مقهورة

[مشكلتي]

السلام عليكم ورحمة الله وبركاته
مشكلتي تكمن في نفسيتي فقد كرهت كل شيء حابة نبدا من جديد حابة نتغير حابة نعيش حياتي كرهت مالروتين منذ فترة عانيت بسبب فراق الحبيب فهو قد تزوج بعد حب دام 5سنوات حتى هو ارغم على الزواج وكانت والدته التي الحت عليه والان هو راه يقاصي مع الزوجة لانها وببساطة لاتستحقه... وحمدت الله على حالي وصبرت وكتمت في قلبي دروك راه يولي عليا الزعاف وراني قاعدة فالدار مقابلة الحيوط ماندخل مانخرج وحاسة روحي محقورة فالدار كامل يخدموا ويدخلوا ويخرجوا وانا مقابلتهم بالقضيان نتاع الدار وليت سمحت في روحي لوكان نصيب روحي غي راقدة مانوضش كامل الحياة صعابت والناس تاني صعابت دورك قليل لي ينويلك الخير مام حتى العائلة مايحبوكش تفرح ..والله تعبت من هاد العيشة راني قانطة بزااف..
رؤاني نصلي ونطلب ربي يفرج عليا
لاتنسوني من دعاءكم جزاكم الله خيرا..

وياريت ساعدوني كيفاش نخرج من القوقعة اللي راني فيها انصحوني ارجوكم...

[حمزة سمية]

السلام عليك ورحمة الله........ قال الرسول صلى الله عليه وسلم.- فيما معناه..واعلم ان الامة لو اجتمعت غلى ان ينفعوك بشى ء الا بماكتبه الله لك واعلم ان الامة لو اجتمعت غلى ان يضروك بشى لم يضروك الا بشى قد كتبة الله لك...

وكذالك ..نعمتان مغبون فيهما كثير من الناس الصحة والفراغ
وكذالك قال الله تعالى...قل ياعبادي لاتقنطو من رحمة الله
ومعنى ذالك ا نه على الاسان مهما كان ذكرا او انثى ان يقنع بما اعطاه الله ..لان ذالك هو نصيبه في هذه الحياة
وان يغتنم فرصة وجوده مع وجود الوقت وهذا لاستثماره في حفظ القران الكريم مثلا او دراسة ومطالعة كتاب مفيد
وهذ ا حتي لايترك باب الوسسة يسيطر عليه...
وعليك بكثرة الاستغفار لعل الله يفرج عليك ما انت فيه :dj_17:

[z.abdo]

راني حاس بيك أختي خصوصا مع الإحباط هذاك يتمنى الواحد ................ لهذا أنت تنامي كثيرا لكن الحمد لله احنا مسلمين ومحرم علينا هذا الشيء
لهذا حاولي كيف تنسي الماضي وفكري في المستقبل لأن الي قلتي عليه الحبيب هو كذالك دارك من الماضي وراه متزوج الحين حتى ولو مش مرتاح مع زوجته مثل ما قلت لكن لا تتمني أو تنتظري العودة كذالك لو يجيك الحين الخاطب تقوليلو على هذا الحبيب أو لا

إذا ما تخميش بزاف لأن راح تظري صحتك وإذا هلكتي صحتك راح يكون عندك مشكا آخر وهكذا تتعقد الأمور عليك وبعدها تصبحي تجري على صحتك وتتمناي باش ترجع صحتك برك

إذا تفائلي واحمدي الله على النعم التي انت فيها الحين ولا تفكير في الأحزان وكوني قوية واشغلي نفسك بذكر الله والقرآن والنوافل

لأن ما يحس بالجمرة غير الي كواتو

تقبلي مروري أختي واعملي بالنصائح

[مناد بوفلجة]

ندعوا الله أن يفرج عليك

[lilou f lilou a]

ندعوا الله أن يفرج عليك
وربي يسهلك أختي

[faty05]

