موضوع للنقاش من هو الاهم الزواج ام السكن

[ملابس]

موضوع للنقاش من هو الاهم الزواج ام السكن ومن يؤتي في الاهمية القصوي الزواج او السكن :1:

[ام نسمة]

الاثنان كلاهما لا يمكن الاستغناء عنه لكن ادا لزم الامر السكن قبل

[دعاء الملائكة]

قال الله تعالى : { وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} (21) سورة الروم
الزواج هو سكنك

[-العائد الى الله-]

انا اقول الزواج

خاصة في وقتنا لو كان تعاند البنيان رايح تبقى ل 40 سنة بلا زواج

[younes8509]

السكن اولا لانه بصراحة الزواج في الوسط العائلي انتحار وهذا عن تجربة طبعا ليس مجرد كلام وكل من تزوج قبل ايجاد السكن اصبح يتخبط في مشاكل ووصل الامر الى الطلاق .
انصح كل مقبل على الزواج ان يجد السكن اولا ثم الزوجة ثانيا.
في الوسط العائلي لن تتمتع بنعمة الزواج فتجد نفسك محاصرا من كل جهة ولا داعي للتفاصيل

[hydraulique51]

السكن هو الاول
وللضرورة احكام

[z.abdo]

بما أني نشوف الوقت بدأ يمضي نقول الزواج أولا

لأني سابقا كنت أقول السيارة ثم السكن وفي الاخيـــــــــــــــــــــــــــــــــــــــــــــ ــــــــــر باش نفكر في الزواج
الله غالب الحال فات

[مباركة 1961]

سلام....
انا ارى ان الزواج ياتى اولا ثم ثانيا ثم ثالثا ورابعا....وبعده السكن فالسسسسسسسسسسسسسسسسسسسيارة....

عندما تجد بنت العئلة ستشاركك وتقاسمك كل ايجابياتك وسلبياتك ...وحتى وان كان عندك امك واخواتاتك واعرين راه رايحة تتحمل على جالك وبالعكس ستحاول وبكل الطرق اكتسابهم بالحسنى واكيد اهلك ادا ماراوا اخلاقها الطيبة سيحبونها ويعاملونها كاحدى افراد العائلة وقد يفضلونها عنك __مستقبلا _تحيا زواج العائلة

[aliach]

انا اقول الزواج

خاصة في وقتنا لو كان تعاند البنيان رايح تبقى ل 40 سنة بلا زواج
انني علي مشارف الاربعين ولم اتزوج

[aliach]

السكن اولا لانه بصراحة الزواج في الوسط العائلي انتحار وهذا عن تجربة طبعا ليس مجرد كلام وكل من تزوج قبل ايجاد السكن اصبح يتخبط في مشاكل ووصل الامر الى الطلاق .
انصح كل مقبل على الزواج ان يجد السكن اولا ثم الزوجة ثانيا.
في الوسط العائلي لن تتمتع بنعمة الزواج فتجد نفسك محاصرا من كل جهة ولا داعي للتفاصيل
شكراعلي الرايك الحكيم

[نسائم الصباح]

السلام عليكم وجمعة مباركة
مع أني شفة الويل مع بيت العائلة إلا أني أقول الزواج أولا ثم السكن
لأن العمر يمشي لا ينتضر .والزوج كي يشوف نفسُ محاصر بسيف عليه يجيب سكن .ولاكن عندما يكون مش مزوج .الزمان يجري بيه وهو مش فايق .وخير دليل أخي مع أنه عنده سكن .ولا كن لايوجد العمل

[أمال جيجي]

اكيد طبعا السكن اهم

[الأمنيات]

ارى الزواج اولا رغم ان زواج في العائلة فيه مشاكل لكن الوقت يمر

[blackTears]

الوقت الحالي العقليات تبدلت الزوجة متلاويش العائلة و العكس صحيح
على الأقل باه الواحد يتجنب المشاكل الكثيرة
أنا نقول السكن أولا

[dotZero]

السكن
و إذا تزوجت بلا سكن رايح تشبع الذل
مرتك تمسح بيك اللرض
فلا خير في شيء تكون فيه ذليلا

[chamam]

السكن طبعا ...تم الزواج ..

