من لديها عجانة كهربائية

[عروبة مؤمنة]

السلام عليكم ورحمة الله تعالى وبركاته
اشتريت عجانة جديدة من أجل العجين خاصة الرقاق كما نقولو حنا لبساكرة
في بعض المناطق يقولو لفطير
اريد المساعدة في طريقة العجن بها
جربت بها لكن ماعجنتليش مليح الدقيق بقى احرش
مع العلم عجانتي من نوع mega-elect ما نعرف اذا كانت لامارك مليحة هاذي اللي كتبت وفيها خلاط ومفرمة للحم
ارجو المساعدة في طريقة استعمالها .
مشكورييييين

[fajodz]

عزيزتي هل حطيتي الدقيق ناشف في العجانة؟
انا نخلط كل المقادير اولا بيدي في القصعة حتى نتحصل على عجينة بدون ما نتعب روحي يعني مجرد ما نلمها بالماء و من بعد نحطها في العجانة و نخليها تعجن ببطئ و في الاخير نزيد السرعة .نتمنى تصلح معاك المرة الجاية

[أم ياسين الزهراء]

انا نخلط بيدي العجين ونديرو شوي ناشف ومنبعد نحط في العجانة تعجن غير بالدرجة الاولى وبشوي نزيد الماء ومنبعد نقوي السرعة بصح ماتفوتيش رقم 2 وهكى تجي روعة الله يبارك وعجانتي كانود الماركة انتاعك مانعرفهاش وحقى كيتكملي العجين مهما كان كسرة ولا رقاق خليه يرتاح شوي وانت راكي تقولي بقالك العجين حرش على خاطر ماتعجنش مليح

[farida333]

السلام عليكم
أولا كل شيء مبروك ...........راكي جبتي يدك اليمنى ...............
انا ثاني نعجنها بيدي في القصعة ومنباعد نحطها في العجانة وتجي معجونة bien
sinonإذا بغيتي تعجنيها direct ماتنسايش تحركي مرة على مرة العجينة من التحت parceque العجانة ماتوصلش لكل الاماكن كي يكون الدقيق ناشف............
ربي يعينك

[عروبة مؤمنة]

مشكورين جدا على الردود وعلى الافادة
كما قلتي انا حسلتها يد امي اليمنى لاخاطر شريتها لأمي لكن كمعجنتش جاني احباط
رايحة نجرب و نردلكم لخبر
شكرامجددا

[وليد مولودية]

كيما قالو لبنات انا عندي كينوود اعجني بيدك قبل يعني بليها و ممبعد حطيها في العجانة على سرعة بطيئة و زيدي السرعة ممبعد

ما تنسايش اضافة الماء مرة على مرة


بصحتك العجانة

[** موحدة 02 **]

السلام عليكم اختي
مبروك عليك و على ماماك العجانة
انا صراحة عجانتي رااااائعة بكل المقاييس ماركة clatronic نحط فيها الدقيق ناشف و نضيف الما و نعجن فيها ... يدي ما نخلطش بيها طوووووول
و تاني تدلك مليح اقصى مدة ربع ساعة للمسمن و جماعتو اما الكسرة مانفوتش 10 دقايق
ممكن راكي ماخليتيهاش الوقت المناسب او كمية الما كانت قليلة وتاني من الاحسن تضيفيلها الما غير بالشوية
مايجيك احباط ماوالو ختي عاودي جربي و رديلنا الخبر

[ام محمد اصيل]

اولا مبروك عليك حتى انا حابة نشري واحدة ولكن لحد الان ما عرفتش الماركة لمليحة اللي نشريها لاني وجدت ماركات بزاف من بينهم boman وكانوود ويقولو بلي تاع المانيا ولكن الاسعار تختلف فمثلا العجانة اللي فيها رحاية اللحم وباقي الاكسسوارات نلقاها رخيصة في الثمن بينما العجانة فقط نلقاها اغلى بكثير مع العلم اني حابة نشري عجانة فقط فهل ممكن المساعدة من دوات الخبرة وشكرا للجميع.

