تخلى عني بكل بساطة

[دموع تائبة]

سلام عليكم
انا كنت راح انخطب لشاب
طبعا لم اتعرف عليه امه هيا اللي حبت تخطبني ليه
قبل ما نتلاقاو تكلمنا حوالي 3 مرات عبر الهاتف
وكان معجب بيا وقالي انتي هيا المراة اللي كنت نحوس عليها وعمري ما نلقى كيفك
وانا يا اخواني في فترة اتصالي به كنت نصلي الاستخارة
وكانت هناك بعض الامور ماعجبتنيش في شخصيته من اهمها الحجاب
مرة قتله انا ماشي متحجبة قالي نورمال كيما تحبي ديري انا ماشي راح نرقد معاك في قبرك
المهم استمريت معاه عادي ما بينتله والو
حيث انه اخر اتصال بيننا انتهى بكل ود وتفاهم

المهم بعد يومين جات في راسي بعثله مساج قتله خلاص كلشي بيناتنا
توقعت انه يحاولني او يتودد اليا
لكن تفاجأت لما رد عليا بمساج وقالي مانيش عارف علاش تبدلتي هكذا اوكي ربي معاك مانزيدش نديرونجيك
استغربت كيف تخلى عني بكل بساطة بالرغم انه كان يقولي منلقاش كيفك انتي هذية من السماء
مع العلم انا عمري 29 سنة وهو 43 سنة

الله يسجيكم واش تفسيركم لتصرفه هذا ؟؟؟؟؟

صدقوني ندمت وحابه نرجع ليه
لكن مالقيتش واش هيا الطريقة
حاسه اني ظلمته وانا في حياتي عمري ما ظلمت احد

[sousou.02.95.13]

لي قاسنى بفولة نقيسه بقشورها

[sousou.02.95.13]

لى قاسنى بفولة نقيسه بقشورها

[djamel123]

أختي هناك احتمالين
اما انه لم يكن مقتنع بالقدر الكافي وكان ينتظر أي غلطة منك كي يخرج خروج الضحية
والاحتمال الثاني أنه مع كبر سنه لا يفهم طبيعة النساء التي تريد القليل من الدلال والمحاولة والمسايرة ...الخ ويأخذ كل الأمور بحزم وجد زيادة عن اللازم

[ما وراء الطبيعة ؟؟؟؟]

الغريب هو مسألة الحجاب هذه ...........

أنا أعرف أنا الرجال وحتى ولوكان له علاقات كثيرة مع الكثيرات حين الزواج يفرض

الحجاب على زوجته المستقبلية ولكن رد هذا الشخص غريب ...............

بالمناسبة وفي زمان كهذا أنا أشكك في أي زواج يتم بطريقة الأم ................

الشخص الذي لا يخطب لنفسه إما مريض .........أو موسوس ...............أو شيء آخر ................

[سمراءجيجل18]

عجيب أمرك ....تركك فاتركيه

[حلاوة_87]

الغريب هو مسألة الحجاب هذه ...........

أنا أعرف أنا الرجال وحتى ولوكان له علاقات كثيرة مع الكثيرات حين الزواج يفرض

الحجاب على زوجته المستقبلية ولكن رد هذا الشخص غريب ...............

بالمناسبة وفي زمان كهذا أنا أشكك في أي زواج يتم بطريقة الأم ................

الشخص الذي لا يخطب لنفسه إما مريض .........أو موسوس ...............أو شيء آخر ................
لا ادري لماذا تقول موسوس.عن نفسي خطبتني امه ورفضني لانني درست بالجامعة ولما اقنعوه رفضني لانني اعمل في مكان كله رجال ""الانثى الوحيدة"" واشترط علي ترك العمل يوم يفتح عليا ...ووافقت والان نادرا ما يتصل بي لكن كي نقوله حاب تبطل يقولي لالا لان ""امي فوتاتك فالسكانير""

[zora1411]

المرأة المسكينة تائهة في عالم الرجال ...................................... ربي يكون معاك عسى أن تكرهوا شيئا و هو خيرا لكم

[رهام87]

(((((((((((((((بالمناسبة وفي زمان كهذا أنا أشكك في أي زواج يتم بطريقة الأم ................

