هل هو محق ارجوكم بماذا تنصحوني

[مشكلتي]

السلام عليكم
انا فتاة في 21 من عمري تعرفت على شاب وعدني بزواج بعد التعرف مباشرة قلي غير نتفاهمو نجي نخطبك
هو من نهار اول كان يمانع قلي حسب رايى الرجل مع المرة غير تفوت شهر بلا ميدير خطوة بعد التعارف يولى هو يتمسخر كيما نقولو يضحك عليها و انا عندي 6 اشهر ماي عرفتو
تفاهمت معاه انا .حتى هو قلي خلاص الباقي خليه ليا انا سكت كل يوم نستنى فيه مي هو مدار حتى خطوة باه يبيلي بلي راه ناوي الحلال كامل الهدرة لي كان يقولهالي خرجت ماشي صح كامل الوعود خرجت كذب في كذب
شرط عليا منخرجش من الدر وافق مع العلم انا خدامة و و حبست كل شي نحلي كامل الصوالح لي ماشي ملاح لي كانو فيا لباس و خرجات المكياج الحمد الله و انا اقتنعت بيه
المشكل دروك انا راه يخطب فيا شخص ثاني كي خبرتو هو كي شغل مامنش بنتلو راني نكذب عليه و انا والله لا صح
تبدل خلاص والله العضيم مع العلم الشخص اول اهدر مع اب تاعي مي غير من بعيد قلو راني جاي الا كتب ربي مي مكملش كلامو ماوصلش لدار
واش ندير دروك واش نقولو كيفاه نفهمو بلي كلامي صح
الله يرضى عليكم عاونوني

[بنت الحجاج]

قالها بفمو

الراجل اللي يفوت شهر بلا ما يدير خطوة

معناها راه يتمسخر ... يتمسخر

[دعاء شيماء]

انتي درتي الي عليك.شوفي اذا كان ناويك صح راح يدير خطوة انتي قوليلو لاخر مرة انا راهو جاني خطاب ومنقدرش نقول لالا لانك مادرتش حتى خطوة على جالتي.وهذا هو الوقت الي لازم توقف يه وقفة راجل.
اذا مادار والو لازم بلي تعرفي بلي ما راح يدير والو على جالك.
بالاكي ترفضي الخطاب على جالتو لانها فرصة تقدر تروح متوليش بصح هو يفوت يدور راسو عليك راح يختار اي وحدة ويعيشها نفس المنوال
لانها هادي هي اللحظة الحاسمة الي تختبري فيها الانسان الي يكون مستعد يبني حياتو معاك.او يسمح فيك
الرجال كامل يحبو المرة الي يكونو معاها ميديروش المكياج..وميلبسوش الضيق....الخ.هذا ليس دليل كافي
استخيري وانشاء الله اذا كان فيها الخير راح يسهلك ربي سبحانو كلشي

[lola22]

انتي قوليلي راح تجي ولالا اخر كلمة ما تبقايش تضيعي في الوقت وتخسري في الفرص اللي تجيك
واذا راح يطول هكة روحي وخليه يدبر راسكوا باسكوا حسب هدرتوا نتاع شهر ويخطب تبالي نورمالمو يديرها اذا كان باغيك صح
وبالاخص اذا كانت ضروفو قادر يخطب تبالي مكانت حتى حاجة معطلاتو باه يتقدملك.


المهم ربي يهنيك ويكملك وما تتسرعيش في قراراتك خاصة الزواج باسكو مهوش حاجة نهار ولا زوج راهوا نتاع حاة كاملة .
سلام

[صَمْـتْــــ~]

السلام عليكم
انا فتاة في 21 من عمري تعرفت على شاب وعدني بزواج بعد التعرف مباشرة قلي غير نتفاهمو نجي نخطبك
هو من نهار اول كان يمانع قلي حسب رايى الرجل مع المرة غير تفوت شهر بلا ميدير خطوة بعد التعارف يولى هو يتمسخر كيما نقولو يضحك عليها و انا عندي 6 اشهر ماي عرفتو
تفاهمت معاه انا .حتى هو قلي خلاص الباقي خليه ليا انا سكت كل يوم نستنى فيه مي هو مدار حتى خطوة باه يبيلي بلي راه ناوي الحلال كامل الهدرة لي كان يقولهالي خرجت ماشي صح كامل الوعود خرجت كذب في كذب
شرط عليا منخرجش من الدر وافق مع العلم انا خدامة و و حبست كل شي نحلي كامل الصوالح لي ماشي ملاح لي كانو فيا لباس و خرجات المكياج الحمد الله و انا اقتنعت بيه
المشكل دروك انا راه يخطب فيا شخص ثاني كي خبرتو هو كي شغل مامنش بنتلو راني نكذب عليه و انا والله لا صح
تبدل خلاص والله العضيم مع العلم الشخص اول اهدر مع اب تاعي مي غير من بعيد قلو راني جاي الا كتب ربي مي مكملش كلامو ماوصلش لدار
واش ندير دروك واش نقولو كيفاه نفهمو بلي كلامي صح
الله يرضى عليكم عاونوني

السّلام عليكم ورحمة الله وبركاته

أختي هذه الأمور تندرج ضمن أقدارنا...ولا علم لأيٍّ منا بما كتبه الله لنا
والحلّ أختي ودون تردّد هو استخارة الخالق لأنّه يعلَمُ ولا نعلَم..
فقد نشيرُ عليك بأمرٍ لا ينفعُك وفيه ضرر لكِ لا قدّر الله أمّا استخارة الله فلا تسبّب خيبة أملنا إذ لا ضرر فيما سيوجّهكِ إليه لأنّه سبحانه الأدرى بما ينفعُك.

