الثناويات و العلاقات الفاشلة بين البنات و الاولاد

[وفاء التبسية]

السلام عليكم
حبيك نقلكم ما هي ارائكم حول العلاقات الفاشلة مئة بالمئة التي بين الفتيات و الذكور المنتشرة خاصة في الثانويات و خاصة عند تلاميذ الاولى ثانوي الي كانو في المتوسطة ما يقدرو يديرو والو ...............
الليسي تاعنا رجع ماشي تاع قرايا اصل و ما فيهش الجو تاع لقرايا لان كل الفتيات و الذكور لم ياتو للدراسة و انما لبناء العلاقات و عمرهم لا يتجاوز16 ياخي حالة
ارجو من هذه النافذة تقديم نصائح الى هذه العقول المغفلة ........

[منال]

انا معك مئة بالمئة هي علاقات فاشلة لانها في سن مراهقة و عبارة عن نزوة فقط خاصة بالنسبة للذكور
اما الفتيات فتصدقها لان الفتاة تفكر بقلبها و ليس عقلها
لاكن معضمهم فاقو خاصة الي جربوها و مبعد فشلو

[Narcisse95]

ايه
واش تحبيني نقلك ...
هو ما يحبها هي ماتحبوا ... و يلعبوها مخطوبين و و و ........ ههههه
أولا كاين فرق ما بين الاعجاب الذي سببه فيزيائي -لا كيميائي-
و كاين اعجاب كيميائي ... تعرفوه كامل
أما الحب الحقيقي -الذي لا يوجد الا بعد الزواج - لا يهتم بالمظاهر و انما السلوكات
- البنات يتنافسوا شكون تجيب البوقوس و و و أما الذراري نفس الشئ و كي يملوا من بعضاهم يبدلوا و هكذاك ...
اذا تحبيني نزيد مفصل نزيد نفصل...

[~عبد السلام~]

نفس الضاهرة تقريبا

ما عندنا مانقولو غير ربي يهدي وخلاص لوكان جاو الاولياء يعسو ابناءهم

لما انتشرت هذه الضاهرة ...لكن لا حياة لمن تنادي

[وفاء التبسية]

ايه
واش تحبيني نقلك ...
هو ما يحبها هي ماتحبوا ... و يلعبوها مخطوبين و و و ........ ههههه
أولا كاين فرق ما بين الاعجاب الذي سببه فيزيائي -لا كيميائي-
و كاين اعجاب كيميائي ... تعرفوه كامل
أما الحب الحقيقي -الذي لا يوجد الا بعد الزواج - لا يهتم بالمظاهر و انما السلوكات
- البنات يتنافسوا شكون تجيب البوقوس و و و أما الذراري نفس الشئ و كي يملوا من بعضاهم يبدلوا و هكذاك ...
اذا تحبيني نزيد مفصل نزيد نفصل...
الا حابة تزيدي غير ما تبخلي افيدينا و افيدي لبنات المساكن و اجرك على الله ان شاء الله

[نور الهدا]

صح هي فعلا فاشلة و تافهة
أنا ليسي لي كنت نقرا فيه فصل اول تعرفو تقولو رانا في بلد اروبي مش بلد عربي اسلامي وحنا هذاك ليسي كبير بزاااااااااف وفيه اشجار كبار بزاف وين تروحي تلقاي زوج قاعدين وحدهم
ندعولهم ربي يهديهم
أما بالنسبة لليسي لي راني فيه دوكا الحمد لله
تعرفو يشوفك تهدري مع واحد في ساحة مباشرة يديرولك استدعاء للوالي

[وفاء التبسية]

نفس الضاهرة تقريبا

ما عندنا مانقولو غير ربي يهدي وخلاص لوكان جاو الاولياء يعسو ابناءهم

لما انتشرت هذه الضاهرة ...لكن لا حياة لمن تنادي
يعطيك الصحة ربي يهدي

[زكرياء ابن الجزائر]

عاندو اووو متحسدوش هه

[وفاء التبسية]

