عقلية الرجال

[مشكلتي]

مشكلتي هي خطيبي
انا مخطوبة لشاب عشت معاه قصة حب منقولش خيالية لكنو كان يحبني من و انا صغيرة و انا مكنتش علابالي استناني حتان خلصت قرايتي و صارحني تعارفنا في تلفون مدة عام و جا خطبني و الحمد لله رانا مفتحين

لكني حاساتو تبدل
يعني ماشي كيما الايام الاولى تاعنا كيما درك

نمدلكم مثال
عندو اربعة ايام كان مسافر و اليوم رجع عيطلي قالي راني لحقت و قالي راني راح نرقد
رقد و كي ناض عيطلي و قالي ممبعد نعاودلك

لحق الليل و انا نبيبي و نبيبي و نبيبي
حتان كرهت بعتلو قتلو راني مريضة (و انا فعلا مريضة) و مش قادرة نسهر
عيطلي قالي ياك الويك اند
قتلو مش قادرة
و كي سقسيتو وينك قالي راني مع جماعة نحوسو

يعني اربعة ايام بعيد ما هدرناش و ما شفناش بعضانا و كي جا جا متوحش صحابو؟؟؟؟؟؟

و انا مطلوب مني نبقا نستنا فيه للوحدة كي يولي للدار و يعيطلي
لكن هو انا ديما نساعفو و كي يكون نعسان نخليه يرتاح

قولولي واش رايكم و خاصة فهموني في عقلية الرجال هادي
يا هل ترى صح هو تبدل ولا انا لي نتوهم
ولا في بداية الامر كان تمثيل و كي حكمني في يدو ولا يتعزز

[hamzagolf6]

عجبتني عقليتو هاذ السيد نحييه بالمناسبة ونقولو يعطيك الصحة هذا باين فيه راجل وفحل وماخليش النساء تحكم فيه
ركزيلي على
لحق الليل و انا نبيبي و نبيبي و نبيبي

[manel13]

لا تخافي كلهم هكدا ...... اتركييييه على خااطروو و سيشتاق لكي

[sarah amira]

مشكلتي هي خطيبي
انا مخطوبة لشاب عشت معاه قصة حب منقولش خيالية لكنو كان يحبني من و انا صغيرة و انا مكنتش علابالي استناني حتان خلصت قرايتي و صارحني تعارفنا في تلفون مدة عام و جا خطبني و الحمد لله رانا مفتحين

لكني حاساتو تبدل
يعني ماشي كيما الايام الاولى تاعنا كيما درك

نمدلكم مثال
عندو اربعة ايام كان مسافر و اليوم رجع عيطلي قالي راني لحقت و قالي راني راح نرقد
رقد و كي ناض عيطلي و قالي ممبعد نعاودلك

لحق الليل و انا نبيبي و نبيبي و نبيبي
حتان كرهت بعتلو قتلو راني مريضة (و انا فعلا مريضة) و مش قادرة نسهر
عيطلي قالي ياك الويك اند
قتلو مش قادرة
و كي سقسيتو وينك قالي راني مع جماعة نحوسو

يعني اربعة ايام بعيد ما هدرناش و ما شفناش بعضانا و كي جا جا متوحش صحابو؟؟؟؟؟؟

و انا مطلوب مني نبقا نستنا فيه للوحدة كي يولي للدار و يعيطلي
لكن هو انا ديما نساعفو و كي يكون نعسان نخليه يرتاح

قولولي واش رايكم و خاصة فهموني في عقلية الرجال هادي
يا هل ترى صح هو تبدل ولا انا لي نتوهم
ولا في بداية الامر كان تمثيل و كي حكمني في يدو ولا يتعزز
كامل يتبدلو ورا الخطبة :) عادي
ساعفيه برك و اصبري حتى تروحي لدارو و خرجي القديم و الجديد:1:

[عميروش الحر]

اشكي بيه لأقرب مركز بريد
/
/
/
/
/
/
/
/
/
/
/
/
/
/
/
/
/
/
/
/
/
/
/
/
/
/

هههههههههههههه
كنت غير نقسر
نوغمال راهو يتقلش

[dotZero]

إذا كان سفر من أجل العمل فربما عنده مشاكل في العمل
المشكل في العمل يسبب التوتر
في مثل هذه الحالة الشخص يفضل أصدقائه على زوجته
و لا تقولي لما لا يحكي لي؟
محبش يقلقك...هذا ماكان

[بلال الرومنسي]

حتى انتوما لبنات عندكم عقلية احم احم احم ........... خاصة الجزائريات صعاااااب بزاااااااااااااااف , خاصة رد العضوة - sarah amira

[faty05]