ثمّ إنّ إطالة الشابّ الأوّل في زيارة بيتكم لأجل خطبتِك قد يكون بفعل ظروفٍ ما أو يكون سببا قدّره الله إن لم يكُن بينكما نصيب..

فاستخيري الخالق واصبري وسوف تنالينَ ما يرضيكِ إن شاء الله.

[نجمة ساطعة]

يااااااااااااا سلام سلم مازال حتى ما خطبنيش نبطل على جالو كل شيء علاه مخلوعة و الا فرحانة

نقولك حاجة تبانلي مدام مكانش سبب نحيه و احقريه و اعتبري كل ما تعرفتيش عليه و انتظري مكتوبك اوكي

[أكوام الورد]

يا أختي ماتعلقيش على هاد الإنسان آمال كاذبة خمي بعقلك و خمي فالشي اللي يخرجك نتي ماغلطتيش معاه عطيتيه فرصة و ماشتي منه والو حطيه قدام الأمر الواقع و حاولي تعرفي نيته هكدا تكون الأمور واضحة و يلا تقدملك الإنسان الي خطبك مالباك و لا إنسان وحداخر وجاك مليح قبلي بيه أختي هاد مجرد رأي و نتي تعرفي اللي يخرجك و كتري مالدعاء ثم الدعاء وربي يفرج إن شاء الله

[arbkhay]

اختي قاع رانا كيف كيف وضيعنا شعال من خطاااااااااب علي جال لي نحبوهم بصح يتري لي نحبوهم يحبونا ناوين الحلال معانا شوفي ختي هدري معاه للمرة الاخيرة ومتضيعيش هدا الخطاب من يدك خاصة ادا كان راجل لباس بيه

[عبد العزيز البدري]

يا ختي لا نصحك بكلام معه
فهو مزال غريب عنك وهدا شرعا حررررررررررررررررررررررررررررررررررررراااااااااااا اااااام
راكي رايحة تغضبي في ربي
كيف تريدن البركة وانت تريدين ان تبدئي حياتك بالحرام
كيف تزوج اسلا فنا
انا ابي لم يكن يعرف امي ولا تعرفه
والحمد الله والله يبارك عيشين مرتاحين
ادا حب الحلال يجي يخطبك
وايتكم معاك في داركم
قوليلو ادا حب الحلال ارواح لدار ولا السلام بيناتنا

[lilou f lilou a]

ربي يهديك أختي بطلتي على جالو هههههههههههه راه كلحك وكون جا ولد فامليا راه تقدملك
ربي يعاونك

[نور اليقين جيداء]

elahoma ihdina lima tohiboho w tardah

[ريمة89]

اختس اجابة سؤالك في محتواه يعني
شوفي هو قالك يفوت شهر معناه راه يلعب ماتقوليلوا والوا اقطعي علاقتك بيه واتزوجي بهدا اللي جا الدار واتكلي على ربي وكي يحب يفهم قوليلوا انت قلت شهر ونجي نخطب انا عطيتك 5 ومادرت والوا وانا الراجل اللي ماعندوش الكلمة وش من حياة راح نعيشها معاه قوليلوا قررت نتزوج و ربي يفرج عليك

[achouak11]

يا ختي أنا بعدا وحدة فاتت عليا كيما هذي و علاش تحبسي كلشي على جاله و هو ميستهلش و من بعد تندمي على كلشي زيدي معليش أعطيه فرصة أخرى أعطيه كأقصى حد أسبوع ولا ماجاش لدار غي ماكان لاه تضيعي الوقت و تضحكي على روحك و ديري صلاة الاستخارة و كلشي يبان إنشاء الله.

[manel13]

هدري معاه بصراحة,, و الا شفتيه يتهرب عرفي كلشي كدب
و كل شي بالمكتوب

[صُبح الأندلس]

ربما الشيء الحسن الوحيد الذي فعله أنه كان سببا في تغيرك نحو الأحسن كما قلت
المهم الرجل إذا لم يقدم على خطوة الخطوبة و ظل يسوّف و يؤجل و يتعذر بالحجج فاغسلي يديك منه خاصة إذا قلت له أن هناك من يخطبك و لم يصدق لأن مثل هؤلاء الرجال يظنون أنفسهم يتفضلون على الفتاة و أنهم لولاهم ما خطبت أو تزوجت، أما من كانت نيته حسنة فيسارع بخطبتها خوفا أن تضيع منه