صح هي فعلا فاشلة و تافهة
أنا ليسي لي كنت نقرا فيه فصل اول تعرفو تقولو رانا في بلد اروبي مش بلد عربي اسلامي وحنا هذاك ليسي كبير بزاااااااااف وفيه اشجار كبار بزاف وين تروحي تلقاي زوج قاعدين وحدهم
ندعولهم ربي يهديهم
أما بالنسبة لليسي لي راني فيه دوكا الحمد لله
تعرفو يشوفك تهدري مع واحد في ساحة مباشرة يديرولك استدعاء للوالي
احنا المراقبين يبعثو لبنات و يحلقو فيهم شوفي الحالة وين وصلت
و لبنات يجرو ورا الذري استغفر الله يا ربي
والله حتى ولين انا نحقر روحي كوني ططفلة كي نشوفهم هكا

[Narcisse95]

اوكي
أول حاجة مايسمعوكش أبدا غير ماتخميش بش تنصحوهم خاطر يديروك معقدة و هاكا و راكم عارفين العقلية ...
في الليسيات -وا أسفاه- تصيبي حتى بعض المسؤولين هوما اللي يشعلو في النيران و هوما يديرو فهاذ الحوايج
الانثى معروفة بأحلامها الوردية : غير تبداها ماتكملهاش خلاه ...
و الذكر بدوره يعلم هذا فيستغل الموقف ...

[وفاء التبسية]

[quote=زكرياء ابن الجزائر;9530648]عاندو اووو متحسدوش هه[/quoteشكرا
بصح ربي يعفو علنا من الحسد
وفرها النصيحة لنفسك راح تربح اكيد خوذ رايي

[أبوطه الجزائري]

نسأل الله تعالى أن يصلح الحال ...

ظاهرة التسيب و اللامبالاة و العلاقات غير الشرعية

أصبحت سمة مؤسساتنا .... إلاّ ما رحم ربي ...

غياب الاولياء و عدم المتابعة ... ضعف الوازع الديني .. ضعف التحصيل المعرفي

جملة مؤشرات تُنْبِئُ عن خلل يجب معالجته قبل فوات الأوان ...

و خير نصيحة لهؤلاء ... التركيز على طلب العلم و الاهتمام بالخلطة الصالحة

وفقكم الله تعالى .....................

[وفاء التبسية]

اوكي
أول حاجة مايسمعوكش أبدا غير ماتخميش بش تنصحوهم خاطر يديروك معقدة و هاكا و راكم عارفين العقلية ...
في الليسيات -وا أسفاه- تصيبي حتى بعض المسؤولين هوما اللي يشعلو في النيران و هوما يديرو فهاذ الحوايج
الانثى معروفة بأحلامها الوردية : غير تبداها ماتكملهاش خلاه ...
و الذكر بدوره يعلم هذا فيستغل الموقف ...

صح كاين منها بصح هذا باب كاضعف الايمان

[زكرياء ابن الجزائر]

واش نربح ؟
+
كل واحد او حياتو واش يحب يدير فيها لوكان تهدري مع كاش واحد ( ة ) يقولك واش دخلك إذا نتي حبيتي تعيشي هكا الله يبارك و إذا لا فكل واحد يعرف صلاحو او واش يخرج عليه .

[عربية الهوية]

ببساطة لعب صغار و تفاهة
يا اختي انا واحد مهبلني حفر اسمي في يدو وقال واش يبغيني
هاذي انعدام روح المسؤولية

[وفاء التبسية]

نسأل الله تعالى أن يصلح الحال ...

ظاهرة التسيب و اللامبالاة و العلاقات غير الشرعية

أصبحت سمة مؤسساتنا .... إلاّ ما رحم ربي ...

غياب الاولياء و عدم المتابعة ... ضعف الوازع الديني .. ضعف التحصيل المعرفي

جملة مؤشرات تُنْبِئُ عن خلل يجب معالجته قبل فوات الأوان ...

و خير نصيحة لهؤلاء ... التركيز على طلب العلم و الاهتمام بالخلطة الصالحة

وفقكم الله تعالى .....................
شكرا بارك الله فيك

[وفاء التبسية]

واش نربح ؟
+
كل واحد او حياتو واش يحب يدير فيها لوكان تهدري مع كاش واحد ( ة ) يقولك واش دخلك إذا نتي حبيتي تعيشي هكا الله يبارك و إذا لا فكل واحد يعرف صلاحو او واش يخرج عليه .
صح كاين منها بصح انتوما ما يروحش عليكم والو قد ما يروح على الفتيات

[samah samou]

