جاوبوني

[مشكلتي]

السلام عليكم

انا شاب . 21 سنة . طالب جامعي و الله البوم راح نحكيلكم على حاجة صراتلي و الله تحيروا . اليوم كنت نمشي عادي في الطريق و اذا بشخص مجهول يحكي معي و قالي " نوصلك في طريقي قتلوا لا بارك الله فيك راني قريب نوصل " شوية هاك عاود فات عليا و هاد المرة نزل من السيارة و بدا يحكي معايا و ملخص القصة يحوس يدير معايا علاقة .
" لااله الا الله محمد رسول " و الله تشوكيت ملقيت منقولوا خليتوا و امشيت قعد يتبع فيا و ديرونجاني في الطريق و الله العظيم حتى روحت في طاكسي
كي وصلت للدار وادخلت للغرفة و الله قعدت غير نخمم و انقول يعني لاه من دوم الناس كامل جا غير ليا واش العياذ بالله راني نشبهلهم
لبسي عادي جدا و مشيتي كيفكيف
ياربي و الله اليوم قريب ما جاتني سكتة قلبية

لااله الا الله محمد سول

الناس هبلت صح و ماراهيش خايفة من ربي

يرحم والديكم قولولي واش اندير باه نحي هاذ الشوك انتاع اليوم

[z.abdo]

ربي يهدي الناس

ممكن راه غالط في أحد ما يظنك أنه انت لأن كاين ناس تعرضو للقتل أو الضرب لكن ف الأخير يكون ليس هو المقصود

يعني ممكن هو قاصد شخص ما أخطأ فيك أنت ولاتشغل بالك أبدا


خصوصا انت قلت أن لبسك ومشيتك عادي مثل الناس لأن إذا كان سروالك أو مشيتك من هذوك الناس فلا تلومه

[batoul2000]

يا اخي شا نقولك الله يهدي الجميع .......المهم انك تكون انسان مؤمن و تخاف ربي
و تاكد من ملابسك و هيئتك و ان شاء الله ربي يحميك

[بنت الحجاج]

كُون كَسلتُو بطريحة تاع كلابْ

باش تبينلو بلي راك راجل عليه

و يندم على النهار الي طلب منك حاجة هكذا


ماشي تهربْ الطاكْسي !!!

[الواثق]

يا اخي اذا كنت شاب ............عليك ان تكون رجل في لباسك وتصرفاتك وكل شيء وصاحب الرجال فان اكثرت صحبة النساء والشباه النساء ستكون بمثل تصرفاتهم..........فاتقي الله...........وانصحك لاتجعل خدك مثل النساء خلي لحية الرجولة تظهر عليك ولاتجعل شعرك مثل النساء ولاترقق صوتك مثل النساء خلي صوتك كالاسد ....... .......سبحان الله ..........والله المستعان

[حنان شلفية]

اولا اخى هدو فئة من الناس وعيذ بالله يختارو فريستهم مليح يعنى يختار واحد يكون راجل عليه فهمتنى انت الا زاد تبعك وديرونجاك لازم تروح تخبر شرطة
وانت بماانو قلت تلبس عادي وتمشي عادى اما يكون سراق او يكون شاذ استفر الله

[hamzagolf6]

اخي ربي يسترك

[soso sirin]

الله يهدي ماخلق تعرف انا قريت القصة راني تشوكيت ماشي حتا انت الي صرالك حاجة كيما هكاا نا كون منك كون رحت نيشان لابوليس هاذا حيوان ماشي انسان و زيد انت راك كبير خويا و تعرف صلاحك و عرفت واش تقولو خمم كون جا طفل صغير الوقت الي لحقنالو تخاف على الطفل و على الطفلة.تعرف والله قلبي راه يدور ................ ربي يهدي ماخلق ............................ خويا صح اذا كانت مشيتك و لباسك عادي ماتقلقش روحك كاين ناس مهابل و خلاص و المرة الجاية ماتتمشاش وحدك بزاف و اذا رجع ليك مرة وخدخرى ماتستناش تروح للدار روح لابوليس نيشان ربي يحفظك خويا