الشخص الذي لا يخطب لنفسه إما مريض .........أو موسوس ...............أو شيء آخر ................) والله يا اخي حبيت نجاوبك قبل منرد على صاحبتة الموضوع تعدرني برك ولكن نقولك بلي كاين رجال يحشمو ومايخالطوش النسا يعني ميعرفوش يميزو على هكدا يلتاجئو لامهاتهم في الاختيار وانا عن نفسي تمت خطبتي بهاد الطريقة والحمد لله كاين بيناتنا تفاهم وود والفة كبيرة ربي يجمعنا فالخير .......جاوبتك اخي باش تغير رأيك برك
...........
وبالنسبة للأخت السائلة نقولك ياختي متتحيري ما والو انتي قلتي استخرتي ربي وربي بلاك دار هاد الجاسب باش يكون سبب ليك وتشوفي حقيقتو قولي الحمد لله درك خير من بعد بعيد الشر يخليك...تهنيتي من هكدا رجال معندهمش غيرة على زوجاتهم .......ربي يجيبلك زوج صالح في اقرب الاجال اختي
............
اكثري من قراءة سورة يس لتسهيل الزواج وربي يوفقك

[طالبة مساعدة]

يا اختي العزيزة كان من المفروض يراك رئية شرعية وتريه حتى يكون بالك مرتاح ليه ثم تتم الخطوبة عند الموافقة وهاتف ياتي ومبعد هكذا لو بدات هكا كون كنتي مرتاحة لكن الان انتي تكلمتي معه وتالمتي لعدم مبالاته وانتي اسرعتي في كتابة رسالة اعدي اصلاحه لكن بشرط اتصال بوالدته لكن عن طريق اهلك ولازم تعرفي بلي لكاتبهانا ربي نلحقوها ربي يكون في عونك ويصبرك ويرزقك الزوج الصالح يارب

[نجمة ساطعة]

ربي يعوضك خير منو ما تحزنيش

[الزبرجد]

سلام عليكم
انا كنت راح انخطب لشاب
طبعا لم اتعرف عليه امه هيا اللي حبت تخطبني ليه
قبل ما نتلاقاو تكلمنا حوالي 3 مرات عبر الهاتف
وكان معجب بيا وقالي انتي هيا المراة اللي كنت نحوس عليها وعمري ما نلقى كيفك
وانا يا اخواني في فترة اتصالي به كنت نصلي الاستخارة
وكانت هناك بعض الامور ماعجبتنيش في شخصيته من اهمها الحجاب
مرة قتله انا ماشي متحجبة قالي نورمال كيما تحبي ديري انا ماشي راح نرقد معاك في قبرك
المهم استمريت معاه عادي ما بينتله والو
حيث انه اخر اتصال بيننا انتهى بكل ود وتفاهم

المهم بعد يومين جات في راسي بعثله مساج قتله خلاص كلشي بيناتنا
توقعت انه يحاولني او يتودد اليا
لكن تفاجأت لما رد عليا بمساج وقالي مانيش عارف علاش تبدلتي هكذا اوكي ربي معاك مانزيدش نديرونجيك
استغربت كيف تخلى عني بكل بساطة بالرغم انه كان يقولي منلقاش كيفك انتي هذية من السماء
مع العلم انا عمري 29 سنة وهو 43 سنة

الله يسجيكم واش تفسيركم لتصرفه هذا ؟؟؟؟؟


السلام عليكم



أنا الشي اللي ما فهمتوش هو تصرفك أنتي و ليس هو :confused::confused:

أنا لو كنت مكانه نتصرف نفس التصرف اللي قام بيه

مقبلين على زواج و تتصرفو تصرفات تع مراهقة :confused: و الله شي عجب :confused:

أمور كيما هاك لازملها الصدق في الكلام ...ما لازمش تضالو نبنيلك فخ و تبنيلي فخ

[dotZero]

الصراحة...احتمال كبير أنه لو كنت مكانه لقمت بنفس التصرف
و أقول لنفسي: البنت ليست موافقة...فهل أفرض نفسي؟ الجواب طبعا لا
و في كثير من الأحيان تشتكي البنات أنها رفضت و من دون سبب لكن الشاب بقي متمسك
و نظرن إلى هذا التمسك كاهانة لأنهن حرات في القرار و لا أحد يحاسبهن
فطبيعي ما قام به
أنت أنهيتي العلاقة بيدك و لا دخل له
*
*
أما النظرية المتداولة هنا: "عذبيه و جيبيه كي الكلب"
فغير صالحة بتاتا
خاصة مع رجل ناضج