مام حنا في الليسي تاعنا مدايرين حالة ماعدش دك واحد ماهوش en coupleالظاهرة هذي عادت منتشرة في جميع المؤسسات التعليمية حتى في المتوسطات و تلقايها حتى في الابتدائيات ههه
هدا كاامل طيش نتاع مراهقة و يجي نهار و يندمو عليه
حنا نقولو غير ربي يهدينا

[زكرياء ابن الجزائر]

عندك الحق ربي يهديهم اووو يهدينا

[samah samou]

و دك وليتي تنصحيهم يقولولك كيفاش و يخرجو عليك هدرة اخرى ول يقولولك حمزتي هههه يخي عقلية يخي انا وحدة من الناس صراتلي معا البنات ومن هاداك النهار ماعاد ننصح حتى وحدة نقول ربي يهدي و خلاص

[زكرياء ابن الجزائر]

أنا نعرف واحد جاري يقرا سنة ثانية في الإبتداائية كنت نهدر معاه كان زعفان قلتلوا واشبيك قالي مراهي تهدر معايا هذيك سلمى قلتلوا شكون سلمى قالي واحد الطلفة تقرا معايا نحبها أنا كي سمعتو بلوووكيت سنانتيه تع الحليب مزال مبدلهومش هه

[وفاء التبسية]

ببساطة لعب صغار و تفاهة
يا اختي انا واحد مهبلني حفر اسمي في يدو وقال واش يبغيني
هاذي انعدام روح المسؤولية
تشوفي انا لفكاير كامل داروهم معايا بصح انا ما نقيمهمش بكل علابالي بيهم عقلية بيريمي
ربي يصبرك معاه

[✿❀سًجّْـدًةْ خٌشٌـوُعٍـ ❀✿]

ربي يهدي الجميع قولوا آآآآآآآآآمييييييييين
فعلا و للأسف
الظاهرة شبه طاغية على كل الثانويات
وحتى المتوسطات
ربي يهدينا ويهديهم
تلقى بنات نهار كامل مع البورتابلات
وصباح ربي
تجي تحكي لصحبتها واش قاللها حبيبها كما تسميه
قبل ما ترقد
هفها ب smsتاع 5 دج
و هي مسكينة ترقد وتحلم بيه حتى وهي نايضة
الحاجة كي تكون مبنية على الحرام
ما فيها حتى خير
و أكيد النهاية لن تكون سعيدة كما يظنه معظم الفتيات
راح يرميها بكل برودة
ويبدلها بواحد أخرى
ربي ينوض الغافلين من غفلتهم

[samah samou]

عندك الحق ربي يهديهم اووو يهدينا
آآآآآآآآآآآآآميين

[samah samou]

أنا نعرف واحد جاري يقرا سنة ثانية في الإبتداائية كنت نهدر معاه كان زعفان قلتلوا واشبيك قالي مراهي تهدر معايا هذيك سلمى قلتلوا شكون سلمى قالي واحد الطلفة تقرا معايا نحبها أنا كي سمعتو بلوووكيت سنانتيه تع الحليب مزال مبدلهومش هه
ايه كي تسمع كيما هك واش تقول انا تاني صراتلي شحال من مرة كي نسمعهم يهدرو نتشوكا و نعود نندب ههه

[وفاء التبسية]

و دك وليتي تنصحيهم يقولولك كيفاش و يخرجو عليك هدرة اخرى ول يقولولك حمزتي هههه يخي عقلية يخي انا وحدة من الناس صراتلي معا البنات ومن هاداك النهار ماعاد ننصح حتى وحدة نقول ربي يهدي و خلاص
صح كلامك يعطيك الصحة
بصح ةفي الاخير انت القافزة عليهم

[✿❀سًجّْـدًةْ خٌشٌـوُعٍـ ❀✿]

و المسؤولية تقام على الوالدين أولا لانهم لم يربوا اولادهم على الطريق الصحيح
ولم يشبعوهم حنانا وحبا
فتلجأ الفتيات الى مصدر آخر
لذا ان رأيتم فتاتا تتعلق بشاب
فذلك ما هو الا لتعويض الحب والحنان المفقود في اسرتها
و ثم على المسؤولين ثانيا من أساتذة ومراقبين
عليهم اخبار الاولياء بتصرفات ابنائهم
و منع الاختلاط اثناء فترة الراحة

[samah samou]

هاديك هي ...