[loulou88]

السلام عليكم اخي الكريم
انت رجل ...........لا تخف منه ولا تعر القصة اي اهتمام ولا تشك ابدا في مدى رجولتك مادمت تتصف بسيماتها .
في المرة القادمة إذاا اراد التقرب منك لا تهرب اوقفه عند حده وحاول اخذ رقم سيارته لتستطيع التبليغ عنه
اذكرك لا تشك ابدا في رجولتك
حفظك الله

[fr95]

لا حول و لا قوة الا بالله عجب
خويا كون عطيتلو تريحة مليحة ضرك يفهم

[z.abdo]

يا اخوتي من الأحسن لاتعقدو الأخ ربما هذا الحقير غلط في العنوان فقط مش بالظرورة قاصد الأخ

وإذا أعاد الكرة مرة أخرى فهناك حديث آخر لأن صاحب الموضوع بهذه الطريقة راح يحس بالنقص في نفسو انا اول من رد على موضوعه لكن لم أحب أن أقول ما قلتوه لأنه بصراحة راح يحس بالنقص هكا

الرجاء تقبل رأي

[اسعى لرضى الله]

يا خويا واش نقولك ما تشوكا ماوالو ياخي انت الحمد لله قلت بلي لبستك عادية ومشيتك ثاني , العيب مشو فيك راه فيه ربي يهدي ما خلق

واحمد ربي على نعمة الدين والعقل

[aissam .3820]

لا تشغل بالك يا اخي....
...

ممكن يكون فيه العيب وليس فيك...
...

ويكون واش دايروا في بالك انت راهو فيه هو..
..
يعني اقلب المعادلة ..
...
وراهي آفة منتشرة بكثرة يعني مش حكاية سيارة ولا سن ولا اي حاجة..
..
ربي يهذي ما خلق..


..

[sissi123]

الأكيد انك أعجبته فمثل هذه النوعية يبحث عن رجل يجده جميلا ، تماما كما يبحث الرجل عن المرأة الجميلة ليعاكسها

فالمشكل ابدا ليس فيك المشكل في هاد الانسان الشاذ ، و من الأفضل لو تبلغ عليه الشرطة باش يتربى

[اسيل الحلوة]

[QUOTE=z.abdo;9475560]يا اخوتي من الأحسن لاتعقدو الأخ ربما هذا الحقير غلط في العنوان فقط مش بالظرورة قاصد الأخ

وإذا أعاد الكرة مرة أخرى فهناك حديث آخر لأن صاحب الموضوع بهذه الطريقة راح يحس بالنقص في نفسو انا اول من رد على موضوعه لكن لم أحب أن أقول ما قلتوه لأنه بصراحة راح يحس بالنقص هكا

الرجاء تقبل رأي[/Q



أنا رأيي من رأي عبدو ما تتشوكا ماوالو بالا غلط فيك ولا حب يجرب روحو خاصة يلا كان هو grand de taille que toi
فوتها عيش حياتك نورمال ماتعقدش روحك الله يهديه

[بلحاج443]

جاي تشكيلنا هنا واش دارلك


كان عليك أن تتصرف معه تصرف الرجال و إلا خفت منه عنده الحق يظن فيك الظنون

الرجال ما يفوتوش حاجة كما هذه

[milannilo]

السلام عليكم ورحمة الله وبركاته

اخي الكريم ان كنت كما قلت لبس محترم ومشية محترمة فلا عليك منه هذا مجرد ابتلاء وربنا يوفقك في حياتك

[proxy99]

حدث معي نفس الشيئ بعد صلاة العشاء وحدي في الطريق للبيت ادا بسيارة تتوقف بجنبي ويقول لي صاحبها خويا نوصلك
نظرت فيه ماعرفتوش قولتلوا وين توصلني قالي وين حبيت ادا كان في طريقي قولتلو خويا انا مانعرفكش الله يسهل
قالي ماعليهش سمحلي
كنت امشي عادي وأحمل قارورة حمود ربما ظنها قارورة خمر او ... الله يسترنا

[- بصمة خير -]

الاخ أول مرة يتعرض لموقف هذا

لاه راكم تلوموا في التصرف تاعوا ؟؟؟؟؟

راهوا يسقسي باش يعرف واش يدير اذا زاد تعرض لموقف كيما هذا


اللهم صلي و سلم و بارك على سيدنا محمد

[hamzagolf6]

اخي اذا شفتها ماتعجبش
ارفد في جيبك موس
واذا زاد هدر معاك راك تعرف كيفاه تخلهالو
ديجا كي تروح لابوليس واش راح تقولهم وهوما زعما كلش بالادلة
انا جامي امنت بلي كاينة بوليس في الجزائر تدافع عن المواطنين
ديما ندافع على روحي وحدي ونرجع حقي بنفسي والحمد لله

[الورود المنسية]

ربي يهدي الناس

ممكن راه غالط في أحد ما يظنك أنه انت لأن كاين ناس تعرضو للقتل أو الضرب لكن ف الأخير يكون ليس هو المقصود

يعني ممكن هو قاصد شخص ما أخطأ فيك أنت ولاتشغل بالك أبدا


خصوصا انت قلت أن لبسك ومشيتك عادي مثل الناس لأن إذا كان سروالك أو مشيتك من هذوك الناس فلا تلومه

[مناد بوفلجة]

أستغرب في بعض الردود التي لامته على عدم تصرفه بقوة و حزم , حينما تصرف بحكمة

فربما هو إنسان بسيط مؤمن , يتخذ أسرع الطرق للإبتعاد على المشاكل

فــ ماذا لو ضربه , فتدخلت الشرطة أو إشتكى به هو , و وضعه أمام أمر واقع ,
هو التنازل عن القضية مقابل أشياء أخرى

الله يهديكم يا جماعة

هو يريد أن يسأل فقمتم أنتم بالهجوم عليه

حسنا , هل ظاهرة التعرض تلك , هي أهون من ظاهرة تعرض الشباب الطائش لــ بنات الفاميليا و الأصل

ربما لو قمتم بعمليات حسابية بسيطة , ستجدون بأن آلاف العائلات قد شردت و شتت بسبب ,
إنتهاك الحرمات و الإعتداء على بنات الأصل , إستعرضوا عضلاتهم على بناة صغار أنتهكت أعراضهن

الرجولة هي ليست فقط شدة و قوة عضلية , بل الرجولة هي حياة في حد ذاتها
حيــــــــاة , بجميع جوانبها

أقول

الله يهدي ما خلق

[frer]

سبحان الله
السيد يقولكم حار فيه و انتوما تقولوا لاه مدربتوش و لاه مدرتلوش تخيلوا لوكان دربوا ترجع قضية اخرى
و الله في هاد الوقت انتشرت هذه الظاهرة الله يجيب الخير

[سآجدْ للهْ]

|||ردد معي|||~~~|||~~~|||الله|||~~~|||أكبر|||
|||~~~|||~~~|||~~~اللهم ارزقنا الجــــــــــــــنه امين
|||ردد معي|||سبحان|||~~~|||الله|||~~~|||وبحمده|||

يآ اخي كثرو الباهلا في الجزآئر
لوكان كسلتو بطريحة نتاع دوآب وخليتو شلامة امام الغاشي ..

|||ردد معي|||~~~|||~~~|||الله|||~~~|||أكبر|||
|||~~~|||~~~|||~~~اللهم ارزقنا الجــــــــــــــنه امين
|||ردد معي|||سبحان|||~~~|||الله|||~~~|||وبحمده|||