المعنى ....عليك ....و.....عليا ...وعلى الاسلام [الأرشيف] - منتديات الجلفة لكل الجزائريين و العرب

marabou

2009-01-06, 16:45

ااااالسلام على من اتبع الهدى هذا كلام من قلب جزائري حر
فلسطين فلسطين راهي بكات العين.......وبلاد المسلمين تنضرب بالا لغام
استعمرها اليهوديين مين رحل صلاح الدين .....ضلموناالكافرين هذا القوم الضلام
قلب الجزايري راه اتكوى على الفلسطينيين الاخوة ....ولا ماكلا لا دوا ما عارفين الموتا كام
نحقروا ما عندهم قوة والموت راهى غي تقوى ....وكي اليوم كي غدوا واليهودي ما ندم
المسلم تحرم مالقدس ومول النيف اليوم نتقاس ....وين العربي الفارس ماكان لي في الدنيا دام
اليهود دارت الحس والفلسطيني مات نداس.....والاسرائيلي راه يحوس وزيد دارعلام
فلسطين بلاد عربية ذاتها قوم يهودية.....ساعة لحقت يا خويا راهي كثرت لتهام
بكيت الدم من عينيا ما طقت ندير حتا حيا ...المعنى عليك وعليا وعلى الاسلام
لوكان تتمحا ليهود عمر الضلم مايعود...ويعيش العالم مسعود وفيه تحلى الاحلام
يارب انت المحمود طفي ذي ليام السود ...فلسطين راهي مهدود ولي منهم هام
ان شاء الله ربي معانا ويتقبل دعانا ....اليهود راه اذانا ويضرب بالسلاح السام
الفلسطيني لي كان ..بكانا .....وللمساعدة نادانا وخلانا معى التئلام
شكون يسوى يكون مجاهد ويرحمه الاله الواحد ....ولي مات واستشهد في الجنة يوم القيامة
والصلاة على محمد مكانش لي في الدنيا انخلد ....غير الاله الصمد لي ما يسهى ماينام
الشاعر عبد القادر بن عيسى المستغانمي .......................نقل marabou