[وفاء التبسية]

أنا نعرف واحد جاري يقرا سنة ثانية في الإبتداائية كنت نهدر معاه كان زعفان قلتلوا واشبيك قالي مراهي تهدر معايا هذيك سلمى قلتلوا شكون سلمى قالي واحد الطلفة تقرا معايا نحبها أنا كي سمعتو بلوووكيت سنانتيه تع الحليب مزال مبدلهومش هه
هذي حالة معاه هاذ الطفل بصح باين بلي قالها على نيتو مسكين
[/b[b]] اما اذا مزور و يعرف كلش تولي هدرة اخرا معاه

[وفاء التبسية]

و المسؤولية تقام على الوالدين أولا لانهم لم يربوا اولادهم على الطريق الصحيح
ولم يشبعوهم حنانا وحبا
فتلجأ الفتيات الى مصدر آخر
لذا ان رأيتم فتاتا تتعلق بشاب
فذلك ما هو الا لتعويض الحب والحنان المفقود في اسرتها
و ثم على المسؤولين ثانيا من أساتذة ومراقبين
عليهم اخبار الاولياء بتصرفات ابنائهم
و منع الاختلاط اثناء فترة الراحة
يعطيك الصحة كلامك رائع نشاله يوصل

[falfoula.dz]

ربي اهدي ماخلق انشاء الله هدا اكان هدا هو مين تروح ربي عافينا

[وفاء التبسية]

ان شاء الله............

[نور الهدا]

الله يسترنا ولا يوقعنا في مثل هذه الأخطاء

[وفاء التبسية]

امين يا ربــــــــــــــــــــــــــــــ

[حكيـ الجَزآئِرِي ــم]

والله الوازع الديني يلعب دور كبير

لكن حت لي حاب يقرا ما يدورش بهاذ الأمور لأنو علابالو مضيعة للوقت

مثلا أنا كنت نقرا فالثانوية ماكنت ملتزم ما والو لكن شحال من عرض رفضتو لأني كنت حاب نقرا

بصح ذرك نقول الحمد لله الدفتر نتاعي نظيف معا ربي والعبد

وفي النهاية الضحية هي الطفلة مسكينة لأن المثل يقول

لمرة كي لمرا " المرآة " تتخبش طيش

والمجتمع لا يرحم في النهاية والحديث قياس

[ريحآنة الوفآء]

السلالالالالالام يا وفاء
الظاهرة منتشرة بكثرة واحد ميقدر ينحيها ربي يهديهم
بصح راهم حتى تاع الابتدائي عندهم هذي العلاقات هههه لا تستغربي
تاع المتوسطة تاع الاولى متوسط زعما البنات متقيمش الي في مستواهم طارت طول لنتاع الرابعة متوسط
هذا العام الي فات كيما كنا في المتوسطة شافت عيني العجب من الصغار يعني مكلاه تروحي لنتاع 16 سنة لان صحبتي 16 سنة بعد رمضان راح تتزوج
ربي يهنيها .............

[f0rest]

لي راهو يقول عاند ومتحسدش و يزيد يدعم فيه نقلي ربي يهديه وربي راح ينتقم منك ولن تهرب من انتقام الله

ربي يهديها ظاهرة خطيرة جدا في مجتمعنا

ربي يهدينا

[HABIB48]

نفس الضاهرة تقريبا

ما عندنا مانقولو غير ربي يهدي وخلاص لوكان جاو الاولياء يعسو ابناءهم

لما انتشرت هذه الضاهرة ...لكن لا حياة لمن تنادي

السلام عليكم من المفروض أن تقول لوكان الاولياء يعسون أنفسهم لكان خيرا لهم

[الجزائرية 2010]

هاهاها حبسو من الكذب سوا
المرة الاولى جبتوها على المعدلات انا جبت 16 وانا 18 وانا 19

وماشفنا والو كي نحطو مواضيع مانلقاوش مساعدات من جماعة ال17 و 18

ودرك قلبتوها على العلاقات ومالعلاقات
يزيكم خرطي
زعما نتوما مش كيفهم دايرين كوبل؟

حبسووووووووووو من النفاااااااااااااق

"حاشا البعض"

[asma bac 2014]

