يا السطايفيات علموني طيابكم

[اسماء47]

السلام عليكم
ترددت بزاف و انا نحط في هاد الموضوع لاخاطرش علابالي تزلوني و ماتجاوبونيش كي العادة
مي قلت نجرب و نشوف
انا رايحة نتزوج مورا رمضان
و راني مليحة في اطياب مي حابة نتعلم اكلات سطيف و وشنو هما الاطباق الرئيسية عندهم
لانو راجلي من سطيف
نتمنى تجاوبوني و ماتحشمونيش

[روزاليندا]

عندنا الأكلة الرئيسية في سطيف البربوشة باللحم و الفرمسا و الشخشوخة كما أن نصف سكان سطيف يحبو les gratin
نقولك حاجة أختي في سطيف ينطبق مثل : أقرب طريق لقلب الرجل هي معدته
أتعلمي من درك

[الملهمة]

عندها حق .... ااحنا عندنا العجائن بزاف ...وما تهمليش الاطباق العصرية .... والتقليدية الفرمسة والمطلوع

[مريم07]

احنا في سطيف نحبو لعجاين الشخشوخة ولفطير والبربوشة
وكذلك الاطباق العصرية يعني نوعي قد ما تقدري
وربي يكملك

[islam1aya]

ربي يكملك حبيبتي
للاسف مانيش من سطيف ومانعرف حتى اكلة سطيفية
اكيد الاخوات ما يبخلوش عليك

[nadiem]

كيما قالولك البنات البربوشة كل جمعة والفارمسة لي ماتعرفش ديرها يضحكو عليها شوفي هنا تلقاي وصفات ملاح خاصة الكسرة تاع طاجين الحديد وكسرة الشحمة والمبرجة وبالتوفيقhttp://www.djelfa.info/vb/showthread.php?t=581548

[medjmadj abdelghani]

عندنا البربوشة اللفت السعيدي و الخرشف وعندنا الفرمسة والعيش وكيما قالولك البنات العجائن بزاف

[اسماء47]

شكرااااااااااا ليكم
البربوشة هو الكسكس ياك
ولا ماشي هو

[حلم جميل]

اختي تعلمي طيابكم عادي نحبو نعرفو طياب الولايات لخرى
ولاكان على طيابنا تعلمي المطلوع والكسرة والفرمسة ولغريف والباقي ساهل
اي سؤال رانا هنا

[حلم جميل]

آ وخذي متعرفيش حتى البربوشة بلي طعام

هههههه زعمة نخوف فيك نضحك معاك عزيزتي
ايه هي الطعام

[اسماء47]

آ وخذي متعرفيش حتى البربوشة بلي طعام

هههههه زعمة نخوف فيك نضحك معاك عزيزتي
ايه هي الطعام

ههههههههههههههههه
شكرا حبيبتي ربي يخليك ليا

[حلم جميل]

العفو عزيزتي ربي يسهلك ان شاء الله

[ام ظافر]

اختي نصيحة ليك تعلمي الي تقدري عليه وما تخافيش في الباقي لانك قادرة مثلا تحبي تتعلمي طبق معين ولما تروحي عندهم تحبي تعمليه وهنا ممكن يضحكو على النتيجة لانك تعلمتيه غير بالصور اما انك تقوليلهم انا هذه ما نعرفهاش احسن ولا واحد يضحك عليك لانك ما كيش من منطقتهم وما يقدروش يضحكو عليك لانهم حتى هوما ما يعرفوش يطيبو اطباقك
انا تبالي تقوليلهم ما نعرفش وهوما يساعدوك ويوقفو معاك ويعلموك احسن من انك تروحي وتقوليلهم نعرف كل شيء
اما على طبخ السطايفية فهو عادي جدا مثل طبخ الشرق كامل وعندهم توابل مثل راس الحانوت خاص بمنطقة سطيف وحدها
تعلمي تكون ماكلتك بنينة وتعرفي كيفاه تزيني اطباقك هذا هو المهم لانو اي راجل يحب ياكل ماكلة بنينة حتى ولو ما يعرفهاش احسن من ماكلة يعرفها وتجيه صامطة وماذابيه يفوخ بزوجتو ويقول لاهلو هذي ماكلة ما تعرفوهاش انتم قولو لزوجتي تعلمهالكم
ربي معاك حنونتي

[gazala-dz]

راهم البنات جاوبوك بالتفصيل الممل
انا مانيش سطايفية بصح حبيت نقولك ربي يسسسسسهل

[بسمة محبة]

ربي يسهلك أختي و رأيي من رأي أختي أم ظافر عوض تحوسي تتعلمي أطباقهم و هوما راهم متفنين فيهم خلي أهل زوجك يعلموهملك خير

و انت أتقني أطباقكم خاطر لما تروحي ليهم يحبوك جيبيلهم الجديد نتاعكم مش تقلدي أطباقهم و لما تكوني تم رح تهزي واش يعرفو و تعلميهم أنت أطباقكم

و حاولي تتقني أطباق عصرية و خفيفة خاصة لي غراتان رح يعجبوهم ان شاء الله.

و ربي يوفقك و يهنيك ان شاء الله.

[مسعودي خولة]

نصيحة من عندي اتعلمي في داركم ماتخاليش حتان تروحي ليهم اتعلمي العجائن وles plats modernراهوم يحبوهم بزاف سيرتو هذا الوقت ولاو العجائن ماياقزيزتيوش سيرتو عند الراجل يحب الماكلة الخفيفة ورابي يهنيك نشالله

[سيرينا لبنينا]

أختي ربي يسهلك

صح نحبو العجائن بصح ليس دائما

مرة في الاسبوع أعملي بربوشة بصوص حمرة

والفرمسة في المناسيات لازمة

العيش او البركوكس

الكسرة والمطلوع دائماوكسرة الشحمة في الشتاء

والرفيس التونسي والمبرجة في الربيع

تقريبا هذه الاكلات يديروها السطايفيات

والباقي عادي مثل الولايات الاخرين

كل ماهو خفيف ضريف

وأي طبق أطلبيه مني مباشرة نجهوبك عليه

راني ذكرتهملك وانتي خيري

[hassina2]

حبت نسقسيك اختي اذا راجلك من سطيف ولا من ضواحيها اذا كان من سطيف ماكان علاه تخافي هههههههههههه اما اذا كان من العلمة فالحالة شوية صعيبة لان الطبخ ثما ممتااااااااااااااااااااااااااااز

[salma staifia]

السلام عليكم

مبــروكـ عـليكـ خــيتو ^^
السسطايفية يحبو الفرمسة و الشخشوخة البربوشة و المعجنات
و لغـــرآيف

ربي يســهل