نحس بلي الناس في هذا المنتدى قع عندهم ماسك

[nounou192dz]

يعني استغربت لقمة الادب و الوداعة و اللباقة بين مرتادي هذا المنتدى حتى انا منكم ...كلام لبق و منمق و مزخرف ....تادب الله الله .....قمة الاحترام بين الاخوة و الاخوات
يعني انا حبيت نعرف هل كل واحد في هذا المنتدى داير قناع ....يعني كي ندخلو للمنتدى هذا نديرو قناع السلاسة في الكلام و التهذيب في الردود
هل في الواقع كي تتكلم مع امك تتكلم معاها بجزء من تلك اللباقة التي نرميها يمينا و يسارا في المنتدى مع اخيك اللي راك مخاصمو و ما تهدرش معاه و ما تتفاهمش معاه تتكلم معاه بمثل الود اللي تتكب بيه في هذا المنتدى ....نتيا مع اختك لي تغيري منها و تلقايلها السبايب باش تداوسي معاها .....تهدري معايا غير بالقدر ولا غير التشناف و تجي عندنا هنا في المنتدى تقلي علينا في الحوت .

هل راني داير ماسك يا جماعة و لا راني ضاربتني سخانة

[عربية الهوية]

يا اخي انا امي عادي خطرة تزقي عليا خطرة تزعف نراديها بنسبة للاخت لا يوجد معفية من الحالة الثانية
انت كن نفسك فقط فلا هم لك في الاخرين احترم نفسك يحترموك اديها قاعدة

[الواثق]

اذا لساني مانحكمش فيه مرات .....هل انقل مايقوله لساني من غضب وسخط الى المنتدى ؟؟؟؟.........نقدر نشبهلك المنتدى بالمسجد يعني تشبيه فقط ملزم اي واحد انو يتخلق وبكون كلامو لبق.........ليس المعنى انه داير قناع ........فاي واحد منا اكيد نيته سليمة ويحب الخير ويطمح للمثالية ولو كان عندو نقص كبير لكن كي يتعلم يسمع ويرد بلباقة اكيد يتعلمه ويطبقها فيما بعد على كل جوارحه خارج المنتدى ........والمشكلة احنا للاسف ولينا نسمو اللباقة لواحد كي يسكت عن الحق واذا تكلم يقولو عليه وقح وضنه سيء.......والواحد قابضها غير مجاملات في الحرام والحلال يقولو عليه لبق ماشاء الله..............................اللهم حسن خلقنا واجعل الستنا تقول خيرا او لتصمت ..............

[رقة الحياة]

هنا كامل نعرفو بعضنا لازم يكون الاحترام

[قضــــــــــــ وقدر ـــــــــــاء]

السلام عليكم
لكن في نظري أن الفائد من المنتدى تكمن هنا فيما ذكرته
أي محاولة التحكم في النفس قدر المستطاع حتى وإن كنا في حالة غضب
وهكذا يوما بعد يوم إذا كنا من الناس الذين يغضبون بسرعة
ربما الردود تعلمنا أن نتراجع على مالا يليق التفوه به
وهذا لايعني أننا نضع أقنعة بالعكس نحن نحافظ على احترام غيرنا قبل احترام أنفسنا
أما القناع فأنا أراه في الردود التي تفتقر إلى المصداقية
وتهتم بالمدح فقط وعدم ابداء الرأي الحقيقي الشخصي
ومهما كان القناع الذي نرتديه فلابد له أن يسقط يوما
لأن الطبع يغلب التطبع أخي
شكرا لك

[z.abdo]

شكرا لصاحب الموضوع
ونقلك حاجة باينة كي تتكلم مع احد متعود معاه تتكلم بحرية على طبيعتك
وكي تكون تحس الناس كامل تراقب في كلامك أكيد لازم تنتقي كلام مهذب إحتراما لأعظاء المنتدى

وهذا لايعتبر نفاق بل لباقة في الكلام

[فتـ حييةـاة]

ياريــــــــــــــــــــــــــــــــــــــــــــــ ــــــت دارو ماسك

[مباركة 1961]

سلام....
عندك حق فى بعض ماقلته ..انا اول ماسجلت وضعت اسمى الحقيقى + سنى الحقيقى لانى لااحب ان اضع الماسك.....ومعلوماتى كلها اشرت اليها فى بعض الردود ..ماعنديش منين نحشم ولا نختفى وراء حجاب .....حتى ردودى اكتبها غير فى الاماكن التى اجد انها تحتاج الى ان اضع فيها بصمتى وبكل صدق ....ولو تعاملنا بالصدق مع بعضنا لما لاحظت مثل هكدا ردود سواءا (المليحة او الرديئة )ا

[السيدة كرمين]