[موج و صخر]

يا بنتي الراجل الي يتخلى عنك بهذه السهولة
و في أول الطريق ...لا تندمي على فراقه....
و لا تبكي عليه ابدا , بل العكس الحمد لله ما زال ما عملتو لا فاتحة و لا عقد
يعني مازلت على البر...
ثانيا الرجل الذي لا يهمه ان ارتديت الحجاب او لا مع انك ستكونين زوجته المستقبلية هذا
لا تنتظري منه خيرا كثيرا....
إذا الله ينوب عليك من جهة اخرى
و يعوضك احسن منه ان شاء الله

[السيدة كرمين]

سلام عليكم
انا كنت راح انخطب لشاب
طبعا لم اتعرف عليه امه هيا اللي حبت تخطبني ليه
قبل ما نتلاقاو تكلمنا حوالي 3 مرات عبر الهاتف
وكان معجب بيا وقالي انتي هيا المراة اللي كنت نحوس عليها وعمري ما نلقى كيفك
وانا يا اخواني في فترة اتصالي به كنت نصلي الاستخارة
وكانت هناك بعض الامور ماعجبتنيش في شخصيته من اهمها الحجاب
مرة قتله انا ماشي متحجبة قالي نورمال كيما تحبي ديري انا ماشي راح نرقد معاك في قبرك
المهم استمريت معاه عادي ما بينتله والو
حيث انه اخر اتصال بيننا انتهى بكل ود وتفاهم

المهم بعد يومين جات في راسي بعثله مساج قتله خلاص كلشي بيناتنا
توقعت انه يحاولني او يتودد اليا
لكن تفاجأت لما رد عليا بمساج وقالي مانيش عارف علاش تبدلتي هكذا اوكي ربي معاك مانزيدش نديرونجيك
استغربت كيف تخلى عني بكل بساطة بالرغم انه كان يقولي منلقاش كيفك انتي هذية من السماء
مع العلم انا عمري 29 سنة وهو 43 سنة

الله يسجيكم واش تفسيركم لتصرفه هذا ؟؟؟؟؟




اختي انتما في مرحلة خطبة وكل واحد يتعرف على جوانب من شخصية الآخر
هذا رجل كامل النضج وله طريقة في التعامل معه انتي للاسف لم تصلي لها،
ايضا اي رجل في حالته وحدة خسرت عليه مسج وقاتلوا كل واحد في طريق
واش تتوقعي يقلك قال لي لازم يقولوا يعني ردوا طبيعي وعادي
للاسف انتي لعبتي بكلمة ولا اي رجل رح يقبلها منك وتأكدي لو انه حاولك
كنتي تقولي ماعندوش شخصية وووو لأنك بنيتي فكرة مسبقة بموضوع الحجاب
اللي ردوا ايضا بانلي مقنع لأن العاقل يخاطب العقل لما يقلك مش راح نرقد معاك في قبرك
يعني فكري في ربي ماشي فيا لأنه هو من امرك بالحجاب ولست انا وهو من سيسألك ولست انا
ولا كنتي تسني يقلك وانا وانا ................ باه تقولي راجل
يا اختي راكي في 29 سنة المفروض انك ناضجة وهذا ما تصرف معك على اساسه
أجدك صدمتيه

المهم انتي صليتي استخارة وما تدري يمكن لخير ليه او ليك
ربي يرزقك باحسن منوا ويرزقوا باحسن منك

[سارة البوسعادية]

المشكلة انك انتي تخليتي عليه بكل بساطة انتي قلتي 3 مكالمات هاتفية عجبتيه وشاف فيك الزوجة المستقبلية وبعدها وبدون سابق اندار خستي عليه ميساج وقلتيلو كلشئ صايي هو مع روحو اكيد قال السبة وشني وعلاش تبعتلي ميساج ماكلمتنيش وفهمتني اكيد في ديك الدقيقة طحتي من عينو
انتي الي ماقيمتيهش لانو الي يتمسك فيك الي يعرفك مليح اما هو كل تصرف يفهمو يعبر على شخصيتك
والله صعيبة

[abdel02]

مرة قتله انا ماشي متحجبة قالي نورمال كيما تحبي ديري انا ماشي راح نرقد معاك في قبرك


iهذا دليل عدم صلاحه...بدى لي من خلال كلامك انه غير مهتم...يعني مين تدخلي للقبر تنحرقي وحدك...ربي هناك...نورمالمون تديري غفارة...والله...ما تتقلقيش مازال الخير القدام.

[esmam]

خلاص انتي صليتي استخارة راهي بانت
الخيرة فيما اختاره الله

[عاشقة الهلال]

انا ننصحك حاجة حنا ديما نبقاو نبكيو على الاطلال ونعمرو رواسينا نقولك لوكان شافلك ربي فيه الخير لوكان كملت ربي يرزقك بولد الحلال تاع الصح ليستاهلك

[faty05]

المهم يبالي جات في الصواب
يعني باين حتى نتي جاتك علا قوصطوك من بكري مش عاجبك و جاتك فرصة و بعتيلو ميساج هكا فقط ما عولتيش تكون ردت فعلو من هذ النوع
و هو باين من النوع لي ما يحبش يفرض نفسو
المهم ذركا طاح الفاس علا الراس
سلام

[التوليب الجميلة]

سمحيلي اختي mais هادي 3 ايام و يقولك ما نبدلكش سمحيلي mais.......ا، و انت تاني 3 ايام و تقوليلو خلاص كلش بناتنا جابلي ربي ما زال ما بداش باش يخلاص و تاني لا مكتبش بيناتكم نورمال ربي يعودك بواحد خير ان شاء الله و كولشي بالمكتوب أختي..

[مريم الصابرة]

السلام عليكم اختي
إسمحيلي نقولك إنت الغالطة كيما إنت عندك عزة نفسك هو ثاني غنت عاه تقوليلو كل واحد يروح في طريقو ممكن هو راه يخمم كيما راك تخمي ويقول أي مشكل سمحت فالعلاقة نتاعنا وما تنسايش راه كبير وواعي انا نظن إنت كبرت الموضوع واللي كاتبها ربي تلحق تدي غير اللي كتبولك ربي شكرا

[z.abdo]

بماانك استخرتي فلن أقول لك أنك أخطأتي
وصدقيني لو انا تكلمت معي بنت بطريقتك حتى ولو كنت اعرفها طول حياتي سأقول لها ربي يسهل عليك واللي تعرفيه يخرج عليك ديريه ولن أتحصر لأجلها بما أنها هي أرادات ذالك لأن بنات الصالحات كثير ونقدر نختار أخرى
يعني

لن تتوقف الحياة بفراق إمرأة
خصوصا لما تجي من عندها مش راح نحاول معاها

[hamzagolf6]

لو كنت مكانه لقمت بنفس التصرف
انتي يعثتيله مساج و قتيلو خلاص كل شيء بينتنا واش تتوقعي يرجعلك هههه

[imenealg]

hamdi allah ano ba3do 3lik pcq makanch maktan3 bik allah yjiblak makhir mano

[kaderkader1541]

قالت اسمي دموع تائبة و هي لم تتحجب بعد , يا اختي الكريمة انت على ابواب الثلاثينات ؟؟؟؟؟ و لم تتحجبي بعد !!!!!!!!!! عجيب أمرك و يا اختي اجد رفضك للخاطب لربما في فارق السن لهذا أقول لك انت كبيرة في السن و هذا المتقدم لك يوافقك فان كنت تبحثين عن رجل في الثلاثينات فان اغلبهم بل و معضمهم يبحثون عن البنات ما دون العشرين تحجبييييييييي و صلي صلاة الاستخارة و الخيرة فيما أختاره الله لك .

[دموع تائبة]

قالت اسمي دموع تائبة و هي لم تتحجب بعد , يا اختي الكريمة انت على ابواب الثلاثينات ؟؟؟؟؟ و لم تتحجبي بعد !!!!!!!!!! .

الحمد لله يا اخي انا محجبة ومحافظة على صلاتي
ولكني كنت اختبره فقط
وقلت له انني غير محجبة