نصيحة لشبابنا

[مشكلتي]

السلام عليكم اخوتي
قبل البدء فقط اريد ان اخبركم اني لست مسجلة في هدا المنتدى لكني زائرة مداومة عليه مند 5سنوات
و الله ثم والله اني احب هدا المنتدى و استفدت من كثيرا خصوصا في وجود اعضاء مثلكم و باش نقولكم نعرف جميع الاعضاء اللي يشاركو هنا و نديعلهم توجور بلخير بارسكو و الله نجيتوني من عدة مشاكل بلا ميكون في علمكم

المهم نبدا
انا بنت في عمري 19 سنة جامعية مشكلتي اني كرهت تصرفات الشباب الجزائري بنات و ولاد
و الله نروح للجامعة نلقاهم يحكو غير يحبني ونحبو .. نمشي في الطريف تلقا ليجان قاع النهار و هوما يخزرو في البنات لا حشمة و لا حيا ... اما البنات حدث ولا حرج المكياج و الشعر و اللبسة المفضوحة
و اي موضوع تجي فيه تلقاهم يحكو على حبيبي و حبيبتي ....شوالا هدا و الله غير كرهة
تحسب الجزائر كاملة يهدرو غير على الحب ......كرهة تاع الصح
و لا من ناحية القراية النقيل و القدام ومين تقولهم حفظت ينخلعو فيك
والله الجيل هدا 00000000
كل اهتماماتهم ولات غير الحب بدرجة اولى الدراهم سيارة بارمي شوبينغ و الموضة و الاكل هههه
اما الباقي بسلامة
و باش منكونش منافقة انا في حياتي كاملة حكيت مع واحد بصح كيما نقولو ماشي انا لعطيتو رقمي
بصح بعد 6 اشهر ندمت ندم شديد بالرغم من كلامي كله كان محترم و فيه غير نصايح و كان هاتف فقط بصح ندمت بزاف لخاطرش تربييتي ماشي هاك و انا نعترف بخطئي و ربي يغفرلي

المهم خاوتي و الله الجزائر راها في خطر يعني بعد عامين ولا راح يكون كل شيء مباح
و انا محكيتلكمش على الباقي بارسكو عيب يتحكى هنا

انا نصيحتي من القلب لكل واحد عنده حبيب ولا حبيبة
و الله مكاش كيما الحشمة و السترة
انت ايها الشاب الا عجباتك بنت روح خطبها من دار بوها و خطيك من هدرة التلفون و الله هدرة التلفون نجيب غير المشكال حتى ولا قلت في بالك نجكي معاها و نعرف عقليتها و من بعد نخطبها نقولك هدا اكبر خطا لانو الله مراحش يبارك في زواجكم و هدا اكيد ( مثال فقط لما نحبو نبنو بيت و الساس ميكونش مليح راح يجي النهار لي يوقع هداك البيت ...نفس الشي ادا كان الزواج مبني على علاقة محرمة )

و انتي ايتها البنت يالكي من غبية يعني تديري في بالك ادا حكيتي مع واحد في التليفون
وسهرتي الليل على خاطرو و عطيتيه ...... يعني راح يديك و يتزوج بيك املا نقولك راكي غير تلعبي بروحك و بشرف تاعك لخاطرش هو لاح يمل منك و مين يحب يتزوج يروح يتوج زواج تقليدي
لدلك حافظي على روحك و على والديك و تاكدي بلي مكتوبك راح يجي لا محالة
يعني شوفي برك واش راح نقولك
ادا حكيتي مع شاب 4 سنين وهو ديجا ماشي مكتوبك ماشي راح تكوني ضيعني روحك و ضيعتي الماضي تاعك لي كان مثل الثلج
لدلك ديري في بالك مكتوبك راح يجي يجي فارجوكي لا تلوثيه بالعلاقات المحرمة ارجوكي

شكرا لكم و الله ريحت مين حكيت و نتمنى نشوف ردودكم

السلام عليكم

[صَمْـتْــــ~]

بارك الله فيك على النّصائح القيِّمة
جعلها الله في ميزان حسناتك وهدانا وإيّاكم لكلِّ ما يحبّه ويرضاه.

ولِيعلم شبابنا أنْ لا شيء يُمكننا تحصيله إن لم يكُن ضمن ما دوّنته أقدارُنا
ما يدعونا للرّضا بمشيئة الخالق والالتزام بما دعانا إليه.

[ما وراء الطبيعة ؟؟؟؟]

بصراحة ما ورد في موضوعك

صحيح جدا

خاصة قولك ماذا سيحدث بعد عامين من الآن

سيصبح كل شيء عادي ..............


أنا أعتقد جازما أنه إذا

الجيل الذي ستقوم عليه الساعة هو جيلنا ........

