سؤال للبنات ؟؟؟ و أيضا للذكور !!!

[فقير و باغي نطير]

السلام عليكم

لماذا لا تفضل البنت الرجل الملتحي و الذي يلبس قميص و تحتها سروال قصير

و تنظر اليه على ان الحياة معه جحيم و ليس لها طعم

و تضن بأنه لا يضحك و لايمزح و سيحرمها من أشياء كثير كانت تتمناها

و كذلك انه شحيح و متقشف و فيه رائحة الكافور و رائحة المسك

الذي يتعطر به الحجاج و كبار السن ؟؟

في حين أنه رجل مثالي و قلبه ابيض و مسالم و سيمكنها من جميع حقوقها فيما يسمح به القانون و الشرع ؟؟؟؟؟

[عُضو مُحترم]

يسموه قميص مش تنورة

[naima2011]

هذه حريتها ....................وليس جميعهم يطبقون الشرع ................المضاهر خداعة

[فقير و باغي نطير]

يسموه قميص مش تنورة

و الله ؟؟

شكرا على المعلومة راني مركيتها

[MocHouHou]

موضوع جميل
وانا في رايي ان الانسان حر في حياته وليختار مايمكل حياته من الجنس الآخر وكل شخص تختلف نظرته و اهتمامته فليس كل واحد يحب مثل الآخر ولكننا اصبحنا نعيش واقعا مريرا فاذي يتبع الدين يقولون انه معقد !! ولدي ليست له صديقة ليس برجل !! اصحبت الفتيات تنظر الى الرجال حتى اصبحنا نرى الخجل في الرجل اكثر من المرأة!
+
المنتدى هنا للنقاش وليس ل جرح الآخرين و احتقار آرائهم

[طارق المتيجي]

أحبتي كلكم كلكم كلكم أحبكم في الله والسلام عليكم


بالله عليكم ، متى كانت المظاهر والملابس دلالة على الرجوله ؟؟


وهل دين الله العظيم هو لحية وقميص أم هو المعاملة والخلق والتقوى وحب الخير للناس؟؟

إعلم أخي أن :


(( الأصل في اللباس هو ستر العورة )) ، ألبس ماشئت ولاتخالف تعاليم الإسلام

واعلموا أن حجر الإسلام في مجرد نوع من اللباس هو إنقاص لهذا الدين العظيم


أخوكم الناصح لنفسه ولكم : طارق

[فقير و باغي نطير]

موضوع جميل
وانا في رايي ان الانسان حر في حياته وليختار مايمكل حياته من الجنس الآخر وكل شخص تختلف نظرته و اهتمامته فليس كل واحد يحب مثل الآخر ولكننا اصبحنا نعيش واقعا مريرا فاذي يتبع الدين يقولون انه معقد !! ولدي ليست له صديقة ليس برجل !! اصحبت الفتيات تنظر الى الرجال حتى اصبحنا نرى الخجل في الرجل اكثر من المرأة!
+
المنتدى هنا للنقاش وليس ل جرح الآخرين و احتقار آرائهم




أحبتي كلكم كلكم كلكم أحبكم في الله والسلام عليكم


بالله عليكم ، متى كانت المظاهر والملابس دلالة على الرجوله ؟؟


وهل دين الله العظيم هو لحية وقميص أم هو المعاملة والخلق والتقوى وحب الخير للناس؟؟

إعلم أخي أن :


(( الأصل في اللباس هو ستر العورة )) ، ألبس ماشئت ولاتخالف تعاليم الإسلام

واعلموا أن حجر الإسلام في مجرد نوع من اللباس هو إنقاص لهذا الدين العظيم


أخوكم الناصح لنفسه ولكم : طارق



صحيت لفحل صحيت هذا صح كلام نتاع عقلاء

[وردة أمل]

ليس كل رجل ملتحي و مقصر هو انسان ملتزم و ليس كل محجبة فتاة ملتزمة’’’’’’’’’’’’

كل وحدة فينا عندها حرية الإختيار و أنا أقصد طبعا الاختيار الذي يكون مبدؤه الدين و خوف الله عز و جل ثم ماشي كامل البنات يرفضوا الرجل الملتحي ,,,,,,,,بالعكس كاين هذا هو شرطها و أنا راني نتكلم انطلاقا من واش راني نشوف في المجتمع

و أنا شخصيا ليس لدي مشكلة من هذه الناحية و لكن المهم يكون مطبق الشرع داخليا قبل خارجيا يعني في أقواله و أفعاله لأنو هناك أشخاص عاديين في المظهر لكن تجدهم ملتزمين أكثر من غيرهم