لا تجعلي نفسك ارضا يدوسون علبها بل سماء يسعون بلوغها
حنا جينا نقراو ماشي نتمسخرو
é je pense que les filles tani maya3tiwch loujah les jeunes haka bah ykoun lycéé t3 9raya machi t3 tmaskhiiir wtb9a hadi mn avis

[samah samou]

نصيحة الى كل فتاة
"حافظي على سمعتك لانها كالزجاج اذا انكسرت يصعب اصلاحها"

[نور الهدا]

هاهاها حبسو من الكذب سوا
المرة الاولى جبتوها على المعدلات انا جبت 16 وانا 18 وانا 19

وماشفنا والو كي نحطو مواضيع مانلقاوش مساعدات من جماعة ال17 و 18

ودرك قلبتوها على العلاقات ومالعلاقات
يزيكم خرطي
زعما نتوما مش كيفهم دايرين كوبل؟

حبسووووووووووو من النفاااااااااااااق

"حاشا البعض"

حنونة راكي تهدري هكدا مالا نتيا تاني عندك على هذيك ما عجبكش الموضوع وزيد أختي الكريمة ما علابالكش نورمالمو تخلي في قلبك ما تقوليش هكدا معذرة اختي

[نور الهدا]

نصيحة الى كل فتاة
"حافظي على سمعتك لانها كالزجاج اذا انكسرت يصعب اصلاحها"

صح عندك الحق اختي

[samah samou]

هاهاها حبسو من الكذب سوا
المرة الاولى جبتوها على المعدلات انا جبت 16 وانا 18 وانا 19

وماشفنا والو كي نحطو مواضيع مانلقاوش مساعدات من جماعة ال17 و 18

ودرك قلبتوها على العلاقات ومالعلاقات
يزيكم خرطي
زعما نتوما مش كيفهم دايرين كوبل؟

حبسووووووووووو من النفاااااااااااااق

"حاشا البعض"

اختي اذا كان هذا هو رأيك في هذا الامر نصيحة من عندي احتفظي برأيك لنفسك لانو حنا مانكذبوش والكذب مش من صفات الكبار و الباقي عندك

[حكيـ الجَزآئِرِي ــم]

هههههههههههههههههههههههه

يعطيك الصحة
زعما كامل لعبوها عاقلين
حاشا البعض
زعما هنا ماكانش اللي داير ولا دايرة حنون في الليسي
ربي يهدي
هههههههه

عجبتني عاند وماتحسدش تاعك :1:
علاه تفضحي في روحك نتي مرا عيب عليك هاذ الهدرة



هو أقل شي راجل والمجتمع تاعنا تعرفيه مليح


إلا إذا كان الوجه مقزدر

[HABIB48]

السلام عليكم يا أبنائي اتقوا الله وأمروا بحذف الموضوع وضعوا مكانه مواضيع للتمارين المختلفة أم انك مللتم الدراسة بارك الله فيكم ورعاكم وانار لكم سبل الهداية والصلاح

[نور الهدا]

شكرا على النصيحة
هذا موضوع مخالف و يرجى الحذف

[اماني بريئة]

والله لاحياة لمن تنادي
تنصحيهم يقولك بلي انت معقدة ولا يقولك رانا نعقبو في الوقت
والله غير ما نعرف اطفال او شباب اخر زمان
اللهم اهدينا واهديهم اجمعين

[naymar71]

.................................................. ..............................

[عَتْمَـہとか]

نقولهالكم وبكل قسوة ... هذو ناس تافهين هذو عبارة عن مخلفات المجتمع .. هذو فطريات .. سواء كانو بنتا أم ولد

صدقوني لو كنت في مكان المدير {{ اي لو كنت مديرة ثانويتي }}نفرغها خلآآص يبقا غير واحد ولا زوج يقراو فيها

تعرفو علآآش ..طرد نهائي بالخصوص الطفلة لي زودتهآآ {{ الحمد لله حشآآني ربي يعافيني منهم}}

تساهلو معاهم بزآآف كن جات لي يلقاوها واقفة ولا تهدر مع طفل يقولو لوالديهآآ ماراهش صاري هكذا


ههه.. شفوهم زعم ..والله مايشفني واحد لي يخدم يخلص

خلآآآص هذي حاجة مافيهاش الشفقة

[عَتْمَـہとか]