[زهرة الاميرة]

ما عندي ما نزيد ديري كيما قالوالبنات اعجني و ممبعد حطيها في البيترا

[ادرارية]

السلام عليكم اختي
مبروك عليك و على ماماك العجانة
انا صراحة عجانتي رااااائعة بكل المقاييس ماركة clatronic نحط فيها الدقيق ناشف و نضيف الما و نعجن فيها ... يدي ما نخلطش بيها طوووووول
و تاني تدلك مليح اقصى مدة ربع ساعة للمسمن و جماعتو اما الكسرة مانفوتش 10 دقايق
ممكن راكي ماخليتيهاش الوقت المناسب او كمية الما كانت قليلة وتاني من الاحسن تضيفيلها الما غير بالشوية
مايجيك احباط ماوالو ختي عاودي جربي و رديلنا الخبر

انا عندي كيمل الاخت وتبارك الله ما نحطش يدي خلاص المطلوووووووووووووووووووع رووووووووووووعة

[ام راضية]

عندي عجانة كنوود
الفرينة نعجنها علي طول فيها اما السميد نخلط بيديا ومنبعد نحط فيها

[Basketteuse]

اولا مبروك عليك حتى انا حابة نشري واحدة ولكن لحد الان ما عرفتش الماركة لمليحة اللي نشريها لاني وجدت ماركات بزاف من بينهم boman وكانوود ويقولو بلي تاع المانيا ولكن الاسعار تختلف فمثلا العجانة اللي فيها رحاية اللحم وباقي الاكسسوارات نلقاها رخيصة في الثمن بينما العجانة فقط نلقاها اغلى بكثير مع العلم اني حابة نشري عجانة فقط فهل ممكن المساعدة من دوات الخبرة وشكرا للجميع.

السلام عليكم . من المستحسن تشري عجانة برك. انا شرالي زوجي كنوود من فرنسا سقامتلو 5ملاين . كي شافها معمرة اكسسوارات . عجبتلوا و القوة تاعها 900واط بصح ماكان ماكان . تعجن غير الخفيف و ما تعجنش دقيق
نعطيك نصيحة اشري كانوود . ما تكونش قل من750واط. و اقراي قدماه تتحمل كمية العجين دقيق و فرينة
و كذلك تولهي ل foue تاع الخلط و أداة العجن يكونو من معدن . خطا كش كاين لي شراؤهم مادة تشبه للزجاج قالولي فراجيل يكسروا. و اتمنى نكون افدتك:mh92:

[سَلْسَبِيّلْ]

الله يسترك اختي كتفكرتي ميمتك ربي يخلف عليك بالحلال
اما العجانة نتاعك راكي غير معرفتيش انا تاتني صرالي كما نتي اول مرة البيترا نتاعي بومان ودك لما سالت حبيباتي في المنتدى قالولي كما نتي والله غير تفرج ربي يبارك فيك والف مبروك على ميمتك

[nournour59]

انا ما عنديش عجانة نعجن الخبز غير في يديا و يجي هايل

[عروبة مؤمنة]

ربي يبارك فيك ربي يخليكم ليا جربت يما كيما قلتوالي ونجحت معاها
ربي يجعل نصيحتكم في ميزان حسناتكم
لعقوبة اللي مهندهاش تشري وحدة

[Khokha01]

السلام عليكم
ومنكن نستفيد يا رائعات
انا عندي clatronic ودخلت لاستفيد من تجاربكن
الله يحفظكم جميعا
احتراماتي للجميع

[ام احمد]

شوفي عزيزتي انا عندي كانوود يعجن هايل لكن شفت حورية المصبخ كيفاش ادير بيه و دوك راني ماشاء الله
http://www.youtube.com/watch?v=RCdi01wyaEs&feature=related

[maiar]