اخرجي ديري تكوين صناعة حلويات او خياطة
و اشتغلي بيها خير ما تبقي تحزني علا حالك
ديري خطوة الاولى باقي الخطوات تتبعها
الله يفرج عليك

[جسور المحبة]

يا اختي تعلمي حوايج واخدميهم ششوفي كش وحدة تعرفيها ولا جاراتك تعلمي منهم واخدمي في داركم وبهذ الطريقة رح تملاي الفراغ تاعك وتنسايه شويا ورح تتعبي من الخدمة وترقدي من التعب خير ما ترقدي بالتخمام والحزن وربي يوفقك ويهنيك وتفرحينا وتقوليلنا راني مهنية

[أبوأنس2]

تحلي بالصبر واثقة بالله وتنقصكي الثقة بالنفس وانظر ي الى الدنيا والمستقبل ول تتر كي الدنيا تسود

[ريمة89]

السلام عليكم والله قريت قصتك وقاستني بزاف وحسيت بيك وبكل كلمة لراكي تكتبي فيها
اختي ماعندنا غير ربي هو اللي راح يفتحا في وجهك وحنا مالنا غير الدعاء وندعولك
بصح نقولك حاجة هدا ك الحبيب انساي امروا و كي تصيبي روحك ماتسقسيش عليه وماتحوسيش تعرفي اخباروا تما راكي تخطيتي اول حاجة باه تخرجي من هد القوقعة هو تزوج ومكتوب ربي قبل كلش ماتخلي حتى حاجة تقلل من روحك وماتخلي حتى نهار يفوت بلا ماتحققي منوا حاجة والله راح تندمي عليه وتفائلي خيرا واله ياختي ان مع العسر يسرا .

[عُضو مُحترم]

راكي تقضي

يعني راكي تفيدي داركم بحاجات لو كنتي تخمي او خارج البيت

ما كنتيش تفيديهم بيها

لا يوجد شخص آخر يقوم بما تقومين به


=====================

اما حبيبك السابق


ربي يهنيه

وانتي ربي رزقك الزوج الذي يستحقك

[Rima mimi25]

ربي يفرجها عليك و يرزقك بالزوج الصالح

[ام رحوقة]

ربي يفرج عليك اختي
لا تدعي نفسك في تلك القوقعة والله راح تهبلي
حاولي كما قال الاخوة من قبل ان تتعلمي بعض الاشغال اليدوية من هنا في المنتدى والله تلقاي روحك احسن
ولا اخرجي ديري ستاج ولا كملي الدراسة ولا دبري خدمة
المهم ماتخليش روحك هكاك

[الجواهر]

الفراق ليس نهاية الدنيا بل هو البداية من جديد
اخرجي من القوقعة التي احطت نفسك بها فالدنيا تفتح ذراعيها للجميع و كل واحد يعيشها بالطريقة التي يريدها , صحيح لا تمنحنا ما نريد و لكننا نتغلب عليها بالنسيان
و العمل و العبادة

[اسيل الحلوة]

الله يفرج عليك أختي ويرزقك بالزوج الصالح اللي خير منو
ربي يعوضك إن شاء الله
تقربي من الله وصلي النافلة

[شَمعة أملْ]

لا باس اختي الغاليةة
لا تشغلي نفسكي باشياءئ مثل هاذه
يجب ان تامني بالقضاء و القدر و الا فانت''كافرة'' لسمح الله
اشغلي نفسي بالخياطة و الطرز او المطالعة او النت و ان شاء الله ستنسين و اقرئي القران و ادعي الله و نحن ايضا سندعي لكي باذن الله
^_^

[دموع الوفاء]

السلام عليكم
أختي صدقيني عسى أن تكرهوا شيئا وهو خير لكم
وعسى أن تحبوا شيئا وهو شر لكم

أختي كل أمر يحدث لنا في هذه الحياة إلا وفيه حكمة يعلمها الله تعالى
وبالتالي لابد لك من تقبل واقعك ومحاولة تخليص نفسك من القوقعة التي أنتي فيها وكسر الروتين الذي يخنقك،،،