فعلا كاين ناس تحسهم عاملين ماسك وهذا لما تجد تضارب أرائهم
لكن من رأيي الواحد هنا وين يكون صريح جداً لأن الواقع تحكمه
عدة قواعد هذا باباك ولازم تحترموا ويماك ماتقلها غير لكلمة لموزونة وخوك لكبير
وختك لي كبيرة عليك وزوجك لي لازم طيعيه وزوجتك لي لازم تحترمها
ورئيسك في العمل و ................
عليها هنا لواحد لازم يكون على راحتوا يقول كلمتوا ولي عجبوا عجبوا
ولي ماعجبوش يغلق عينيه وما يقراش
هههههههههههههههه

عن نفسي ما نفرق بين الواقع و المنتدى
لأن هدفي ماشي نصور نفسي بصورة مليحة
لأني لا أنتظر لا جزاءً ولا شكورا
أو يعملي تمثال وربما مسيرة تضامنية
عندي فكر نحب نوصلوا ويستفاد منوا لغير
وفرات
وزيد زوجي واختي وخويا مشاركين هنا
نظن ما نقدر نكون بغير شخصيتي

[جسور المحبة]

الاحترام وحسن المعاملة واجبة في كل الاحوال فلو ان احدهم في الواقع يتعامل بشكل اقل لباقة مقارنة بالمنتدى في حين انه هنا يتاعمل بشكل جيد فذلك لانه لا يزال فيه خير وبهذا يحاول نقل هذه الصفات الى الواقع ويتعود على حسن الكلام ويغير من اسلوبه لــــــــــــــكن بدون مبالغة
اذن ما رايك في احدهم لا يتعامل جيدا مع اهله ولا مع اعضاء المنتدى ؟

[sissi123]

كاينة منها هادي وانا شخصيا تصادمت مع وحدة هنا دايرة راسها امام و لها ردود حذفت تبين مستواها المتدني

بصح قدام الناس تقول منها ماكانش الله يهديها و يديها

[محمد...عبد النور]

السلام عليكم و رحمة الله و بركاته
و الله كل شخص حر كيف يكون فقط انا معني بنفسي و كيف اكون
الحمد لله احافظ على صورتي سواء في البيت او في الخارج
و علاقتي مع اهلي و غيرهم الحمد لله و لا احب ان يكون لدي خصومة مع الغير
شكرا على الموضوع و جزيت الجنة
ســـــــــــــــــــــــــــــــــــــــــــــــــ لام

[النجمة القطبية]

يعني استغربت لقمة الادب و الوداعة و اللباقة بين مرتادي هذا المنتدى حتى انا منكم ...كلام لبق و منمق و مزخرف ....تادب الله الله .....قمة الاحترام بين الاخوة و الاخوات
يعني انا حبيت نعرف هل كل واحد في هذا المنتدى داير قناع ....يعني كي ندخلو للمنتدى هذا نديرو قناع السلاسة في الكلام و التهذيب في الردود
هل في الواقع كي تتكلم مع امك تتكلم معاها بجزء من تلك اللباقة التي نرميها يمينا و يسارا في المنتدى مع اخيك اللي راك مخاصمو و ما تهدرش معاه و ما تتفاهمش معاه تتكلم معاه بمثل الود اللي تتكب بيه في هذا المنتدى ....نتيا مع اختك لي تغيري منها و تلقايلها السبايب باش تداوسي معاها .....تهدري معايا غير بالقدر ولا غير التشناف و تجي عندنا هنا في المنتدى تقلي علينا في الحوت .

هل راني داير ماسك يا جماعة و لا راني ضاربتني سخانة


انا بالنسبة لشخصيتى فى المنتدى هى واحدة بالنسبة للباطن وحتى لما نزعف هنا نرد عادى او اترك المكان او اتجاهل الشخص وهو نفس تصرفى فى الواقع
طبيعتى فى المنتدى هى اقرب لطبيعتى وسط اهلى او اقاربى يعنى اعتبر اهل المنتدى مثل افراد عائلتى
اخوتى الحمد لله اثنان ونادرا وين تحصل مشاكل او نضاربو ناااااادر بزاف الحمد لله
معنديش ختي نغير منها ههههه اغلب الوقت مع امى برك

[أميال18]

السلام عليكم
هذا ليس قناع نلبسه إنما هي ثمرة من ثمرات ديننا الحنيف

الحمد لله على نعمة الإسلام

[رهام87]

والله يا اختي انا عن نفسي نتعامل معاكم فالمنتدى كيما نتعامل مع الكل مرات ضحك ومرات تقلاق هادي هي الدنيا مي جامي كدبت ولا تنوفقت معاكم في حاجة ومننسوش بلي راهي مكتوبة فوقنا الاية الكريمة "ما يلفظ من قول إلا لديه رقيب عتيد " ولهدا نظن بلي كل مسلم متخلق ميحتاجش لقناع سواء في حياته العادية ولا داخل المنتدى ...
ربي يسدد خطانا ويوفقنا للعمل الصالح

[سجل أنا جزائري]

عندك الحق في بعض ما قلت

يوجد كثير و كثيير من الأعضاء و العضوات ذو مستوى راق في التفكير لم أرهم في الواقع حتى تقول نخطب وحدة هنا و نهني روحي هههه

بصح كيما قالو الأخوة كل واحد منا راه يبن الجانب الاجابي تاعو فقط و السلبي أكيد مش راه يبينو للأعضاء

و ما كش واحد هنا ما عندوش سلبات في واقعه المعيشي سواء في التعامل او أي شيء

[فتـ حييةـاة]

عندك الحق في بعض ما قلت

يوجد كثير و كثيير من الأعضاء و العضوات ذو مستوى راق في التفكير لم أرهم في الواقع حتى تقول نخطب وحدة هنا و نهني روحي هههه

بصح كيما قالو الأخوة كل واحد منا راه يبن الجانب الاجابي تاعو فقط و السلبي أكيد مش راه يبينو للأعضاء

و ما كش واحد هنا ما عندوش سلبات في واقعه المعيشي سواء في التعامل او أي شيء

صح وماتنساش اخي بلي كاين اعضاء تحييييييييييييييير وتدووووووووووووووووووووخ كي تقرا مشاركاته تتمنى لو انهم دارو ماسك احسن
انا بصراحة يغيضوني لانهم ماقدروش يديرو ماسك ونزعو ماسك الحياء وبقاو بوجه ماعندو علاش يحشم ...............شكرا واسمحلي لاني اقتبست كلامك هاذي حقيقة اخي واذا انت ماتصادفتش بيهم انا تصادفت بيهم وراني حكيتلك

[عربية الهوية]

لكل صورة وجهان

[Narcisse95]

ماشي أقنعة بكل بساطة
عند الرد هنا تستطيع أنتحذف ما قلت قبل أوحتى بعد بعثه ولا أحد يلحظ
أما في البيت اذا خرجت الكلمة تخرج كيما الرصاصة ماترجعش

[سجل أنا جزائري]

صح وماتنساش اخي بلي كاين اعضاء تحييييييييييييييير وتدووووووووووووووووووووخ كي تقرا مشاركاته تتمنى لو انهم دارو ماسك احسن
انا بصراحة يغيضوني لانهم ماقدروش يديرو ماسك ونزعو ماسك الحياء وبقاو بوجه ماعندو علاش يحشم ...............شكرا واسمحلي لاني اقتبست كلامك هاذي حقيقة اخي واذا انت ماتصادفتش بيهم انا تصادفت بيهم وراني حكيتلك

ايه عندك الحق كاين و كاين اللي ما عندوش علاش يحشم

كل واحد و تفكييييرو

شكرا لك أختي ’ بالعكس يشرفني اقتباسك

[مريم الصابرة]

السلام عليكم اخي نونو شكرا على موضوع راك حاير مي أنا نجاوبك على قد ما راه في تفكيري ويكل صراحة
المنتدى رانا فيه كالأسرة هل غنت لما تتقلق راح تشتم وتسب قدام والديك أو خواتاتك أكيد لالا لو جاكم ضيف مهما تكون غاضب هل تعامل ضيوفك بقلة إحترام أكيد لالا هكذا إحنا راه الإحترام بيناتنا صح نتناقشو ونتقلقو ونمدو راينا بكل صراحة هذا ما راهش قناع راه منتدى معلون بالإحترام شكرا

[*سيرتا *]

التصنع غلب على الواقع و هدا حال جميع المنتديات تقريبا...

[soso sirin]

ماتخممش يا خويا في الناس الي رانا معاهم في المنتدى و دايرين ماسك هاذو ماراهمش ياثرو في حياتك يغيضك الحال على ناس راك معاشرهم و شايفهم قدامك و دايرين ماسك و المشكل ماتفيقش حتا تكون طفرت و راح الي راح.في هاذي الدنيا يكذب كل واحد يقلك انا مانيش داير ماسك مرات والله نكون مقنوطة و زعفانة مي تعرف نضحك بسيف عليا نكون باغية نبكي مي نشد دموعي بسيف هذا ماشي ماسك انا وحدا من الناس مقلقة شوية مي الي يشوفني يقولي مكانش منها انك تزعفي بلخف تباني راكزة و ثقيلة هذا ماشي ماسك .و مرات الظروف هي الي تخليك تلبس الماسك و انت ماراكش باغيه مرات تتعامل مع ناس تكرهم مي الله غالب لازم كي تشوفهم تتعامل معاهم عادي كلي حاجة مكانش هذا ماشي ماسك.الغاشي الي راك عايش معاه هو الي يخليك تلبس الماسك.