والله أعلم .........

لهلول ما يحدث

[عُضو مُحترم]

معك حق
بارك الله فيك


و المشكل ان من ترينهم في الجامعة يفعلون ما يفعلون

سيصبحون بعد سنوات اساتذة و معلمين لابنائنا ( ان شاء الله)

تخيلو اي نوعية من الاساتذة و الاستاذات ستكون لدينا

و اي اشخاص سنستأمنهم على عقول و ارواح اولادنا

:mad::mad::mad::mad::mad::mad:

[z.abdo]

والله أختي واش نقلك كلامك كله في الصميم وبارك الله فيك على النصيحة

وأتمن بأن تسجلي في المنتدى وتشاركينا بأفكارك لأننا تعارفنا مع كثير من الأعضاء ماشاء الله ونحب نتبادل الأفكار

سجلي معنا والله ما تندمي

تقبلي مروري أختي

[انا هو]

بارك الله فيك على النّصائح القيِّمة
جعلها الله في ميزان حسناتك وهدانا وإيّاكم لكلِّ ما يحبّه ويرضاه.

ولِيعلم شبابنا أنْ لا شيء يُمكننا تحصيله إن لم يكُن ضمن ما دوّنته أقدارُنا
ما يدعونا للرّضا بمشيئة الخالق والالتزام بما دعانا إليه.

[انا هو]

يعطيك الصحة اختي نصائح قيمة لكن لمن تقرأزبورك يا داوود

[سِدْرَةِ الْمُنْتَهَى~]

ماشاء الله على طريقة تفكيرك
بارك الله فيك وفي والديك وكثر الله من أمثالك
وربي يهدينا ويهدي الشباب المسلمين.

[djareri]

الله يبارك فيك يا أخت على هدا التفكيــــــــــــــــــــــــــر . الدي قلما نجده عند بنات اليــــــــــــــــــوم شكرا - شكرا

[jiji26]

بارك الله فيك
تفكيرك سليم 100/100 بصح شكون يطبقوا ؟
الله غالب عايشين في عالم متخلف
يعرفوا غير يحبوا و يا ريت كون جا الحب اللي راهم يحبوه حقيقي
والله غير تمسيير ومعاندة برك يشوف الناس كامل هكدا و هو يعاند برك
الله يهديهم كامل هدا مانطلبوا

[nibou]

بارك الله فيك يا أختاه و جزاك خيرا ،لقد لخصتي كل ما يجول في خاطري

[Rima mimi25]

http://t0.gstatic.com/images?q=tbn:ANd9GcRH_mIhOlYlJkvN9ll5cVC-bd6cV0elQ4ed5V2KPzci1RHjlMBZ


http://t1.gstatic.com/images?q=tbn:ANd9GcTDdYs4er4iHVl_XfkizVUBI8AM5xVOf eSVcHpgRtDKzeKLewkUsg

[سجل أنا جزائري]

و الله حاجة تفرح نسمع هذي الهدرة من بنت عمرها 19 سنة

على الأقل مزالو بنات من هذا الجيل ماداتهمش الدنيا و يفكرو بعقولهم

ربي يكثر من أمثالك ان شاء الله

[BAROUD]

ربي يوفقك ف حياتك و يتمم لك بالخير و تتسعدي ان شاء الله

الله يبارك

[قَاسِمٌ.قَاسِم]

نصائح طيبة نسأل الله أن تجد من يعمل بها

[معجزة الاكوان]

هههههههههههههههه والله ضحكتيني سورتو قصة هاد الجيل000000000000000000
شوفي انا نعطيلك الحق100/100 م راكي غالطة في حاجة
مديريش تعميم في المنطقة اللي نسكن فيها نادرا وين تلقاي وحدى عندها حبيب
واللي عندها تالمو حالة نادرة تبان هاي وراهي يرجعوها فرشة
منطقتنا صح متخلفة ويا من حيث المرافق وكلش بصح محافظة جدا جدا
وكل صحباتي اللي نعرفهم وهما بزاف ميعندهمش علاقات هكا
مشي على جال منطقتنا ولى حاجة اخرى
لانهم مقتنعات بالفكرة اللي راكي قولتيها وهي الزواج قسمة ونصييييييييييييييب

[ritel dz]

المهم انت نحيتيلي شوية الصدمة مازال الخير والحياء ربي يستر منا على عامين

[kamel76]

السلام عليكم اخوتي
قبل البدء فقط اريد ان اخبركم اني لست مسجلة في هدا المنتدى لكني زائرة مداومة عليه مند 5سنوات
و الله ثم والله اني احب هدا المنتدى و استفدت من كثيرا خصوصا في وجود اعضاء مثلكم و باش نقولكم نعرف جميع الاعضاء اللي يشاركو هنا و نديعلهم توجور بلخير بارسكو و الله نجيتوني من عدة مشاكل بلا ميكون في علمكم