ففي معنى الحديث قال حبيبنا المصطفى
عليه أفضل الصلوات والسلام،،،
عجيب أمر المؤمن ،،،(إن أمره كله له خير)،،،
إن أصابه خير شكر وإن أصابه مكروه صبر،،،

وبالتالي لا تستسلمي أختي لابد من مخرج لكل مشكل،،،
فقط عليك فتح باب الإيمان بالقضاء والقدروتقوية إيمانك،،،
بعدها ستفتح كل الابواب التي كانت مغلقة،،،

حاولي أن تنظري للناحية الإيجابية
ولا تنقصي من الدور الذي تقومين به في المنزل
من أعمال تنظيف وما إلى ذلك،،،
فهذا في حد ذاته قيمة مضافة ولربما هو أحسن وأصون لك
من الخروج خارج المنزل والاحتكاك بعالم خارجي قد يقلل
من شأنك واحترامك باي شكل من الاشكال،،،،

أمر أخر من ترك شيئا لله عوضه خير منه
يعني انتي ابدأي حياة جديدة وانسي ماضيك
وعيشي حياة جديدة منفصلة عن أخطاء الماضي
وسوف يرزقك الله ان شاء الله بالبديل،،،

وحطيها في بالك ماكان حتى واحد يقدر يحس بيك
ولا يقسم معاك الألم اللي تعانيه من غير الله تعالى
وبالتالي لا تنتظري ممن هم من حولك أن يحسوا بكل نقطة ألم منك
فقط أنتي عامليهم بالحسنى وخلي علاقتك بالله تعالى خاصة،،،

وكما قالوا الأخوة الروتين اقتليه قبل ان يقتلك
يعني اشغلي نفسك باي شيء ممكن يبانلك ماهوش مفيد
أو يبانلك مضيعة للوقت
ولكن يقولوا**كل ما يرفع ينفع** يعني اي حاجة اي اشغال يدوية
اي امر تقدري تتعلميه في الدار ماتبخليش على نفسك بيه
اتعلميه على خاطر راكي في فترة ذهبية وين عندك وقت فراغ
ويجي النهار وين تصيبي الفائدة نتاعو
وخصي وقت احفظي القرآن ولوكان اية ولا 2 في النهار
خير من والو.......
على خاطر الوقت هذا يجي النهار وين يسألنا ربي عليه وين قضيناه!!!


صدقيني اختي انا اجبتك من منطلق التجربة
ومش اي كلام .....وربي يفرج عليك ويفرج علينا وعلى كل فتاة مسلمة
آمين يارب
سلام

[بني بلعيد]

أختاه إحذري من الفراغ فإنه آفة المؤمن إن أصابه قضى عليه .

[معجزة الاكوان]

صلي في الثلث الاخير من الليل وادعي ربي يفرج عليك
ثاني متخميش بزاف طولت ولى قصرت رايحة رايحة عليك الغمة ملا شوفي لبعيد
اقراي كتابات وتعلمي كاش متي خياطة ولى تكوين مربيات في رياض الاطفال
اقراي كتابات على تربية الاطفال باش فالمستقبل تخرجي اولاد عظماء

[روان اسلام]

الله يفرج همك و يرزقك الزوج النقى التقى.

[التوليب الجميلة]

يا اختي ربي يفرج عليك ان شاء الله mais اختي انا تاني صراتلي كيما انت و كرهت حياتي بزاف mais دوكا الحمد الله كول ما نتفكر نستغفر ربي و ندعيه يفرج عليا و نتفكر القول"قدر الله و ما شاء فعل" كلشي بالمكتوب اختي ما تنسايش بلي كاين ربي و عسى ان تكرهوا شيئا و هو خير لكم.

[أم محمد و آيه]

الله يستر عليك ويعطيك على حساب قلبك ان شاء الله