بارك الله فيكن انا تاني احترت فالمارك تع العجانة و قداه الكيلو وهل اشتري لي تجي معها الاكسسوارات تاعها

[zeyneb 6]

أنا عجانتي بومان من أروع ما يكون بصح كي ركبت رحاية تع اللحم ما قدرتش نحيها . لي تعرف كيفاش تقولي من فضلكم

[crystale49]

اولا بصحتك البيترا لكن كينود احسن ماركة تعجن رووووعة و مثل ماقالو الاخوات راهم شاطرات ماشاء الله عليهم ربي يبارك فيهم لمي كل شيئ في القصعة و بلي لعجين شويه و من بعد حطيه في مول البيترا و حطي الماء غير بالشويه ولما تخلصي العمل حطيه و خليه يريح شوي يجيك رووووووووووعة

[مريم سلمى الجزائرية]

السلام عليكم و رحمته تعالى و بركاته: اللهم بارك لها و متعها بصحتها و عافيتها و أكرمها كما أكرمت أمها.
شكرا أختي على طرحك للسؤال و أغلب ما ذكرته الأخوات هو ما أسمعه دائما،بكم اشتريتها وهل من بسكرة؟
أريد شراء واحدة وما يعرضه السوق كثير و قد أصابتني حيرة.

[أم عمار السطايفية]

انا عجانتي بومان وفي الايام الاخيرة لاحظت انها تخلط في السرعات ثم تتوقف عن العجن اخذتها للمصلح ومت تزال عنده انصحك عند العجن ان تكون كمية الدقيق قليلة وقومي بتبليلها اولا حتى تستطيع العجانة تحمله ثم اتركيه يرتاح قليلا و اعجني مرة اخرى مع اضافة الماء في كت مرة

[sam2997]

شكرا للنصائح

[أم الحبايب 26]

;بصاحتكم كامل عقوبا ليا

[أم الطيب]

أنا عندي بومان لكن ما نشعلهاش أكثر من 5 دقائق ونصبر عليها 15 دقيقة باه نشغلها مرة ثانية هكذا كاتبين في الدليل نتاعها

[عاشقة تراب فلسطين]

انا تاني عندي بومان تقعدلي العجينة حرشة طبعا تاع الدقيق وكي تعود تعجن يجيها العجين ثقيل قلقت منها وليت نعجن بيديا وكاين ماس قالولي خاطراش صغيرة تاع الفرينة لازمك وحدة كبيرة تاعي ترفد 2كيلو ونص

[ام خلود 2]

مبروك عليك اولا. حتى تتحصلي على نتيجة جيدة خمري العجين واتركيه لمدة من الزمن يرطاب ثم ضعيه في العجانة في السرعة 1 ثمفسرعة2 لازم يكون العجين طري شوية من قبل واثناء العجن نضيف الماء بالتدريج تتجصلي على عجينة رائعة وسهلة التشكيل

[ورود ياسمين]

باغية نشري وحدة بواش تنصحوني والثمن ديالها شحال؟

[khelil amina]

Ana 3andi bomane w rahi naf3atni bezaf fi awale makountche na3rafe 3bare ma mi dork hamdoulillah

[ملاك1988]

والله راكم فتونا

[neyarmes]

أنا عجانتي بومان من أروع ما يكون بصح كي ركبت رحاية تع اللحم ما قدرتش نحيها . لي تعرف كيفاش تقولي من فضلكم



ساهلة تقدري تنحيها حاولي برك شوفي مليح ربما بولون مزير عليها ولا شاد على الرحاية باه متتحركش

[neyarmes]

انا كانت عندي كلاترونيك بحوايجها وخسرتلي وذكا حابة نشري وحدة تعجن برك قالو خير
بصح راني حايرة واش نشري غالية ولا رخيصة

[lyane]

انا العجانة تاعي لمارك تاعها profi **** سومتها 4 ملايين ونصف فيها 2 برا باش تعجن وتقطعها حسب الاستعمال هي جيدة وتستعمل للعجن فقط