المهم نبدا
انا بنت في عمري 19 سنة جامعية مشكلتي اني كرهت تصرفات الشباب الجزائري بنات و ولاد
و الله نروح للجامعة نلقاهم يحكو غير يحبني ونحبو .. نمشي في الطريف تلقا ليجان قاع النهار و هوما يخزرو في البنات لا حشمة و لا حيا ... اما البنات حدث ولا حرج المكياج و الشعر و اللبسة المفضوحة
و اي موضوع تجي فيه تلقاهم يحكو على حبيبي و حبيبتي ....شوالا هدا و الله غير كرهة
تحسب الجزائر كاملة يهدرو غير على الحب ......كرهة تاع الصح
و لا من ناحية القراية النقيل و القدام ومين تقولهم حفظت ينخلعو فيك
والله الجيل هدا 00000000
كل اهتماماتهم ولات غير الحب بدرجة اولى الدراهم سيارة بارمي شوبينغ و الموضة و الاكل هههه
اما الباقي بسلامة
و باش منكونش منافقة انا في حياتي كاملة حكيت مع واحد بصح كيما نقولو ماشي انا لعطيتو رقمي
بصح بعد 6 اشهر ندمت ندم شديد بالرغم من كلامي كله كان محترم و فيه غير نصايح و كان هاتف فقط بصح ندمت بزاف لخاطرش تربييتي ماشي هاك و انا نعترف بخطئي و ربي يغفرلي

المهم خاوتي و الله الجزائر راها في خطر يعني بعد عامين ولا راح يكون كل شيء مباح
و انا محكيتلكمش على الباقي بارسكو عيب يتحكى هنا

انا نصيحتي من القلب لكل واحد عنده حبيب ولا حبيبة
و الله مكاش كيما الحشمة و السترة
انت ايها الشاب الا عجباتك بنت روح خطبها من دار بوها و خطيك من هدرة التلفون و الله هدرة التلفون نجيب غير المشكال حتى ولا قلت في بالك نجكي معاها و نعرف عقليتها و من بعد نخطبها نقولك هدا اكبر خطا لانو الله مراحش يبارك في زواجكم و هدا اكيد ( مثال فقط لما نحبو نبنو بيت و الساس ميكونش مليح راح يجي النهار لي يوقع هداك البيت ...نفس الشي ادا كان الزواج مبني على علاقة محرمة )

و انتي ايتها البنت يالكي من غبية يعني تديري في بالك ادا حكيتي مع واحد في التليفون
وسهرتي الليل على خاطرو و عطيتيه ...... يعني راح يديك و يتزوج بيك املا نقولك راكي غير تلعبي بروحك و بشرف تاعك لخاطرش هو لاح يمل منك و مين يحب يتزوج يروح يتوج زواج تقليدي
لدلك حافظي على روحك و على والديك و تاكدي بلي مكتوبك راح يجي لا محالة
يعني شوفي برك واش راح نقولك
ادا حكيتي مع شاب 4 سنين وهو ديجا ماشي مكتوبك ماشي راح تكوني ضيعني روحك و ضيعتي الماضي تاعك لي كان مثل الثلج
لدلك ديري في بالك مكتوبك راح يجي يجي فارجوكي لا تلوثيه بالعلاقات المحرمة ارجوكي

شكرا لكم و الله ريحت مين حكيت و نتمنى نشوف ردودكم

السلام عليكم
مشكورة أختنا على هذا الكلام و النصيحة الغالية التي تدل على رجاحة عقلك و قلما نجد من أمثالك أسأل الله لك أن يثبتك على الصراط المستقيم .
و لا تنسيني من خالص دعائك بارك الله فيك

[أم محمد و آيه]

اللي في قلبي حطتيه ...واش نقولك الله ينورك

الله يعطينا سعد مسقم وفي الحلال.

ان شاء الله

[batoul2000]

بارك الله فيكي اختاه
اختي هذا الشيئ مش غير في الجامعة ...و الله في كل مكاااااان.........في الشارع...في الحافلة....يعني في كل مكان...... و مع الموبايل الدنيا زادت هبلت..........الله يهدي الجميع

[أكوام الورد]

بوركت أختي كلامك كلو جواهر
عندك الصح فكل شي قلتيه الله يكتر ممتالك
المجتمع نتاعنا راه في تدهور كبير و ماراناش عارفين رواحنا فاين غادي نوصلو
الله يجيب الخير
في إنتظار أنضمامك معانا في منتديات الجلفة

[التوليب الجميلة]

بارك الله فيك اختي كلام هايل و عندك الحق.