هذا رأيي و لا ألزم به أحد,,,,,,,,,

شكرااااااااااا على الطرح

[أميال18]

حسنا في كلامك شيء من الصحة فعلا احنا البنات كي يجينا واحد أخينا كيما نقول في العامية، تجينا ثقيلة شويا أنديري هذاك الراجل راح يغيرنا حياتنا كملاثمو
أنا كنت نفكر هكذا مي درك الحمد لله فأفضل رجل ملتزم و ملتحي برك
لكن نحن لا ننظر إليه كما قلت أنه
و تنظر اليه على ان الحياة معه جحيم و ليس لها طعم

و تضن بأنه لا يضحك و لايمزح و سيحرمها من أشياء كثير كانت تتمناها

و كذلك انه شحيح و متقشف و فيه رائحة الكافور و رائحة المسك

الذي يتعطر به الحجاج و كبار السن ؟؟
شكرا على الموضوع

[فقير و باغي نطير]

حسنا في كلامك شيء من الصحة فعلا احنا البنات كي يجينا واحد أخينا كيما نقول في العامية، تجينا ثقيلة شويا أنديري هذاك الراجل راح يغيرنا حياتنا كملاثمو
أنا كنت نفكر هكذا مي درك الحمد لله فأفضل رجل ملتزم و ملتحي برك
لكن نحن لا ننظر إليه كما قلت أنه
و تنظر اليه على ان الحياة معه جحيم و ليس لها طعم

و تضن بأنه لا يضحك و لايمزح و سيحرمها من أشياء كثير كانت تتمناها

و كذلك انه شحيح و متقشف و فيه رائحة الكافور و رائحة المسك

الذي يتعطر به الحجاج و كبار السن ؟؟
شكرا على الموضوع


انت على الاقل راكي تستعرفي ماكيش كيما شي عباد لاعبينها ملايكة

[الواثق]

هذا خطأ من الملتزمين رايحين للعوام باش يتزوجو تولي تتقلش على امور فطرة في الرجل كاللحية وهي زينة الرجل وفعل اكدته سنة المصطفى صلى الله عليه وسلم..................وانا لي دوخني كي يذكرو الملتزم بلبسه تبداو تشكو وتقولو والباطن عكس الظاهر و....و....و......ايملا كي يجيك واحد موشم ومطلع شعرو الفوق ولابس الضيق والمقطع .......تقولو والله قلبو صافي ونيتو زينة وعلاه ؟؟؟ لانو قصد الزواج وماقصدش الحرام ؟؟؟؟؟ ؟؟؟؟؟.............وعلاه المافيا تشوفو فيه الايجابيات والملتزم تشوفو سلبياته فقط ؟؟؟؟...............وزيد هذا الوقت كثرت الخطابة على البنات والو يتقلشو ؟؟؟؟ ........راهم هوما ولاو يخطبو في الرجال ملتحي او غير ملتحي ..............اما الملتزمة هي لي تستاهل نضاربو وننفقو الغالي والنفيس باش نحضا بيها ..........

[سَلْسَبِيّلْ]

شكرااا على الموضوع
ماجملوش البنات كااامل لخطراكش كاين هكذا و كاين هكذا هاذي واحدة
ثاني حاجة عمرها ماكانت اللبسة معيار و لا مقياس للاخلاق المظاهر خداااعة
كاين بنات متبرجات بصح اخلاقهم مليحة بصح يحتاجو لشوي نصح هذا ماكان و كيفكيف بالنسبة للشباب
و كاين هذا النوع و منافقين لاعبينها اخواننا و هوما تحت السواهي دواهي و الله عن تجربة علابيها حنا البنات نخافو
بصح انا من جهتي عااادي
ربي يوفقنا كاااامل
هذا رايي تقبلووه دمتم بود تحيـــاتي

[حفيدة النبى 012]

السلام عليكم اخى الكريم ... ليس كل الفتياة لا تفضلن الرجل الملتحى بل هناك الكثيرات من تردنه ملتحى ويرتدى
القميص . اتدرى لماذا؟ لانه بكل بساطة هو بر امانها سوف يساعدها فى امور الدينية والدنيوية بطبيعة الحال وهى ايضا . بنسبة لى افضله ملتحى ويرتدى القميص
وخاتم للقران. واسال الله العلى القدير ان يرز ق جميع المسلمات التقيات ازواج صالحين

[مريم الصابرة]

