ساعدوني

[نيفرتيتي.]

اخواتي امس كتبت موضوع الذباب ولم اجد الرد الكافي راه هبلني وحتى الوسخ تاعو اعزكم الله اسمحولي في الكلمة هادي.
االماعن الستائر كلش كيفاه ندير ماشي غير انا الناس كامل يشكو منو في المنطقة اللي راني ساكنة فيها وحتى المبيد يقتله الفترة هاديك وبعد يعاود يرجع واش ندير للستائر والاواني راني كل صبا نغسل الاواني اللي نستعملهم كامل وانا خدامة وراكم على بالكم مشكوووووووووووووووووورين:sdf:

[هبة الكوثر]

كي تغسلي الزجاج تاع النافد زيدي للماء قطرات خل ولي اغلقي ظلمةى الحالة شوية وبيدون لاببال حاشاك غطيه مليخ لا خرجيه من الدار
وكاين لي يديرو بيادن تاع الماء فوق البوطاجي يزيدلهم الخل الخل يهرب الدباب ان شاء الله نكون افدتك

[نيفرتيتي.]

شكرا اختي على المعلومة انا كي نغسل الثلاجة ندهنها بالجافيل اللحظة هاديك يهرب للعشية والا الليل يعاود يولي مام البيدون تاع البوبال اعزك الله فيه ساشي ومغطي ونضيف راهو حتى الميكرو والبلازما مامنعوش من الوسخ تاع الدبان حاشاك وانما دايما نمسحهم بالبرودوي السبسيال بصح درك يجي نهار ويفزدو لاني نحي الوسخ بصعوبة حاشاك

[ام مرية]

اختي السلام عليكم ورحمة الله وبركاته عليكي بالقطران راه تهرب منو كل الحشرات وحتى العقارب والثعابين باش تعرفي فعاليتو دري فنجان ولا كاش حاجة فيها القطران بدون غطاء وشوفي النتيجة او نعطيك فكرة اخرى كانت تستعملها جدتي باش تبعد الحشرات ووووو
تعمل خرقة قدام الباب وترشها بالقطران ما يدخل والو من هاد الحشرات انتي ديري في النوافذ والباب الخارجي اما سطل القمامة ديري نشاف وشبعيه قريزيل وغطي بيه السطل ونفس الفكرة للمجارية حشاك ودائما غلي شوية نعناع ريحتوالعطرة تهرب منا الحشرات القذرة ان شاء الله نكون افدتك حنونة

[نيفرتيتي.]

بارك الله فيك اختي ام مرية نحييك على اهتمامك انا من التل وساكنة في الصحراء وهبلني الذبان والعقارب اول امس مارحتش نخدم قلت نرتاح في الدار حبيت نكنس الدار ونرتاح كانت الدار نظيفة هزيت الزربية لقيت عقرب في الدار اللي راقد فيها ابني وليت هزيت البيوت كامل وسيقتهم لقيت وحدة اخرى في التواليت حاشيك ولغدوة لقيت وحدة ثالثة في الدوش كبيرة وحية راح نبكي قتلتها ودرت القطران في الدوش وقدام الباب برا واحوش ودرك نكمل الطاقة بصح ماعلابليش بيه مليح حتى للذبان كيفاه نديرو في الكوزينا للذبان على بالي طولت عليك بصح مالقيتش حل حتى نرحل بعد شهرين

[ام مرية]

عادي ديريه في الكوزينة هو ريحتو تهرب الذبان يعني في فنجان ولا كاس ولا اي شيئ حبيبتي وعادي ما طولتي ما والو اي سؤال راني هنا اسمحيلي طولت باش رديت عليك

[نيفرتيتي.]

مشكوووووووووووووووورة حبيبتي