هاهاها حبسو من الكذب سوا
المرة الاولى جبتوها على المعدلات انا جبت 16 وانا 18 وانا 19

وماشفنا والو كي نحطو مواضيع مانلقاوش مساعدات من جماعة ال17 و 18

ودرك قلبتوها على العلاقات ومالعلاقات
يزيكم خرطي
زعما نتوما مش كيفهم دايرين كوبل؟

حبسووووووووووو من النفاااااااااااااق

"حاشا البعض"



ان بعض الظن اثم .. أنا وحدة من الناس جبت من هذو المعدلات و كي يحطو مواضيع تمارين ماندرش خطراكش ماعنديش الوقت

ماتستغربيش الجلفة يخشوه نآآس فاهمة .. كاينة ناس تدخل لييه غير باه يطلبو المساعدة وانا مانيش منهم

الجلفة بيتي الثالث


أصلا علاه راكي تفضحي في روحك راكي باينة من هذو الناس عليها راكي تقولي هكذا


والله غير هذو ناآآس تافهين هذي العلاقات لقاولها وقت وبآآش يحلو تمرين مالقاوش الوقت


ومن بعد يقولو جماعة 17 و 18 و19 مالا نقلك

جماعة 17 و18 و19 ماهمش قاعدين قعاد الناس لي ماهيش حآآبة تضيع وقتها في حل التمارين


انا كي نشوف واحد هكذا نكون قاسية معها قد قد


ان بعض الظن اثم

[عَتْمَـہとか]

شكرا على النصيحة
هذا موضوع مخالف و يرجى الحذف

لا أرى مخآآلفا فيه .. ان هو الا للنقاش

وان رايت كلاما لا يعجبك فهذه هي الحقيقة

[قَاسِمٌ.قَاسِم]

هناك حالات حمل في الثانويات وأنت تقولي علاقات فاشلة
الله يحفظ أبناءنا وبناتنا
آمين

[منبو]

السلام عليكم
هذا الشي خطا لانه شي تع بنات مرهقات والذكور طبعا والتغلب عن هذا الشي يلزم تكون عقيدة صحيح وقوة الايمان
والإبتعاد عن الاصدقاء السوء وانصحوا بعضكم البعض بل المستطع ونقولوا الهم يا مثبت القلوب ثبتني على الايمان
وربي يهدهم ويهدي جميع امة الاسلام والسلام عليكم

[سهم14]

وماذا بعد أن تقع الفتيات في شباك الذكور؟ ماذا بعد حدوث المصيبة والحمل؟

[pro24]

علاقات فشل في الثانويات الله يبارك حاجة تهبل
المهم من الاخير نقص التربية وروح المسؤلية طفل في عمرو 16 سنة صغير ؟؟؟؟؟؟؟؟؟؟؟؟؟؟
طفلة عمرها16 سنةصغيرة ؟؟؟؟؟؟؟؟؟؟؟؟؟؟؟؟؟؟؟
صغيرة وصغير بصح يعرفوا غير دعاوي الشر ؟؟؟؟؟؟؟؟؟؟
هذه العلاقات هي من علامات التخلف
تخلف علمي
البعد عن الدين

في منطقة من تونس الطفلة تخطب في عمرها 14 سنة وتتزوج في عمرها 16 سنة وتبني دار وحنا هنا نقول صغيرة ؟؟؟؟؟؟؟؟؟؟؟؟؟؟؟؟؟
كون الطفلة توصل 17 سنة ما تتزوجش تعتبر عانس بايرة
مالا هنا في الجزائر تعتبر كلهم بايرات
اتعرفون اسامة ابن زيد كان عمره 18 سنة قاد جيش في وقت الرسول صلى الله عليه وسلم وبه اكبر الصحابة ابو بكر وعمر و .........رضي الله عنهم
ونحن لازلنا هنا نعتبرهم صغار
من كان الغراب دليله فبشره بخراب الدار
نسأل الله السلامة
وفي الختام سلام

[imi02i]

السلام عليكم ورحمـة الله وبركـاته
كمـا ذكـر أحدهم آنفـــــا
إذ هاته العلاقات الغراميـة نزوة فقطـ وستزول مع مرور الوقت
....
إذ ستحـل بالندم على أصحـابها يومـا
وليس الأمـر في الثانويات أو المتوسطـات
بل الإبتدائـيات أيـضا
وربي يلطف إن شـاء الله

[قضــــــــــــ وقدر ـــــــــــاء]

هههههههههههههههههههههههه

يعطيك الصحة
زعما كامل لعبوها عاقلين
حاشا البعض
زعما هنا ماكانش اللي داير ولا دايرة ...................
ربي يهدي
هههههههه

عجبتني عاند وماتحسدش تاعك :1:
السلام عليكم
مهذا الكلام أختي؟
في هذا المنتدى تكتب ألفاظا لا يجوز كتابتها
آسف على التدخل
وأرجو تقبل مروري

[قضــــــــــــ وقدر ـــــــــــاء]

هههههههههههههههههههههههه

يعطيك الصحة
زعما كامل لعبوها عاقلين
حاشا البعض
زعما هنا ماكانش اللي داير ولا..........................
ربي يهدي
هههههههه

عجبتني عاند وماتحسدش تاعك :1:
السلام عليكم
ما هذا أختي الكريمة؟
هناك بعض الألفاظ من المفروض ألا تكتب هنا
آسف على التدخل
أرجو تقبل مروري

[مشكاة الهدى]

السلام عليكم


موضوع كهذا لا ادري لما لم يحذف او يغلق بعد

اولا ومع احترامي لكاتبته لا صياغة ولا افكار ترقى لان تطرح
المشكل كبير صحيح وعميق ومتجذر لكن ليس بهذه الطريقة السطحية تناقش المواضيع
ثم الردود كلها جاءت بالعامية وكاننا في -قهوة -

ومن بين الردود هناك رد فيه دعوة علنية وتصريح بارتكاب الفاحشة
وايضا تقاذف بين الاعضاء
ماذا ينتظر مشرفونا بعد

[قضــــــــــــ وقدر ـــــــــــاء]

السلام عليكم
الآراء وطريقة النقاش
دون الوقوف عند أسباب المشكل
وما هي الحلول لمنع أو لنقل للتقليل من هذه الظاهرة اللا أخلاقية
هو ما أفقد الموضوع أهميته
آسف على التدخل
اللهم اهدنا يارب

[pro24]

السلام عليكم


موضوع كهذا لا ادري لما لم يحذف او يغلق بعد

اولا ومع احترامي لكاتبته لا صياغة ولا افكار ترقى لان تطرح
المشكل كبير صحيح وعميق ومتجذر لكن ليس بهذه الطريقة السطحية تناقش المواضيع
ثم الردود كلها جاءت بالعامية وكاننا في -قهوة -

ومن بين الردود هناك رد فيه دعوة علنية وتصريح بارتكاب الفاحشة
وايضا تقاذف بين الاعضاء
ماذا ينتظر مشرفونا بعد
اختاه اي رد ترين انه يدعوا الى الفاحشة هناك ايقونة http://www.djelfa.info/vb/images/buttons/report.gif (http://www.djelfa.info/vb/report.php?p=9536017) قومي بالظغط عليها واكتبي سبب هناك وقاحة او اي شيء ومن هنا االمشرفون سيحذفون الرد او الموضوع
الله يخليك
دمت في خدمة الاسلام والمسلمين

[مشكاة الهدى]

اختاه اي رد ترين انه يدعوا الى الفاحشة هناك ايقونة http://www.djelfa.info/vb/images/buttons/report.gif (http://www.djelfa.info/vb/report.php?p=9536017) قومي بالظغط عليها واكتبي سبب هناك وقاحة او اي شيء ومن هنا االمشرفون سيحذفون الرد او الموضوع
الله يخليك

دمت في خدمة الاسلام والمسلمين







السلام عليكم


سبق وفعلت اخي الكريم

[Abdellah M]

ما عندنا مانقولو غير ربي يهدي وخلاص لوكان جاو الاولياء يعسو ابناءهم

لما انتشرت هذه الضاهرة ...لكن لا حياة لمن تنادي

[عَتْمَـہとか]

ربي يهدينآآآ .. ياخي نآآس يآآخي

[سلاف26]

ما هكذا تطرح مواضيع النقاش فلنرفع مستوى النقاش من فضلكم

الموضوع مغلق بسبب طريقة طرح الموضوع و طريقة المناقشة