السلام عليكم خويا فقير شكرا على الموضوع
النسا يغجبهم مهند وجماعتو واللي مريحين القنافد فوق شعورهم وثاني خويا أصحاب اللحية والقميص خلاو النسا يخافو منهم الدين يسر ما راهش عسر كاين اللي فر الدين كيما يحب هو على هذا النسا أذاو نظرة ما راهيش مليحة عليهم وهي نقولك اللي مأصلة ومتربية الراجل لازم يتبع دينو ويطبقو واللي لازم تكون هي فلاحانة يكون زوجها ملتزم كل شي من التربية خويا

[فتـ حييةـاة]

السلام عليكم

وعليكم السلام ورحمة الله وبركاته
لماذا لا تفضل البنت الرجل الملتحي و الذي يلبس قميص و تحتها سروال قصير

مش كلهم ......... كاين وكاين
و تنظر اليه على ان الحياة معه جحيم و ليس لها طعم

الحياة معه سعيدة بذكرالله وقراءة كتابه واتباع سنة نبيه عليه الصلاة والسلام
و تضن بأنه لا يضحك و لايمزح و سيحرمها من أشياء كثير كانت تتمناها

لانه سيحرمها من التجول في الشوارع ومن التبرج ومن كل مايغضب الله
و كذلك انه شحيح و متقشف و فيه رائحة الكافور و رائحة المسك

الذي يتعطر به الحجاج و كبار السن ؟؟

افضل من رائحة الشجائر والخمر والشمة
في حين أنه رجل مثالي و قلبه ابيض و مسالم و سيمكنها من جميع حقوقها فيما يسمح به القانون و الشرع ؟؟؟؟؟
طبعا مثالي وربي يرزقو لكل فتاة صالحة يااااااااارب

[جسور المحبة]

ربي يجيب الخير وكل واحد ونظرتو كاين لي عاصي وقلبو طيب وكاين لي شرير
وكاين الملتحي ومقصر السروال وهو عكس ذلك وكاين لي ملتزم عن حق ومطبق لشريعة الله وسنة الرسول
اذن في كل هذا مانتسرعوش ولو انو المظهر يلعب دور ويعطيك حكم اولي لكن لازم تنقيب وحفر في ذات الشخص وفحص جيد لنقرر

[فقير و باغي نطير]

سلامو عليكو

[SOUSOU. DZ]

سلامو عليكو

وعليكم السلام ورحمة الله تعالى وبركاته

انا فرأي ماعنديش مشكل لافي اخينا ولارجل عادي ملتزم بدين وصلاة اذا جاء مانقولش ربي يزيدني عادي المهم مايكونش خاطي طريق


خويا حبيت نسقسيك اذا مكاش مشكل نتى من جماعة اخينا:confused::confused::confused:

[فقير و باغي نطير]

وعليكم السلام ورحمة الله تعالى وبركاته

انا فرأي ماعنديش مشكل لافي اخينا ولارجل عادي ملتزم بدين وصلاة اذا جاء مانقولش ربي يزيدني عادي المهم مايكونش خاطي طريق


خويا حبيت نسقسيك اذا مكاش مشكل نتى من جماعة اخينا:confused::confused::confused:
ما تقولش لالا ههه نستعرف بيك

انا من جماعة أبينا

[فقير و باغي نطير]

الله يسلمك:)

ههههههه هذي مجموعة جديدة ولا كيفاش:confused::confused:
لالا قديمة و انت ما قلتيليش من جماعة اختينا ؟؟؟؟

[فقير و باغي نطير]

لالا قديمة انا في بالي نتى تجيب غير جديد

انا من جماعة امينا

انا حسبتك من جماعة بنتينا :d :d :d :d
سامحيني طاطا

[فقير و باغي نطير]

خلالالالالالالالالالالالالالالالالالالالالالالالال الالالالالالالالالالالالالالالالالاص
بفففففففففففففففف ثرثارة

[النجمة القطبية]

يا اخى وهل هناك احسن من عمر بن الخطاب فى الرجولة والزهد والتدين ورغم دلك رفض اكثر من مرة واعتقد والله اعلم ان لم تخنى معلوماتى انه خطب بنت ابو بكر الصديق وكانت تهابه اى ترى فيه الشدة فرفضت والله اعلم صححو لى ان اخطات
احيانا من الصعب جداا ان لم نقل مستحيل ان تحكم على الانسان من ظاهره وقد يبدو على الشخص مثلا القسوة فى مظهره او الشدة وغيرها من الامور وهنا ننظر الى طبيعة المراة فان كانت شخصية حساسة قد تهابه او تخافه ممكن
انا اعتقد ان الرفض من القبول يعتمد على شخصية الانسان وافكاره اولا وان تكون معتقداته صحيحة هدا هو الاهم والملتزم مطلوب وليس العكس

