أريد الخروج ساعدوني

[وحيدة لكن سعيدة]

السلام عليكم ورحمة الله و بركاته

مرحبا خياتي حبيت نحكيلكم باش تخمو معايا و دبرو عليا باش نلقى كشما طريقة ندير واش راني نحوس

شوفو أنا وحدي عند أمي و أبي مانخرجش وحدي نهائيا مع أمي أو أبي فقط لاغير صحاباتي هوما لي يجو يزوروني و أنا مانروحش ليهم و مانخرجش ندور معاهم.

وحنا ماعندناش لافامي في المدينة لي رانا فيها سما ماعندي ليمن نروح كي نخرج

المهم درك راني حابة نخرج وحدي نروح للطبيبة بلاما نقول لماما بما أنه أبي مش في المنزل حبيت نستغل الفرصة و نخرج وحدي.

لكنها رفضت وقالتلي لالا ماتخرجيش وحدك .

درك أنتم قولولي واش ندير باش نقنعها تخليني نخرج وحدي بلاما تعرف وين راني رايحة.

عذراا ادا طولت عليكم

و شكراا لكن جميعاا

[فتـ حييةـاة]

اختي امك معاها حق
وانتي علاش راكي باغية تروحي وحدك بلا ماتعرف ؟؟ وين الفرق اذا رحتي وحدك ولا وصلك الوالد واش راح ينقص ؟؟ لاني مافهمتش قصدك

[وحيدة لكن سعيدة]

اختي امك معاها حق
وانتي علاش راكي باغية تروحي وحدك بلا ماتعرف ؟؟ وين الفرق اذا رحتي وحدك ولا وصلك الوالد واش راح ينقص ؟؟ لاني مافهمتش قصدك


أختي أنا حابة نخرج وحدي حابة نروح للطبيبة وحشمت نقوللها هادا هو قصدي

[دعاء شيماء]

صح وعلاش متروحيش مع ماماك
على الاقل مادام باباك واعر اكسبي امك كصديقة باش تقدر تتفهمك وتدير فيك الثقة.متقدريش تديري اي خطوة بلا ما تكون امك علابالها.
واذا كنتي حابة تروحي وحدك لازم يتنحى الحاجز اليبينك وبين امك
الاب مادام واعر ماراحش يتفهم
لازم تكسبي ثقة امك بالصراحة ثم الصراحة عندك تك>بي لانه الكذب راح يزيد هم على هم

[نجمة ساطعة]

فهمتك وش راكي تحوسي شوفي كاين حل وسط روحي مع ماماك و كي توصلي ثم قوليلها نحشم اقعدي هنا

و ندخل وحدي اوكي

[فتـ حييةـاة]

أختي أنا حابة نخرج وحدي حابة نروح للطبيبة وحشمت نقوللها هادا هو قصدي



احكي لماماك قاع واش كاين مين ماتحكيش لميمتك ليمن تحكي اختي ؟ وقوليلها نحشم ماتدخليش معايا وخلاص
ربي يشافيك

[نجمة ساطعة]

احكي لماماك قاع واش كاين مين ماتحكيش لميمتك ليمن تحكي اختي ؟ وقوليلها نحشم ماتدخليش معايا وخلاص
ربي يشافيك

امال على حساب وش شفت في صورتها الرمزية الطفلة حابة تتزوج فهمتي ذرك علاه مش حابة امها
تروح معاها

[فتـ حييةـاة]

امال على حساب وش شفت في صورتها الرمزية الطفلة حابة تتزوج فهمتي ذرك علاه مش حابة امها
تروح معاها

ايه فهمت ممكن ؟؟

على العموم مهما كان الامر اللي رايحة عند الطبيبة من اجلو لازم تخبر امها وتروح معاها وتقوللها نحشم ماتدخلش معايا هذا مكان

[نجمة ساطعة]

ايه فهمت ممكن ؟؟

على العموم مهما كان الامر اللي رايحة عند الطبيبة من اجلو لازم تخبر امها وتروح معاها وتقوللها نحشم ماتدخلش معايا هذا مكان



ايه هذا وش قتلها انا

[أم عبد الله السلفية]

السلام عليكم

أحكي لماماك أكيد راح تفهمك و كيما قالت الأخت قبلي أدخلي وحدك للطبيبة

عادي أمك أكيد راح تفهم

ربي يوفقك لكل ما يحبه و يرضاه

[hilko]

سلام اختي امك عندها حق وباباك عندو حق هذا من الناحية التي تعيشينها فهذه افضل طريقة لتربية جيل محترم وامراة بمعنى الكلمة من جهة ثانية اذا حشمتي قدام امك تقدري تدخلي وحدك للطبيبة مع انه من الافضل تصارحي امك في كل شيء حتى في المرض الذي تعاني منه هذا يرفع من معنوياتك وطريق للعلاج بدون اى مشاكل

[النجمة القطبية]

يااختى مكان حتى سبب يخليك تحوسى تخرجى وحدك
شوفى انا رانى جامعية والله ما نقدر نخرج فى المنطقة اللى عايشة فيها حتى دار جدى قريبة لينا نروح فى السيارة ولا مع خويا وعادى
يعنى واش الفرق
وحتى لما تروحى للطبيبة المفروض تقولى لاهلك على المشكل ولو خاص تقولى لامك وادا محبيتيش ديرى كيما قالولك قولى ندخل للطبيبة وحدى

[hibakma]

احكي لامك عن الموضوع و صارحيها وهيه راح تساعدك خاصة كماعندهاش غيرك

[موج و صخر]

والديك بارك الله فيهم و يعطيهم الصحة
رباوك أحسن تربية , كوني مطيعة
و روحي للطبيبة مع أمك أحسن و اصبري...
و ان شاء الله تتزوجي و يهنيك زوجك امين

[حلاوة_87]

اختي مهما يكون سسب رغبتك في عدم معرفة والديك لزيارتك للطبيبة الا انه امك اقرب الناس ليك...خليها ترافقك وعند الطبيبة ادخلي لوحدك....

[وحيدة لكن سعيدة]

شكرااا على نصائحكم جميعا

مع العلم أنا مش متذايقة من خروجي مع أمي أبدا هذا الأمر مساعدني بزاف و راني مليحة في هذه الحالة شكراا للإهتمام.

انا لما طرحت الموضوع لأني نعرف أمي تخاف عليا بزااف لما نروح للطبيبة و مانقوللهاش وش بيا رح تتقلق و تبقى تخمم على جال ذيك كنت حابة نروح وحدي بلاما تعرف.

[مريم الصابرة]

السلام عليكم اختي بارك الله في والديك هذي هي التربية الأصيلة والله راكي في نعمة صح حشمت ديري كيما قالولك الأعضاء أو صارحي امك الام أقرب للفتاة من الوالد لوما توصولو للطبيبة إدخلي وحدك والمرض اللي تعاني منو لو إنت حشمت خلي الطبيبة تحكي مع الوالدة نتاعك هكذا تتفاداي الإحراج مع إني نشوف إنك لازم تتقربي من والدتك إنت راكي دايرة حاجز الخوف لازم تنحيه ربي يوفقك ونعم التربية

[z.abdo]

أولا اختي نقلك ياريت كامل الينات مثلك ما يخرجوش إلا بمحرم
وهذا يدل على عفتك وأخلاقك ولا تنظري بمنظار سلبي لان أي رجل يفضل المراة اللي تكون محتشمة في خروجها

أما عن أمك لازم تخبريها وتطلبي منها ان لا تدخل معك عند الطبيبة فقط