[امينة تيارت]

قبل السكن الاختيار الصحيح للزوج و الزوجة ثم ياتي السكن ان سهل الله علهم بسكن من حلاله الله يبارك لكن انو نسبقو موضوع السكن على الزواج في وقتنا الحالي و مع مانعيشه من غلاء في الاسعار غير منطقي :confused:الان كي ولات البطاطا 100دج و لا زدت خممت في السكن باش تتزوج يا ماراحش تتزوج و يليق باه نديرو سكن :sdf:نخمو في السكن الروحي اما السكن الاجتماعي الصبر ثم الصبر ثم الصبر:19:

[ريمة89]

اخي الزواج هو الاهم لانوا فيه البراكة وربي يباركلك فزواجك ممكن المراة اللي جبتها تربح عليها ممكن ......................
اما السك مالا اللي ماعندوش مايتزوجش لالالالالا
هدي العقلية اللي خلات لي جان كامل يخافوا الزواج انت انوي الزواج وخلي كلش على ربي يعني تسكن مع داركم منك من الناس حتى يفرج ربي عليكم تصيب روحك بولادك ومرتك والسكنة ان شاء الله والله انوا الزواج نصف الدين سورتوا في هد الوقت اللي كترت فيه العيوب ونقصت التربية الا من رحم ربي وولات المتربية معقدة وماشي نورمال امالا انا بالنسبة ليا الزواج هو اللول امبعد الدار لانوا كيما كتب ربي راح نعيشوا

[أميال18]

كلاهما مهم
الزواج يحتاج لسكن
و
السكن بدون زوجة ليس سكن
برأي الأهم الأول هو الزواج إن كان يملك و لو غرفة في بيت أهله
و السكن هو الأهم إن كان لا يملك حتى غرفة واحدة

[يونس معبدي]

اخي الزواج هو الاهم لانوا فيه البراكة وربي يباركلك فزواجك ممكن المراة اللي جبتها تربح عليها ممكن ......................
اما السك مالا اللي ماعندوش مايتزوجش لالالالالا
هدي العقلية اللي خلات لي جان كامل يخافوا الزواج انت انوي الزواج وخلي كلش على ربي يعني تسكن مع داركم منك من الناس حتى يفرج ربي عليكم تصيب روحك بولادك ومرتك والسكنة ان شاء الله والله انوا الزواج نصف الدين سورتوا في هد الوقت اللي كترت فيه العيوب ونقصت التربية الا من رحم ربي وولات المتربية معقدة وماشي نورمال امالا انا بالنسبة ليا الزواج هو اللول امبعد الدار لانوا كيما كتب ربي راح نعيشوا

اختي الكريمة مع احترامي لردك
لكن اريد ان استفسر حول نقطة مهمة وهي
في الوقت الحالي لم يعد هناك فتاة تقبل العيش مع اهل الزوج الا من رحم ربي
...اصلا اصبح من شروط قبول الزواج في وقتنا السكن الخاص الذي تشترطه الزوجة ..

ام عن السكن قبل الزواج ام بعده
هذا يتحكم فيه الفتاة
فاذا كانت من الذين يقبلون العيش مع الاهل بما تيسر للزوج من غرفة و ..بها ونعمة
اما اذا كانت من الذين يريدون السكن ( وليس اي سكن ) فهذا ما يساعد عزوف الشباب عن الزواج اليوم
وخلاصة القول
السكن قبل الزواج على ان يكون السكن عادي وليس مبالغ فيه على الاقل حتى تتيسر الامور على الزوج ..

مجــــــــــــــــرد رأي

[Rima mimi25]

السكن تاني يعتبر مهم باش المرأة ماتتميزرش مع العايلة و يبداو في المشاكل و مبعد الطلاق دورك عادو يشرطو السكنة قبل بصح كاين مشكل الا المرأة بقاة تسنا فلي عندو سكنة ماتتزوجش أيا الراجل قبل و منبعد يفرج ربي

[chaouiya]

الزوج اولا واذا اعطاك الله لم لا السكن

[بنتوخة]

والله كل منهما له من الاهمية مالايمكن الاستغناء عنه بداية الرحلة نحو تكوين اسرة تكون بالبحث عن الزوج وقد يصادف ان المراة تتغاضى عن بعض الاشياء ان صح ان نسميها كذلك في مقدمتها السكن لانها ترغب فقط في الحصول على رفيق دربها وبمجرد دخولها القفص تبدا مرحلة جديدة وهي الخصوصية خاصة اذا كان البيت بيت العائلة وهي الظاهرة التي انتشرت كثيرا في مجتمعاتنا وساهمت بشكل اوباخر في رفع نسب الطلاق اذا وحسب هؤلاء الزوج ثم السكن وحسب رائي الشخصي الزوج ومعه السكن اللهم بارك والا الزوج وبعدها نعمل معنا من اجل توفير السكن:rolleyes:

[ملابس]

والله كل منهما له من الاهمية مالايمكن الاستغناء عنه بداية الرحلة نحو تكوين اسرة تكون بالبحث عن الزوج وقد يصادف ان المراة تتغاضى عن بعض الاشياء ان صح ان نسميها كذلك في مقدمتها السكن لانها ترغب فقط في الحصول على رفيق دربها وبمجرد دخولها القفص تبدا مرحلة جديدة وهي الخصوصية خاصة اذا كان البيت بيت العائلة وهي الظاهرة التي انتشرت كثيرا في مجتمعاتنا وساهمت بشكل اوباخر في رفع نسب الطلاق اذا وحسب هؤلاء الزوج ثم السكن وحسب رائي الشخصي الزوج ومعه السكن اللهم بارك والا الزوج وبعدها نعمل معنا من اجل توفير السكن:rolleyes:
راي سديد وشكرا علي التوضيح

[فتـ حييةـاة]

انا نظن الزوجة الصالحة هي المطلب الاساسي لكل زوج يعني السكن يمكن يجيبو باي طريقة وكاين شحال من طريقة وسكن يجيبو يجيبو يالوكان على 20سنة بصح ياهل ترى يقدر يلقى الزوجة الصالحة اللي تسعده وتضحي من اجله وتحافظ على بيته وشرفه واولاده وامواله واسراره وتحمل فقره زعافه عقليته مزاجه ؟؟؟؟؟
انا نظن الزوجة الصالحة هي الاساس الزوجة الصالحة تقدر تسكن معاه في اي مكان مع العائلة في كوح فالشارع بصح لو ماتكونش بنت اصل يعيش معاها في قضر ومايسلكش
انا نختار الزوج الصالح ثم السكن

[همسة مشاعر]

السكن اولى لانوالحياة تبدى فيه واذا تحتمت الزواج اولى لانو الاولى خاطر كاينرجال يوصلول50 سنة وميديروش دار

[mohamed160]

سلام عليكم . انا نقول الزواج اقبل خير . وانا من ناحية المسكن الحمد لله . الله ارزقنى بالمسكن وان شاء الله يرزقنى بالزوجة الصالحة

[achwak.1993]

شخصيا أفضل أن يكون لي سكن خاص

[بيان 5]

الزواج اولا ثم السكن

[aissa2008]

السلام عليكم

انا بالنسبة ليا الزواج اولا ثم السكن مع انوا حتى ودارنا كبيرة ماشاء الله

بصح تحي في الصبر العامين الاولين من بعد الواحد يستقل براسوا اذا سمحوا فيه والديه ههههههه

ربي يوفقكم

[*سيرتا *]

هل الزواج اولا يعني لا بد ان يكون مع العائلة??? هناك حل مؤقت اسمه الكراء

[MIWAKE]

صراحة انا لا استطيع الزواج و العيش مع والدي حتى لو كان بيتنا عبارة عن قصر وفيه 30غرفة انا افضل كراء بيت ذو غرفتين افضل لي لاكون حر مع زوجتي فاذا اردت شراء لها هدية او اخدها للمطعم لتناول العشاء سيكون الامر اسهل اما اذا كنت مع عائلتي عيب ان اشتري للزوجتي وترك امي و اختي وابي ولا اخدهم للمطعم الا ذا كان لدي المال كثير .
كذللك اذا ضحكنا او بكينا او تشجرنا فانا و زوجتي احرار ولا اريد ان تعرف عائلتي هذا فهي حياتنا الشخصية فانا لا يمكنني الزواج الا استطعت كراء او شراء بيت شكرا