[فقير و باغي نطير]

>>>>>>>>>>>>>>>>>>>>>>>> للرفع

و اللي ما قراتش تعاود تقرا

[محمد...عبد النور]

السلام عليك أخي فقير و باغي نطير
موصوع محليييييييح
سأنظر في الردود و من بعد أحكم فقط من جهتي نحن الرجال نحبها ذات دين و خلق و ملتزمة
بالنسبة للفتيات راني معاك أنتظر الردود
.
.
.
فقط أسأل الله الكريم ان يرزقك فتاة تقية نقية ذات دين و خلق و جمال تحبها و تحبك
ســــــــــــــــــــــــــــــــــــــلام

[omar mats]

المجتمع لايرحم

[imi02i]

السلام عليكم
أبدا مقريتش هذي لقرايـة على اي شخص ملتحـي مقصّر ...بل بالعكس....

[فقير و باغي نطير]

السلام عليك أخي فقير و باغي نطير

موصوع محليييييييح
سأنظر في الردود و من بعد أحكم فقط من جهتي نحن الرجال نحبها ذات دين و خلق و ملتزمة
بالنسبة للفتيات راني معاك أنتظر الردود
.
.
.
فقط أسأل الله الكريم ان يرزقك فتاة تقية نقية ذات دين و خلق و جمال تحبها و تحبك

ســــــــــــــــــــــــــــــــــــــلام


موضوع مش مليح
و ما تراعيليش للردود يرحم باباك

[فقير و باغي نطير]

المجتمع لايرحم

لا
بل المجتمع يرحم

[فقير و باغي نطير]

السلام عليكم
أبدا مقريتش هذي لقرايـة على اي شخص ملتحـي مقصّر ...بل بالعكس....


حتى انا ماقلتلكش قريتيها

[نجمة ساطعة]

ربي يغفرلي لا ادري لمااذا لا احبهم ........

[فقير و باغي نطير]

ربي يغفرلي لا ادري لمااذا لا احبهم ........


شكون هوما ؟؟؟؟؟؟؟؟؟؟؟ وش ما تحبيش ؟؟

[nacera72]

السلام عليكم
و اللذي زين الرجال باللحى كما قالت امنا عائشة رضي الله عنها و بالنسبة لي افضله ملتحي مقصرا لقميصه متبعا لسنة الرسول صلى الله عليه و سلم يتقي الله فيا

[bbc]

يا اخي الفتيات تاع هاد الوقت اكيد ما يعجبهمش مرنيش نعمم بصح وحدة عايشة حياتها بالطول و العرض رح تقبل ملتحي ما رايك ؟؟؟؟؟؟؟؟؟؟

[نجمة ساطعة]

يا اخي الفتيات تاع هاد الوقت اكيد ما يعجبهمش مرنيش نعمم بصح وحدة عايشة حياتها بالطول و العرض رح تقبل ملتحي ما رايك ؟؟؟؟؟؟؟؟؟؟

حنونتي المشكل مش في اللحية ... المشكل في الطريقة اللي يفكروا بيها هؤلاء الاشخاص

عزيزتي اخر شيء خبثلي قلبي فيديو شفتوا الى الان راه مازال في ذهني كي نتفكروا نحب

نرجع

لو فتحت النقاش في هذا الموضوع راح نرجع الى بداية التسعينات و سبب كرهي للسياسة ووووو

يا اخوتي الدين مش شرط قميص و لحية طولها 1 متر و لا جلباب اسود على حصرتوا الاسلام في هذا

المنظر الاسلام اكبر بكثييييييييييييييييييييييييييييير من هذا

[فقير و باغي نطير]

يا اخي الفتيات تاع هاد الوقت اكيد ما يعجبهمش مرنيش نعمم بصح وحدة عايشة حياتها بالطول و العرض رح تقبل ملتحي ما رايك ؟؟؟؟؟؟؟؟؟؟

معك حق فتياة هذ الوقت متبجحات و تافهات

[فقير و باغي نطير]