يا اختي عادي خليه براحتو يحوس مع صحابو
و انتي ارقدي و كي يعطلك فيقي من الرقاد هههههههه اذا قدرتي
ولا ابعثيلو ميساج قوليلو راني عيانة و راح نرقد صح تحويستك كي تكون وحدك اتصل بيا
يا اختي رآه جاي نهار لي راح تولو لبعض و ما تتفارقوش إذن خلي الوحش بيناتكم ديما قايم
خليه براحتو حتى يتصل بيك هو
و لا تجعلي من هكا موضوع مشكل
ربي يهنيكم في زوج و يجمع بيناتكم في اقرب وقت

[z.abdo]

عادي أختي لا يوجد أي شيئ

[ريمة89]

اختي راكي تقولي فتحنا وخطبني علاه مالا تتقلقي هد الساعة اللي نلقاها مخطوبة تشكي دايما من هد الموضوع سقسي اي وحدة مخطوبة تقولك انا ماراهوش يعيطلي وتبدل ختي ياك خطبك مالاعلاه تبدل انا ننصحك لاني جزت على هد المرحلة والله يجي نهار تتزوجي وتولي تضحكي تقولي مرضت روحي فالباطل عندك جهازك شغلي بيه نفسك وماتربطيش نفسك مع التليفون بزاف والله راهو قادر حتى يبعد بيناتكم بعيد الشر وقللي كلامك باه تبقاي حلوة وان شاء اللله تتزوجوا وتتهناو.

[aissa2008]

السلام عليكم

الامر عادي اختي تجي فترات يكون فيها فتور في العلاقة خاصة انوا كان مسافر وراه مليح كي كلمك لما وصل من السفر لانوا كاين البعض ما علابالوش كامل

ربي يهنيكم ان شاء الله

[MEDINBLACK1]

يا انسة المهم هو محافظ على الاتصال
باش ديريها فى بالك الرجل لا يحب اكثار الكلام فالكلام بالنسبة له مجرد ايصال معلومة اما انتم فتستعملون الكلام كوسيلة للتواصل و المحافظة على العلاقات لازم تعرفي بلي راكي تتعاملي مع رجل و هو مختلف على المراة كثيرا .. ابحثي فى الحاج قوقل ....

[نجمة ساطعة]

عجبتني عقليتو هاذ السيد نحييه بالمناسبة ونقولو يعطيك الصحة هذا باين فيه راجل وفحل وماخليش النساء تحكم فيه
ركزيلي على
لحق الليل و انا نبيبي و نبيبي و نبيبي

ههههههههه هذا الرد الزاوج ليك اللي قريتوا لووووووووووووووووووول:1::1::1:

[نجمة ساطعة]

والله العظيم يا اختي هناك حل سحري جربيه و تشوفي قسما بالله تشوفي بنفسك

احقري جدو كل ما تسوليش عليه جيبي ربعة خمسة ايام بلا ما تسولي و رديلي خبر

الرجال كي يحس بلي تكمن يبدا يتقلش غير تزليه يرجع يجري و يحلل

[عُضو مُحترم]

علاه مكتوب في العقد

بلي لازم تهدري معاه بعد مُنتصف الليل

؟؟؟؟؟؟


نصيحة نقّصي تيليفون

[arbkhay]

كامل يتبدلو ورا الخطبة :) عادي
ساعفيه برك و اصبري حتى تروحي لدارو و خرجي القديم و الجديد:1:
ههههههههههههه والله غير عندك لحق ختي سارة دحكتيني :mh31:

[arbkhay]

علاه مكتوب في العقد

بلي لازم تهدري معاه بعد مُنتصف الليل

؟؟؟؟؟؟


نصيحة نقّصي تيليفون


انا راني معاك في هدي لهدرة وانا ضد كامل لبنات لي يهدرو في تيليفون حتي خطيبك

[Rima mimi25]

نقصي معاه الهدرة في التيليفون و متخليهش يتقلش تقليه وحدو وحدو تلقايه عيطلك

[ام رحوقة]

عادي اختي مرة على مرة وارخيله الحبل خليه يبعد شوية باه يرجع يحن ويشتاق ماتزيريش عليه بزاف باه مايكرهش منك
وربي يوفقكم

[sarah amira]

حتى انتوما لبنات عندكم عقلية احم احم احم ........... خاصة الجزائريات صعاااااب بزاااااااااااااااف , خاصة رد العضوة - sarah amira
و الله لازم نديرو 1000 حيلة باش نعيشو مع رجل جزائري بسلام :1:الله غالب

[the black perl]

اختي لازم تعطيلوا بعض الحرية باش مايحسش بلي راكي خانقاتو ودايرة عليه الحصار
وربي يوفقك اختي وينورك طريقك