيب عقلو يعني يطيح فيه بلا ما يحسبلو حساب وانا الحمد الله مازال ما طحتش فيه حتى نلقى الزوج الصالح لي يوالمني لانو حب الحلال عندو طعم غير وربي يبارك فيه

[المبتغية لمرضاة الله]

والله صح كاين منها نهار تقوليلو لالا و ماكانش منها و هاذي انوغمال و هاذي طريق ماشي باينة علاه واحد يدخل روحو فيها هو يقعد غير يهدر غير يهدر و يكرهلك حياتك نهار انتي تقوليلو ايه و خلاص بديتي تبغيه و يحس بلي راكي بين يديه يولي يتسبب حتى تحسي روحك انتي الي جريتي موراه ماشي هو سبحان الله واحد مرات مايفهم والو فيهم هي الصح ماشي غير الرجال حتى النسا مي حاجة قليلة

كثرت هذا الظاهرة وربي يهدي عبادو كان جاو يحسبو انو كيما راهم يديروا لبنات الناس رايح يرجع لاخواتهم او بناتهم
حتى واحد ما يتجرا ويحط نفسو في هذا الموقف والعكس صحيح

[المبتغية لمرضاة الله]

حبيت نشارك بصح مخي ما حبش يعصر فكرة مليحة نكتبها
المهم الله يهدينا ويزوجنا زواج صالح
الزواج ماشي غير حب على خاطر الحب يبقى يتمتع بيه الزوجين على اكثر تقدير عام ولا عامين وكي يوالفو بعضاهم ولا نقول كي تخلاص بطارية الحب خصوصا مع مسؤولية الاولاد تولي العلاقة بيناتهم عادي وكل همهم يكبرو هادوك الاولاد ويوفرولهم كل الحاجيات...لهذا واحد قبل ما يتزوج بقلبو يتزوج بعقلو ويشوف المرا لي تساعدو وتصبر معاه كي تخلاص بطارية (الحب)
هاني عصرت مخي ههههههههههه

امين يا رب يرزقك الزوجة الصالحة لي توالمك هو حتى اذا مات الحب بين الزوجين لازم تكون المفاهمة والعشرة الطيبة لانو ربي قال جعلنا بينكم مودة ورحمة يعني تقدر طرفك الثاني وترحمو بلا ما يعذبو بعضاهم

[المبتغية لمرضاة الله]

حسب رأي

أول حاجة اللي يدير هكذا لا يخاف الله
أتتلاعب ببنات الناس على الأقل بعدما رايت أنكما توافقتما عليك بباب الدار على سنه الله ورسوله مش تتمسخر ببنات الناس
كما تدين تدان
فيك أنت أو في بناتكم

صح لسانك وبارك الله فيك

[المبتغية لمرضاة الله]

شخصيا لا ولن ابوح بحبي لفتاة حتى أتأكد منه فالحب عندنا إلتزام بالزواج بعكس المجتمعات الغربية والتي تبيح ما يحضره ديننا ويحرمه
عموما، لابد من التريث قليلا

تريث اخي على قد ما تقدر بلاك يطيرولك بيها وساعتها تندم وتقول يا ريتني اعترفتلها ودقيت بابها وطلبت يدها

[المبتغية لمرضاة الله]

السلام عليكم ورحمة الله تعالى وبركاته

بعد غلق الاستطلاع الظاهر ان السبب وراء هروب الرجل من الحب براي الاغلبية يرجع لعدم قدرته على الارتباط والاستقرار اشكر جميع

من مر من هنا وترك ردا او صوتا او اكتفى بالمشاهدة

[امينة 1991]

اقول لكل بنت احذري من ان تعطي قلبكي لرجل ليس زوجا لكي لأنه سيجرحك .

[محمد...عبد النور]

السلام عليكم و رحمة الله و بركاته
كما تتعدد الاجابات و التجارب، يتعدد البشر في أفعالهم
و قد ابتلينا بما يصطلح عليه بمسمى الحب لسهولة الاتصال الذي تيسر بواسطة التكنولوجيا من هاتف و غيرها
و كما ان بعض الرجال يمكن أن يصطدم بعدة امور فيفر فالفتاة أكثر منه ، ممكن تكبر أحلامها و تدير شحال من فخ في آن واحد
لكن كل شخص و ظروفه و كل شخص و أخلاقه
و ليس أحد من الناس معصوم من الخطأ فقط الرجل بشر و المرأة بشر و الظروف تحدد الأمر و قبل ذلك قدر الله
نسأل الله العافية لنا و لجميع إخواننا و أخواتنا فقد نُبتلى و لا نصبر
ربي يوفقنا و يصرف علينا كل أمر سيئ
ســـــــــــــــــــــــلام

[redha11]

الرجل بطبعه لا يحب الخسارة
و ان وجد صدا من المراءة فانه يجتهد بكل ما اوتي من قوة و من الحيل لايقاعها في شراكه ليثبت لنفسه ...ما كان له فيه شك
فان بقيت متحفضتا معه دامت العلاقة . و ان اشبعته من نفسها مل منها
على قول احد الائمة لا تشبعيه نفسك قبل الزواج فيمل منك بعده