حنونتي المشكل مش في اللحية ... المشكل في الطريقة اللي يفكروا بيها هؤلاء الاشخاص


عزيزتي اخر شيء خبثلي قلبي فيديو شفتوا الى الان راه مازال في ذهني كي نتفكروا نحب

نرجع

لو فتحت النقاش في هذا الموضوع راح نرجع الى بداية التسعينات و سبب كرهي للسياسة ووووو

يا اخوتي الدين مش شرط قميص و لحية طولها 1 متر و لا جلباب اسود على حصرتوا الاسلام في هذا


المنظر الاسلام اكبر بكثييييييييييييييييييييييييييييير من هذا


ما عجبكش كلامها ...........
هي راهي تهدر في الصح و انت ما عجبكش الحال ياخي طفلة ياخي

[نجمة ساطعة]

ما عجبكش كلامها ...........
هي راهي تهدر في الصح و انت ما عجبكش الحال ياخي طفلة ياخي

هههههه بعدما قريت الرد الاول عرفت انك كتبت تنورة المرة لولا ....ها ميز قبل وش راك تكتب و منبعد

نتناقش معاك هههههههه

[bbc]

حنونتي المشكل مش في اللحية ... المشكل في الطريقة اللي يفكروا بيها هؤلاء الاشخاص


عزيزتي اخر شيء خبثلي قلبي فيديو شفتوا الى الان راه مازال في ذهني كي نتفكروا نحب

نرجع

لو فتحت النقاش في هذا الموضوع راح نرجع الى بداية التسعينات و سبب كرهي للسياسة ووووو

يا اخوتي الدين مش شرط قميص و لحية طولها 1 متر و لا جلباب اسود على حصرتوا الاسلام في هذا


المنظر الاسلام اكبر بكثييييييييييييييييييييييييييييير من هذا

شوفي ختي لعزيزة منكدبش عليك انا الان عندي نوعا ما تحفظ تعرفي نعرف بنات قراب ليا تزوجوا ملتحين و الله تمرمدوا و اطلقوا بسبب لعض المفاهيم الخاطئة لهؤلاه و لست اعمم
ربي يهدي الجميع

[bbc]

معك حق فتياة هذ الوقت متبجحات و تافهات
مهما كان ليس لك الحق في ان تقول متبجحات كل وحدة و قناعاتها و بعض اقول البعض الاخوة سامحهم الله و الله حتى تكون تلبس الحجاب الشرعي تخاف تروح لملتحي بسبب التشدد الزائد عن اللزوم

[نجمة ساطعة]

شوفي ختي لعزيزة منكدبش عليك انا الان عندي نوعا ما تحفظ تعرفي نعرف بنات قراب ليا تزوجوا ملتحين و الله تمرمدوا و اطلقوا بسبب لعض المفاهيم الخاطئة لهؤلاه و لست اعمم
ربي يهدي الجميع

انا منيش نعمم والله

بصح منيش حابتكم تحسروا التدين في الشكليات فقط هل هذا يعني ان البقية فساق ....

بصح راني نتكلم على واش شفت وواش سمعت بكل صراحة قلبي متخبث منهم

[فقير و باغي نطير]

هههههه بعدما قريت الرد الاول عرفت انك كتبت تنورة المرة لولا ....ها ميز قبل وش راك تكتب و منبعد



نتناقش معاك هههههههه


ههه ضحكتيني ميرسي

[فقير و باغي نطير]

مهما كان ليس لك الحق في ان تقول متبجحات كل وحدة و قناعاتها و بعض اقول البعض الاخوة سامحهم الله و الله حتى تكون تلبس الحجاب الشرعي تخاف تروح لملتحي بسبب التشدد الزائد عن اللزوم
انت اصلا تحوسي على الدردشة يمالا شوفي موضوع اخر دردشي فيه من غير موضوعي

[bbc]

[quote=فقير و باغي نطير;9498194]انت اصلا تحوسي على الدردشة يمالا شوفي موضوع اخر دردشي فيه من غير موضوعي[/quote
لا حول ولا قوة الا بالله فعلا امر محزن
يا اخي الدردشة مكانها ليس هنا الدردشة لها امكنتها الخاصة بها و اظن اني اعلم جيدا ما اريد
ربي يهدينا

[bbc]

بارك الله فيك اختي نجمة

[نجمة ساطعة]

الله يسلمك ربي يخليك يا رب

[torkia18]

ليس كل البنات لايفظلن الملتحي.خصوصا الملتحي المتخلق المؤدب الغاض لبصره النظيف في ثيابه
البنات لاتحب الملتحي العابس الدي لايفقه في الدين سوى اللحية والقندورة:mad: